جايلى عقد عمل مهندس مدنى بدبى

[أحمد كمال]

انا قلتها و باقولها ...... السفر لو مفيش فايدة عظمى من وراه (زي ان يكون لدولة بتمنح الجنسية بعد فترة مثلا) .... يبقى يتحسب بالالة الحاسبة

مهندس في اوراسكوم بمرتب كويس + عايش في بيت اهله مش متبهدل في السكن + بياخد خبرة بترفع تمنه

ما يرميش نفسه الرمية الضياع دي...... و اللي مش عارف يعني ايه سكن في كامب عمال يا ريت يبطل فتي يا جدغان ........ كامب الغمال ده فيه عمال - مش مهندسين - بتنتحر - فعليا - من سوء الاحوال فيه ......

[minicooper20]

لو المحلات بعيدة هيحتاج مواصلات او عربية ....... 5000 اصلا الرخصة في دبي بتطلع ب 5000 درهم عالاقل .......

لو الكامب ما عجبوش (و 90% مش هيعجبه) ...... مش هيعرف يسكن برة ..... هيدفع منين 35 في السنة + فرش (اول مرة) + فواتير ..... هيدفع 2500 و لا 3000 من مرتبه سكن و يعيش بالباقي

و على ايه؟ هو مش بيشحت في مصر






مش هيعيش كويس و لا مرتاح ...... هيعيش رابط الحزام

ليه ياباشا هبربط الحزام
٥ الف درهم يصرفهم كلهم و هو لوحدو يبقا رابط الحزام
اما معدل الصرف يكون كام شان يكون مرتاح

[Ayoob]

اوعى تقبل هذا العرض. الراتب ضعيف ومؤسسة صغيرة
انت حاليا في شركة محترمة اصبر ٣ الى ٥ سنوات حاول خلالها الحصول على دراسات عليا او دراسات تخصصية في مجال ادارة المشاريع مثلا او كورسات في ال gis واضغط على نفسك لتكون هذه الكورسات في الجامعة الامريكية بالقاهرة
طبعا الرزق والمستقبل بيد الله وان شاء الله سوف تكون فرص العمل امامك احسن بكثير و لما تتغرب يبقى الموضوع مستاهل
بالمناسبة انا استاذ هندسة مدنية و اعمل بالخليج ونصحتي هذه بعد ان شاهدت حالات كثيرة لشباب المهندسين المصريين الي بيسافروا بخبرة قليلة وبالتالي يقبلوا مرتبات قليلة ويعشوا حياه لاتناسب تعبهم في الدراسة لمدة خمس سنوات في كلية شاقة مثل الهندسة

[A_H_M_A_D]

لسه زميل ليا سافر الامارات في دبي تحديدا , مأجر ستوديو هناك على اطراف دبي يعني مش في الاماكن الحيويه هناك

بيقولي الستوديو اوضه واحده بحمام بمطبخ بصالة بيكلفه شهريا 3500 درهم , والفرش عليه كمان

احسبها كويس و خلي بالك

[abdulkhaleq]

طيب تاني مره
عشان انا كنت عايش في الخليج
يعني مش بفتي

ده مرتب سواق عند عيله من اهل البلد

وانا مش خسران حاجه وماعرفش صاحب الموضوع

بالنسبه لأنك تشد الحزام دي لو ابوك في مصر مديون وانت مش لاقي شغل ومسافر تسدد دينه (مثلا وبعد الشر)

غير كده العيشه لوحدك اصلا مقرفه واسأل اللي جربها
وكمان في ظروف زي دي
هتبقى شبه الناس اللي بتغسل هدومها مره في الشهر وبتاكل مره في اليوم عشان تحوش
هتضيع 5 سنين من عمرك عايش معفن

لأخر مره وانت حر, احمد ربنا عاللي انت فيه وماتسيبش نفسك, زود معرفتك بشهادات وفكر من دلوقتي عايز تتخصص ايه
يمكن لو المرتب كان 30 الف مثلا (وكل حاجه عليهم من سكن وكده) كنت قلتلك روح

مهندس ب 5 الاف, حلوه دي !!

