حد يعرف أشترى عسل نحل طبيعى 100% منين؟

[alrabeh]

الإخوة الأفاضل ياريت لو حد يعرف أشترى منين عسل نحل طبيعى 100 % بدون ما يكون حاطط سكر للنحل وما الى ذلك

كل العسل اللى فى السوق استحالة يكون نقى 100% بدليل انه بينزل كميات كبيرة جدا على مستوى الجمهورية

ولكم جزيل الشكر

[mohammedgido]

للاسف اغلب الي في السوق مبيكونش عسل نقي 100% حتى عسل نحل امتنان الشهير هو عسل عادي وبه نسبه من السكروز العالية
وعموما اي عسل في الدنيا لابد من وجود نسبة سكروز فيه ولكن الفرق في النسبة عاليه ام طبيعيه ووزارة الصحة في مصر تعطي نسبة السكروز المسموحه في العسل البرسيم النوارة الي 10% لا تتعداها وان كان يوجد منه في المناحل حتى 20% وما فوق وكذلك في السوق
وممكن ان تحصل علي عسل اقل من 5% سكروز لكن ليس كل النحالين يفعلوا ذلك ولكنه موجود
اما 0% او 1% فغير موجود الان وان كان موجود فبصعوبة شديييييييييييييييييييده جدا

[الاستاذ]

صعب جداااا
وعلى حد علمى العسل الخام غالى ممكن يوصل لالف جنية دة لو لقيتة

[mohammedgido]

صعب جداااا
وعلى حد علمى العسل الخام غالى ممكن يوصل لالف جنية دة لو لقيتة

للاسف كلام حضرتك غير صحيح ومبالغ فيه
نعم يوجد انواع من العسل قد تصل لقيمة عالية من المال مثل السدر اليمني وهو اغلاهم وقد يصل سعر الكيلو تقريبا ل 1000 جنية
لكن هناك انواع من العسل غير مغشوشة بل عالية الجوده واسعارها اقل من هذا بكثير جداااااااا
وسأوضح لك الامر
العسل ينقسم الي
1- عسل مغشوش بالكليه ( وهو عبارة عن خليط من السكروز مع منكهات وطعوم ويعالج بطريقة معينة حتى تراه كالعسل وقوام ولون ورائحة العسل )
طريقة كشفه تكون صعبة جدا الا بالتحاليل المخبرية
2- عسل نحل غير مغشوش بالكامل ولكن يغذى النحل علي السكر ( وهو قبل وقت قطف العسل يقوم النحال باطعام النحل في خلاياه كمياة من السكر المذاب في الماء بشكل مبالغ فيه والهدف من ذلك زيادة كمية انتاج العسل للربح التجاري )
هذا النوع لا نستطيع ان نقول عنه انه مغشوش ولكن قيمة الغذائية قليلة وفائدته العلاجيه غير مجدية ولكنة قد يستخدم كمحلي
3- عسل مغذى أيضى في وقت قطافه علي محلول سكري ولكن بنسبة مسموح بها من قبل وزارة الصحه وهي كما قلت في عسل نوارة البرسيم لا تتعدى 10% وهذا يعد عسل جيد وسعرة ليس بالبهيظ ويفيد في معالجه بعض الامراض والوقاية منها
4- عسل نسبة السكروز به تقل عن 5% وهو متوافر ايضا ولكن بنسبة اقل تجاريا وهو جيد جدا جدا وعلي حسب نوع العسل
5- عسل غير محتوي علي نسبة سكروز او اقل من 1% وهذا نادر خصوصا في بلادنا والحصول علية صعب جدا جدا وان كنت قد استطعت ان اتحصل علية في بعض الاحيان من بعض من اثق بهم

خلاصة القول : العسل من الامور صعب اكتشاف غشها وليست هناك طريقة لمعرفت غش العسل من خلال الافراد الا بالتحاليل المخبرية وهذا ليس متوفر لكل أحد
فالعسل اما ان تشتيه مممن تثق فيه او تحليله مخبريا وهذا مستحيل بالنسبة للافراد

[hilal]

الحل الوحيد انك تشتري خلية نحل وتستخرج العسل بنفسك
غير كده انسى الا لو جالك عسل جبلي من مصدر ثقة بالخارج مثل اليمن او السعودية

[Abo Yasso]

ايه ده ؟؟؟
حتى امتنان مغشوش !!!!!!!!!!

[mero100]

امتنان كويس جدا .. و فيه طريقه لاكتشاف العسل الاصلي من المغشوش .. شوفتها علي اليوتيوب.. و هي عباره عن انك بتحط نقطه عسل في منتصف طبق و تحط شويه ميه علي العسل اللي في الطبق .. و تبدأ بتحريك الميه علي العسل عن طريق انك تحرك الطبق يمين و شمال .. بعد دقيقه تقريبا حتلاقي العسل اللي في الطبق رسم شكل خليه نحل سداسيه الشكل .. و هوه ده العسل الاصلي .. انا جربتها ..و الله اعلم .

