بتعامل زملائك في العمل ازاي ؟؟

[ayman20100]

موضوع غريب بس اكتشفت انه اد ايه مهم جداً
خصوصاً اني اكتشفت اني غلط وبقيت احس بالغلط في اسلوبي
انت بتتعامل ازاي مع الناس في شغلك وده فيه اكتر من فئه وممكن نتكلم عنهم بالترتيب بس نخلي المشاركة الاولي عن العمال والاوفيس بوي
1- الاوفيس بوي او العامل
انا في شغلي بعامل الاوفيس من منطق المساواة بين كل البشر من منطق ان كلنا عند الله سواسية واني موظف وهو موظف بعاملهم بصداقة واخوه باخدهم في طريقي وانا مروح اوصلهم و بطلب الحاجة بذوق وبعمل كل حاجة بايدي لو مش محتاج مساعدة وممكن اعمل المشروب بتاعي لو كنت فاضي حتى لو هو قاعد ومش بطلب طلبات اقدر اعملها ياعنى هاتلي من العربية كذا وصلي ديه هنا روح اعمل كذا في المكان كذا بطلب السهل والى معتقد انه يخص شغله وبعاملهم باخوه واتكلم معاهم في مشاكلهم

بس مع الوقت لاحظت الاتي : الناس اتساهلت في التعامل معايا لدرجة كبيرة - عكس تعاملهم مع زمايل ليا ممكن يكونوا اقل مني في المرتبة الوظيفية . بقوا يتأخروا في اي طلب يقولوا مشغولين وياخروا طلبي ده لو حصل بيتناقشوا معايا كتير ويعترضوا بدون مبرر ويتدخلوا في تفاصيل ما تخصهمش بواقع العشم وممكن يعلقوا على شغلي !!! ووصل الحال انهم بيخافوا من زملائي وانا بالنسبالهم الشخص الى مش مهم مع اني مش غلبان خالص خصوصاً لو مع زميل شايف نفسه لكني ما بعرفش احرج حد او اهين حد غلبان
لاحظت ان الى بيتكلم ناشف ومباشر بياخد وضعه معاهم
الى بيتكلم وحش وبيدفع فلوس بيكسر عينهم وبرضه واخد وضعه

تفتكروا الغلط في ايه ؟؟ انا غلط اني عاملت الناس ديه باسلوب مش مناسب معاهم ولا ايه الغلط ؟؟


الجزء الثاني : زملاء العمل بنفس القسم والجزء الثالث : الادارة العليا

[amr011111]

بالنسبه لموضوع الاوفيس بويز
انت صح فى تعاملك معاهم بس للاسف هما غلط لانهم مش بيعملوا حدود فى مواقف كتير
بالنسبه بقى لموضوع عمل المشروب بنفسك الموضوع ده ممكن تلاقيه موظفين كتير فى البوفيه بيعملوا الحاجه بنفسهم
بس لو صاحب العمل موجود هيرفض شىء زى ده
لانه بيحسبها ان مثلا لو كل موظف عمل حاجته بنفسه وخد 10 دقائق يومياً فى 10 موظفين
يبقى كده ضيع ساعه من وقت العمل
وخاصة انه بيحسبها ان ساعه الموظف اعلى من ساعه الاوفيس بوى

[M R. Z E C O]

امشي بمبدا شعرة معاوية

[ابو لؤى]

انا كنت زى حضرتك كده بالظبط وفعلا بقى يأخر طلباتى وممكن معلش وبتاع بس بصراحه وقفت الكلام ده وبقيت رخم جدااا لو عايز كبايه مياه وانا قدام البوفيه ممكن ادخل اشرب عادى اقوله عايز مياه على المكتب من فضلك المعامله بقت ميرى اوى وده انا شايفه افضل

[ابو لؤى]

واضح ان اغلب الناس مابقتش تحترم المحترم والمتواضع

[AboELsoud]