[أحمد كمال]

ليه ياباشا هبربط الحزام
٥ الف درهم يصرفهم كلهم و هو لوحدو يبقا رابط الحزام
اما معدل الصرف يكون كام شان يكون مرتاح

السكن غالي مووووت

[aif]

بص يا بشمهندس
لو كنت مش بتشتغل في مصر او بتشتغل شغل تعبان
كنت ح اقولك سافر وأهو ع الاقل تكسب خبرة في المجال وخبرة في البلد اللي انت فيها ويبقي قدامك مجالات للانتقال لعمل افضل خلال السنوات القادمة
لكن انت شغال في مصر في شركة كبيرة
يبقي المنطق انك ما تضحيش بوظيفتك في مصر عشان شغل في شركة صغيرة بمرتب متواضع
اصبر علي نفسك كام سنة في اوراسكوم ممكن ما تحتاجش تسافر للخارج اساسا لان فرص الترقي فيها كويسة وممكن بردو تسافر برة معاهم لان لهم مشاريع كتير خارج مصر
بعد 3 او 4 سنوات خبرة في اوراسكوم ممكن تلاقي فرص افضل 100 مرة من كدة

[mr_vampire]

الرد ده مناسب لحد عاوز يسفرك بره وتتورط وهتخسر هنا الشغلانه بتاعتك
هتقولى الموضوع عرض وطلب
اقولك اه بس فيه ناس بتضرب ال 5000 درهم فى 1.90 قرش يقول ده المرتب يعادل 9500 جنيه مصرى
ولما بيروح هناك بيعيش عيشه مش تريحه
يعنى هيلاقى نفسه مضطر يسكن فى اوضه مع حد وهيلاقى نفسه بيطبخ والمواصلات نفسها غاليه عليه

فالمرتب 5000 بالنسبه لمهندس خبره سنتين ومع عيشه الامارات الغاليه مش كويس

محدش بيورط حد . لو قالهم العرض مش مناسب هيقوله خلاص فرصة سعيدة مش هياخدوه غصب.

وعلي فكرة مهندس خبرة سنتين مش الشيء الكبير اوي اللي يخليه يتكلم معاهم ويفرض شروطه.

[amrezzat82]

يا جماعة العروض بتكتر كل يوم فى الخليج و المرتبات للأسف بتقل للمصرين و ده احصائيات مؤكدة و عن تجربة للأسف ، ده غير قرف الفيزا للمصريين مقارنة بالأسيوين و الهنود و طبعا الأجانب
أنا مهندس ميكانيكا تصميم عندي 9 سنين خبرة و بعمل شغل ناس أجانب عندهم يجي 30 سنة خبرة وكنت بآخد على الأكثر ثلثهم فى شكرات كبيرة جدا و لللآسف مش لاقيهم دلوقتى كمان
نصيحة لو عايز تسافر عشان تستقر و مش ناوي تتنطط هناك و تكسب خبرة و تنتقل لحاجة أحسن يبقى بلاش لأنك مسافر صغير و ظروف الشركة من كلامك اي كلام
اسأل ظروف السكن ايه بالظبط و لو حبيت تسكن بره حيدوك بدل سكن و مواصلات كام
فى كامبات عمال بتبقى مجهزة نظيفة جداا فأسأل عشان تحكم صح
الأسعار دلوقتى ال 2-4 سنة خبرة مرتبهم 5000 الى 8000 و السكن على الشركة

نظرا للمرتبات المتفاوتة فى اوراسكوم ممكن تاخد 1800 و ممكن تاخد 4000 فى نفس المكان ف لو أنت قربت على ال 4 يبقى ده ميزة هنا و حتتعلم كام سنة و بعدين تطلع على حاجة أنظف كتيير

