محاربة الفساد

[drcobra]

انا عند ى فكرة للرئيس القادم لمحاربة الفساد
انا عملت موضوع قبل كدة http://www.nilemotors.net/Nile/416465-a.html
وكان الهدف منة اننا نعرف احنا اية؟
يا ترى الظالم مبسوط بظلمة
والمظلوم مستسلم هو كمان

فكرتى ان الرئيس القادم يعمل ادارة كاملة من حوالى 100 شخص يتم تدريبهم على اعلى مستوى من الاحترافية فى التعامل مع جميع موظفى الدولة فى جميع قطاعات الدولة

ال 100 شخص دول يمسكوا كل ناحية وكل قطاع فى البلد لفترة محددة ويقوموا بالمراقبة والمتابعة واباء الرأى فى الية تطوير كل نظام لمكافحة الفساد ولتكن الفترة شهر لكل مكان

يعنى بالبلدى 100 راجل عندة ضمير يشرفوا على وزارة الصحة والمستشفيات فى كام محافظة مع بعض ويشوفوا الفساد جاى منين ويقدموا الى فاسد للمحاكمة بالادلة ويكتبوا توصيات للدولة لمنع الفساد

ال100 دول يعدوا على كل البلد من التعليبم للتموين للبترول للدعم للجمارك للمحاجر للقرى السياحية للكهرباء كل البلد

عايز رأيكم وطريقة المساعدة لتوصيل الفكرة

[Merooxx]

هههههههههههههههههههههههههههههههههههههههههههههههههه ههههههههههههههههه
يا راجل عيب علييييييك
الرئيس القادم ايا كان مش فاضي لصلاح اي مؤسسة من مؤسسات الدولة
هوا بس جاي يلم الفلوس اللس هيقدر عليها قبل متقوم ثورة تشيلة
انتا مفرود ترتبلة هيقتل كام يسرق ازاي
الجيش هيشري ايه في البلد تاني ولا ياخذ حق انتفاعه الي الابد واحنا نخدمو عليهم في عزبت ا****

يارجل حرام عليك خلتني اتكلم وانا مليش نفس

[shiko85]

الفساد فكل واحد و بتختلف درجة الفساد و تأثير الفساد ده
الحل الوحيد للقضاء على الفساد هو ان العقاب يكون رادع فعلا و يطبق على الكبير قبل الصغير

عن عائشة رضي الله تعالى عنها أن قريشاً أهمهم شأن المرأة المخزومية التي سرقت ،فقالوا: من يكلم فيها رسول الله صلى الله عليه وسلم؟ فقالوا: من يجترئ عليه إلا أسامة بن زيد حب رسول الله صلى الله عليه وسلم ،فكلمه أسامة ،فقال رسول الله صلى الله عليه وسلم: ((أتشفع في حد من حدود الله؟ ثم قام فخطب فقال: إنما أهلك الذين من قبلكم أنهم كانوا إذا سرق فيهم الشريف تركوه ،وإذا سرق فيهم الضعيف أقاموا عليه الحد ،وأيم الله ،لو أن فاطمة بنت محمد سرقت لقطعت يدها)) رواه البخاري.

"اعمل لدنياك كأنك تعيش أبدا , و اعمل لآخرتك كأنك تموت غدا"

المشكله ان الناس اهتمت بالجزء الأول بتاع الدنيا و تناست الجزء التانى بتاع الأخره

[drcobra]

دى فكرة انا بطرحها وياريت الاقى تفاعل من الناس المحترمة وكل واحد يقول رأية وازاى نفعل الموضوع لو اقتنعتوا بيه

[Mostafa.Mahran]

هتلاقى فى ال100 دول كام واحد فاسد

[shiko85]

هتلاقى فى ال100 دول كام واحد فاسد

كلام سليم جدا
حتى لو الشخص نفسه مش فاسد من الأصل لكن هيتحول و يتغير
الموضوع كبير فعلا و خطير جدا و الفساد منتشر فكل حاجه

[shiko85]

دى فكرة انا بطرحها وياريت الاقى تفاعل من الناس المحترمة وكل واحد يقول رأية وازاى نفعل الموضوع لو اقتنعتوا بيه

طبعا انا بحييك على الفكره و كلنا نفسنا الفساد ينتهى و ان بلدنا تكون افضل بلد فالدنيا لان احنا ربنا كرمنا بكل المقومات اللى تخلى مصر اعظم بلد فالدنيا و ده مش مجرد كلام
الله ينتقم من كل واحد خاين ساهم فتدمير البلد دى
اكتر من 30 سنه فساد و خيانه و عماله
خونه باعوا البلد و اشتروا نفسهم سرقوا فلوس الشعب شجعوا على السرقه و الرشوه و الوسطه و كل ما هو سئ خونه استغلوا الدين علشان يتاجروا بالشعب و يسرقوا و ينهبوا هم كمان
فكرتك ممتازه بس للأسف المجموعه الرقابيه دى او اللجنه الرقابيه لازم تشرف عليها مجموعه اخرى و هكذا و ده اللى بيفتح الباب تانى للفساد

