عاجل .بخصوص شاليهات موسي كوست مصر ايطاليا

[shiko85]

قرية موسى كوست من أجمل القرى و ليس أجملها و لكن البحر هناك مش حلو و لكن سعرها مبالغ فيه جداً و يستغل قربها من القاهرة
فيه قرى كتير جادة و أجمل من موسى كوست و بأقل من نصف السعر خاصة فى قطاعات راس سدر و حمام فرعون
و اى تساؤل أنا فى الخدمة

ممكن اعرف من حضرتك اسماء القرى اللى حضرتك بتتكلم عليها ؟؟؟
و لو امكن متوسط الأسعار كام و من خبره حضرتك ايه افضلهم
فأنتظار الرد ان شاء الله

[mfe]

ممكن اعرف من حضرتك اسماء القرى اللى حضرتك بتتكلم عليها ؟؟؟
و لو امكن متوسط الأسعار كام و من خبره حضرتك ايه افضلهم
فأنتظار الرد ان شاء الله

ماشى ياباشا نبدا بقرى المستوى الاول
القرى دى من اجمل القرى فى مصر بجد هتستمتع فيها بس هى غالية حبيتين
اولها بردايس راس سدر و هى اجمل القرى فى راس سدر و الى عمل القرية دى مصريين من اصل ارمنى محافظين على كل حاجة فيها و ملحق بها فندق طبعا هى استيل جدا كانك خارج مصر. بس هى غالية شوية بس نجوم المجتمع هتلاقيهم هناك مفيش فيها تهريج. و لا حد ممكن يخالف قواعد القرية و بيختاروا الناس الى بتشترى عندهم كويس علشان كده عمرهم م بيعملوا اعلانات طبعا الوضع ده منعكس على السعر الشاليه سادس صف من البحر يعمل حوالى ٦٥٠ الى ٧٠٠ الف و يمكن اكتر. اخر معلوماتى انهم فاتحين باب الحجز لمرحلة جديدة يمكن خلصت و يمكن لا ملحوظة اقل شاليه ١٢٥ متر متشطب
تانى القرى هى هاسيندا. قرية هايلة فيها كل الى نفسك فيه على الطراز الاسبانى بس برضع سعرها غالى زى براديس
قرى المستوى الثانى
قرى رائعة ايضا و لكن اقل قليلا فى المستوى من براديس و هاسيندا
طبعا اولهم موسى كوست بس غالية جدا
اميرة سدر و فيها فندق الباتروس معرفش ان كانوا بيبيعوا و لا لسة
ريفيرا سدر و دى اسعارها فى حدود ٤٠٠٠ المتر بس بتشوف البحر من كل شاليه فى القرية القرية على شكل w
هوليداى فانتازيا قرية جميلة و الشاليهات تتراوح بين ٣٥٠٠ و ٥٠٠٠ المتر
جولدن بيتش ١ برضه اعتقد انها خلصت و متوسط السعر فيها ٤٠٠٠ المتر
لابلايا سدر اخر قرى راس سدر بالقرب من حمام فرعون الاسعار من ٣٠٠٠ الى ٥٠٠٠ النتر
قرى المستوى الثالث
قرى قد تكون جيدة و لكن الخدمات قيها محدودة او المستوى فيها مش عالى قوى
مارينا سدر
جولدن بيتش ٢ حلوة بس الشاطئ فيها سئ
بالم بيتش بتاعة المخابرات
بلو لاجون و دى ممكن تلاقى فيها باسعار مناسبة جدا لغاية ٣٠٠ الف جنيه شاليه كويس جدا و القرية حلوة مش سيئة
بلو باى القرية موقعها حلو و لكن المرافق سيئة و اسعارها رخيصة
الحياه مش بطالة بس المساحات الفعلية غير المكتوبة فى العقد خالص
القرية الهولندية ممكن تلقط شالية بسعر كويس و القرية مش بطالة
المستوى الرابع
تكره نفسك و اليوم الى حد قالك تشترى فى راس سدر
و هى على االاخص
كوين بيتش
فرجينيا
بنت السلطان
مسلة بيتش
بنانا بيتش
االباقى كله نصابين و على الاخص
غادة سدر بقالها ١٠ سنين تحت الانشاء
وايت ويف شرحه
يارا كوين ١٣ سنة تحت الانشاء بتبيع و تستثمر الفلوس و بعد ٣ سنين ترجعها و هكذا
مينا بيتش ٣ سنوت اعلانات و لسة مفيش حجر واحد و بتبيع دلوقتى فى المرحلة الثانية
بورسالينو ٧ سنوات تحت الانشاء
اوليمبيا ريسورت ٦ سنوات تحت الانشاء
نيجى بقى لنصيحتى الشخصية
السعر مقابل القيمة
لابلايا ممكن تشترى شاليه ٧٠ متر فى حدود ٢٠٠ الف القرية قائمة بالفعل و جميلة جدا و لكن هى ابعد قرى راس سدر
بلو لاجون ممكن تشترى شاليه ٤٠ متر فى حدود ١٥٠ الف قرية معقولة جدا مش وحشة و موقعها ممتاز وسط راس سدر
و اى سؤال تانى انا فى الخدمة
ملحوظة اذا انشا مطار راس سدر لن ترى هذه الاسعار تانى بس بقالنا ٦ سنين بنسمع على
المطار و على مشروع المارينا. الى هيخده ساوير س