المصاريف فى اي دولة ممكن تصرف 1000 فى الشهر و ممكن ال 5 كلهم على حسب انت عايش ازاي

[Secret-Man]

انا شايف ان خبرتك عاديه على حد كلامك واظن هما خدوك علشان اسم الشركه الى انت فيها وليس الخبره لان خبره المهندسين تتطلب تكون كبيره هنا فى الامارات علشان يحطلك مرتب فوق 10 الاف وسكن وسياره كمان وده هنا انا بشوف ناس بتاخد 20 و25 الف وفى فوق عن كده كمان حسب وضعه وخبرته وليه عربيه خاصه ليه وسكن استديو محترم

لكن موضوع الاوفر بتاعك ال5 الاف درهم هو بصراحه كرقم ميكفيش عيشه لو انت عايش براحتك فى مصر فهتيجى هنا هتتعب بيهم
تانى حاجه من رايى لو يقدرو يحلو معاك موضوع السكن والمرتب هو هو انا شايف انك تسافر والمرتبات هنا بتزيد بسرعه لان ممكن فى نفس السنه تزيد مره او مرتين كمان حسب تسليم المشاريع وتقييم الشركه فى السوق وشويه امور كده بتزبط موظفينها وتقدر بدل دخلت البلد تنقل على شركه تانيه وديه حصلت مع ناس كتير اوى وزبطت امورها وعايشين ملوك

طبعا مش هكلمك بقا عن البلد وكل شيىء فيها لان الامارات دلوقتى رقم 1 فى الخليج

ربنا يوفقك ومتنساش تستخير ربنا برضه وتسال قرايبك او اى حد قريب منك وبيخاف عليك ينصحك برضه لانه ادرى بظروفك مننا لاننا مهما كان منعرفكش شخصيا علشان يكون حكمنا كامل على الموقف

وربنا يرزقك الى فى الخير ان شاء الله ولو احتجتت اى حاجه فى الامارات انا تحت امرك

[elfarashah]

سلام الله عليكم ورحمته وبركاته

المعيشة بدبي غالية فوق ما تتصور ناهيك عن المواصلات اللي هتتكفل بيها انت
بعدين 5000 درهم ايه؟؟ إنت محتاج مش أقل من 10000
عشان تقدر تعيش على قدك أو لو ناوي تشيلك قرش على جنب
..لكن بالشكل ده صعب جدا..كمان المعيشة الجماعية شيء صعب
وبالشكل اللي حكيت عنه ده مش هتكمل فيه اسبوع
نصيحة بلاش السفر طالما إنت في شركة محترمة وبراتب محترم

لكن عشان تفكر في السفر لازم يكون فيه العائد اللي يخليك تسافر
وتسيب كل حاجة وراك عشانه وعشان تبني مستقبلك

ربنا يوفقك ويكتبلك كل خير
دمت برعاية الله وحفظه

[just4fun]

مع احترامي لجميع المشاركات

اولا انا مهندس و شغال في الإمارات

احب اقولك يابن الحلال ان دة عرض مناسب

و الناس اللي بتقول ارقام كبيرة عن العيشة و الكلام دة كل واحد بيكون لية طريقتة في الحياة و المصاريف

و هنا راتب المهندسين بيبدأ من 3500 للي لسة جديد في الدولة

وانا اعرف ناس بتاخد راتب اقل من الراتب دة و عايشة كويس

في الاول مش هتعرف توفر لحد ما تفهم البلد

لكن بعد كدة هتعرف تتأقلم و تظبط امورك وهتاخد خبرة عمرك ما هتاخدها في مصر ودة هيفرق معاك في المستقبل

