محتاج خبراء الجيم

[dedi]

السلام عليكم..أنا عارف إن الموضوع مكرر هنا..بس محتاج الفصل فيه..أنا طولي 180 سم..نزلت وزني من 110 كجم..لـ 84 كجم..عاوز أعمل فورمة لجسمي تكون كويسة ويكون متقسم كويس..ايه المطلوب بالظبط..ويا ريت لو جدول زمني..يعني محتاج وقت أد إيه عشان أوصل لجسم رياضي وعضلات :) شكراً.

ماعلش ممكن تحكى بالتفاصيل اكتر ازاى نزلت واية نظام الاكل لانى انا تقريبا وزنى 110 ونفسى انزل بس موش قادر
ياريت التفاصيل لانة فية ناس تقول كافين كويس وناس تقول لا وهل كنت بتعمل يوم تلخبط الاكل فية وكان اعتمادك على المشى و لا رياضة و لا جرى والعيش والحلويات و............................

[inspiron]

اسعاره ايه الجيم ده يا ابو حميد يمكن نشجع بعض ونتقابل هناك وكمان مكانه فين بالظبط

200 جنيه شهريا يا باشا مكانه في الهرم

[inspiron]

شكرا جدا للاهتمام والرد
بس معلش عندى كمان سؤال ، هل مكنش فيه مشى او رياضة خفيفة في الفترة دى ؟
وهل في اثار لترهلات في الجسم ولا لا ؟

مكنش فيه اي رياضة وطبعا في آثار ترهلات وبتروح مع الرياضة

[inspiron]

ماعلش ممكن تحكى بالتفاصيل اكتر ازاى نزلت واية نظام الاكل لانى انا تقريبا وزنى 110 ونفسى انزل بس موش قادر
ياريت التفاصيل لانة فية ناس تقول كافين كويس وناس تقول لا وهل كنت بتعمل يوم تلخبط الاكل فية وكان اعتمادك على المشى و لا رياضة و لا جرى والعيش والحلويات و............................

الموضوع يتلخص في ظبط العادات الغذائية..

شرب ماء كافي وميكونش ساقع اوي
اكل مسلوق كتير
سلطة خضراء
فاكهة
مشويات
ممنوع زيت وسمن
قليل من النشويات
شاي اخضر
سكر قليل

في ظرف شهر هتحس انك انسان تاني :)

[wahba87]

لو قولنا اني في نفس حالة الراجل ده..محتاج إيه ووقت أد إيه عشان أوصل لنفس النتيجة

على فكرة الصورة دى الشخص صورها لنفسه فى نفس اليوم , بينهم ساعة بس !!!

راجع اللينك ده :
Seduced by the Illusion: The Truth About Transformation Photos | Andrew Dixon

انا قابلت اللينك بالصدفة قلت لازم تشوفوه :)