عايز شقة لعيادة و محتار...

[mohammed fayed]

السلام عليكم يا جماعة..

أنا ناوي بإذن الله أنقل للقاهرة و أفتح عيادة و أستقر.. و محتار بين كذا منطقة...

يعني أنا عايز أفتح عيادة في منطقة تكون "وسط" مش عالية قوي أو شعبية قوي... عشان طبعا الإيجار ميكونش غالي و في نفس الوقت المنطقة اللي هتبقى في العيادة تكون كويسة.. و طبعا المواصلات شغالة..

في ناس قالولي على حدائق المعادي بس أنا معرفش الإيجارات هناك بكام و إيه الشوارع أو المناطق الحلوة فيها ؟ و ناس ثانية بيقولوا فيصل أو الهرم كويسين..

يا ريت متبخلوش عليا برأيكم... شارع إيه أو منطقة إيه اللي ترشحوهالي سواء في فيصل أو الهرم أو حدائق المعادي ؟
و أسعار الإيجار كام ؟

و لو في منطقة ثانية غير الثلاثة دول مش مشكلة.. يا ريت ترشحوهالي... و شكراً ليكم مقدما...

[new_man]

عندك شبرا مصر فى شارع شبر ا الرئيسى فى شبرا مصر منطقه وسط وتقدر تقول اول خطوه فى المناطق الراقيه
رنج ايجار جديد فى برج طبعا 2500 او 3000
مصر الجديده من 5000 لفوق
الزيتون سليم الاول والحاجات دى معاك من 2000 ل 2500

[aboomar22]

ممكن فيصل منطقة الطوابق مناسبة كثافة سكانية كبيرة جدا والشوارع الرئيسية فيها مناسبة للعيادات متوسط الايجار 800 --1500 حسب الموقع والمساحة--او الهرم منطقة الطالبية وعثمان محرم حيوية جدا وبالتوفيق ان شاء الله هو تخصص حضرتك ايه

[mohammed fayed]

عندك شبرا مصر فى شارع شبر ا الرئيسى فى شبرا مصر منطقه وسط وتقدر تقول اول خطوه فى المناطق الراقيه
رنج ايجار جديد فى برج طبعا 2500 او 3000
مصر الجديده من 5000 لفوق
الزيتون سليم الاول والحاجات دى معاك من 2000 ل 2500

شكراً يا أستاذ new_man بس الإيجار في المناطق دي كده هيبقى غالي عليا شوية..
يعني أنا لحد 1500 ماشي.. أكثر من كده هيبقى صعب..

[mohammed fayed]

ممكن فيصل منطقة الطوابق مناسبة كثافة سكانية كبيرة جدا والشوارع الرئيسية فيها مناسبة للعيادات متوسط الايجار 800 --1500 حسب الموقع والمساحة--او الهرم منطقة الطالبية وعثمان محرم حيوية جدا وبالتوفيق ان شاء الله هو تخصص حضرتك ايه

كلام جميل جداً... شكراً يا باشا.. :)

و أنا "طبيب أسنان"..

------
و بالمناسبة و أنا بدور لقيت شقة قريبة من كارفور المعادي و لسه هروح أشوفها - إن شاء الله- أول دور و إيجارها 1500...
رأيكم في المنطقة دي إيه ؟

[ehab]

هاقول رأي
اعتقد الافضل التوجه للمدن الجديدة عشان الاطباء مش كتير هناك و كمان مستوي الايجارات في متوسط الرقم الي حضرتك قلته

[Secret-Man]

المدن الجديده او عمارات مايو اول طريق النصر بمدينه نصر كلها عيادات وشركات ومنطقه حيويه جدا والايجارات بتبدى من 1500 ل حد 2000

[aboomar22]

انا رايى ان طالما دى البداية فى القاهره يبقى ابدء فى منطقة شعبى او وسط والمناطق الجديدة ممكن تكون مستقبلا البداية فى المناطق الوسط اسهل من البداية فى مناطق راقية او جديدة وكل واحد عنده طبيب بيتعامل معاه وواخد عليه الا لو اعتمدت على التعاقدات من شركات التامين الطبى او التعاقد المباشر مع الشركات-- يمكن انا لان مجال عملى قريب (معامل التحاليل ) فعندى فكرة بالسوق شوية

[mohammed fayed]

هاقول رأي
اعتقد الافضل التوجه للمدن الجديدة عشان الاطباء مش كتير هناك و كمان مستوي الايجارات في متوسط الرقم الي حضرتك قلته

مدن جديدة زي إيه طيب ؟ ممكن أسامي ؟

[mohammed fayed]

المدن الجديده او عمارات مايو اول طريق النصر بمدينه نصر كلها عيادات وشركات ومنطقه حيويه جدا والايجارات بتبدى من 1500 ل حد 2000

ممكن... بس فين في المدن الجديدة ؟

[mohammed fayed]

انا رايى ان طالما دى البداية فى القاهره يبقى ابدء فى منطقة شعبى او وسط والمناطق الجديدة ممكن تكون مستقبلا البداية فى المناطق الوسط اسهل من البداية فى مناطق راقية او جديدة وكل واحد عنده طبيب بيتعامل معاه وواخد عليه الا لو اعتمدت على التعاقدات من شركات التامين الطبى او التعاقد المباشر مع الشركات-- يمكن انا لان مجال عملى قريب (معامل التحاليل ) فعندى فكرة بالسوق شوية

مهو أنا بدوّر على منطقة وسط... و المناطق الراقية أكيد صعب دلوقتي.. مش من أول خطوة..
بس المدن الجديدة زي إيه مثلاً ؟

[r0xer]

مدن جديدة وشغالة ومحتاجة دكاترة وتبني اسمك وتبقى مشهور لانك كنت من اوائل الدكاترة هناك.

زي حدائق الاهرام
الشروق

دول من احسن المدن اللي فيها ناس من كل الفئات والدكاترة هناك مش كتار...

[ehab]

مدن جديدة زي إيه طيب ؟ ممكن أسامي ؟

ممكن التجمع الاول
او التجمع التالت
الشروق
الاماكن دي فيها مستوي قريب من الي حضرتك بتقول عنه
و فيها كتير مساكن عمارات مش فيلات

[mohammed fayed]

مدن جديدة وشغالة ومحتاجة دكاترة وتبني اسمك وتبقى مشهور لانك كنت من اوائل الدكاترة هناك.

زي حدائق الاهرام
الشروق

دول من احسن المدن اللي فيها ناس من كل الفئات والدكاترة هناك مش كتار...

ممكن... هحاول أشوف هناك... ربنا يسهّل..

[mohammed fayed]

ممكن التجمع الاول
او التجمع التالت
الشروق
الاماكن دي فيها مستوي قريب من الي حضرتك بتقول عنه
و فيها كتير مساكن عمارات مش فيلات

التجمع الأول أو الثالث ... قصدك في مدينة نصر ؟ معلش اعذرني لجهلي..

و هحاول أشوف في الشروق... ربنا يسهّل