وربنا يوفقك

بص يا بشمهندس
لو كنت مش بتشتغل في مصر او بتشتغل شغل تعبان
كنت ح اقولك سافر وأهو ع الاقل تكسب خبرة في المجال وخبرة في البلد اللي انت فيها ويبقي قدامك مجالات للانتقال لعمل افضل خلال السنوات القادمة
لكن انت شغال في مصر في شركة كبيرة
يبقي المنطق انك ما تضحيش بوظيفتك في مصر عشان شغل في شركة صغيرة بمرتب متواضع
اصبر علي نفسك كام سنة في اوراسكوم ممكن ما تحتاجش تسافر للخارج اساسا لان فرص الترقي فيها كويسة وممكن بردو تسافر برة معاهم لان لهم مشاريع كتير خارج مصر
بعد 3 او 4 سنوات خبرة في اوراسكوم ممكن تلاقي فرص افضل 100 مرة من كدة

يا جماعة العروض بتكتر كل يوم فى الخليج و المرتبات للأسف بتقل للمصرين و ده احصائيات مؤكدة و عن تجربة للأسف ، ده غير قرف الفيزا للمصريين مقارنة بالأسيوين و الهنود و طبعا الأجانب
أنا مهندس ميكانيكا تصميم عندي 9 سنين خبرة و بعمل شغل ناس أجانب عندهم يجي 30 سنة خبرة وكنت بآخد على الأكثر ثلثهم فى شكرات كبيرة جدا و لللآسف مش لاقيهم دلوقتى كمان
نصيحة لو عايز تسافر عشان تستقر و مش ناوي تتنطط هناك و تكسب خبرة و تنتقل لحاجة أحسن يبقى بلاش لأنك مسافر صغير و ظروف الشركة من كلامك اي كلام
اسأل ظروف السكن ايه بالظبط و لو حبيت تسكن بره حيدوك بدل سكن و مواصلات كام
فى كامبات عمال بتبقى مجهزة نظيفة جداا فأسأل عشان تحكم صح
الأسعار دلوقتى ال 2-4 سنة خبرة مرتبهم 5000 الى 8000 و السكن على الشركة

نظرا للمرتبات المتفاوتة فى اوراسكوم ممكن تاخد 1800 و ممكن تاخد 4000 فى نفس المكان ف لو أنت قربت على ال 4 يبقى ده ميزة هنا و حتتعلم كام سنة و بعدين تطلع على حاجة أنظف كتيير

المصاريف فى اي دولة ممكن تصرف 1000 فى الشهر و ممكن ال 5 كلهم على حسب انت عايش ازاي

انا شايف ان خبرتك عاديه على حد كلامك واظن هما خدوك علشان اسم الشركه الى انت فيها وليس الخبره لان خبره المهندسين تتطلب تكون كبيره هنا فى الامارات علشان يحطلك مرتب فوق 10 الاف وسكن وسياره كمان وده هنا انا بشوف ناس بتاخد 20 و25 الف وفى فوق عن كده كمان حسب وضعه وخبرته وليه عربيه خاصه ليه وسكن استديو محترم

لكن موضوع الاوفر بتاعك ال5 الاف درهم هو بصراحه كرقم ميكفيش عيشه لو انت عايش براحتك فى مصر فهتيجى هنا هتتعب بيهم
تانى حاجه من رايى لو يقدرو يحلو معاك موضوع السكن والمرتب هو هو انا شايف انك تسافر والمرتبات هنا بتزيد بسرعه لان ممكن فى نفس السنه تزيد مره او مرتين كمان حسب تسليم المشاريع وتقييم الشركه فى السوق وشويه امور كده بتزبط موظفينها وتقدر بدل دخلت البلد تنقل على شركه تانيه وديه حصلت مع ناس كتير اوى وزبطت امورها وعايشين ملوك

طبعا مش هكلمك بقا عن البلد وكل شيىء فيها لان الامارات دلوقتى رقم 1 فى الخليج

ربنا يوفقك ومتنساش تستخير ربنا برضه وتسال قرايبك او اى حد قريب منك وبيخاف عليك ينصحك برضه لانه ادرى بظروفك مننا لاننا مهما كان منعرفكش شخصيا علشان يكون حكمنا كامل على الموقف

