تحذير هام جدا من المستشفى دى والدى مات عندهم بسببهم

[Maged_ali]

يا جماعه انا متابع المنتدى بقالى فتره طويله بس الحقيقه دى اول مره اشترك عشان اشارك واطلب مساعدتكم معايا

والدى اتوفى اخر العام الماضى بسبب عمليه زراعه كبد فى مركز جراحه الجهاز الهضمى فى المنصوره واقسم بالله اهملوا فيه اهمال كبير جدا وكنت مدايق جدا من الى بيحصل ومش عارف اعمل ايه لان كدا كدا الناس الى داخله العمليه ماضيه على نفسها ورق بمخاطر بما فيها الوفاه متقدرش تتكلم معاهم
المهم فات الوقت ورحت المستشفى اول السنه دى مع متبرع صديقى اتبرع لوالده الحقيقه اتنرفزت جدا من الى شفته
قمه الاهمال عند الناس دى وكميه ناس ماتت فى وقت قصير وهما ولا فى دماغهم لان محدش بيحاسبهم ومتكلين ان الناس مش هتشتكى عشان ماضيين على حياتهم
والى ينرفز اكتر عملوا احتفاليه من يومين بنجاح العمليات وليله العمليه نفسها ميت واحد بسببهم
انا عارف ان العمليه خطيره وفى احتمالات وفاه ودا طبيعى لكن الى بيحصل دا مش طبيعى الناس دى افترت فى الاهمال والاسباب كتيره جدا وانا عملت ليهم صفحه عالفيس لفضحهم وتحذير الناس منهم
حبيت ادخل هنا لانى فعلا بعز المنتدى دا احذركم جميعا
واتمنى تقفوا جنبى فى الصفحه الى عاملها وكاتب فيها كل فضايحهم .. مش عارف اقدر احطها هنا ولا مش مسموح ياريت حد يعرفنى

[salodas]

انا لله وانا اليه راجعون .

[mo3tazanas]

انا كنت داخل اقول على اللى حصل لوالدى اللة يرحمة بس لقيت ما فهوش فايدة الكلام والدى مات خلاص

[أبو آسر]

رحم الله والدك وغفر له
أنا زوجتي من حوالي 4 سنوات عملت عملية استئصال المرارة في المستشفى دي وشفت الإهمال بنفسي لدرجة إن أول ليلة باتت فيها مكنش في سراير فاضية قاموا نيموها على كنبة !!! الأغرب بقى إن مفروض كان معايا واسطة (كعادة بلدنا الجميلة) فقلت أمال لو مكنش في واسطة كانوا بيتوها في الشارع ولا عملوا فيها إيه !
أنا ندمت طبعا إني وديت زوجتي تعمل العملية هناك بس للأسف والدتي كانت مصرة بزعم إنها أفضل مكان في مصر وأمهر أطباء لكن أعتقد أن أي حاجة حكومية تغور من وش حكومات بلدنا الفاشلة وروتينها الغبي وإهمال وتسيب الموظفين والعاملين فيها

[Maged_ali]

انا كنت داخل اقول على اللى حصل لوالدى الله يرحمة بس لقيت ما فهوش فايدة الكلام والدى مات خلاص

ربنا يرحم والد حضرتك اولا
ثانيا لو فى اهمال لازم تتكلم ودا واجبك عشان والدك وعشان الناس الى جايه بعده محدش يتعذب وهو مغشوش فيهم زى ما احنا اتحطينا فى الموقف دا
حضرتك ياريت متبقاش سلبى اقسم بالله الناس دى سايقين فى الاهمال والجثث طالعه كل شويه بسبب ان الاهالى مش بتسأل
لو ان وانت موقفناش فى وشهم وحاسبناهم وفضحناهم بكره كل مريض كبد متعلق بقشايه وبامل زى ابويا كدا هيموت
حضرتك كل الناس هناك ساكته وبيقولوا عشان ميعملوش حاجه غلط !! هو احنا داخلين نتعالج ببلاش دا عمليه ب 200 الف
طب استئذنك انت وكل الاعضاء ادخلوا اقراو الكلام الى كاتبه عنهم واعرفوا الحقيقه
بعد اذن اداره المنتدى دا لينك الصفحه

https://www.facebook.com/pages/%D8%B5%D9%81%D8%AD%D9%87-%D9%81%D8%B6%D8%AD-%D8%A7%D9%84%D8%AC%D9%87%D8%A7%D8%B2-%D8%A7%D9%84%D9%87%D8%B6%D9%85%D9%89-%D8%A8%D8%A7%D9%84%D9%85%D9%86%D8%B5%D9%88%D8%B1%D9%87/305471989606959?ref=hl

[Maged_ali]

