تشطيب الشقه!!!!!!!!!

[Ah.Farid]

الموضوع دة محتاج تخطيط شوية وتسمع كلام من كذا صنايعى فى كل خطوة وخلى بالك انت لازم تعمل خطة طويلة على مدار السنتين وترتب احتياجاتك من لوازم ومشتريات على قد الفلوس اللى تتوفر معاك كل كام شهر
وتشترى كمان فى اوقات التخفيضات او الفرص ( بس كل لما يتوفر معاك قرش ترمية فى حاجة محددة)
وبالترتيب كدة عندك بنود
- محارة ( عبارة عن كمية اطنان اسمنت + كام متر رمل)
- كهرباء ( بواط و مواسير وسلك بيكون مقاسات كمان نص ملى و3/4 مللى ودة الكهربائى بيحدد عدد لفات كل صنف حسب تقسيمة للشقة )
-سباكة كل سباك ولة طريقة وكمان لة انواع معينة بيشتغل بيها
-كرانيش واسقف
-سيراميك واحواض وحمام وبانيو (لو موجود لة مكان)
- النقاشة ودة اخر حاجة
ولازم تسمع من كل صنايعى هوا هيعمل اية وهيشتغل ازاى كمان وانت تقارن وتختار الصنايعى اللى يريحك مش اللى يبعلك كلام وخلاص وربنا معاك

[Mahmoud.Fathy]

الشقة لسة طوب احمر ومفيهاش الومنيوم ...... لو تشطيب عادي يعني سيراميك وكرانيش ودهانات عادية ماركات معقولة هتخش في 70 الف جنيه .... لو هتركب بورسلين بقي وتعمل اسقف معلقة ودهانات ديكورية و كلام من ده هتوصل ل 90 الف ... الاسعار دى تمشي لملدة 6 شهور قدام بعد كده مضنضمنلكش ... الاسعار بتاعت الخامات كل يوم بتزيد ... وربنا يعينك

[r0xer]

دا لسة غير العفش اللي هيشتريه بعد مايخلص تشطيب.. :( الشباب ينتحر اسهل من الموضوع دا كله واهو يبقى فضى مكان لاخواته....

مأساة بجد..

[midoabdeen]

طيب محدش يعرف اسعار البورسلين دلوقتي بكام المتر
انا عايز اعمل الرسيبشن بس بورسلين هو حوالى 50 م
ياترى سعر المتر كام

[midoabdeen]

دا لسة غير العفش اللي هيشتريه بعد مايخلص تشطيب.. :( الشباب ينتحر اسهل من الموضوع دا كله واهو يبقى فضى مكان لاخواته....

مأساة بجد..

اه والله عندك حق

[midoabdeen]

ايه يا جماااااعه
فين الاراء والاسعار

[khmshry]

يانهار ياوﻻد ده الواحد عاوز جبل فلوس علي فكره حالتك زيي بالضبط ههههه ولسه عاوز اشطب خﻻل 3سنوات مع قسط الشقه كمان ....عجبي.....

[Never_Mind]

حضرتك خدت شقة فين يا استاذ ميدو؟

[midoabdeen]

يانهار ياوﻻد ده الواحد عاوز جبل فلوس علي فكره حالتك زيي بالضبط ههههه ولسه عاوز اشطب خﻻل 3سنوات مع قسط الشقه كمان ....عجبي.....

[midoabdeen]

حضرتك خدت شقة فين يا استاذ ميدو؟

حدائق الاهرام