من الصفر الي 300,000

[Ahmed_Adham]

حضرتك بما انك اشتغلت في كذا مجال يبقى الانسب انك تختار مجال منهم تكون عرفس اسراره وتشتغل فيه بحد أقصى بنص الفلوس اللي معاك أو لو حطيت الفلوس كلها متبقاش محتاجها دلوقتي في حاجه ويكون عندك حاجه تانيه تسند لو المشروع وقع او اتأخر في جلب ايراد.

لو اخترت مجال المعمار مثلا أنصحك تشوف الشقق صغيره الحجم تحت 100 متر اللي عمرها فوق 7-10 سنين وتشطيبها شبه مستهلك وتشتريها وتجددها وتعرضها للبيع. ميزه الشقق الصغيره دي ان الطلب عليها عالي وبتبيع بسرعه ولو عرضتها للايجار بتتأجر بسرعه عشان ايجارها مبيكونش عالي وعشان قديمه شويه محتاجه مصاريف هتاخدها بسعر حلو وتظبطها بخبرتك في المعمار وتبيعها.

بالتوفيق ان شاء الله.

[abo_anas]

من الافضل ان تحصر عده اختيارات لا تتجاوز 3 أو 4 اختيارات لمشاريع يكون عندك فيهم خبرة والاخوة الاعضاء يقدموا ارائهم حول هذه المشاريع وفى الاخر تقدر تستقر على المشروع اللى هتشوفه مناسب ليك، وبالتوفيق

[saddam]

صديقي المواطن
من خلال خبراتي وسفري في كذا مكان وفي كذا مجال ومع كذا شعب ففي مصر حاليا تكوين الثروات يحتاج إلى تعب كبير وتغيب كثير عن المنزل ومبيت خارج البيت فترات متواصلة وحاليا أنجح مشروع هو زراعة اﻷراضي الجديدة فمصر فيها فجوة غذائية شديدة وكل ما تنتجه مباع بفضل الله ولكن هكذا مشاريع تحتاج رؤوس أموال وتعب شديد ومتابعة وتظافر جهود وأيدي عاملة وأنا بفضل الله ربنا بعتلي من عندي وقمت مع عدد من الشركاء بشراء قطعة أرض 220 فدان وقطعة أخرى 10 فدان وإبتدئنا العمل وتمت تسوية اﻷرض ومد أجزاء من شبكة الري وحفر 3 آبار وباقي مساحة من اﻷرض حولي كنت أنتوي عرضها للمشاركة على كل أحبائي في المنتدى فأنا شايف إن الزراعة الصح مكاسبها وهوامش أرباحها السنوية من 40 إلى 80% بس محتادة تعب جبار ولم يصبها الكساد كما أصاب كل مفاصل الجمهورية
وحاليا مفيش أي مشروع يطلع هوامش الربح دي حتى فوائد البنوك متوصلش اﻷرقام دي بتاتا ومشكوك بحليتها من حرمتها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

حمد لله على السلامة
عودا حميدا
انا توقعت متدخش المنتدى تانى
اهلا وسهلا

صديقي المواطن
توقعك في محله وكنت عاقد العزم والنية أن المكان الذي تفقد فيه إحترامك فلن أدخله مرة أخرى ولكن طلبات اﻷعضاء الزملاء اﻷفاضل والظغط الشديد وبعض اﻷخوة الذين أوقفت عضوياتهم وأخرست أصواتهم حملوني أمانة أن أرد حقهم وأتحدث بإسمهم ولم أرجع إلى المنتدى إلا وكانت أول موضوع ومشاركة لي هو موضوع على المنتدى اﻹجتماعي موضح فيه 97% من أسرار الموضوع فأرجو أن تشرفني بقرائته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hugan]

مفتقدينك والله
استاذ صدام

[KemozTanta]

