الناس اللي بتحط صور حريمها على الفيس وكمان البروفايل

[walidzakzok]

هو الموضوع دة عادي وانا اللي معقد والا ايه

انا شايف انه مش عادي دة الصعايدة زمان اللي كان بيعرف اسم امه يقتله

دلوقتي المواضيع بقت ايزي ميزي خالص هيا الناس مبقيتش تغير على اهل بيتها والا ايه!!!! واللي شايف ان الموضوع عادي ياريت يقول عادي ليه؟

بصراحة الموضوع دة مستغربله بقالى مدة وخصوصا صور البروفايل اللي حاطط صورة الفرح ومراته بشعرها واللي حاطط صورته معاها على البروفايل وهية لابسة بادي هية الناس مبقاش عندها نخوة والا انا اللي مش طبيعي!!!

[أبو آسر]

يعني هيبقى أكتر من اللي حاطط صورته وهو حاضن مراته بفستان الفرح الكت وبالميك أب والشعر المصبوغ المتظبط في الصالون علشان كل الضيوف تتفرج عليها !
يا راجل كبر مخك .. الرجالة ماتت في الحرب أصلا

[Egyzizo]

مافيش مقياس للموضوع ده

أعرف بنات حاطين صورهم وفى منتهى الاحترام
وأعرف العكس برضه

It is a matter of culture

[dede_dodo88]

الناس اللي بتحط صور حريمها على الفيس وكمان البروفايل هما أحرار مع "حريمهم" يحطوا صورهم في المكان اللي يعجهم!!..

[ahmad--ezzat]

باشا...مع احترامي....موضوعك ملوش لازمه


كل واحد حر

وانا من الناس اللي بترفض ده

بس كل واحد حر مع مراته ....وعلي راي عمرو دياب...كل واحد يعمل اللي يريحو

[walidzakzok]

لما بنت تحط صورتها هيا حرة حتى لو حطتها عريانة ممكن نعتبرها حرية شخصية

لكن لما الذكر يحط صورة انثاه وكمان وهية لابسة لبس غريب فده ضد العرف البشري

[walidzakzok]

الناس اللي بتحط صور حريمها على الفيس وكمان البروفايل هما أحرار مع "حريمهم" يحطوا صورهم في المكان اللي يعجهم!!..

الحرية مش معناها انى اعمل اي حاجة عايزها ومش معنى انها مراته انه حر فيها

يعني لو واحد هو ومراته بيعملوا فعل فاضح فى الشارع هايتحاكموا بتهمة فعل فاضح ومش هايفرق هو متجوزها والا جايبها من الشارع

[walidzakzok]

باشا...مع احترامي....موضوعك ملوش لازمه


كل واحد حر

وانا من الناس اللي بترفض ده

بس كل واحد حر مع مراته ....وعلي راي عمرو دياب...كل واحد يعمل اللي يريحو

الموضوع مهم جدا لان دي ظاهرة من الظواهر السلبية - حرام شرعا وتخالف العرف اللي اتربينا عليه ايه بقى علاقة الحرية فى موضوع زي دة!!!

[mk3]

اللى انا مستغربله البنات اللى بتحط صورها بلبس البيت والباقى .........مفهوم.
والغريب مفيش ولا صورة متكرره مع اخريات (يعنى مش اكونت مضروب)
اييييييييييه مفيش حد من اهلها ..من عيلتها ...من صحابها..من منطقتها يشوفها صدفه !

[walidzakzok]

اللى انا مستغربله البنات اللى بتحط صورها بلبس البيت والباقى .........مفهوم.
والغريب مفيش ولا صورة متكرره مع اخريات (يعنى مش اكونت مضروب)
اييييييييييه مفيش حد من اهلها ..من عيلتها ...من صحابها..من منطقتها يشوفها صدفه !

الظاهر المنطقة كلها شماااااااااااااال

[amrelsaqqa]

انت صح بس المشكلة انك هتتفهم غلط خصوصا استخدامك لبعض الكلمات زي "حريمها"
وان الصعيدى لما كان حد يعرف اسم امه بيقتله ، معلش ماهو ده كان جهل وتطرف برضه وليس من الدين او الرجولة في شيء .. .


اما بخصوص الموضوع نفسه و الناس وموقفها من وضع الصورة ع الفيس بوك دول ممكن نقسمهم كذا نوع


--- واحد بيعتبر الفيس بوك زي الشارع بالظبط ، يبقى زي ما الناس ممكن تشوفه مع مراته في الشارع ممكن تشوفها معاه ع الفيس بوك وبنفس الهيئة ( محجبة، بشعرها ، بسواريه .. بمايوه ... كل واحد حسب قناعته واللى بيرضى بيه في الشارع يرضى بيه ع الفيس بوك ) (وجهة نظر)

--- واحد تانى بيرفض الموضوع ده ع الفيس بوك تماما من باب ان الصورة مش زي الواقع يعنى لما تبقى ماشى مع مراتك في الشارع ، ايا كان انت بتسمحلها تمشى ازاى ،محدش هيبحلقلها زي ما ممكن يعمل مع الصورة او لو مراته محجبة فهو مقتنع ان ظهور صورتها ع النت حرام ، او ان الصورة ممكن يساء استخدامها على النت وتسبب مشاكل كتير فيبقى مش معنى ان الناس بتشوف مراتى في الشارع انهم ممكن يشوفوها ع النت بغض النظر انا شايف ده حرام وﻻ حلال او من الرجولة او ضدها...



