تجربة الفلوماك بديل بلونة المياه والاوتوماتك بتاع متور المياه

[m.farouk]

هو بكام الفلوماك ده؟

ب280 وفى نوع 260

[Gelgel2004]

كان عندى فلوماك كويس جدا ويغنيك عن وجع القلب بتاع الباالونة والاوتوماتيك قعد معايا حوالى سنتين ونص وباظ (الموتور ما عدش بيفصل) لان شكلهم كده لهم عمر افتراضي
السباك ركب بالونة بيقولي تيوبلس (مالهاش كفر داخلى) وكويسة ..جبتها وخلاص لان ما كنش فية دماغ الف ساعتها
عموما اختراع الفلوماك ده معقول جدا بالنسبة لتمنه بس ما يتهياليش له صيانه بياخد عمره الافتراضى ومع السلامة

ممكن تسيبهولى و ابص لك عليه
ان كان ممكن اصلحه
تحياتى

[esam_refaat]

انا فهمت من النقاش ان الفلوماك ماينفعش يركب فى عمارة فيها 12 شقة طبعا لان لو فيه كومبنيشن بيفوت كده الموتو مش هيفصل
حاجة كمان انا فى منطقة فيصل والمياه بتقطع من الشارع لبعض الفترات ومتدخلش البيت الا بسحب قوى من الموتور ولان الفلوماك مش هيلقط الا لو المياه وصلاله يبقى كده عمره ماهيلقط
هل الكلام ده صح ؟

[mk3]

يا جماعه سؤال بعد اذنكم
انا عندى البالونه العادية والاتوماتيك
لكن لازم اشغل الموتور من الكهرباء عشان استخدمه وافصله كهرباء اما اخلص وده بسبب قوه اندفاع المياه اللى بتخلى كل حنفيات البيت تفتح ويظل شغال على طول !!!
ملحوظه من اول ما جبناه وهو كده

[khalayden]

معلهش ممكن عنوان شركة الاكرمين او رقم تليفونها او اى شركة بتبيع الفلوماك ده brio 2000-m فى مدينة نصر او مصر الجديدة و لكم جزيل الشكر

[HISHAM80]

يا جماعه أنا عندي مشكله في فلومك أنا ساكن في الدور التاسع وركبت موتور 1 حصان مع فلوماك كالبيدا الميه قويه بس فلومك بيفصل الموتور بس مبيشغلش الموتور مع فتح الحنفيه جربت أغير setting مفيش فايده والسباك معرفش يظبطه مع العلم أن ده تاني واحد اشتريه كان عندي واحد ايطالي برضه قعد 3 سنين بس كان يفصل بس وأنا سبته حمايه هل في حل خصوصا الوضوع مزعج مع الغساله أوتوماتيك

[hssn]

يا جماعه أنا عندي مشكله في فلومك أنا ساكن في الدور التاسع وركبت موتور 1 حصان مع فلوماك كالبيدا الميه قويه بس فلومك بيفصل الموتور بس مبيشغلش الموتور مع فتح الحنفيه جربت أغير setting مفيش فايده والسباك معرفش يظبطه مع العلم أن ده تاني واحد اشتريه كان عندي واحد ايطالي برضه قعد 3 سنين بس كان يفصل بس وأنا سبته حمايه هل في حل خصوصا الوضوع مزعج مع الغساله أوتوماتيك

اشتري نوع compact 2 max دا ممكن يجيب حتي ارتفاع 40 متر وركبه ولف مسمار التحكم ف الضغط ناحية اليمين كتير وجرب افتح واقفل الحنفية لحد ما تظبط معاك وان شاء الله هتظبط انا مجرب لاني ف نفس الدور ف عمارتي وبالتوفيق

[ميدو267]

الاخوه الاعزاء عند عطل الفلوماك يكون المجموعه الكهربائيه هى السبب ويتم تيغيرهها ويعود الفلوماك لللعمل وكانه جديد ونباع المجموعه عند شركة العمده بشارع نجيب الريحانى

[طارق _عبد السلام]

اشتري نوع compact 2 max دا ممكن يجيب حتي ارتفاع 40 متر وركبه ولف مسمار التحكم ف الضغط ناحية اليمين كتير وجرب افتح واقفل الحنفية لحد ما تظبط معاك وان شاء الله هتظبط انا مجرب لاني ف نفس الدور ف عمارتي وبالتوفيق