صديقي المواطن
من خلال خبراتي وسفري في كذا مكان وفي كذا مجال ومع كذا شعب ففي مصر حاليا تكوين الثروات يحتاج إلى تعب كبير وتغيب كثير عن المنزل ومبيت خارج البيت فترات متواصلة وحاليا أنجح مشروع هو زراعة اﻷراضي الجديدة فمصر فيها فجوة غذائية شديدة وكل ما تنتجه مباع بفضل الله ولكن هكذا مشاريع تحتاج رؤوس أموال وتعب شديد ومتابعة وتظافر جهود وأيدي عاملة وأنا بفضل الله ربنا بعتلي من عندي وقمت مع عدد من الشركاء بشراء قطعة أرض 220 فدان وقطعة أخرى 10 فدان وإبتدئنا العمل وتمت تسوية اﻷرض ومد أجزاء من شبكة الري وحفر 3 آبار وباقي مساحة من اﻷرض حولي كنت أنتوي عرضها للمشاركة على كل أحبائي في المنتدى فأنا شايف إن الزراعة الصح مكاسبها وهوامش أرباحها السنوية من 40 إلى 80% بس محتادة تعب جبار ولم يصبها الكساد كما أصاب كل مفاصل الجمهورية
وحاليا مفيش أي مشروع يطلع هوامش الربح دي حتى فوائد البنوك متوصلش اﻷرقام دي بتاتا ومشكوك بحليتها من حرمتها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ربنا يوفقك ومشروع جميل و انا من زمان ونفسي اشتغل في الزراعة بدل الدلتا اللي بتنتهي دي
عايز اقولك مستقبل مشروعك ممتاز ولو تسمح لي بمزيد من التفاصيل ومكان الارض والتكلفة وصلت كام حتي الآن

[DODGE2013]

ابعد عن الفوركس خليك في البورصه المصريه او اشتري ارض وانساها

او اشتري محل او شقه وأجره

[saddam]

ربنا يوفقك ومشروع جميل و انا من زمان ونفسي اشتغل في الزراعة بدل الدلتا اللي بتنتهي دي
عايز اقولك مستقبل مشروعك ممتاز ولو تسمح لي بمزيد من التفاصيل ومكان الارض والتكلفة وصلت كام حتي الآن