[drcobra]

انا بفكر معاكم
انا بتمنى الفساد يقل فى البلد
فى مجال عملى ارى الفساد واعرف طرق الفساد لكن ليس لى سلطة التغير او وقف الفساد
لو 100 شخص مدربيين باحترافية وشبعانيين وميعرفوش اى حد من اللى هيرقبوا عليهم هتكون فكرة ايجابية

[ابوحبيبة2010]

الليبراليه هي ملة من لا ملة له

[ابوحبيبة2010]

وزارة "التخطيط": إلغاء دعم الطاقة "لا رجعة فيه" وعلى الجميع تحمل المسئولية.
" تعليقك متاح بأي كلمه
هههههههههههههههههههههههههههههههههههههههههههههههههه هههههههههههههههههههههههههه "

[shiko85]

انا بفكر معاكم
انا بتمنى الفساد يقل فى البلد
فى مجال عملى ارى الفساد واعرف طرق الفساد لكن ليس لى سلطة التغير او وقف الفساد
لو 100 شخص مدربيين باحترافية وشبعانيين وميعرفوش اى حد من اللى هيرقبوا عليهم هتكون فكرة ايجابية

للأسف ده حال كثير جدا من الشرفاء و هتلاقى ناس تانيه بتعمل اقصى جهد لأستمرار الفساد
هتلاقى كل واحد جايب واحد من اصدقاءه او اقرباءه و دخلهم ضمن 100 شخص دول
انا مش عايز احبطك بس الفساد متوغل و متشعب فالبلد كلها

[drcobra]

للأسف ده حال كثير جدا من الشرفاء و هتلاقى ناس تانيه بتعمل اقصى جهد لأستمرار الفساد
هتلاقى كل واحد جايب واحد من اصدقاءه او اقرباءه و دخلهم ضمن 100 شخص دول
انا مش عايز احبطك بس الفساد متوغل و متشعب فالبلد كلها

يا باشا انا محبط خلقة
احنا بنتناقش مع بعض وبنفضفض
البلد دى فيها امل ولا لا
يا ترى ممكن نبقى زى رواندا؟؟؟؟؟؟؟؟؟؟؟؟؟؟؟؟

[shiko85]

يا باشا انا محبط خلقة
احنا بنتناقش مع بعض وبنفضفض
البلد دى فيها امل ولا لا
يا ترى ممكن نبقى زى رواندا؟؟؟؟؟؟؟؟؟؟؟؟؟؟؟؟

و مين مش محبط ؟!
بس الأمل موجود بفضل الله
بس لازم الناس نفسها تبقى عايزه التغير مش الفوضى
شفت زمان فيلم وثائقى عن مدينة بوجوتا - فعلا انا حزنت على مصر و اللى بيحصلها من المفسدين اللى فيها

[hilal]

الفكرة جيدة بس عندي تعديل بسيط
انت بتفترض ان الرئيس عنده رغبة في محاربة الفساد
فماذا لو كان الرئيس نفسه فاسد؟
الحل هو ان يقوم البرلمان نفسه بتشكيل مفوضية لمكافحة الفساد
ده بفرض ان البرلمان جاء نتيجة انتخابات حرة ونزيهة وليس برلمان مزور مثل برلمان 2010

[Mohamed.Raafat]

فكرة جميلة جدا و اقتراح ممتاز بس لما تيجي تنفذه على ارض الواقع قدامك أكتر من موضوع اعاقة
1- انت محتاج لبتاع مليون واحد مش 100 بس
2- طبعا الناس اللى هيعملوا كده لازم يكونوا وطنيين بنسبة 100000% عشان يقدروا يواصلوا العملية دي
3- مش عارف بصراحة انت هتبدأ منين بالضبط لأن الفساد مالي كل الأماكن.
4- اهم حاجة انه يتطبق ع الاغنياء ( الحيتان الكبيرة )
5- مين اللى هيوصل صوتك لرئيس الجمهورية اللى جاي ده لو كان فعلا هيكون عنده قت للتصليح.
6- الناس دي هتكون تبع مين ولا لازم يكون معاهم قوة القانون عشان يقدروا يظبطوا الفاسدين ( و ياريت لو حد اتمسك بقضية فساد ياخد اعدام عالطول. لأن لو الموضوع راح للقضاء يبقى مفيش حاجة تتصلح لأن 95% من القضاء فاسد أساسا.
7- طبعا لو انت لقيت الناس الوطنيين اللى هيعملوا كده و عرفت تطبق الموضوع هتلاقي واحد من اياهم جاي يزق ابنه ولا قريبه في الموضوع عشان يظبط نفسه و يلهف هوا براحته.
8-
9-
10
........
عقبات كتيييييير نأمل من الله ان يساعدنا في تخطيها عشان نوصل لمصر اللى خيالنا