--- النوع التالت ويمكن ده الغالبية او الملاحظ تزايد عددهم في الفترة الاخيرة ، ودول اللى يستحقوا الدراسة فعلا :

هو في الاصل زي النوع التانى بالظبط رافض للموضوع اانما عنده استثناءات غريبة ومقتنع انها استثناءات في اوقات معينة ودول بصراحة شديدة انا بعتبر ان عندهم انفصام في الشخصية يعنى هو في العادى مثلا مش هيسمح لمراته انها تظهر اصلا قدام حد من اصحابه بدون مناسبة ولو ظهرت تبقى محتشمة ومحجبة ومش بتكلم رجالة ، في نفس الوقت اللى لما عمل فرح رقص مع مراته قدام الناس كلها ونزل الصور ع الفيس وبشعرها ، مجرد بيبرر لنفسه ان ده استثناء مباح عشان ده "فرح" وان دى مناسبة مش هتتكرر غير مرة في العمر والكلام الخايب ده

[Mostafa.Mahran]

طيب ما ممكن تبصلها من ناحية تانية ان الشخص ده سعيد مع الانسانة دى و عاوز يعرف الناس كلها كده او نوع من الاشهار او نوع من الاعتزاز و الفرحة

[walidzakzok]

انت صح بس المشكلة انك هتتفهم غلط خصوصا استخدامك لبعض الكلمات زي "حريمها"
وان الصعيدى لما كان حد يعرف اسم امه بيقتله ، معلش ماهو ده كان جهل وتطرف برضه وليس من الدين او الرجولة في شيء .. .


اما بخصوص الموضوع نفسه و الناس وموقفها من وضع الصورة ع الفيس بوك دول ممكن نقسمهم كذا نوع


--- واحد بيعتبر الفيس بوك زي الشارع بالظبط ، يبقى زي ما الناس ممكن تشوفه مع مراته في الشارع ممكن تشوفها معاه ع الفيس بوك وبنفس الهيئة ( محجبة، بشعرها ، بسواريه .. بمايوه ... كل واحد حسب قناعته واللى بيرضى بيه في الشارع يرضى بيه ع الفيس بوك ) (وجهة نظر)

--- واحد تانى بيرفض الموضوع ده ع الفيس بوك تماما من باب ان الصورة مش زي الواقع يعنى لما تبقى ماشى مع مراتك في الشارع ، ايا كان انت بتسمحلها تمشى ازاى ،محدش هيبحلقلها زي ما ممكن يعمل مع الصورة او لو مراته محجبة فهو مقتنع ان ظهور صورتها ع النت حرام ، او ان الصورة ممكن يساء استخدامها على النت وتسبب مشاكل كتير فيبقى مش معنى ان الناس بتشوف مراتى في الشارع انهم ممكن يشوفوها ع النت بغض النظر انا شايف ده حرام وﻻ حلال او من الرجولة او ضدها...



--- النوع التالت ويمكن ده الغالبية او الملاحظ تزايد عددهم في الفترة الاخيرة ، ودول اللى يستحقوا الدراسة فعلا :

هو في الاصل زي النوع التانى بالظبط رافض للموضوع اانما عنده استثناءات غريبة ومقتنع انها استثناءات في اوقات معينة ودول بصراحة شديدة انا بعتبر ان عندهم انفصام في الشخصية يعنى هو في العادى مثلا مش هيسمح لمراته انها تظهر اصلا قدام حد من اصحابه بدون مناسبة ولو ظهرت تبقى محتشمة ومحجبة ومش بتكلم رجالة ، في نفس الوقت اللى لما عمل فرح رقص مع مراته قدام الناس كلها ونزل الصور ع الفيس وبشعرها ، مجرد بيبرر لنفسه ان ده استثناء مباح عشان ده "فرح" وان دى مناسبة مش هتتكرر غير مرة في العمر والكلام الخايب ده

هو تعبير حريم مفيهوش اساءة لحد لان مفيش لفظ مناسب اكتر لان مش كل واحد بيحط صورة مراته ممكن صاحبته او خطيبته

اما موضوع الصعايدة فهو على سبيل المزاح

اما بتوع صور الجواز (مش كل الصور طبعا) باحس ان بعضهم مرضى فعلا وانه عايز يقول للناس انا اتجوزت واحدة جامدة خصوصا لو كان الفستان ضيق شويتين تلاتة

[walidzakzok]

طيب ما ممكن تبصلها من ناحية تانية ان الشخص ده سعيد مع الانسانة دى و عاوز يعرف الناس كلها كده او نوع من الاشهار او نوع من الاعتزاز و الفرحة

تحليل سليم للناس اللي بتبقى حاطة صور محترمة

لكن اللي جايبها وهو شايلها او بيبوسها او حاضنها !!!

المشكلة ان الموضوع انتشر اوي فى الفترة الاخيرة

[minicooper20]

ههههههههههه
يعنى انتا ماسك فى الصور لاكن البيسيب مراتو ماشيه فى الشارع بالفيزون مش عادى
هههههههههه
يا عم كبر مخك كل واحد حر شاله يصور ملط