صديقي المواطن
شكرا لك لتمتياتك لي بالخير والحمد لله أن كامل المساحة هي 1700 فدان في الواحات البحرية وأنا أعرف ورثتها وأرضي محاطة ب أكبر أربع شركات زراعية في مصر تقريبا زي جهينه ولينه والطيبات والفاروق وغيرها وما شاء الله مش لسه بيجربوا أنا متابع وماسك حسابات أرض جاري خدمة مني له وهو متعاقد لتسليم المحصول لسوق أكتوبر الجملة بقيمة 3 مليون جنيه شهريا وأنا مستأذنه في إذاعة الرقم وأيضا لا تزال مبادرتي لم تطرح على المنتدى لنفتحها للمشاركة الجماهيرية لكل اﻷعضاء ولكن من يسألني شخصيا ومهتم بيتابعني عالخاص وليها طريقتين باﻹشتراك معانا وتفاصيل المشروع كثيرة جدا ولكن فيه إشتراك حتى يوم مماتك تاخد 50% من اﻷرباح وساعة وفاة صاحب اﻹشتراك يرد ﻷهله كامل المبلغ الذي دفعه أول يوم ولا تورث اﻷرص لهم حتى لا تفتت ملكية اﻷرض وهناك طريقة ثانية يستثمر معنا حتى يحقق 5 أضعاف ما إستثمره بواقع نسبة تحصيل أرباح 50% سنويا أيضا وبعد أن يصل له 5 أضعاف ما إستثمره نشتري منه حصته مرة أخرى بأصل المبلغ الذي دفعه ويتخارج من اﻷرض واﻹدارة نتولاها نحن وللمشترك الحق في مراقبة إستثماراته بالكاميرات عن بعد وهو في بيته وأيضا ممكن يبعت ممثلين عند بيع المحصول ساعة شكه في أي تفصيلة والموضوع كبير وهناك جوائز أيضا لكبار المشتركين عشان نلحق بسرعة ناخد اﻷرض ﻷنه عندي مهلة محددة من ورثة اﻷرض اﻷصليين أهل البلد وإلا شركة جهينة مصرة تاخدها بس اللي مانعهم إن أرضي حتكون وسط أرضهم وأنا معايه وشركائي دلوأتي 220 فدان قطعة وقطعة أخرى 10 فدان وتم حفر 3 آبار ومد شبكات تنقيط لنصف اﻷرض والحرث جاري وتمت المساواة وهذا اﻷسبوع ننقل البذور واﻷشجار محجوزة علما أنه تم تجربة جدوى المشروع قبل سنتين وحتى اليوم في ال 10 فدان اﻷولى وقيمة الفدان في مشروعي تسلم كاملة من 12 ألف إلى أقصاه 13 ألف بنظام مشاركة اﻷرباح بالنصف ونأمل خيرا أن اﻷردب يباع للحكومة ب 440 جنيه واﻷرض حسب الكيمياوي وثقافتك تطلع من 25 إلى 35 أردب يعني من 11 إلى 15 ألف تقريبا يعني أول 6 شهور إلى سنة إنت مطلع 90% أو 80% من قيمة المشروع وباقي السنين في جيبك صافي
لكن للأسف بلدنا محدش عايز يتعب كله عايز يقعد عالقهاوي أو عايز يقعد ورا مكتب على كرسي دوار أنا لسه إمبارح بقفل في كرفان للأرض ب 21 ألف جنيه عشان فلوس الناس أمانة فقررت أضحي بحياتي أول سنتين وأبات في المشروع 4 أيام في اﻷرض و 3 أيام في بيتي ودعواتكم لنا بالتوفيق فو الله من ملك قوت يومه ملك قراره بيده
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed abdkarim]

تشترى شقةوتأجرها لو انت فى القاهرة 300 الف يشترو شقة وممكن تتأجر من 1200 : 1500 فى الشهر يعنى من14500 : 18000 سنويا ده غير ان قيمة الشقة بتزيد عكس لو انت حطيت الفلوس فى البنك

[Ah.Farid]

ربنا يوفقك ومشروع جميل و انا من زمان ونفسي اشتغل في الزراعة بدل الدلتا اللي بتنتهي دي
عايز اقولك مستقبل مشروعك ممتاز ولو تسمح لي بمزيد من التفاصيل ومكان الارض والتكلفة وصلت كام حتي الآن

نصيحة وعن تجربة مخاطر المشاريع الزراعية عالية جداااااا خصوصا فى مصر

الموضوع مش انتاج زراعى وخلاص اللعب والتحكم فى التجار والسماسرة اللى بيشتروا الانتاج ممكن تكسب كويس مرة واتنين ,,,,,بس فية وقت الخسارة فية بتبقى فى الصميم


انا تجربتى كانت من 15 سنة كدة وكنت مدير مالى لاحدى الشركات الزراعية وشفت ناس كتير التجار الكبار اكلوهم ,,,,, واخيرا ربنا يستر على الجميع ويوفق لما فية الخير

[saddam]

نصيحة وعن تجربة مخاطر المشاريع الزراعية عالية جداااااا خصوصا فى مصر

الموضوع مش انتاج زراعى وخلاص اللعب والتحكم فى التجار والسماسرة اللى بيشتروا الانتاج ممكن تكسب كويس مرة واتنين ,,,,,بس فية وقت الخسارة فية بتبقى فى الصميم


انا تجربتى كانت من 15 سنة كدة وكنت مدير مالى لاحدى الشركات الزراعية وشفت ناس كتير التجار الكبار اكلوهم ,,,,, واخيرا ربنا يستر على الجميع ويوفق لما فية الخير

