حتى الامراض والاوبئة اسرار عسكرية

[Eng_hatemfathy]

لا تزال الدولة تصر على التعامل مع اى مرض او وباء على انه سر حربى يجب اخفاؤه
وبدلا من ان تتعامل مع المرض او الوباء وتنصح المواطنين باليات الوقاية تقوم بنفى الموضوع وتركز عملها ف اخفاء الامر
هل انفلونزا الخنازير عيب او قباحة يجب ان يتم التكتم عليها !!!!
اذا كان هناك وفيات ومنهم اطباء فمتى نعلم الحقيقة وكيف وهل ساعتها سيصلح علاج
وهل العلاج للازمات سوف يستمر بطريقة امنية كما هو الحال فى التعامل مع كل القضايا المجتمعية
وهل التعلل بان كل هذه الحالات ما هى لا انفلونزا موسمية -فمتى كانت انفلونزا الشتاء قاتلة !!!!
زخات الرصاص تحاصرنا وزخات الكذب تزكم الانوف

[mahmoudysf]

أمين صندوق نقابة الأطباء وفاة أربعة أطباء وحالة طبيب اخرى مستعصية بفيروس "انفلونزا الخنازير".

فى مداخلة هاتفية مع برنامج غرفة الأخبار مع الاعلامية دينا عبدالرحمن على فضائية " سي بي سي إكسترا " صرح د. خالد سمير - امين صندوق نقابة الأطباء - وفاة اربع أطباء بفيروس انفلونزا الخنازير - حتى الان - و ان هناك حالة طبيب اخر بقصر العيني وصل إلى حالة مستعصية.

وأعرب أمين صندوق نقابة الأطباء عن أسفه بسبب إطلاق وزارة الصحة اتهامات كاذبة في وجه الأ...طباء المتوفين.

و أكد انه على وزارة الصحة ان تقوم بإعلام المجتمع بأن هناك اشتباها في هذه الحالات، موضحًا أنه يجب اتخاذ إجراءات مشددة لمقاومة المرض ، و انه يجب عمل غرف عمليات لحصر المرض وعلاجه .

واختتم أمين صندوق النقابة تصريحاته ، مؤكدًا أنه يجب الإعلان بشكل تدريجي للشعب المصري بوجود هذا المرض وانتشاره، موضحًا أنه من حق الشعب معرفة المعلومات التي تخص تفشي المرض بشفافية

[salodas]

إنا لله وإنا إليه راجعون

[samakaerror]

إنا لله وإنا إليه راجعون
بلد مش بانلها قومة !!

[محمد اسلام]

علشان كده بقى اجلوا المدارس ....

[Imhotep]

لاننا بلد عشرية. . . الفيروس اللى بيدخل ما بيطلعش و بيتوطن. . . من اول انفلونزا الطيور اللى الناس كانت بتخبى الفراخ العيانة تحت السرير لحمايتها من الاعدام و انتهاء بانفلونزا الخنازير اللى الخنازير اندبحت لكن سابته عايش معانا و متوطن كمان. . . و اصبح احد فيروسات الانفلونزا الموسمية العادية. . . و على فكرة الفيروس نفسه مش مميت لكن اللى ممكن يبقى مميت هو مضاعفاته زى الالتهاب الرئوى و ده لما الفيروس يصيب الناس اللى مناعتها ضعيفة او عندها مشاكل فى الجهاز التنفسى و غيره. . . و الوقاية منه بسيطة زيها زى اى فيروس بالبعد عن المسببات و الحرص من المرضى بالبعد عنهم بمسافة مناسبة و الامتناع عن العادات الاجتماعية اللى ملهاش لازمة زى التقبيل عند لقاء شخص بعد فترة كتعبير عن افتقاده. . . لكنها قبلات قد تكون قاتلة فملهاش لازمة يعنى لازم نغير برضه من عاداتنا منعا للعدوى

[Medicalist]

الفساد فى البلد دى اكبر واقوى من اى شىء

[mahmoudysf]

