الناس اللي بتحط صور حريمها على الفيس وكمان البروفايل

[أبو آسر]

انت صح بس المشكلة انك هتتفهم غلط خصوصا استخدامك لبعض الكلمات زي "حريمها"
وان الصعيدى لما كان حد يعرف اسم امه بيقتله ، معلش ماهو ده كان جهل وتطرف برضه وليس من الدين او الرجولة في شيء .. .


اما بخصوص الموضوع نفسه و الناس وموقفها من وضع الصورة ع الفيس بوك دول ممكن نقسمهم كذا نوع


--- واحد بيعتبر الفيس بوك زي الشارع بالظبط ، يبقى زي ما الناس ممكن تشوفه مع مراته في الشارع ممكن تشوفها معاه ع الفيس بوك وبنفس الهيئة ( محجبة، بشعرها ، بسواريه .. بمايوه ... كل واحد حسب قناعته واللى بيرضى بيه في الشارع يرضى بيه ع الفيس بوك ) (وجهة نظر)

--- واحد تانى بيرفض الموضوع ده ع الفيس بوك تماما من باب ان الصورة مش زي الواقع يعنى لما تبقى ماشى مع مراتك في الشارع ، ايا كان انت بتسمحلها تمشى ازاى ،محدش هيبحلقلها زي ما ممكن يعمل مع الصورة او لو مراته محجبة فهو مقتنع ان ظهور صورتها ع النت حرام ، او ان الصورة ممكن يساء استخدامها على النت وتسبب مشاكل كتير فيبقى مش معنى ان الناس بتشوف مراتى في الشارع انهم ممكن يشوفوها ع النت بغض النظر انا شايف ده حرام وﻻ حلال او من الرجولة او ضدها...



--- النوع التالت ويمكن ده الغالبية او الملاحظ تزايد عددهم في الفترة الاخيرة ، ودول اللى يستحقوا الدراسة فعلا :

هو في الاصل زي النوع التانى بالظبط رافض للموضوع اانما عنده استثناءات غريبة ومقتنع انها استثناءات في اوقات معينة ودول بصراحة شديدة انا بعتبر ان عندهم انفصام في الشخصية يعنى هو في العادى مثلا مش هيسمح لمراته انها تظهر اصلا قدام حد من اصحابه بدون مناسبة ولو ظهرت تبقى محتشمة ومحجبة ومش بتكلم رجالة ، في نفس الوقت اللى لما عمل فرح رقص مع مراته قدام الناس كلها ونزل الصور ع الفيس وبشعرها ، مجرد بيبرر لنفسه ان ده استثناء مباح عشان ده "فرح" وان دى مناسبة مش هتتكرر غير مرة في العمر والكلام الخايب ده

أحييك على التحليل الرائع ده
وهو ده اللي بنعيش فيه فعلا .. الانفصام في الشخصية والتناقض
والدليل انك لو فتحت صورة زوجة واحد من الجماعة اللي حاطين صورهم على الفيس دول لو فتحتها وانت قاعد جنبه مثلا وقعدت تبص فيها وتبحلق هيتضايق وينكر عليك ومش بعيد يضربك ! طب ما انت اللي حاططها اساسا لكل من هب ودب يتفرج عليها !!
نفس منطق برده اللي بيمشي جنب مراته وهي لابسة محزق وعريان لو حد بصلها وهي ماشية جنبه هيتضايق ويزعقله وممكن يتخانق معاه !! طب ما انت اللي ملبسها كده يبقى مش من حقك تنكر على حد بيبصلها ! لو لابسة محترم بس وحد بصلها هنا بس من حقك تنكر عليه لانها مش في موطن شبهة ولا في موطن يستحق ان حد يبص عليها طالما ماشية باحترام وأدب ولبسها برده كذلك
نسأل الله العافية

[J A G U A R]

اللى يحط يحط ..

[walidzakzok]

ههههههههههه
يعنى انتا ماسك فى الصور لاكن البيسيب مراتو ماشيه فى الشارع بالفيزون مش عادى
هههههههههه
يا عم كبر مخك كل واحد حر شاله يصور ملط

ياباشا يمكن لابسة الفيزون غصب عنه انت عارف الستات فى مصر مفترية

لكن لما يحط بايده صور الفيزون على صفحته يبقى ايه!!!

[Bassem Youssef]

يعني احنا هنتحاسب معاهم في الاخره ؟

[misoalex]

اقولك انا لييييييييه من الاخر

بيتفشخرو بحريمهم اه والله بيحط صورتها عشان يتفشخر بيها انها حلوه وكلام من ده وسط اصحابه ومعارفه وكده

وهى ممكن تكون كنبه اساسا بس الكوافير والميكب عامل شغل
الرجاله ماتو فى 73 :)

ياعم سيبك خلى اللى يحط يحط هو انت اللى حتتحاسب ولا هو

[أبو آسر]