صديقي المواطن
أنا محرج من الرد على مشاركتكم الكريمة حتى لا تعتبره دعاية لمشروعي المتواضع ولكن يشرفني أن تتفضل معي في زيارة ﻷسواق الجملة في الخضار والفاكهة لترى بأم عينك كيف أن الدنيا تغيرت وأن الزمن غير الزمن وكيف أن محصولك اليوم مباع حتى قبل أن تزرعه وحتى الحنطه أي الدقيق الدولة تشتريه بأسعار خيالية تكون ثروات بسرعة البرق واﻵن الفجوة الغذائية إتسعت ومعادش فيه حاجة إسمها زراعة حاليا بقه إسمه صناعة المزارع يعني تقليل عامل الصدفة والزراعة المغطاة المخطط لها المباع كل إنتاجها سلفا إن لم يصدر وأيضا هذا هو المشروع الوحيد الذي لا زل يستوعب مئات الملايين بل والمليارات وتكسب منه ولكن ليس كل شيء يزرع وهناك عندك زراعة مغطاة ومصانع إنتاج سمك من اﻷحواض المكثفة ولكن كلامك صابقا كان صحيحا حاليا رجع ملاك المساحات الكبيرة هم أثرياء البلد ومزارع كثيرة حولي بتطلع أصغرها إنتاج شهري بمليون جنيه لا تزيد تكاليفه عن 400 ألف جنيه
ونسأل الله الخير للجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ICBM]

حضرتك ممكن تتجه للاستيراد من الصين ناس مشهوره فى مجال الكماليات عملت مكاسب وهميه من بيع المنتجات الصينيه ادخل على موقع زى aliexpress وخد فكره عن اسعار كماليات السيارات المطلوبه وهتلاقى فرق رهيب فى السعر بس امانه عليك لو عملت المشروع دا اكسب بما يرضى الله فى حاجات تمنها فى الصين لا يتعدى 50 جنيه وتباع هتا ب 200 300 400 ووالله فى اكتر من كده وسافر وهات بضاعتك من هناك وممكن تعمل خدمه توصيل وممكن تحزن بضاعتك فى بيتك وتبيع من على النت
بس فى اى مشروع متحطش فلوسك كلها فيه اعمل حساب اى مشكله وربنا يوفقك للى فيه الخير انا كنت بفكر فى المشروع دا بس ظروف شغلى لاتسمح ليا دلوفتى

السيد الفاضل MAHMOUD MOHAMD : أشكرك على مروك الكريم , وأوافقك بعض الشيء في موضوع الاستيراد من كوكب الصين الشقيق , ولكن هذا السوق تشبع جدا وفرصة التسويق ضعيفة جدا , وأنا اعلم أن أناس كثيرة تستورد بـ مبالغ زهيدة وللأسف تعيد بيعها بمبالغ لا ترضي الله . أكرر شكري لك ووضعت الموضوع في الحسبان .

شكراً جزيلاً

[ICBM]

الراجل ده بيقول كلام 100 ال 100 واحب اضيف حاول مترميش كل الفلوس اللى معاك فى مشروع دلوقتى اتقل شويه لغاية متشوف البلد رايحه فين

Sent from my GT-S5282 using Forum Runner

السيد الفاضل amgomaa : شكرا لمرورك الكريم , ووضعت رأيك في الحُسبان .

شكراً جزيلاً

[ICBM]

انا ماعنديش حاجة معينة بس نصيحة ما تثتسمرش غير تلتين فلوسك على اقصى تقدير

العضو الفاضل : husseinsalah : شكراً لمروك الكريم ,

وأحيط علمكم أني أسير بمبدأ " لا تضع كل البيض في سلة واحدة "
أشكرك على مشاركتك

شكراً جزيلاً.

[ICBM]

ربنا يوفقك ان شاء الله

العضو الفاضل S O P H O S : شكراً لمرورك الكريم,

وادعوا الله أن يوفقنا جميعاً.

شكراً جزيلاً