نفس الحوار حاصلي هنا في الشغل

الاوفيس بوي من ساعه ما جيت و انا بعامله بكل اخوه و صداقه

لقيته بعد شويه بقى يتأخر في الطلبات و وصلت لانه ساعات ينفضلي

شديت عليه في مره و عاملته برخامه و وريته اني ازاي كنت طيب قوي معاه

لاقيته بعد كده بيناديني بأستاذ محمود و المعامله رجعت زي بقيت الناس

بقيت شويه اصاحبه و لما الاقيه هيرجع زي الاول اشد عليه

و ماشي بمبدأ لا اسيب الحبل يرخي خالص ولا اشده جامد اقطعه

[M R. Z E C O]

امشي بمبدا شعرة معاوية

ودي شعرة معاوية للميعرفهاش

. يعتبر معاوية رمزًا للدهاء والسياسة وكانت العرب تضرب به المثل في ذلك و لعلّ أشهرها مصطلح شعرة معاوية، وهو كناية عن حسن السياسة أو الدبلوماسية في المصطلحات الحديثة ولذلك كان يقول: (لو أنّ بيني وبين الناس شعرة ما أنقطعت، كانوا إذا مدّوها أرخيتها، وإذا أرخوها مددتها).

[احمد المصرى]

انت صح مليون فى الميه بس انت غلطه صغيره هيا ال خلت الموضوع كدا


لازم تاخد موقف حاسم حاليا ولازم تظبط الدنيا والموضوع فى ايدك حاليا لازم حد فيهم ياخد جزاء حتى لو يوم واحد علشان الميزان يرجع للوضع الصح ولازم ترخى وتشد ودا طبيعى جداااااااااااااااااااااااا لو معملتش كدا مع النوعيه دى اسف فى الكلمه هيركبوك ودا مع كل الناس وانا اولهم لازم نشد شويه ونرخى بس لازم نحافظ على الشعره ال بين العشم والاحترام



بس لو فى مقدورك تعضى لحد جزاك من باب تظبط الدنيا فى اى مناسبه بعدين ابق رجعله الفلوس ال اتخصمت باى شكل

[dede_dodo88]

عامل البوفيه عندي حساس بزيادة فبحاول على قدر الأمكان أقلل من تعاملي معاه و نادراً لما بطلب منه حاجة و بعمل المشروب بنفسي, فيوم لما بطلب منه حاجة هو نفسه بيكون مبسوط, لكن عموماً أنا بعامله أحسن من بعض زمايلي في الشغل..
أنا عموماً مش بحب فكرة أني أستنى حد يعملي حاجة أو أني أوسخ مكان براحتي طول ما في حد هينضف ورايا,, هي صحيح وظيفته أنه يعمل كده بس أنا ليه أصعبها عليه لما في أيديا أني أسهلها و العملية مش هتكلفني المجهود الفظيع يعني..

[ayman20100]

عامل البوفيه عندي حساس بزيادة فبحاول على قدر الأمكان أقلل من تعاملي معاه و نادراً لما بطلب منه حاجة و بعمل المشروب بنفسي, فيوم لما بطلب منه حاجة هو نفسه بيكون مبسوط, لكن عموماً أنا بعامله أحسن من بعض زمايلي في الشغل..
أنا عموماً مش بحب فكرة أني أستنى حد يعملي حاجة أو أني أوسخ مكان براحتي طول ما في حد هينضف ورايا,, هي صحيح وظيفته أنه يعمل كده بس أنا ليه أصعبها عليه لما في أيديا أني أسهلها و العملية مش هتكلفني المجهود الفظيع يعني..

