سؤال للناس الي بتفهم في السمك

[al_manara]

السلام عليكم

ياشباب استفسار

ازاي افرق بين السمك المستورد والسمك المحلي ؟
والجمبري المستورد والمحلي ؟

في حاجة مميزة توضحلي الفرق ؟
لون . شكل . رائحة ؟

وخصوصا لو هاجيبة من اسكندرية او السويس

لكم الشكر

[الاستاذ]

دة لعبتى
بص مفيش حاجة اسمها محلى ومستورد
بيتقال سمك مزراع وبلدى
المزراع دة الى هو بلطى احمر ودة بيعيش على العلف
وفى البلدى دة الاخضر والابيض ودة بيعيش فى النيل
لو سالتنى تاكل انهى انا بحب المزراع ومتجبش الابيض لانى فى راسه دود
اما الجمبرى بقا افضلهم الجامبو بس غالى ودة ديلة ملون وطويل وفى المتوسط المبرى عموما بكل انواعة حلو
المكرونة افضلهم السويسى ودة حجمها متوسط وغالية وبتنزل فى الشتاء وطعمه عامل زى الجمبرى والنخشاش من جوة حمراء زى الدم
الفيلية دة احسن سمكة تطلع ليك فيلية حلو هى القشر بياض او الوقار
البورى دة احلى سمك يتشوى ويتعمل صينية ويتعمل فسيخ خلى بالك عشان فى غش النوع الكويس منه البلدى ودة هتلاقى حجمة متوسط
الكابوريا هات الى لونها احمر لانى دة النتاية الى فيها لحم متجبش الزرقاء لانها فاضية
تعرف بقا ازاى الحاجة حلوة ولا لا من عنيها وريحتها

[الاستاذ]

ولو عايز اقلك على اكلة سمك جمدة احلى من الكباب اقلك

[ibrahim sallam]

طبعا فيه سمك مستورد وخصوصا الجمبري ومغرق السوق كمان وسعره رخيص اوي مقارنة بالمحلي

هو في الحقيقه انا معرفش افيدك اوي في معرفة المستورد من المحلي...

لكن لي اصحابي وبعض اقاربي تجار اسماك

وانا تحت امرك في اي وقت

[al_manara]

دة لعبتى
بص مفيش حاجة اسمها محلى ومستورد
بيتقال سمك مزراع وبلدى
المزراع دة الى هو بلطى احمر ودة بيعيش على العلف
وفى البلدى دة الاخضر والابيض ودة بيعيش فى النيل
لو سالتنى تاكل انهى انا بحب المزراع ومتجبش الابيض لانى فى راسه دود
اما الجمبرى بقا افضلهم الجامبو بس غالى ودة ديلة ملون وطويل وفى المتوسط المبرى عموما بكل انواعة حلو
المكرونة افضلهم السويسى ودة حجمها متوسط وغالية وبتنزل فى الشتاء وطعمه عامل زى الجمبرى والنخشاش من جوة حمراء زى الدم
الفيلية دة احسن سمكة تطلع ليك فيلية حلو هى القشر بياض او الوقار
البورى دة احلى سمك يتشوى ويتعمل صينية ويتعمل فسيخ خلى بالك عشان فى غش النوع الكويس منه البلدى ودة هتلاقى حجمة متوسط
الكابوريا هات الى لونها احمر لانى دة النتاية الى فيها لحم متجبش الزرقاء لانها فاضية
تعرف بقا ازاى الحاجة حلوة ولا لا من عنيها وريحتها

شكرا جزيلا علي المعلومات المفيدة . (انا جُعت )

كنت عاوز اعرف لاني كنت في اسكندرية من فترة وبعد ما خلصت روحت حلقة السمك
وسمعت من الناس هناك ان السمك دة محلي و مش مستورد
وبعدين يفتحلي (بُق) السمكة ويقولي شايف زي الفل مالهاش ريحة .
فكنت عاوز اعرف افرق بينهم .

ولو عايز اقلك على اكلة سمك جمدة احلى من الكباب اقلك

ياريت تفيدنا

طبعا فيه سمك مستورد وخصوصا الجمبري ومغرق السوق كمان وسعره رخيص اوي مقارنة بالمحلي

هو في الحقيقه انا معرفش افيدك اوي في معرفة المستورد من المحلي...

لكن لي اصحابي وبعض اقاربي تجار اسماك

وانا تحت امرك في اي وقت

لو ممكن تعرف لنا منهم معلومة مفيدة عن الفرق بين الاتنين
اكون شاكر لك .