انا مش عارف ايه التعتيم ده
النهاردة صرح وكيل وزراة الصحة ان حالات الوفاه وصلت 16 وان فيه 160 محتجزين للاشتباه في الاصابه
امتى هيعالجو المشكلة ويواجهوها قبل فوات الاوان عن طريق حملة توعية ضخمة في وسائل الاعلان
ولا دي كمان محتاجة تفويض
حاجة اخر ارف

[mahmoudysf]

لاننا بلد عشرية. . . الفيروس اللى بيدخل ما بيطلعش و بيتوطن. . . من اول انفلونزا الطيور اللى الناس كانت بتخبى الفراخ العيانة تحت السرير لحمايتها من الاعدام و انتهاء بانفلونزا الخنازير اللى الخنازير اندبحت لكن سابته عايش معانا و متوطن كمان. . . و اصبح احد فيروسات الانفلونزا الموسمية العادية. . . و على فكرة الفيروس نفسه مش مميت لكن اللى ممكن يبقى مميت هو مضاعفاته زى الالتهاب الرئوى و ده لما الفيروس يصيب الناس اللى مناعتها ضعيفة او عندها مشاكل فى الجهاز التنفسى و غيره. . . و الوقاية منه بسيطة زيها زى اى فيروس بالبعد عن المسببات و الحرص من المرضى بالبعد عنهم بمسافة مناسبة و الامتناع عن العادات الاجتماعية اللى ملهاش لازمة زى التقبيل عند لقاء شخص بعد فترة كتعبير عن افتقاده. . . لكنها قبلات قد تكون قاتلة فملهاش لازمة يعنى لازم نغير برضه من عاداتنا منعا للعدوى

كل ده كلام ممتاز ونصائح جيدة
لكن هنعمل ايه في اتوبيس النقل العام اللي راكب فيه 600 نفر
وكل واحد بياخد شهيق من زفير التاني لو فيه واحد بس مصاب هيبقى ايه الحل

[Imhotep]

كل ده كلام ممتاز ونصائح جيدة
لكن هنعمل ايه في اتوبيس النقل العام اللي راكب فيه 600 نفر
وكل واحد بياخد شهيق من زفير التاني لو فيه واحد بس مصاب هيبقى ايه الحل

فى يوم من سنة 1995 كنت فى المتحف المصرى. . . و شوفت المنظر ده لاول مرة فى حياتى. . . واحد يابانى حاطط كمامة على مناخيره و بقه. . .استغربت جدا. . . و شوية لقيت واحد كمان. . . الفضول قتلنى اعرف السبب. . . فسألت واحد منهم عن سبب الكمامة. . . قالى انه جاى و الجو فى بلده صيف. . . و كان عارف ان الجو فى التوقيت ده فى مصر شتا. . و لان من عاداتهم ان اللى يجيله برد يحط الكمامة دى عشان ميعديش غيره. . . فكان عامل حسابه و عامل حساب احتمال انه يجيله برد و جايب كماماته معاه !!!!!! طبعا ممكن تتخيل الصدمة الحضارية اللى حصلتلى ساعتها من اد ايه الناس دى متحضرة و حريصة على غيرها. . .
احنا كمان لما الموضوع يدخل فى الجد لازم نغير عاداتنا. . . حتى لو ال 600 نفر فى الاتوبيس كلهم لبسوا كمامات. . . هيبقى المنظر غريب فى البداية. . . بس الناس مع الوقت هتفهم و تتعود لانه يا روح ما بعدك روح

[mahmoudysf]

فى يوم من سنة 1995 كنت فى المتحف المصرى. . . و شوفت المنظر ده لاول مرة فى حياتى. . . واحد يابانى حاطط كمامة على مناخيره و بقه. . .استغربت جدا. . . و شوية لقيت واحد كمان. . . الفضول قتلنى اعرف السبب. . . فسألت واحد منهم عن سبب الكمامة. . . قالى انه جاى و الجو فى بلده صيف. . . و كان عارف ان الجو فى التوقيت ده فى مصر شتا. . و لان من عاداتهم ان اللى يجيله برد يحط الكمامة دى عشان ميعديش غيره. . . فكان عامل حسابه و عامل حساب احتمال انه يجيله برد و جايب كماماته معاه !!!!!! طبعا ممكن تتخيل الصدمة الحضارية اللى حصلتلى ساعتها من اد ايه الناس دى متحضرة و حريصة على غيرها. . .
احنا كمان لما الموضوع يدخل فى الجد لازم نغير عاداتنا. . . حتى لو ال 600 نفر فى الاتوبيس كلهم لبسوا كمامات. . . هيبقى المنظر غريب فى البداية. . . بس الناس مع الوقت هتفهم و تتعود لانه يا روح ما بعدك روح

