محاربة الفساد

[lena jo]

ياريت كان فيه امل. شوف المواضيع الاخيرة في المنتدي عن السرقة و البلطجة و انت تعرف ان الامل شبه مفقود. الامل في ربنا لكن الله لا يغير ما بقوم حتي يغيروا ما بانفسهم . ده السبب اللي قاطع الامل مين اللي هيتغير للاحسن ،للأسف الناس اتغيرت للأسوأ. الاعضاء و الردود وفت و استوفت. المصيبة اننا عايزين الفاسدين بس يسبونا في حالنا. لكن بتضطر تتعامل معهم في المصالح المختلفة و تضطر تدفع رشوة عشان تاخذ حقك اجباري و الا هيعطلوك. بس اكيد فيهم قلة قليلة مندسة من الشرفاء . ياريت كان سهل الواحد يهاجر .للاسف الفساد متوحش و واصل للجذور و استئصاله هيحتاج نبني سجون كثييييير.

[drcobra]

الفكرة جيدة بس عندي تعديل بسيط
انت بتفترض ان الرئيس عنده رغبة في محاربة الفساد
فماذا لو كان الرئيس نفسه فاسد؟
الحل هو ان يقوم البرلمان نفسه بتشكيل مفوضية لمكافحة الفساد
ده بفرض ان البرلمان جاء نتيجة انتخابات حرة ونزيهة وليس برلمان مزور مثل برلمان 2010

تعديل جميل يبقى الموضوع تابع لاعضاء مجلس الشعب ونقدر نتابع النتايج بنفسنا

[drcobra]

فكرة جميلة جدا و اقتراح ممتاز بس لما تيجي تنفذه على ارض الواقع قدامك أكتر من موضوع اعاقة
1- انت محتاج لبتاع مليون واحد مش 100 بس
2- طبعا الناس اللى هيعملوا كده لازم يكونوا وطنيين بنسبة 100000% عشان يقدروا يواصلوا العملية دي
3- مش عارف بصراحة انت هتبدأ منين بالضبط لأن الفساد مالي كل الأماكن.
4- اهم حاجة انه يتطبق ع الاغنياء ( الحيتان الكبيرة )
5- مين اللى هيوصل صوتك لرئيس الجمهورية اللى جاي ده لو كان فعلا هيكون عنده قت للتصليح.
6- الناس دي هتكون تبع مين ولا لازم يكون معاهم قوة القانون عشان يقدروا يظبطوا الفاسدين ( و ياريت لو حد اتمسك بقضية فساد ياخد اعدام عالطول. لأن لو الموضوع راح للقضاء يبقى مفيش حاجة تتصلح لأن 95% من القضاء فاسد أساسا.
7- طبعا لو انت لقيت الناس الوطنيين اللى هيعملوا كده و عرفت تطبق الموضوع هتلاقي واحد من اياهم جاي يزق ابنه ولا قريبه في الموضوع عشان يظبط نفسه و يلهف هوا براحته.
8-
9-
10
........
عقبات كتيييييير نأمل من الله ان يساعدنا في تخطيها عشان نوصل لمصر اللى خيالنا

اسئلة جميلة وواقعية ومحترمة يبقى لازم نفكر نسد اى ثغرة
وكمان لو عرفنا ان فى باب مفتوح للفساد ومش عارفين نسدة يبقى مجلس الشعب يطلع تشريع محترم

[drcobra]

ايوة كدة طالما شاركنا فى موضوع بايجابية وبدأنا نفكر يبقى نقدر نعمل حاجة ولو بسيطة
انا كل تفكيرى فى محاربة الفساد والقوانين العرجاء

[S O P H O S]

المشكلة بشعر ان الشخص الكويس
اول ما بيوصل للسلطة بيتغير وبيبقي زي الباقي
ايه السبب مش عارف

[shiko85]

الحل قوانين تفعل منظومة الثواب و العقاب
مش نلاقى واحد فنمصب ما يغلط و يفسد و يضيع حقوق المواطنين و اموالهم و بعد كده يكون العقاب ليه انه يتنقل من منصبه ده او مكانه ده الى منصب تانى او مكان تانى و غالبا المنصب الجديد بيكون افضل من القديم
و هكرر مش الفساد فساد الصف الأول من المسئولين فقط رغم انهم مسئولين عن فساد من تحتهم فالتدرج و السلم الوظيفى لكن الفساد فالأشخاص العاديين و مش الفساد فالهيئات و المؤسسات الحكوميه الفساد فالقطاع الخاص كبير جدا
كل من يقصر فعمله فهو فاسد - كل من يستحل حق ليس حقه فهو فاسد - كل من ساعد او ساهم او شارك فالفساد فهو فاسد - كل من يقصر فتربية ابناءه تربيه صحيحه فهو فاسد و الأمثله كتير جدا
للأسف معظم الناس فاكره الفساد فساد المسئولين فقط لكن للأسف الفساد اكثر عمقا و اكثر انتشارا من التصور ده

[shiko85]

المشكلة بشعر ان الشخص الكويس
اول ما بيوصل للسلطة بيتغير وبيبقي زي الباقي
ايه السبب مش عارف

اسباب كتير منها
1- هو كان كويس فعلا لانه بدون سلطه و لما وصل للمنصب و بقى عنده سلطه ظهر حب السلطه و سيطرت عليه الرغبه فالأحتفاظ بالمنصب و السلطه مدى الحياه
2- هو عايز يعمل تغيير و يقضى على الفساد بس للأسف نفس المنظومه و الموظفين اللى كانوا مع اللى قبله هم هم مفيش فيهم تغيير
3- هو كان عامل نفسه كويس علشان يوصل للمنصب مش اكتر و ده واضح جدا فالمترشحين لمجلس الشعب
4- هو كويس بس الفساد و المفسدين اكتر و مستعدين يعملوا اى حاجه للقضاء على من يهدد مصالحهم

[drcobra]

المشكلة بشعر ان الشخص الكويس
اول ما بيوصل للسلطة بيتغير وبيبقي زي الباقي
ايه السبب مش عارف

الا من رحم ربى

[drcobra]

كلامكم صحيح
يعنى انا قدمت شكوى فى مدير المستشفى (تقريبا مفيش حد عملها قبل كدة)
وكيل النيابة استدعانى 3 مرات ومرة قالى اظن انت مش عايز تضر المدير
قلتله طبعا مش عايز اضرة بس ايه رأي سعادتك فى الضرر اللى مدير المستشفى عمله للمرضى
تصوروا اول مرة يستدعى مدير المستشفى بعد سنتين ههههههههههه
يعنى مفيش قانون ومفيش رقابة على وكلاء النقابة