مولد كهرباء حلاوة ولا هوندا برافا؟

[SoFiMaN]

انا دلوقتي بقارن بين مولد بيطلع صافي 6.5ك مارش هوندا برافا ب 10500جنيه
و مولد حلاوة ضمان سنة صافي 5ك ب5000جنيه

المولد هيشتغل عليه تكيف 1.5حصان و ثلاجة و تلفزيون ورسيفر و راوتر و 20 لمبة موفرة ال23وات

ارائكم ياريت و لو حد جرب اي من الاتنين ؟

و برضه هو عادي اخد من البنزينة جركن بنزين؟

شكرا

[احمد فهمى]

الهوندا وابعد عن التانى

[rotanamasoud]

طبعا بدون كلام الهوندا
اما الحلاوه يا حلاوه يا حلاوه ده اللى عاملها دماغه حلاوه ربنا يتوب علينا(ياترى نسبه الى مستورد اسمه حلاوه)
وراجع موضوعى http://www.nilemotors.net/Nile/411407-a.html

[فادى محمد]

هوندا طبعا..الغالي رخيص

[أحمد عبدالله]

متابع

[dedi]

بالرغم من انة الفرق يبدو ضخم الى انة الاغلى ارخص و خاصة انة ماركة معروفة و معمرة هو اعتقد انة مصرى التجميع تقريبا و المولد والمكونات مستوردة
هو علية مثبت تيار
القدرة الاعلى بعدة كام وبكم سعرها

[SoFiMaN]

انا حاليا بصراحة بفكر في الحلاوة لسبب بسيط انه نصف سهر الهوندا برافا و في الاخر ده لاستهلاك منزلي مش ضخم لكنه افضل الصيني المتوفر كمميزات ة ضمان عام ضد عيوب الصناعة

[hesham2004]

أختار صينى ماركة ، مش استيكر
بمعنى مصنع بيصنع المولد بالكامل (اساسا المحرك و المولد ) و حاطت اسمه على كل جزء فيه، و أرشحلك ماركة senci

[ابوحبيبة2010]

اخبار التجربة ايه
اوعى تقول الحلاوة شديد

[drcobra]

هوندا

[moatazbunny]

انا دلوقتي بقارن بين مولد بيطلع صافي 6.5ك مارش هوندا برافا ب 10500جنيه
و مولد حلاوة ضمان سنة صافي 5ك ب5000جنيه

المولد هيشتغل عليه تكيف 1.5حصان و ثلاجة و تلفزيون ورسيفر و راوتر و 20 لمبة موفرة ال23وات

ارائكم ياريت و لو حد جرب اي من الاتنين ؟

و برضه هو عادي اخد من البنزينة جركن بنزين؟

شكرا

بعد التحيه
أنا عندى هوندا فى الشغل 8 كيلو
جايبينه من تريدكو الصياد
الخلاصه
الصيانه وقطع الغيار معاهم مقرفه ، كانك فى مصلحه حكوميه بالظبط
قطع الغيار رخيصه مسش غاليه أوى
اخر مغلبت مع الصيانه اتفقت مع العامل انو يجيلى كل شهر زياره يعملى صيانه شامله وبديله 100 جنيه فى الزياره، ولما سافر بره جابلى أخوه فاتح ورشه وكان شغال فى تريدكوا الصياد برده
المشكله الاساسيه اللى خلتنى اكتبلك البوست ده إنك متشتريش وخلاص المولد 6 ونص كيلو
لازم تحسب الاحمال اللى انت هتشغلها الاول عشان تعرف المولد دا هيفيدك ولا كتير عليك وممكن تقضيها بواحد اقل شويه

لازم تعرف ان المولد بيتقاس بالكيلو فولت أمبير
والاحمال عندك بتتقاس بالوات
يعنى من الاخر لازم مجموع سحب الاجهزه اللى انت كاتبها دى وتحولها إلى كيلو فولت أمبير ، ودى يساعدك فيها مهندس كهرباء عشان انا مش عارف حسبتها إزاى

وفي حاجه كمان سحب التكييف بيختلف كتير اول لما بيقوم عن التشغيل العادى، والانواع كلها بتختلف فى السحب ، يعنى الكارير مش زى الشارب ، واللى يفيدك فى القياس مهندس التكيفات عشان معاه جهاز بيقيس بيه سحب الجهاز ، وخلى بالك أقل نوعين فى السحب فى السوق المصري هما شارب وسامسونج ودى معلومه من معظم المهندسين اللى بيجولى الشركه، بالتوفيق

[drcobra]

بعد التحيه
أنا عندى هوندا فى الشغل 8 كيلو
جايبينه من تريدكو الصياد
الخلاصه
الصيانه وقطع الغيار معاهم مقرفه ، كانك فى مصلحه حكوميه بالظبط
قطع الغيار رخيصه مسش غاليه أوى
اخر مغلبت مع الصيانه اتفقت مع العامل انو يجيلى كل شهر زياره يعملى صيانه شامله وبديله 100 جنيه فى الزياره، ولما سافر بره جابلى أخوه فاتح ورشه وكان شغال فى تريدكوا الصياد برده
المشكله الاساسيه اللى خلتنى اكتبلك البوست ده إنك متشتريش وخلاص المولد 6 ونص كيلو
لازم تحسب الاحمال اللى انت هتشغلها الاول عشان تعرف المولد دا هيفيدك ولا كتير عليك وممكن تقضيها بواحد اقل شويه

لازم تعرف ان المولد بيتقاس بالكيلو فولت أمبير
والاحمال عندك بتتقاس بالوات
يعنى من الاخر لازم مجموع سحب الاجهزه اللى انت كاتبها دى وتحولها إلى كيلو فولت أمبير ، ودى يساعدك فيها مهندس كهرباء عشان انا مش عارف حسبتها إزاى

وفي حاجه كمان سحب التكييف بيختلف كتير اول لما بيقوم عن التشغيل العادى، والانواع كلها بتختلف فى السحب ، يعنى الكارير مش زى الشارب ، واللى يفيدك فى القياس مهندس التكيفات عشان معاه جهاز بيقيس بيه سحب الجهاز ، وخلى بالك أقل نوعين فى السحب فى السوق المصري هما شارب وسامسونج ودى معلومه من معظم المهندسين اللى بيجولى الشركه، بالتوفيق

شكرا للمعلومات القيمة

[megop6m]

هل جربت مولد حلاوة ده لأني بفكر فيه أنا كمان ، ياريت لو كنت جربته تقولنا تجربتك

[هشام 2014]

متابع انا كمان عايز اعرف الهوندا احسن ولا لان توب والحلاوة خصوةصا ان الهوندا تقفيل مصرى

[drcobra]

متابع انا كمان عايز اعرف الهوندا احسن ولا لان توب والحلاوة خصوةصا ان الهوندا تقفيل مصرى

اعتقد الهوندا تقفيل مصرى بس مكونات ايطالى ويابانى وده الاهم
لكن الان توب صينى ومعقول بس طبعا صينى