غيرت الفلوماك الصينى واشتريت كالبيدا max2 وللاسف من يوم مااشتريته بيفصل بس ومبيشتغلش غير لما بفصل الكهرباء عن الموتور وارجعها تانى من المفتاح...........وسئلت قالوا دا احسن نوع فى السوق لكن بجد الصينى كان افضل منه وكنت ناسيه ومفيش مشكله منه نهائى لحد ما زرار الباور باظ

[عبدالله برعى]

علي فكرة وللعلم الفوماك ليس اختراع اليوم
ولكنة من قديم الازل عندنا في قطاع البترول اسمة pressure switch سواء حرارة او ضغط او سريان

[Colin Chapman]

http://www.nilemotors.net/Nile/488839-a.html

[hssn]

الاخوه الاعزاء عند عطل الفلوماك يكون المجموعه الكهربائيه هى السبب ويتم تيغيرهها ويعود الفلوماك لللعمل وكانه جديد ونباع المجموعه عند شركة العمده بشارع نجيب الريحانى

ملحقش يبوظ انا يدوب اشتريته شهر 3 السنادي وعلي شهر 4 بدا يخرف ومبقاش بيفصل ورجعت اشتغل زرار تاني زي ماكنت مش عارف ايت اللي جرالو قرفني جدا بجد

[طارق _عبد السلام]

ملحقش يبوظ انا يدوب اشتريته شهر 3 السنادي وعلي شهر 4 بدا يخرف ومبقاش بيفصل ورجعت اشتغل زرار تاني زي ماكنت مش عارف ايت اللي جرالو قرفني جدا بجد

شكلها مشكله شائعه فى النوع ده لانى سمعت الكل بيهلل للكومبك ماكس 2 كالبيدا اشتريته وركبته ونفس الموضوع ونفس مشكلتك مياه قويه لكن بيفصل بس لكن وقت التشغيل لازم اشغل من الزرار وقفلت المسمار للاخر ممكن يشتغل يوم وبعد كده يخرف يظهر النوع دا مقلب وحظ

[hatemibrahim07]

أستاذ Gelgel2004 المحترم

انا عندي مبني من دورين بالتجمع الخامس وركبت موتور وفلوماك كالبيدا ، واشتعلوا كويس جدا لمده سنه تقريبا ، وبعدها الفلوماك بدأ يخرف ، وفلت انه تلف ، وغيرته ، واشتعل كويس ، وبعدها بسنه أخري تقريبا ، بدأ لما المياه تقطع لمبه الفشل الحمراء تنور ، ولازم لما ترجع تشغل الموتور بيدك بفصله أو الضغط علي Rest ، ويعدين غيرته ، وأشتغل كويس ، واليوم وبعد سته أشهر ، لما يشتغل ويملئ ضغط المواسير تمام ، يفصل مع نور الفشل الحمراء ، وهذا معناه انه الموتور لوحده ينتظر ١٥ دقيقة ويرجع يشتغل لوحده وغير مرتبط بفتح الحنفية ليعمل (مع العلم ان المياه غير مقطوعه) ، كلمت مهندس في صيانه كالبيدا ، وقال لي انه عايز يتنظف ، وفعلا نظفته كويس بنفسي ، ولكن لم يعمل كما ينبغبي ، به نفس المشكلة ، ومع العلم اني ارسلت ٢ فلوماك القديمين الي الصيانه ، وتم تجربيتهم ، وقالوا انهم بيعملوا كويس ، ولكن بعد تجربه أحدهم اليوم ، لا يعمل ...
الحقيقة أنا تعبت من الفلوماك الكلبيدا جدا ، هل هذه مشكلة عامه بفلوماك كلبيدا ، بيقولوا لي جرب نوع صيني كويس احسن من كالبيدا...

رأيك مهم جدا بالنسبة لي كي أخذ القرار .

وهل النوع الأيطالي BRIO 2000-M ، ده فعلا ممتاز ، ولو كان هو الحل ، اين أجده في القاهرة ، هل يوجد أسم شركه ورقم تليفونها...

كل التحية والتقدير لكرم تعاونك مع الكثير الحقيقة

ادعو الله ان أجد الخل الأمثل لهذه المشكلة ، لأني مش عايز اشتري فلوماك كالبيدا جديد لرابع مره في خلال ٣ سنوان تقريبا...

تخياتي
حاتم طه

[alyelsyed]

انا مركب فلوماك ايطالى منذ 12 سنة وشغال كويس جدا بس العيب اللى ظهر اليومين دول انه كل فترة يعمل لوحدة لمدة 20 ثانية فهل هذا عيب ام ماذا رجاء الافادة مع الشكر