الجميل بقى انك تعمل الكلام ده وتلاقي صدى كويس
المشكلة اني بعمل زيك واكتر وبحاول اساعد لكن الموضوع بيتفهم غلط وللاسف الاقي الناس ((اسف )) الزبالة في معاملتهم معاهم بياخدوا معاملة وخدمة واستجابة افضل
طبعاً مش مجال اني احكي مواقف حصلت بس فعلاً انا حسيت اني لازم اعمل زي الناس ديه اقله مش هيبقى الاحسان في المعاملة مقابلة اللامبالة في التعامل معايا بالشكل المقرف ده

[4fun14]

بالنسبه للجزء الاول.. سواء اوفيسبوي او سواق او بواب بعاملهم بانسانيه وموده لاني عارف ان كل الفرق بيني وبينهم اني كان حظي احسن وكان ليا اهل صرفوا علي تعليمي وعرفت اشتغل ف درجه وظيفيه اعلي منهم ولو الحال كان مقلوب كنت هباه انا الاوفيس بوي ليهم.. مليش شطاره ف ده.
بس بعاملهم بموده وانسانيه وكل حاجه لكن مش بصاحبهم والتعامل رسمي شويه.. عشان لا نتعشم ف بعض اكتر م اللازم ولا نتخانق مع بعض.. علاقه شغل هي اولا واخيرا.. زملائي ف المكتب وضع مختلف لاننا بقالنا سنين شغالبن مع بعض ونكمل علي شغل بعض ونفطر مع بعض.. علاقه صداقه الي حد كبير بس برضه في حدود.. يعني منهذرش بالاب والام مثلا ولا هذار بوابين اللي هو نلطش لبعض والجو ده عشان برضه ميحصلش زعل.. باقي الزملاء باه ممكن اتكلم عنهم بعض ماحضرتك تدخل ف الجزء التاني م الموضوع

[amr100]

فعلا للاسف معاملة الطيبة والمساواة بتقلب علط على الواحد في الاخر وخصوصا لو الولد صغير شويه ممكن يتعود على الواحد وميعرفش حدوده كويس وبالنسبة للمعملة مع الزملاء خصوصا لو كنت مدير ادارة ترخي شويه تبقى ممتاز بس تلاقيهم يستهبلوا فيها بعد كده تشد عليهم وتبقى رسمي تبقى وحش وانت مش شايف ظروفنا ايه للاسف طبع الانسان عامة واعتقد المصري اساسا عودته انت على الغلط خلاص يبقى الغلط صح والصح غلط

[dede_dodo88]

الجميل بقى انك تعمل الكلام ده وتلاقي صدى كويس
المشكلة اني بعمل زيك واكتر وبحاول اساعد لكن الموضوع بيتفهم غلط وللاسف الاقي الناس ((اسف )) الزبالة في معاملتهم معاهم بياخدوا معاملة وخدمة واستجابة افضل
طبعاً مش مجال اني احكي مواقف حصلت بس فعلاً انا حسيت اني لازم اعمل زي الناس ديه اقله مش هيبقى الاحسان في المعاملة مقابلة اللامبالة في التعامل معايا بالشكل المقرف ده

بص, انا مش بعامل الفئة دي كويس عشان انتظر معاملة كويسة في المقابل لأنه مش هيفرق معايا الحقيقة انه يعاملني كويس او وحش او ميتعاملش معايا من الاساس, انا بعمل كده اولا ً احتراماً لنفسي اني مخليش نفسي محتاج لحد, و ثانياً اني عارف ان الناس دي قرفانة في حياتها و الدنيا ملطشة معاهم من كل ناحية بالاضافة اني بشوف المعاملة السيئة من اغلبية الناس ليهم فمش عايز اكون انا كمان بعمل كده..
فكرة انه يتخطى حدوده دي بترجع اولاً و اخيراً لشخصيتك و طريقة تعاملك معاه من الاساس..

[drcobra]

كل الناس سواسية وبتعامل مع كل الناس كويس
بس لازم تحافظ على مركزك يعنى لو واحد قلل من احترامك نتيجة استهبال لازم توقفة عند حد معين

[Hazeeeeem]

كل الناس سواسية وبتعامل مع كل الناس كويس
بس لازم تحافظ على مركزك يعنى لو واحد قلل من احترامك نتيجة استهبال لازم توقفة عند حد معين

بالظبط كده