[mustafavet]

اعتقد والله اعلم ان افضل حل للشاليهات انك تشترك مع اخواتك في شاليه
يكون لكل واحد فيكم حق شهر ف الصيف
ودا اضمن وارخص حل
لكن تدفع 700 الف في شاليه - دا انت لو اجرت شهر كل سنه حتي يتوفاك الله مش هتدفع 1/10 من المبلغ دا

[mfe]

اعتقد والله اعلم ان افضل حل للشاليهات انك تشترك مع اخواتك في شاليه
يكون لكل واحد فيكم حق شهر ف الصيف
ودا اضمن وارخص حل
لكن تدفع 700 الف في شاليه - دا انت لو اجرت شهر كل سنه حتي يتوفاك الله مش هتدفع 1/10 من المبلغ دا

استاذى كلامك صحيح لو الغرض الفسحة بس و لكن فى مصر الوضع مختلف
يعنى الشاليه الى دلوقتى ب ٧٠٠ الف كان من ١٠ سنين بكام
اقولك و انا بشتغل بره عام ٢٠٠٤ اشتريت شاليه دور واحد بجنينة الشالية ١٥٠ متر و الجنينة ٣٠٠ متر كان تمنه بالتقسيط على ٥ سنين ٢٥٠ الف محستش بيهم دلوقتى لو حبيت ابيعه بعد ١٠ سنين بسافر ليه كل اسبوع تقريبا يعنى حوالى ٦٠ يوم بقضيه فى السنة يعنى ٦٠٠ يوم فى العشر سنين لو اليوم ب ٣٠٠ جنيه متوسط يعنى ١٨٠ الف جنيه و فرتهم بالاضافة الى الارتفاع الجنونى فى الاسعار ممكن ابيعه باضعاف تمنه لو حبيت بالاضافة الى احساسك بالخصوصية و انك ممكن تسافر فى الوقت الى تحبه لو زهقان او مضغوط و لو حبيت
اقولك حاجة تانية واحد صديق بنعتبره مجنون اشترى شقة فى اليونان عام ٢٠٠٥ بحوالى ٩٠ الف يورو و بياجرها دلوقتى عن طريق شركة متخصصة اقولك الشقة بتجيب فى السنة حاليا صافى ٢٥ الف يورو و كمان ليه شهر فى السنة يقضيه هناك يعنى جاب تمن الشقة من زمان و الشقة حاليا سعرها ٣٥٠ الف يورو
الى انت شايفه غالى دلوقتى هتقول بعد كام سنة معقولة كان قدامى بالسعر ده و مخدتش و اعتقد ان ده حصل لكل من تعدى الاربعين و كانت ظروفه المادية كويسة و مرضاش ياخد فى الرحاب مثلا ايام ما كان قسط الشقة ٦٠٠ جنيه فى الشهر على ٧ سنين

[shiko85]

و اى سؤال تانى انا فى الخدمة
ملحوظة اذا انشا مطار راس سدر لن ترى هذه الاسعار تانى بس بقالنا ٦ سنين بنسمع على
المطار و على مشروع المارينا. الى هيخده ساوير س

يا باشا انا متشكر جدا جدا جدا على اهتمامك و ردك الوافى
بخصوص المطار فأعتقد انه قريب ان شاء الله و اكيد حضرتك معاك حق ان الأسعار هتزيد جامد
بكرر شكرى و هبدأ ان شاء الله بالترتيب و اشوف الأسعار و هتابع مع حضرتك

[hitman235]

طيب ايه افضل راس سدر ولا العين السخنه

[mfe]

يا باشا انا متشكر جدا جدا جدا على اهتمامك و ردك الوافى
بخصوص المطار فأعتقد انه قريب ان شاء الله و اكيد حضرتك معاك حق ان الأسعار هتزيد جامد
بكرر شكرى و هبدأ ان شاء الله بالترتيب و اشوف الأسعار و هتابع مع حضرتك