وربنا يرزقك الى فى الخير ان شاء الله ولو احتجتت اى حاجه فى الامارات انا تحت امرك

شكرا يا جماعة لكل الردود ... فى الاول اوراسكوم مش زى ماحضرتكوا فاهمين هى اه خبرة كويسة بس مش فلوس يعنى انا حديث التخرج مرتبى 2500 و فى ناس معايا خبرة عندهم 30 سنة مثلا مرتبهم 4500 يعنى مفيهاش مستقبل و كل الناس الكبيرة اللى معايا زهقانة من المرتبات و مش عاجبهم الوضع فانا اخدها من قصرها دلوقتى احسن بدل ما اسيبها بعدين وانا كبير .... بالنسبة للعقد بتاع دبى انا شايفة مجرد بداية ... هو هيدنى عربية بالبنزين يعنى مش هصرف مواصلات كل اللى هصرف اكل فى حدود 1000 درهم و سكن لو برة فى حاجة كويسة موجودة ب 800 درهم و ممكن اتكلم معاه فى بدل سكن يعنى هصرف 1800 قول 2500-3000 درهم عشان ابقى مرتاح و ده كلام ناس من دبى و هحوش 2000 درهم يعنى 4000 مصرى .... وبعدين فعلا بيبقى فى زيادة سريعة كل سنة على الاقل ومش بتبقى قليلة غير انى وانا هناك ممكن الاقى فرص احسن و مرتبات اعلى .... ولا ايه رأى حضراتكوا ؟؟؟

[ahmedsrs]

مش هتعرف تشرب ماية ساقعة بالمرتب ده

[ahmedsrs]

شكرا يا جماعة لكل الردود ... فى الاول اوراسكوم مش زى ماحضرتكوا فاهمين هى اه خبرة كويسة بس مش فلوس يعنى انا حديث التخرج مرتبى 2500 و فى ناس معايا خبرة عندهم 30 سنة مثلا مرتبهم 4500 يعنى مفيهاش مستقبل و كل الناس الكبيرة اللى معايا زهقانة من المرتبات و مش عاجبهم الوضع فانا اخدها من قصرها دلوقتى احسن بدل ما اسيبها بعدين وانا كبير .... بالنسبة للعقد بتاع دبى انا شايفة مجرد بداية ... هو هيدنى عربية بالبنزين يعنى مش هصرف مواصلات كل اللى هصرف اكل فى حدود 1000 درهم و سكن لو برة فى حاجة كويسة موجودة ب 800 درهم و ممكن اتكلم معاه فى بدل سكن يعنى هصرف 1800 قول 2500-3000 درهم عشان ابقى مرتاح و ده كلام ناس من دبى و هحوش 2000 درهم يعنى 4000 مصرى .... وبعدين فعلا بيبقى فى زيادة سريعة كل سنة على الاقل ومش بتبقى قليلة غير انى وانا هناك ممكن الاقى فرص احسن و مرتبات اعلى .... ولا ايه رأى حضراتكوا ؟؟؟

لو ده الى بتفكر فيه انك تاخد خبرة وتشوف الجو ماشى بس هتتبهدل بهدلة التنيين

[أحمد كمال]

شكرا يا جماعة لكل الردود ... فى الاول اوراسكوم مش زى ماحضرتكوا فاهمين هى اه خبرة كويسة بس مش فلوس يعنى انا حديث التخرج مرتبى 2500 و فى ناس معايا خبرة عندهم 30 سنة مثلا مرتبهم 4500 يعنى مفيهاش مستقبل و كل الناس الكبيرة اللى معايا زهقانة من المرتبات و مش عاجبهم الوضع فانا اخدها من قصرها دلوقتى احسن بدل ما اسيبها بعدين وانا كبير .... بالنسبة للعقد بتاع دبى انا شايفة مجرد بداية ... هو هيدنى عربية بالبنزين يعنى مش هصرف مواصلات كل اللى هصرف اكل فى حدود 1000 درهم و سكن لو برة فى حاجة كويسة موجودة ب 800 درهم و ممكن اتكلم معاه فى بدل سكن يعنى هصرف 1800 قول 2500-3000 درهم عشان ابقى مرتاح و ده كلام ناس من دبى و هحوش 2000 درهم يعنى 4000 مصرى .... وبعدين فعلا بيبقى فى زيادة سريعة كل سنة على الاقل ومش بتبقى قليلة غير انى وانا هناك ممكن الاقى فرص احسن و مرتبات اعلى .... ولا ايه رأى حضراتكوا ؟؟؟

