عاجل .بخصوص شاليهات موسي كوست مصر ايطاليا

[khaledelshafie]

قرية ريماس مش نصابة ولكن غالبا لا تلتزم بمواعيد التسليم والمالك اسمه اسحق سعد عنده مشاكل كتير مع هيئة تنمية السياحة وهو ايضا صاحب قرى الحياة 1 و 2

[khaledelshafie]

صباح الخير

سالت في لاسيندا الكيلو 90 بعد النفق ويوجد مرحلة جديدة بمساحات مختلفة
الاستلام بعد سنتين
وسعر المتر 5800 جنيه نصف تشطيب
ولو ترغب في التشطيب بيكون المتوسط 1000 جنيه للمتر
وبيتم تقسيط المبلغ مع اقساط الشاليه
وطريقة الدفع 10% والباقى على 6 سنوات اقساط ربع سنوية بشيكات بنكية
قرية جميلة وراقية ومتكاملة وعلى نظام مصاطب بحيث ان كل الوحدات ترى البحر

[Bassant Taha]

كنت عايزه اسأل على قرية بلو لاجون بعد النفق بحوالى70 كيلو
هل الخدمات و المرافق فيها كويسه
القريه بتبيع دلوقتى المرحله الرابعه و اسعارهم معقوله و مناسبه بس عايزه اعرف البحر فيها حلو و اخبار المد و الجذر ايه هناك و لو حد يعرف اخبار الصيانه يعنى فيه صيانه حلوه بعد ما الواحد يشترى و له بيبيعوا و خلاص لانهم هايخدوا دفعه صيانه عند الاستلام 9%

ف عايزه مساعدتكم قبل ما اشترى ( شاليه 70م ب 240000)
و لو حد عنده اى اقتراح لقرى تانيه او اى معلومات يقولهالى و جزاه الله خير

شكرا

[Bassant Taha]

السلام عليكم
تسمحلى حضرتك أوضح بعض الأمور باعتبار أن عندا بعض الخبرة فى راس سدر و امتلك أكثر من عقار هناك
أولا راس سدر مكان رائع باعتباره من أجمل الأماكن فى مصر المشكلة انه مش وأخد حقه علشان إجراءات نفق الشهيد احمد حمدي و بعد المسافة قليلا مقارنة بالسخنة
ثانيا راس سدر اربع قطاعات بداية عيون موسى ثم راس سدر ثم راس مطارمة ثم حمام فرعون
ثالثا. الشركات الجادة فى راس سدر قليلة جداً و هناك مشاريع تم الإعلان عنها من ١٠ سنوات و لم تكتمل حتى الآن و معظمها هياكل خرا سانية
رابعا افضل القطاعات من ناحية الشاطئ هى راس سدر و حمام فرعون و جنوب راس مطارمة و هناك المد و الجزر غير قوى زى قطاعات عيون موسى و راس مطارمة الى صعب تستمع بالبحر لو القرية مش عاملة بحيرة داخل البحر
خامسا قرية موسى كوست من أجمل القرى و ليس أجملها و لكن البحر هناك مش حلو و لكن سعرها مبالغ فيه جداً و يستغل قربها من القاهرة
فيه قرى كتير جادة و أجمل من موسى كوست و بأقل من نصف السعر خاصة فى قطاعات راس سدر و حمام فرعون
و اى تساؤل أنا فى الخدمة

كِنت عايزه اسأل على قرية بلو لاجون (بعد النفق بحوالى70 كيلو القريه موقعها حلو جدا ) هل الخدمات و المرافق فيها كويسه
القريه بتبيع دلوقتى المرحله الرابعه و اسعارهم معقوله و مناسبه بس عايزه اعرف البحر فيها حلو و اخبار المد و الجذر ايه هناك و لو حد يعرف اخبار الصيانه يعنى فيه صيانه حلوه بعد ما الواحد يشترى و له بيبيعوا و خلاص لانهم هايخدوا دفعه صيانه عند الاستلام 9% يعنى بيهتموا بالقريه بعد البيع من حدائق و حمامات سباحه........الخ

ف عايزه مساعدتكم قبل ما اشترى ( شاليه 70م ب 240000) هل هما ناس ملتزمه و بتسلم ف الميعاد و له بتوع كلام و خلاص