[al_manara]

المزراع دة الى هو بلطى احمر ودة بيعيش على العلف
وفى البلدى دة الاخضر والابيض ودة بيعيش فى النيل
ا

والبحر فين ؟

[الاستاذ]

والبحر فين ؟

البلطى مبيعش فى البحر

[الاستاذ]

شكرا جزيلا علي المعلومات المفيدة . (انا جُعت )

كنت عاوز اعرف لاني كنت في اسكندرية من فترة وبعد ما خلصت روحت حلقة السمك
وسمعت من الناس هناك ان السمك دة محلي و مش مستورد
وبعدين يفتحلي (بُق) السمكة ويقولي شايف زي الفل مالهاش ريحة .
فكنت عاوز اعرف افرق بينهم .




ياريت تفيدنا



لو ممكن تعرف لنا منهم معلومة مفيدة عن الفرق بين الاتنين
اكون شاكر لك .

بص بصراحة انت عمرك ماهتكون انصح من البياع يعنى لازم حد يكون بياع يشترى معاك
بص المعلومات الى فوق دة لو مشيت بيها مش هيضحك عليك
وازاى تعرف السمك الطازة من العين هتلاقى بتبرق كدة وواسعة وماسكة نفسها

[al_manara]

بص بصراحة انت عمرك ماهتكون انصح من البياع يعنى لازم حد يكون بياع يشترى معاك
بص المعلومات الى فوق دة لو مشيت بيها مش هيضحك عليك
وازاى تعرف السمك الطازة من العين هتلاقى بتبرق كدة وواسعة وماسكة نفسها

شكرا جزيلا .

طيب ماتفيدنا اكتر بمعلوماتك وتعمل لنا موضوع عن السمك بالصور .
لانة واضح انك بتحبة اوي

[mohabelnegm]

السمكة الطازة بتكون متامسكة القوام بمعنى مش بيكون فيها طراوة و لما بتمسكها فى ايدك بتحس بيها ماسكة نفسها و العيون بتكون لامعة زى الخرز. أفضل السمك سمك البحر ألأحمر..يعنى لو رايح السويس السمك هناك أشكال و ألوان. و على سبيل المثال أسأل عن سمك الشعور ده من أجمل أسماك البحر ألأحمر و علطول متوفر عند بتوع السمك فى محيط البحر ألأحمر و سمكة حلوة جدا فى طعمها.
بالنسبة للجمبرى معظم اللى فى السوق من ألأحجام المتوسطة و الكبيرة من المستورد" ولا يعيبة على ألأطلاق" و فيه أنواع منه بتكون ممتازة. يعنى الجمبرى المستورد اللى بتجيبة مجمد فى علبة هايكون أفضل ميت مرة من اللى هاتشترية من عند بتاع السمك أغلى لأنك ببساطة مش هاتعرف الفرق لأن السماك ممكن يجيب المستورد و يحطة فى ميه يسيحة و يحطة قدامك على طاولة خشب و يقولك جمبرى قزاز سويسى لسه طالع من البحر و مستحيل تتعرف عليه كشخص عادى رايح يشترى . و المجمد فسه أنواع كتير (هندى-اكوادور-باكستانى- امارات) و كلهم كويسين . أنت بتسيبة لغاية لما يسيح خالص و بتشطفة كويس و بتفتحه من ضهرة تتطلع عرق الرملة بتاعة و تتبلة و بالهنا و الشفا لو كنت هاتشويه بيكون روعة فى الشوى.

[MTAK]

السمك المستورد معظمه بيكون فيليهات , زى الباسا كده لو تفتكروه اللى تقريبا محدش بقى يشوفه فى اى سوبر ماركت

بس هو الى الان شغال زى النار و بيروح للفنادق و المطاعم الكبرى

السمك المستورد ممكن متعرفش تفرقه و متشغلش دماغك

طالما شايف السمكه كويسه كحاله عامه ظاهره و سعرها معقول , توكل على الله و كل و استمتع

انا معاك فى ان المستورد طعمه غير المحلى بس مش معنى كده انه وحش

احنا الى الان بنكره اللحمه السودانى مع ان مرعاها انضف 100 مره من مرعانا و لكن لاختلاف المرعى اختلف طعم اللحم
الجمبرى المستورد هتلاقيه رمادى او شكله مطين كده

الجمبرى القزاز هتلاقيه حجمه مش كبير اوى و ذيله بيكون ملون بالعرض الوان كتير

[starlanos]

موضوع جامد اوي
وانا خلاص جعااان عايز سمك مشوي بوري او بلطي وياسلام بقي لو شبار والشربة سي فوود

[drcobra]

احلى سمكة اكلتها هى الناجل اسأل عليها

[al_manara]

مشكوريين ياشباب علي المعلومات المفيدة . وفي انتظار المزيد

[A.Saad]

المحلى لو هتجيبه من سوق زى سوق الجيزة بيكون
بطنه متماسكة مش طرية
النخاشين فيها دم
المستورد بيكون اغلبه مجمد ومش هتلاقى فيه الدم ده
والدم ممكن مش تلاقيه لو بتجيب من محل عادى لانه بيكون مضى فترة على صيده