يعني احنا هنتحاسب معاهم في الاخره ؟

للأسف ممكن !
قال تعالى: {لُعِنَ الَّذِينَ كَفَرُوا مِنْ بَنِي إِسْرَائِيلَ عَلَى لِسَانِ دَاوُدَ وَعِيسَى ابْنِ مَرْيَمَ ذَلِكَ بِمَا عَصَوْا وَكَانُوا يَعْتَدُونَ * كَانُوا لا يَتَنَاهَوْنَ عَنْ مُنْكَرٍ فَعَلُوهُ لَبِئْسَ مَا كَانُوا يَفْعَلُونَ}
وعن حذيفة - رضي الله عنه - عن النبي - صلى الله عليه وسلم - قال : " والذي نفسي بيده لتأمرن بالمعروف ولتنهون عن المنكر أو ليوشكن الله عز وجل أن يبعث عليكم عذابا من عنده ثم تدعونه فلا يستجاب لكم " [رواه الترمذي وحسنه]

[hossam_elwani]

بﻻش التبريرات ياجماعه الى مخليه كل فعل بحجه الحريه والشخصيه وفن قلب الحقائق حيفصل العيب عيب والغير مقبول منبوذ واﻻ بكره حنﻻقى حاجات كتير اوى بتتعمل وليها تبريرها المرير


وبكره ليه ما احنا فيها اهو

[Mahmoud/Nabil]

كل واحد حر ...

[mr_green]

ولقد جاء الإسلامُ مُتمِّماً لمكارمِ الأخلاق ، فجعل الغيرةَ من ركائزِ الإيمان ، بل جعلها علامة على قوّة الإيمان .

وفاقِدُها - أجارك الله - هو الدّيوث . الذي يُقرُّ الخبثَ في أهله ، فالجنةُ عليه حرام
عن عبد الله بن عمر أن رسول الله صلى الله عليه على آله وسلم قال : ثلاثةٌ قد حَرّمَ اللهُ - تَبَارَكَ وَتَعَالَى - عليهم الجنةَ : مُدْمِنُ الخمر ، والعاقّ ، والدّيّوثُ الذي يُقِرُّ في أَهْلِهِ الخُبْثَ . رواه أحمد والنسائي .

قال صلى الله عليه وسلم" ثلاثة لا ينظر الله عز وجل إليهم يوم القيامة: العاق لوالديه، والمترجلة، والديوث." رواه أحمد والنسائي.


وقال أيضا:

أما تغارون أن تخرج نساؤكم ؟ فإنه بلغني أن نساءكم يخرجن في الأسواق يزاحمن العلوج . رواه الإمام أحمد

ففي الصحيحين من حديث الْمُغِيرَةِ بْنِ شُعْبَةَ قَالَ : قَالَ سَعْدُ بْنُ عُبَادَةَ : لَوْ رَأَيْتُ رَجُلاً مَعَ امْرَأَتِي لَضَرَبْتُهُ بِالسّيْفِ غَيْرُ مُصْفِحٍ عَنْهُ ، فَبَلَغَ ذَلِكَ رَسُولَ اللّهِ صلى الله عليه على آله وسلم فَقَالَ : أَتَعْجَبُونَ مِنْ غَيْرَةِ سَعْدٍ ؟ فَوَ الله لأَنَا أَغْيَرُ مِنْهُ ، وَالله أَغْيَرُ مِنّي ، مِنْ أَجْلِ غَيْرَةِ الله حَرّمَ الْفَوَاحِشَ مَا ظَهَرَ مِنْهَا وَمَا بَطَنَ ، وَلاَ شَخْصَ أَغْيَرُ مِنَ الله ، وَلاَ شَخْصَ أَحَبّ إِلَيْهِ الْعُذْرُ مِنَ الله ، مِنْ أَجْلِ ذَلِكَ بَعَثُ الله الْمُرْسَلِينَ مُبَشّرِينَ وَمُنْذِرِينَ وَلاَ شَخْصَ أَحَبّ إِلَيْهِ الْمِدْحَةُ مِنَ الله ، مِنْ أَجْلِ ذَلِكَ وَعَدَ الله الْجَنّةَ .

[dodo2000]

عيب و مينفعش بس فى الاخر كل واحد حر

[walidzakzok]

يعني اغلبية الناس شايفة ان دة غلط بس كل واحد حر

[د.محمود صلاح]

مش كل الناس تفهم في حكاية الخصوصية في الفيس بوك .. هو في الغالب فاكر ان ماحدش شايف الصور دي غيره ..

[محمد يوسف]

لما أغلب الناس مقتنعة انه غلط..ازاى بيقولوا كل واحد حر ؟
ماهو لما يبقى كل واحد شايف غلط ومايحاولش يغيره مانبقاش مسلمين..تغيير المنكر يكون باليد ( وده مش متاح..وفيه فتاوى انه اختصاص ولى الأمر فقط).... أو باللسان ( وده اللى كلنا لازم نعمله..فلما تقول كل واحد حر يبقى انت شجعت الغلط ماحاولتش تغيره) ...أو بالقلب وده أضعف الايمان....وللأسف كلنا بقينا نتمحك فى أضعف الايمان لحد مابقينا أضعف الناس

[fepsceasar]

وهو صاحب الموضوع شاغل نفسه بالناس ليه!!!!!!!!!!!!

[M R. Z E C O]

بص احنا كاسرة ملناش صورة واحده اونلاين ... وانا اذم بكل الطرق الناس المقضياها دي