اى خدمة ياباشا و لو استقريت على حاجة ادينى خبر لان انا ليه علاقات بحكم العمل مع بعض الشركات المالكة لهذه القرى فممكن اخدمك فى حاجات كتير
نصيحتى انزل يوم كده انت و المدام لو كنت متجوز و خدهم قرية قرية بالترتيب و احكم عليهم بنفسك و لو عايز اى مساعدة قولى

[mfe]

طيب ايه افضل راس سدر ولا العين السخنه

مزايا السخنة
اقرب للقاهرة نصف ساعة سواقة علي الاقل
قري اكتر
الطريق لا يوجد به تفتيش امني شديد و انتظار زي راس سدر
العيوب
حر جدا في الصيف
لا توجد بها مدينة في حالات الطوارئ و اقرب مدينة هي السويس
الناموس بشع
اغلي في السعر بحوالي ٥٠٪ من راس سدر
مزايا راس سدر
بالقرب منك مدينة كاملة فيها كل حاجة من الابرة للصاروخ
الهوا فيها شديد يجعل الحرارة محتملة حتي في عز الصيف
فيها مزارات كتير تتسلي فيها
السعر فيها اقل من السخنة
يوجد بها مشروع المطار الي لو اتنفذ هتبقي زي شارم و الغردقة
عيوب راس سدر
الطريق اطول كتير و النفق بيعطل خاصة الجمعة
مفيهاش اماكن للترفيه كتير زي السخنة
الشواطئ اقل جمالا من السخنة بس مش قاعدة

[shiko85]

اى خدمة ياباشا و لو استقريت على حاجة ادينى خبر لان انا ليه علاقات بحكم العمل مع بعض الشركات المالكة لهذه القرى فممكن اخدمك فى حاجات كتير
نصيحتى انزل يوم كده انت و المدام لو كنت متجوز و خدهم قرية قرية بالترتيب و احكم عليهم بنفسك و لو عايز اى مساعدة قولى

لا مش متجوز لسه
اللى حصل ان بابا اشترى فيلا فـ spring land علشان الهدوء بس لما راح اخويا و مراته و اولاده علشان يقضوا اجازه العيد كان الموضوع مش ممتع خالص خصوصا للأولاد لانهم عايزين حمامات سباحه و ملاهى مائيه و مطاعم و هكذا و ده مش متوفر لسه او مش بنفس المستوى المطلوب
و هم متعودين على موسى كوست فالفرق يعتبر كبير بين الـ 2
فا بابا قرر انه يبيع الفيلا او يرجعها للشركه و يشوف حاجه زى موسى كوست
دلوقتى الأختيارات موسى كوست - اميرة سدر (من الصور شايف انها ممتازه) و بعد كده ريفيرا سدر , هوليداى فانتازيا , جولدن بيتش ١ و لابلايا سدر لانى مش لاقى اى معلومات عنها على النت فحاول اروح اشوف على الطبيعه
طيب معلش يا باشا انا عارف انى هتقل عليك لو تقدر تكلم حد معرفه فالأماكن دى و تعرف هل فيه حاجه متاحه خصوصا اميره اكون شاكر لك جدا لان بحكم التجربه المبيعات بتكون شايله حاجات للحبايب معلش يا باشا استحملنى بس المشكله كلها اننا عايزين نشوف حاجه علشان ان شاء ننقل العفش فيها على طول و معنديش خبره بالمكان هناك خالص و الوقت مش سامح انى اروح الف و ادور فا هعتمد على المتاح من معلومات و اكلمهم ان شاء الله و لو حضرتك ساعدتنى بحكم علاقاتك و معارفك اكون شاكر لك جدا

[M.Hosni]

أميرة مفيهاش شاليهات فاضية ، كلها متباعة

يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

[shiko85]

أميرة مفيهاش شاليهات فاضية ، كلها متباعة
يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

[shiko85]

أميرة مفيهاش شاليهات فاضية ، كلها متباعة
يمكن قريب يبدأوا في المرحلة الثانية بس مش أكيد علشلن بقالهم اكتر من سنتين بيفكروا فيها و معملوش حاجة لحد الان

حضرتك عندك ارقام التليفونات ؟؟ لانى جبت 5 ارقام و الـ 5 مفيش حد بيرد

[shiko85]

انا سألت فـ بلو لاجون و الأستلام بعد سنه و نص و ده مرفوض طبعا
و سألت فـ ريفيرا 1 & 2 و فيه عدد محدود لكن الكلام مقبول ان شاء الله هروح اشوفها فأقرب وقت
كمان وصلت لقريه اسمها جراند بيتش مش عارف دى المستوى الكام

[egyptawy2010]

طيب هو حضرتك ليه مش بتفكر فى الساحل

السعر ده يجيبلك حاجة كويسة هناك

[shiko85]

طيب هو حضرتك ليه مش بتفكر فى الساحل
السعر ده يجيبلك حاجة كويسة هناك

الساحل بعيد