يعنى بستفسر عن
-بحرها و شاطئها
-خدماتها و الصيانه
-التزامهم بالتسليم ( لان التسليم سنتين او سنه و نصف)

و لو حد عنده اى اقتراح لقرى تانيه او اى معلومات يقولهالى و جزاه الله خير

و الف الف شكر مقدما

[qkash.com]

متابع من جديد
موضوع مفيد جداً لكل من يريد الاستثمار في شالية في راس سدر

موفقين جميعاً باذن الله

[amrmn]

إيه رأيكم فى قرية اسكانور ريزورت من اسكندنافيا للتنميه السياحيه فى رأس سدر هما هيقسطوا على 100 شهر و القرية بعد النفق ب 30 كم

[TAMERMEGAHED]

متابع

[M.Elwan]

تبارك القابضة اعتقد انها فتحت الحجز فى مشروع فانتازيا راس سدر لاجونز

https://www.facebook.com/Tabarak.Holding.Page?fref=ts

[mohamed m nasr]

قرية لافي الاصيله سابقا

الاخوة الاعزاء
في بيع في قرية لافي الاصيله سابقا بس تاريخ القرية ميشجعش من 2003 وبقالها زمن ما مفيهاش تطوير اشترتها شركة النهار من سنة ونص زي ما بيقولوا بس برده معملوش حاجه حد عنده اخبار عنها وبالنسبة لقرية المسلة محصلش فيها تطوير انا شايفها قرية هادية خالص بس مش عارف الاسعار فيها ايه ياريت حد يفيدنا

[mohamed m nasr]

قرية لا سرينا

الاخوة الاعزاء
قرية لاسيرينا ليها في السخنة وشرم والساحل حد اتعامل معاهم لانهم فتحوا في راس يدر والتسليم بعد 3 سنوات فهل بيلتزموا بالمواعيد

[oxygen_x]

مساء الخير / بعد اذن حضرتك كنت شوفت ردك بخصوص راس سدر وواضح انى حضرتك عندك خبره كبيره
انا بفكر حاليا اشترى شقه فى راس سدر و كنت بفكر فى اكتر من مكان زى بلولاجون او اولمبيا اوا موسى كوست بس محتار مش عارف قواعد الاختيار الصح مع خوغى من كتر شركات النصب هناك
انا كنت بحد كبير مستقر على بلولاجون لانى اسعارها معقوله والارض تمليك مش خق انتغاع و كمان لانى لقيت ٣ مراحل متسلمه
عاوز اعرف راى حضرتك لو ممكن

[mth3000]

مساء الخير / بعد اذن حضرتك كنت شوفت ردك بخصوص راس سدر وواضح انى حضرتك عندك خبره كبيره
انا بفكر حاليا اشترى شقه فى راس سدر و كنت بفكر فى اكتر من مكان زى بلولاجون او اولمبيا اوا موسى كوست بس محتار مش عارف قواعد الاختيار الصح مع خوغى من كتر شركات النصب هناك
انا كنت بحد كبير مستقر على بلولاجون لانى اسعارها معقوله والارض تمليك مش خق انتغاع و كمان لانى لقيت ٣ مراحل متسلمه
عاوز اعرف راى حضرتك لو ممكن

والله انا زيك بالضبط ياريت تقولي لو استقريت علي حاجة وشكراً ضيف الي القري دايموند

وياريت اهل الخبرة كمان يفيدونا في منطقة راس مطارما هل المياه بها جيده من عدمه لان ناس كتير مشكرتشي فيها وشكراً

[khaled_afandy]