طيب تصدق رغم ان الكامة دي مش هتعمل حاجة في كتل البشر في الموصلات
لاكن اهي حل من الحلول وتحد من انتشار الفيرس
والناس متعودة على كدة في كوكب اليابان لان هناك فيه توعية وتدريبات على مواجهة هذه الامور
انما قولي حكومتنا الرشيدة رغم اعترافاتها اخير بموت ناس وناس مصابة
ايه حملة التوعية اللي عملتها في وسائل الاعلام او في امكان العمل او لافتات في الشوارع
امنع وقوع كارثة انسانية
ولا كل اللي عملوه ان وزير التعليم مد الاجازة وبيقولك السبب عشان لم شمل الاسرة

[Ahmed_Adham]

بلدنا مفيهاش مسئول بيتحمل المسؤوليه.

[m3_dolphen]

وكل واحد بياخد شهيق من زفير التاني

هههههههههههههههههههههههههههههههههههههه اوجزت فأنجزت

[Imhotep]

طيب تصدق رغم ان الكامة دي مش هتعمل حاجة في كتل البشر في الموصلات
لاكن اهي حل من الحلول وتحد من انتشار الفيرس
والناس متعودة على كدة في كوكب اليابان لان هناك فيه توعية وتدريبات على مواجهة هذه الامور
انما قولي حكومتنا الرشيدة رغم اعترافاتها اخير بموت ناس وناس مصابة
ايه حملة التوعية اللي عملتها في وسائل الاعلام او في امكان العمل او لافتات في الشوارع
امنع وقوع كارثة انسانية
ولا كل اللي عملوه ان وزير التعليم مد الاجازة وبيقولك السبب عشان لم شمل الاسرة

صدق انت او لا تصدق. . . ان الحماية الوحيدة من اى عدوى عن طريق الجهاز التنفسى هى حاجتين. . . الكمامة دى و مطهرات الايدى. . . الموضوع ده انا قتلته بحثا مع ظهور انفلونزا الطيور من سبع سنين. . . و هى دى الخلاصة. . . انك تمنع العدوى بعمل mechanical barriers او موانع بينك و بين وصول الفيروس ليك و اهمها الكمامة و ترك مسافة بينك و بين الشخص العيان. . . اما مطهرات الايدى فلأنه ثبت ان تلوث الايدى هو المصدر الاول للعدوى. . .

بالنسبة للتوعية. . . طبعا كعادتنا متأخرين بس انا شوفت امبارح المتحدث بأسم وزارة الصحة بيشرح ان الفيروس خلاص مشرف و مأنس معانا خلاص و بقى من فيروسات الانفلونزا الموسمية اللى هنشوفها كل سنة. . . و قال كلام زى اللى انا كتبته عن الحرص من العدوى و الكلام ده. . . بس الفكرة اعتقد انهم مش عايزين من دلوقت يتكلموا على مرحلة الكمامات عشان عدم اثارة الفزع بين الناس خاصة اللى مش متعلمة مع انها حاجة بسيطة بس كون ان احنا مش متعودين عليها فده هيخلى دماغ الناس تودى و تجيب و اللى يقولك ده مش مجرد انفلونزا و اللى يقولك كمامة ايه و كلام فاضى ايه. . . ياريت كان فى سياحة كان حد راح صور الراجل اليابانى فى المتحف كان هيلاقى منهم كتير بكمامات :-) بس برضه مش مشكلة لان صورة واحدة للشتا فى اليابان لما تلاقى الناس كلها فى الشارع بكمامات كفيلة انها توضح ازاى الناس بتتصرف فى الكواكب الاخرى :-)

[تامر.محمد]

بلدنا مش مهم فيها ان حصل المصيبة الفلانية
المهم ان ده ما يتقالش

و ده مش جديد , ده القديم