2500 لحديث تخرج كويس لانك بتتعلم و بتاخد خبرة

محدش قال لك اقعد في اوراسكوم 30 سنة بس برضه ما تسيبهاش بدري بدري لان النهاردة بخبرة سنة جالك اوفر زي ده ........ كمان 5 سنين ممكن يجيلك 25 الف درهم مثلا

الخليج عموما خش صغير تفضل صغير لان اي شركة تانية في الخليج بتطلب منك شهادة راتبك الحالي و تزودك عليه .....

كون اوراسكوم مفيهاش مستقبل ماليا بشكل مباشر بس فيها بشكل غير مباشر انك تاخد خبرة ترفع سعرك في السوق ....... زي ما قلت لك لو استنيت كمان كام سنة هتسافر دبي على اضعاف العرض الحالي

عربية بالبنزين ....... انت عارف ان استخراج رخصة القيادة مش باقل من 5000 درهم لو نجحت من اول مرة و ممكن تخش معاك في 8000 على ما تنجح من التالتة مثلا؟

انت عارف ان فيه رسوم عبور طريق في دبي (سالك) كل ما تعدي من بوابة (داخل المدينة) ب 4 درهم؟

و الاهم لو العربية بالبنزين مش مكتوبة في عقد العمل ممكن يحلق لك و اشرب بقى ....... اي كلام بالبق مش مكتوب في العقد مالوش قيمة (و الكلام ده ينطبق على كل دول العالم مش دبي بس)

اكل في حدود 1000 درهم ؟؟؟؟؟؟ ده عند ام التيتي ...... الا لو هتاكل وجبة واحدة في اليوم ....... او هتقضيها جبنة ........ حضرتك عشان تجيب نص فرخة و رز مثلا ب 25 درهم يعني 750 في الشهر .......


سكن برة و كويس ب 800 درهم؟؟؟؟؟ اللي قال لك كده قول له يا ريت يبقى يتف على قبري بعد ما اموت ...... صاحبي ساكن في حي متوسط في سكن مشترك bed space (يعني مش اوضة ...... لا ... سرير و نص دولاب مع 3 شباب تانيين في نفس الشقة) ب 1750 ......... 800 مين ؟



تتكلم معاه في بدل سكن دلوقتي و لا بعد ما تروح؟ لو دلوقتي و يوافق و يكتبهولك في العقد كان بها .......... بعد ما تروح ...... بعد العيد ما يتفتلش كحك ...... انت رحت و سلمت نفسك تسليم اهالي خلاص


الحاجة التانية انت عارف انك لمدة سنتين مش هتقدر تغير وظيفتك في دبي لانك لو تركت الوظيفة قبل سنتين بيتعمل لك حرمان 6 شهور من العمل في وزارة العمل ...... و ما يتفكش الحرمان الا لو الوظيفة الجاية مرتبها عالاقل 12 الف درهم (لانك جامعي) ....... و في السنتين ممكن ما تزيدش خالص و ممكن تزيد حاجات بسيطة ...... مفيش قانون في الامارات بالحد الادنى للزيادة السنوية يعني من حقه ما يزودكش اساسا .......



انا شايفك ميال للسفر ......... بس انت لو هتسافر يبقى ما تبيعش نفسك ببلاش ....... و الاوفر ده بصراحة (بلاش الا ربع) كمان