ماشى ياباشا نبدا بقرى المستوى الاول
القرى دى من اجمل القرى فى مصر بجد هتستمتع فيها بس هى غالية حبيتين
اولها بردايس راس سدر و هى اجمل القرى فى راس سدر و الى عمل القرية دى مصريين من اصل ارمنى محافظين على كل حاجة فيها و ملحق بها فندق طبعا هى استيل جدا كانك خارج مصر. بس هى غالية شوية بس نجوم المجتمع هتلاقيهم هناك مفيش فيها تهريج. و لا حد ممكن يخالف قواعد القرية و بيختاروا الناس الى بتشترى عندهم كويس علشان كده عمرهم م بيعملوا اعلانات طبعا الوضع ده منعكس على السعر الشاليه سادس صف من البحر يعمل حوالى ٦٥٠ الى ٧٠٠ الف و يمكن اكتر. اخر معلوماتى انهم فاتحين باب الحجز لمرحلة جديدة يمكن خلصت و يمكن لا ملحوظة اقل شاليه ١٢٥ متر متشطب
تانى القرى هى هاسيندا. قرية هايلة فيها كل الى نفسك فيه على الطراز الاسبانى بس برضع سعرها غالى زى براديس
قرى المستوى الثانى
قرى رائعة ايضا و لكن اقل قليلا فى المستوى من براديس و هاسيندا
طبعا اولهم موسى كوست بس غالية جدا
اميرة سدر و فيها فندق الباتروس معرفش ان كانوا بيبيعوا و لا لسة
ريفيرا سدر و دى اسعارها فى حدود ٤٠٠٠ المتر بس بتشوف البحر من كل شاليه فى القرية القرية على شكل w
هوليداى فانتازيا قرية جميلة و الشاليهات تتراوح بين ٣٥٠٠ و ٥٠٠٠ المتر
جولدن بيتش ١ برضه اعتقد انها خلصت و متوسط السعر فيها ٤٠٠٠ المتر
لابلايا سدر اخر قرى راس سدر بالقرب من حمام فرعون الاسعار من ٣٠٠٠ الى ٥٠٠٠ النتر
قرى المستوى الثالث
قرى قد تكون جيدة و لكن الخدمات قيها محدودة او المستوى فيها مش عالى قوى
مارينا سدر
جولدن بيتش ٢ حلوة بس الشاطئ فيها سئ
بالم بيتش بتاعة المخابرات
بلو لاجون و دى ممكن تلاقى فيها باسعار مناسبة جدا لغاية ٣٠٠ الف جنيه شاليه كويس جدا و القرية حلوة مش سيئة
بلو باى القرية موقعها حلو و لكن المرافق سيئة و اسعارها رخيصة
الحياه مش بطالة بس المساحات الفعلية غير المكتوبة فى العقد خالص
القرية الهولندية ممكن تلقط شالية بسعر كويس و القرية مش بطالة
المستوى الرابع
تكره نفسك و اليوم الى حد قالك تشترى فى راس سدر
و هى على االاخص
كوين بيتش
فرجينيا
بنت السلطان
مسلة بيتش
بنانا بيتش
االباقى كله نصابين و على الاخص
غادة سدر بقالها ١٠ سنين تحت الانشاء
وايت ويف شرحه
يارا كوين ١٣ سنة تحت الانشاء بتبيع و تستثمر الفلوس و بعد ٣ سنين ترجعها و هكذا
مينا بيتش ٣ سنوت اعلانات و لسة مفيش حجر واحد و بتبيع دلوقتى فى المرحلة الثانية
بورسالينو ٧ سنوات تحت الانشاء
اوليمبيا ريسورت ٦ سنوات تحت الانشاء
نيجى بقى لنصيحتى الشخصية
السعر مقابل القيمة
لابلايا ممكن تشترى شاليه ٧٠ متر فى حدود ٢٠٠ الف القرية قائمة بالفعل و جميلة جدا و لكن هى ابعد قرى راس سدر
بلو لاجون ممكن تشترى شاليه ٤٠ متر فى حدود ١٥٠ الف قرية معقولة جدا مش وحشة و موقعها ممتاز وسط راس سدر
و اى سؤال تانى انا فى الخدمة
ملحوظة اذا انشا مطار راس سدر لن ترى هذه الاسعار تانى بس بقالنا ٦ سنين بنسمع على
المطار و على مشروع المارينا. الى هيخده ساوير س

شكرا على المعلومات الهايلة دى
طيب ايه رأى حضرتك فى نزهة بيتش علشان أتسألت عليه و ما اعرفوش بصراحة

[aif]

كنت عاوز اسأل على قرية الياسمينا بيتش الكيلو 76 من النفق
حد عنده فكرة عنها ??