حد يعرف أشترى عسل نحل طبيعى 100% منين؟

[mohammedgido]

انا جبت برطمان عسل
كان كويس
لحد قرب اخره ابتدى يتجكد ويكون اشبه بالسمن المجمد
ده كويس ولا سيء

من خواص العسل الطبيعي انه جمد في الشتاء وهذا عكس الفكره المنتشره عند الناس ان العسل الذي يتجمد او يبلور حبيبات هذا مغشوش طبعا لارساله مره اخرى ضع البرطمان في حمام ماء دافيء لفتره حتى يزول التجمد
واحكي لك قصه حصلت معي مع العسل المجمد
في فتره من الفترات عملت في هذا المجال وكنت ولله الحمد اشتري بكميات كبيره فكنت عند احد النحالين في زياره وديه وكان يطلعني علي انواع عسل عنده حتى وقعت عيني علي عسل مجمد عنده في برطمانات بلاستيكيه وكان عسل قطن صافي ( ومعروف ان عسل القطن ارخص انواع العسل ) ومن شدة تجمده لو ضربت به حائط قد يكسر :) طبعا تذوق العسل واعجبني جدا واشتريت كل الكمية وكانت 60 ك واخذتهم معي في السيارة للاستعمال الشخصي الوالده لما رأت العسل قالتي لي هذا عسل مغشوش وانبتني ولكن لما ارسلت العسل وتذوقته تقريبا هي التي استعملت كل الكمية وخصوصوا انه كان فعال جدا في علاج الحموضه وحرقان المعده

[alrabeh]

جاتلى أسعار العسل اللى فى السعودية
العسل اليمنى الحضرمى سعره من 160-280 ريال
العسل الباكستانى 40-70 ريال
وبإذن الله حيجينى بكرة من السعودية كيلو عسل من الباكستانى وان شاء الله أقولكم أخباره ايه ولو كويس يبقى نقول لأى حد مسافر يجيبلنا ان شاء الله

[mohammedgido]

جاتلى أسعار العسل اللى فى السعودية
العسل اليمنى الحضرمى سعره من 160-280 ريال
العسل الباكستانى 40-70 ريال
وبإذن الله حيجينى بكرة من السعودية كيلو عسل من الباكستانى وان شاء الله أقولكم أخباره ايه ولو كويس يبقى نقول لأى حد مسافر يجيبلنا ان شاء الله

الباكستناني أكتر من نوع ايه النوع الي هيجبهولك ؟

[نور القمر]

اعتقد مفيش حاجة 100%
الكمال غاية لا تدرك
والكمال لله وحده
...
اي عسل معبأ زي امتنان والتمساح لازم بيبقي عليه اضافات لضمان عدم تجمده في الشتاء واحيانا بيحطو حاجات تانية للتأثير في الطعم واللون وما الي ذلك
العسل اللي ب 1000 جنية ده اسمه السدر الجبلي
وبيبقي من نحل يعيش في الجبال وليس في خلايا صناعية
علشان كدة الحصول عليه صعب وكميته بتبقي قليلة جدا ... وده سبب غلو سعره
وطبعا حتي لو كان موجود في مصر ح يتم غشه
الغش اسلوب حياة عندنا
انا عن نفسي باجيب العسل من المنوفية وهو افضل بمراحل من العسل التجاري اللي في الصيدليات زي التمساح وامتنان
طبعا استحالة يكون النحل متغذي 100% علي زهور ... بيبقي فيه نسبة تغذية علي الفراكتوز والجلوكوز
لكن اللي اضمنه انه معليهوش اي اضافات سواء مياه او مواد سكرية
احسن قطفة في العسل هي قطفة البرسيم ووقت العسل بتاعها بيبقي شهر 5 و 6
التجار الشاطرين مش بياخدو العسل في بداية الموسم ... بينتظرو اسبوعين مثلا لان احتمال اي غش بيبقي اكبر في بداية الموسم
فيه كمان قطفة الموالح ... دي بيبقي النحل متعذي على زهور البرتقال والموالح وبيبقي العسل رائحته جميلة لكن قيمته الغذائية اقل من البرسيم
وفيه كمان قطفة القطن
انا باجيب العسل اللي يكفي السنة كلها في موسم قطفة البرسيم في شهر 6 من تاجر جارنا في المنوفية لكنه راجل مجترم جدا وعنده ضمير وبأثق فيه
وكل اللي بيجرب العسل عندنا بيشكر فيه جدا
اسعار العسل للجمله بتكون من 20 الى 25 حسب الجودة والكمية
طبعا ده لا يقارن بسعر العسل اللي في الصيدليات او السوبر ماركت
دي تجربتي اللي باعملها كل سنة والله اعلى واعلم
وبالهنا والشفا :copy of m-s5:

