تجربة الفلوماك بديل بلونة المياه والاوتوماتك بتاع متور المياه

[m.farouk]

انا عندى متور كالبيدا واحد حصان تحضير ذاتى بالبلونة والاوتوماتك وانا فى الدور الرابع من فتره بقى بيفضل شغال على طول ومبيفصلش بالرغم انى مفيش حاجة مفتوحة وممكن يفضل كده لاكتر من ساعة وبعدين يفصل وضغط المياة لم تفتح الحنفية بيبقى جامد جدا والغريب انى احيانا وانا فاتح الحنفية يفضل فاصل لحد لم الحنفية تقطع مياه خالص وبعد حوالى دقيقة بدون مياة يشتغل تانى وهكذا والبلونة مليانة هواء ولم بيشتغل المياة بتبقى قوية جدا ومش بتضعف وتقوى انا جبت سباك النهارده علشان يشوفوا من غير ميجرب حاجة بس بعد مسمع منى الكلام الى انا كتبوا ده قالى العيب فى الاوتوماتك عوز واحد تانى وقالى فى 30 جنية وواحد ب110 جنية وبعدين قالى احسنلك تجيب الفلوماك او بامب كنترول فكنت عوز اعرف مين فيهم الافضل والاحسن ولو فى حاجة تانية افضل تنصحنى بيها ياريت واجيب الحاجة منين واحسن الانواع وعلى فكره الاتوماتك الموجود حاليا هو الايطالى الاصلى وهو ده الى جة مع الجهاز بس هو صعب فى ظبطة فلو فى حاجة اسهل ياريت تقولى عليها
اولا الف شكر على النصيحة للاستاذGelgel2004 انا ركبت الفولوماك وكلة تمام الحمدلله وركبت الفلتر الاسود الى حضرتك قولت علية انا جبتة من شركه النيلين زى ما قولتلى فى الاول جبلى نوعين تانين مع انى ورتلة صورتة وكان فى نوع اسبانى بحشوه بلستك برضوا ولم اصريت دخل دور وجابة كنت عوز اعرف طريقة تنظيفة انا فتحتة شوفت حشوه بلستك لونها احمر هل هة دى بتتخلع وتتنظف واذاى انا حولت اخرجه لقتها مسكة فى حاجة


الاسود احسن من الاسبانى و الحمد لله
مجرد انك تعمل محبس فبل و محبس بعد
عند التنظيف تقفل المحبسين
تفك الجزء اللى تحت و ترااعى عند الفك اويل سيل اللى مابين الجزئين مينطش منك او يقع
عندك طريقتين بعد كده
1/ بلراحة تشد البلاستيك الاحمر لى تحت
2/ تسيبه زى ماهو
3/ تفتح المحبس اليمين حبه صغيرين علشان يمرر ميه من اللى جاية من العداد و تشطف بيها الكوز او الجزء اللى تحت و المرشحات البلاستيك الحمرا
4/ تقفل المحبس و تركب الكوز اللى تحت و الاويل سيل
5/ تفتح المحبسين للاخر و ترجع توصل الكهرباء للفلوماك

[m.farouk]

الفلوماك اسموا BRIO 2000-M سعروا 280 جنية وبعد الفصال 270 من شركة الاكرمين
وده الرابط : Italtecnica srl - BRIO 2000-M

وده مميزاتة:
1-بيشتغل اول متفتح الحنفية بعدها ب10 ثوانى
2-وبيفصل بعد متقفل الحنفية بعدها ب 30 ثانية تقريبا
3-لو المياه قطعت بيفصل كهرباء عن المتور بعدها ب7 ثوانى
4-بيعيد تشغيل المتور كل 15 دقيقة فى حالة ولم المياة قطعت لوحده لحد مترجع ويشتغل ولو مرجعتش بيفصل تانى لمده 15 دقيقة ودى ميزه مش موجوده فى الموديل الى قبلة كان لو فصل علشان المياه قطعت لازم تنزل وتدوس على زرار reset بنفسك
5-ضغط المياه بتاعوا قوى جدا ما شاء الله

عيوبة:
1-مفيش تحضير مياه زى البلونة بس اول لم تفتح الحنفية مفيش ثوانى وتلقى المياه جت بقوه
2-لازم يكون كل الحنفيات الى فى البت سلمية وحنفيات السيفون لانى لو فى تسريب هيفضل شغال على طول
ده الى انا فكروا لحد دلوقتى لو افتكرت حاجة تانية هكتبها

[طارق _عبد السلام]

بجد الفلوماك ده اخترااااااااااااع
بس اللى عندى مختلف فى الشكل والنوع
وشغال زى الفل ماشاء الله(صينى جايبه من 3 سنين)
بالنسبه لموضوع التحضير لو حبيت تعمله من الطبه الموجوده فى الموتور نفسه
ومن ناحيه لو المياه قطعت لان الموديل اللى عندى القديم بطفى زرار الموتور واشغله تانى يشتغل عادى

[fepsceasar]

كان عندى فلوماك كويس جدا ويغنيك عن وجع القلب بتاع الباالونة والاوتوماتيك قعد معايا حوالى سنتين ونص وباظ (الموتور ما عدش بيفصل) لان شكلهم كده لهم عمر افتراضي
السباك ركب بالونة بيقولي تيوبلس (مالهاش كفر داخلى) وكويسة ..جبتها وخلاص لان ما كنش فية دماغ الف ساعتها
عموما اختراع الفلوماك ده معقول جدا بالنسبة لتمنه بس ما يتهياليش له صيانه بياخد عمره الافتراضى ومع السلامة

[m.farouk]

بجد الفلوماك ده اخترااااااااااااع
بس اللى عندى مختلف فى الشكل والنوع
وشغال زى الفل ماشاء الله(صينى جايبه من 3 سنين)
بالنسبه لموضوع التحضير لو حبيت تعمله من الطبه الموجوده فى الموتور نفسه
ومن ناحيه لو المياه قطعت لان الموديل اللى عندى القديم بطفى زرار الموتور واشغله تانى يشتغل عادى

فين الطبة دى تاى تظبط التحضير

[A.Saad]

ممكن صور للنوع الكويس او رابط المشاركة

[m.farouk]

ممكن صور للنوع الكويس او رابط المشاركة

الرابط موجود فى المشاركة التانية

[A_H_M_A_D]

انا قرفت فعلا من كتر تغيير البلالين و الاوتوماتيك , ونفسي في حل جذري زي ده

[himabmw]

بالونة تيوبلس ياريت الاخ الى استخدمها يقولنا مواصفتها وانواعها واسعارها واماكن البيع ولكم جزيل الشكر

[طارق _عبد السلام]

فين الطبة دى تاى تظبط التحضير

المسمارين الموجودين باعلى الرأس على الشمال استخدم المسمار الكبير هو بيحتاج مفتاح 17
بتعبى الميه فيه او بتاخد منه الهواء

[طارق _عبد السلام]

انا قرفت فعلا من كتر تغيير البلالين و الاوتوماتيك , ونفسي في حل جذري زي ده

هات الفلوماك وانسى موضوع البالونه
وهتنسى كمان ان عندك موتور

[A.Saad]

الرابط موجود فى المشاركة التانية

قصدى على الفلتر مش الفلوماك

[m.farouk]

قصدى على الفلتر مش الفلوماك

http://www.nileup.com//uploads/images/domain-f6529b2749.jpg

[Merooxx]

المسمارين الموجودين باعلى الرأس على الشمال استخدم المسمار الكبير هو بيحتاج مفتاح 17
بتعبى الميه فيه او بتاخد منه الهواء

[kar!m]

هو بكام الفلوماك ده؟