عايز شقة لعيادة و محتار...

[mohammed fayed]

نقطة مهمة..

أنا لقيت شقة موجودة بمنطقة الهضبة الوسطى في الحي السادس في قريبة من كلية الصيدلة اللي تبع الجامعة الحديثة و أرضي مرتفع و بـ 1500 و مساحتها حلوة... رأيكم إيه في المنطقة دي ؟ أنا أعرف إنها منطقة جديدة.. هل هي لسه فاضية ولّا الواحد يتوكّل على الله و يروح يشوفها ؟ أنا احتمال كبير قوي أروح أشوفها يوم الأحد -إن شاء الله-

و نقطة ثانية :

لقيت شقة في حدائق المعادي في شارع حسنين دسوقي الرئيسي "على الشارع على طول" و دور أرضي مرتفع و إيجارها 1500... و دي هشوفها يوم الأحد كمان -إن شاء الله-..

----
الواحد يفتح في مكان جديد و يبقى من أوائل الدكاترة اللي اشتغلوا فيه أحسن ولّا يفتح في مكان مزحوم و عليه ضغط و أهي تمشي... رأيكم إيه ؟

[aboomar22]

حسنين دسوقى شارع حيوى جدا وقريب جدا للمترو ---موقع الحى السادس معرفوش حضرتك روح اتفرج على الاثنين الاول وربنا يسهلك اللى فيه الخير

[mohammed fayed]

حسنين دسوقى شارع حيوى جدا وقريب جدا للمترو ---موقع الحى السادس معرفوش حضرتك روح اتفرج على الاثنين الاول وربنا يسهلك اللى فيه الخير

فعلا الشارع قريب من المترو و زحمة جدا... أنا كنت هناك يوم الأربعاء بس محصلش نصيب في إني أشوف الشقة... المشكلة إنه مليااااااان عيادات أسنان.. :) :)

و بخصوص الحي السادس أنا هشوف المنطقة و ربنا يسهّل -إن شاء الله-....

[ehab]

التجمع الأول أو الثالث ... قصدك في مدينة نصر ؟ معلش اعذرني لجهلي..

و هحاول أشوف في الشروق... ربنا يسهّل

التجمع الاول و التالت في القاهرة الجديدة
و في رأي يا دكتور الافضل المدن الجديدة افضل من الاماكن المزدحمة
لان في المناطق الي تعتبر زحمة كل واحد بيروح لدكتور يعرفه او حد من جيرانه و اصحابه يعرفه
لكن المدن الجديدة هتكون افضل لاكتر من سبب
شغل الاسنان بياخد كذا زيارة و بالتالي الافضل هيكون القريب من مكان
التنافسية اقل عشان العدد مش كتير و اعتقد بالاخص الاسنان قليلين
و برده حضرتك ممكن تلاقي سكن جنب العيادة بسعر كويس و تبقي جنب شغلك و بعيد عن الزحمة

[mohammed fayed]

التجمع الاول و التالت في القاهرة الجديدة
و في رأي يا دكتور الافضل المدن الجديدة افضل من الاماكن المزدحمة
لان في المناطق الي تعتبر زحمة كل واحد بيروح لدكتور يعرفه او حد من جيرانه و اصحابه يعرفه
لكن المدن الجديدة هتكون افضل لاكتر من سبب
شغل الاسنان بياخد كذا زيارة و بالتالي الافضل هيكون القريب من مكان
التنافسية اقل عشان العدد مش كتير و اعتقد بالاخص الاسنان قليلين
و برده حضرتك ممكن تلاقي سكن جنب العيادة بسعر كويس و تبقي جنب شغلك و بعيد عن الزحمة

وجهة نظري قريبة منك في النقطة بتاع التنافسية دي.. :)
أنا -إن شاء الله- يوم الأحد هروح أشوف الشقة اللي جنب الجامعة الحديثة و هشوف كمان الشقة اللي في حدائق المعادي... و ربنا يسهّل.. ممكن أبقى أدور على حاجة في القاهرة الجديدة أو الشروق لأني لقيت السعر هيبقى كويس مش وحش..

----------
شكرا ليكم يا جماعة على المجهود و الله.. ربنا يكرمكم..