وانا زي الحاج احمد بشتري العسل من البلد في الصعيد من تاجر ثقة
مع اني جربت انواع كتير في السوبر ماركت لكن كنت بحس بطعم حاجة صناعي فيهم
وجربت كتير من البلد لكن ارتحت مع نوع معين واحيانا بلاقي منه هنا في القاهرة هو اسمه الياسمين
بس مش عارفة قبل كدة كان بيتجمد في الشتا المرة دي الشتا جات ومشت ومتجمدش خالص بس هو هو نفس الطعم

[alrabeh]

الباكستناني أكتر من نوع ايه النوع الي هيجبهولك ؟

ان شاء الله لما يجيلى بكرة أقولكم نوعه ايه بالظبط ومكتوب عليه ايه

[mr_who515]

عسل السدر اليمني الجبلي تذوقته مره واحده في حياتي ولم أذق مثله قط في طعمه وحلاوته ولاأحدثكم عن تأثيره.. وكان شديد اللذعان مع حرقة خفيفة على اللسان و الجوف ولونه مائل إلى البني.. كان يأتي بالطلب لأمير سعودي من طرف قبيلة معروفة في جنوب اليمن مشهورة بتجارة العسل المقطوف من قمم الجبال دون أي تدخل بشري.. سعر الكيلو يتجاوز العشرة الآف ريال سعودي!! هذا الشيخ تجاوز الستين ورغم تقدمه في العمر الا انه كان يتمتع بصحة جيدة وكثير الزواج والإنجاب وهي كلها أسباب.. العسل الأصلي حقيقة هو أكسير الحياة.

[elhelwany188]

فعلا موضوع العسل بقى محير جدا ...
بقالى فترة بجيب من وزارة الزراعة على الاقل احسن من اللى فى السوق ...

[Karim_Monir]

شخصيا لا استعمل الا امتنان اللي في محلات امتنان وليس المعبأ لان ده حاجة وده حاجة تانية خالص
كان وقتها امتنان بيبيع العسل سايب ويعبية قدامك
نصيحة لو مش لاقي مكان موثوق منه هات من امتنان محلات امتنان نفسها وعندهم انواع كتير قوي كركدية وحبة بركة وده لونه قريب للسواد واغلي
واحيانا كان بيجلي من طنطا اصلي برضه
لكن عسل في برطمان في سوبر ماركت ده سكر في شكل عسل :-)

[mohammedgido]

شخصيا لا استعمل الا امتنان اللي في محلات امتنان وليس المعبأ لان ده حاجة وده حاجة تانية خالص
كان وقتها امتنان بيبيع العسل سايب ويعبية قدامك
نصيحة لو مش لاقي مكان موثوق منه هات من امتنان محلات امتنان نفسها وعندهم انواع كتير قوي كركدية وحبة بركة وده لونه قريب للسواد واغلي
واحيانا كان بيجلي من طنطا اصلي برضه
لكن عسل في برطمان في سوبر ماركت ده سكر في شكل عسل :-)

لا هو لي في محلات امتنان هو هو الي في السوق انا اقصد بالاخص ( عسل نوارة البرسيم ) أما المحلات فطبيعي تلاقي فيها تشكيله غير الي في السوق لان السوق ميستوعبش انواع غاليه جدا وطبعا العسل اشكال والوان كثيرة جدا تتوه فيها
وارجع واقول تاني مش كل العسل الي في السوق مغشوش في انواع جيدة وكما قلت 10% سكروز في العسل هي نسبة وزارة الصحه فاصلا كل العسل الذي يباع عند وزراة الزراعة 10% فما فوق
لكن اذا رأيت شخص يبيع لك كيلو عسل + كيلو هديه ب 20 أو 25 جنيه تخيل دا اصلا ايه ؟!!
دا محلول سكري كامل 100% ويضاف عليه بعض النكهات واصلا هو يقف عليهم سعر الكيلو لا يتعدى 7 جنيه

[wawamoha]

فين محلات امتنان دي يا كريم ؟

[alrabeh]

فيه محل امتنان فى شبرا مصر لو حبيت اوصفه لسيادتك تحت أمرك

[swimmer25]