[Abo Yasso]

امتنان كويس جدا .. و فيه طريقه لاكتشاف العسل الاصلي من المغشوش .. شوفتها علي اليوتيوب.. و هي عباره عن انك بتحط نقطه عسل في منتصف طبق و تحط شويه ميه علي العسل اللي في الطبق .. و تبدأ بتحريك الميه علي العسل عن طريق انك تحرك الطبق يمين و شمال .. بعد دقيقه تقريبا حتلاقي العسل اللي في الطبق رسم شكل خليه نحل سداسيه الشكل .. و هوه ده العسل الاصلي .. انا جربتها ..و الله اعلم .

معلش ممكن اتعبك معايا
تبعتلى اللينك بتاع اليوتيوب ده
وشكرا

[محمود سامح]

اعتقد فى مناحل على طريق القناطر بتبيع عسل نسبة الغش فية 25 %100

[mohammedgido]

يا جماعة الخير انا مقلتش ان عسل امتنان مغشوش !!
للمعلومات عن عسل امتنان
الشركة بتاخذ عسل بكميات كبيرة من النحالين في مصر وباسعار رخيصة لكنها للامانة لا تقبل اي عسل عندها مغشوش ولكن هي تقسم العسل الي فئات ( أ و ب و ج ) واخيرا ضموا ( د) ما هذه الارقام لمن لا يعرف ؟
الفئة أ: هو العسل الممتاز الذي يكون فيه السكروز أقل من 5% وهذا فقط للتصدير
الفئة ب: وهو العسل سكروز أقل من 10 %
الفئة ج: عسل السكروز فيه يصل الي 15%
الفئة د : عسل يصل نسبة السكروز فيه الي أكثر من 20 %
و الفئتين ج و د هما اللذين يعبئان للمنتج المحلي في مصر
أرجو ان تكون وضحت الفكرة

[mohammedgido]

نأتي لنقطة طرق كشف غش العسل المنتشرة علي الانتر نت
اولا جميع هذه الطرق غير فعالة ولا تظهر العسل المغشوش من غيرة كما يظن البعض وإنما كل ما هناك أن بعض هذه الطرق تبين نسبه الماء في العسل لذلك يظن البعض انها نجحت والعسطل قد يكون سليم 100% ونسبة المياه فيه عاليه فيظهر علية هذه العلمات كالذوبان في الماء سريعا وانتشاره
خلاصة القول في العسل حتى لا تتعبوا انفسكم العسل المغشوش لا يكتشف بطرق تقليدية وإنما عن طريق تحاليل مخبرية تأتي لك بالتفاصيل حتى نسبة حبوب اللقاح وغيرها
لذلك لتأكل عسل سليم وغير مغشوش أمامك طريقتين لا ثالث لهما
1- تحليله في معامل وزارة الصحة
2- أخذه من ثقة سواء نحال او تاجر تظن فيهم تقوى الله

[mohammedgido]

الحل الوحيد انك تشتري خلية نحل وتستخرج العسل بنفسك
غير كده انسى الا لو جالك عسل جبلي من مصدر ثقة بالخارج مثل اليمن او السعودية

هههههههههههههههه
استاذ هلال اعتقد دا مش حل عملي ابدا لان متوسط طرح خلية النحل 3-5 ك في الموسم دا غير انه لازم يذهب بيها لاماكن الزهور سواء البرسيم او الموالح وحتى الاعشاب مثل البردقوش وغيرها فالموضوع ليس بالسهل ابدا

[wawamoha]

طب الله يكرمكم ملاحظاتي :
1- يعني امتنان بتطرحلنا ج و د - طيب يا ولاد ال.... اطرحم أ و ب بسعرهم ...... بس الاقي منتج بلدي انا اولى بيه ( حتى الت.... في النحل )

2- اجابه السؤال لسه ماتقالتش : حد يعرف نحال بيتقي الله زي الاستاذ الفاضل بيقول ؟



وشكرا

[mohammedgido]

طب الله يكرمكم ملاحظاتي :
1- يعني امتنان بتطرحلنا ج و د - طيب يا ولاد ال.... اطرحم أ و ب بسعرهم ...... بس الاقي منتج بلدي انا اولى بيه ( حتى الت.... في النحل )

2- اجابه السؤال لسه ماتقالتش : حد يعرف نحال بيتقي الله زي الاستاذ الفاضل بيقول ؟



وشكرا

الله المستعان سارجع لارشيفي لعلي أجد احد هؤلاء .. ابشر إن شاء الله

[wawamoha]

الله المستعان سارجع لارشيفي لعلي أجد احد هؤلاء .. ابشر إن شاء الله

الله يكرمك يبقى جزاك الله خيرا .....