أنا كنت بشتري عسل هندي و أمريكي من دبي
الهندي إسمه جولدن هايف..مكتوب عليه إنه من جبال الهيمالايا بس طعمه مسكر أوي
والأمريكي إسمه sue bee بردو مسكر شوية بس دا من مزارع البرسيم
كانوا في حدود 30 درهم

المهم لما قريت الكلام في الموضوع هنا نزلت أدور علي السدر
لقيت في محل جنبي إن فيه نوعين مشهورين

1- السدر
2- السمر

والنوعين فيه منهم إماراتي وفيه منهم يمني

لقيت السمر الإماراتي أغلي من السدر الإماراتي
والعكس في اليمني
السدر اليمني أغلي من السمر اليمني
مش عارف إزاي الأسعار عاكسه كدا

الأسعار كانت

السدر الإماراتي: 165 درهم للكيلو
السمر الإماراتي: 280 درهم
السدر اليمني: 240 درهم
السمر اليمني: 105 درهم
وكان فيه نوع تاني يمني مش فاكر اسمه كان ب 350 درهم

أنا سمعت إن السدر الإماراتي كويس فجبت منه وفعلا طعمه غير أي عسل دقته قبل كدا

شكرا يا رجالة موضوع مفيد جدا

[aif]

آسف للتأخر في الرد
الزملاء اللي سألوا عن التاجر اللي باتعامل معاه في المنوفية
الراجل ده اسمه المعلم خيري ( ابو بيتر )
مكانه في المنوفية قرية زوير
زوير دي في ؤطريق قويسنا - شبين الكوم قبل شبين ب 4 كيلو عند ميت خلف ولها طريق حوالي 2 كيلو من ميت خلف ولها عربيات من شبين الكوم
تليفونه 01006543406
انصح بقطفة البرسيم بتبقي في اول شهر 6 يعني ممكن تتصل بيه من نصف مايو يعرف مواعيده ايه بالظبط لأن مواعيد العسل مش دقيقة
وممكن تقوله انك من طرف الحاج ابراهيم عبد الفتاح ( والدي ) لأننا جيرانه في البلد ولايمكن يدينا حاجة مش كويسة واكيد اللي من طرفنا ح يديله عسل محترم ومش مغشوش
السنة اللي فاتت كان الكيلو في حدود 22 تقريبا حسب ما أذكر وده كان لكمية كبيرة لأننا بنجيب للعائلة والاصدقاء وبيبقي خزين للسنة بالكامل اكتر من 500 كيلو فبيبقي سعر جملة
لو انت معاك الاواني اللي ح تاخد فيها ( برطمانات او جراكن بلاستك ) بيبقي الوزن صافي
لو هو ح يجيبلك علب صاج مجلفن بيبقي وزن العلب داخل الوزن مقابل تمن العلب نفسها
وطبعا لو ح تخلي العسل وقت طويل ينصح انك تخزنه في برطمانات زجاج وان كنت ساعات باسيبه في العلب الصاح لمدة عام كامل وبالاقي العلب سليمة بدون اي صدأ
لو انت عاوز العسل نقي جدا ممكن تصفيه في قطعة شاش نظيفة
تربط الشاشة حول وعاء كبير وتسكب العسل فوق الشاشة وتسيبه يصفي بالليل
ح تصبح تلاقيه متصفي كويس وبقي زي الذهب
انا اصلا مش باصفية لكن في ناس بتحبه متصفي خالص
فيه عنده برده شمع عسل بيبقي عبارة عن الخلايا الصناعية ( بلاستك نقي ) اللي النحل بينتج عليها العسل والشمع ( مش شمع طبيعي علشان محدش يظن كدة )
لو عاوز شمع من ده بيحطك مع العسل حسب طلبك
واخيرا بالهنا والشفا

[exact]

جيب عسل نحل ايزيس من هايبر او كارفور... فوق الممتاز ومش غالي قوي

[alrabeh]

جالى بفضل الله العسل الباكستانى من السعودية الكيلو ب 40 ريال
وجالى فى جركن صغير زى جركن مياه زمزم الصغير مش فى برطمان زجاج
لونه بنى وتقيل جدا وطعمه مالوش علاقة بالأنواع اللى موجودة هنا واللى تحس انها فعلا سكر مش عسل
وده حيخلينى ابدأ بإذن الله فى تجربة الأنواع الأخرى خاصة السدر اليمنى