رحم الله والدك وغفر له
أنا زوجتي من حوالي 4 سنوات عملت عملية استئصال المرارة في المستشفى دي وشفت الإهمال بنفسي لدرجة إن أول ليلة باتت فيها مكنش في سراير فاضية قاموا نيموها على كنبة !!! الأغرب بقى إن مفروض كان معايا واسطة (كعادة بلدنا الجميلة) فقلت أمال لو مكنش في واسطة كانوا بيتوها في الشارع ولا عملوا فيها إيه !
أنا ندمت طبعا إني وديت زوجتي تعمل العملية هناك بس للأسف والدتي كانت مصرة بزعم إنها أفضل مكان في مصر وأمهر أطباء لكن أعتقد أن أي حاجة حكومية تغور من وش حكومات بلدنا الفاشلة وروتينها الغبي وإهمال وتسيب الموظفين والعاملين فيها

انا مقدر كلام حضرتك بس لازم نقف فى وشهم والله انا شفت كميه ناس ماتت فى وقت قصير كتير جدا
حضرتك دول عاملين احنفاليه وجايبين المحافظ بيحتفلوا ب 10 سنين فشل واهمال وموت ناس زى ابويا وغيرهم
ادخل لما وقتك يسمحلك اقرأ الى فى الصفحه ولسه انا هفضحهم عندى حاجات كتير ضدهم

[Maged_ali]

لو تكرمتم يا جماعه ياريت تدخلوا الصفحه اقفوا جنبى اعملوا لايك والى عنده تجربه سيئه يكتبها لازم الناس دى تفهم ان فى عليها عين
ووالله هما مرعوبين من الصفحه وخايفين منها لازم يعرفوا ان حياه الناس مش لعبه كدا يهملوا فيها لمجرد ان المرضى ماضيين على ورق يقول انهم ممكن يموتوا

[JapRuleZ]

البقاء لله اللهم اسكنه الجنه
طول ما الطبيب ما بيقبض 500 جنيه و القاضى 8000 مفيش طب وصحه فى مصر

[ENG.MaRk]

الله يرحم والد حضرتك و شكرا علي الإفادة .... حضرتك شخص محترم جدا و ربنا يعوضك

[manfromegy]

البقاء لله اللهم اسكنه الجنه
طول ما الطبيب ما بيقبض 500 جنيه و القاضى 8000 مفيش طب وصحه فى مصر

حضرتك شايف إن دا مبرر للأطباء إهمالهم . مش شايف إن دا مبداء غريب في أخلاق المهنه

[محمد يوسف]

ياجماعة الخير..هى دى المستشفى بتاعة الدكتور غنيم؟

[JapRuleZ]

حضرتك شايف إن دا مبرر للأطباء إهمالهم . مش شايف إن دا مبداء غريب في أخلاق المهنه

مين قال مبرر ... دى جريمه
و ياريت نبطل قصه ان احنا نقول ازاى مينفعش عيب حرام و نحن ندين ما حدث ده كلام لابيودى ولا بيجيب
لازم تشوف اللى بيحصل ز تدور على الاسباب عشان تعالجها
اخلاق مهنه .... خدعوك فقالو
فين المهنه و فين الاخلاق
الطبيب بنى ادم زى اى حد جاب مجموع عالى و بعد دراسه 7 سنين و تدريب 5 سنين و 3 سنين جيش و بعديها حياته بتبتدى بياخد 500 جنيه و طول عمره مقضيها نبطشيات و مزاكره لحد مايموت و مفيش حد يعلمه ولا المستشفى فيها امكانيات ولا ادويه لان حكومتك فاشله بتدفع لظباط الجيش و الشرطه و للقضاه و الاتصالات و مستشارين الوزاره ........ ايام الثوره مكنش فيه ولا شرطه ولا امن ولا فيه دلوقتى بالمناسبه و قطاع القضاء و وزاره العدل انا مش هتكلم عليه . ده خلى اى طبيب عاوز يعيش حياه كريمه يسافر فورا و بيتم تقديره طبعا اضعاف اضعاف فى مصر .... بس للاسف محدش حاسس بيهم و تخيل مثلا انك فى نبطشيه بيوم العيد مثلا و الناس كلها فى اجازة و فى الاخر مثلا ال 500 جنيه دول ... تخيل شعورك عامل ازاى ... ده غير المزاكره طول العمر و اضرار نفسيه عن المهنه و ناس بتموت عايش فى stress طول عمره و بعيد عن بيته و الامراض المعديه الخطيره اللى بيتعرض لها
فى امريكا اقل طبيب فى مستشفى عام بياخد 300 الف دولار فى السنه و مسمهاش مرتب ... اسمها تعويض ... لان مفيش مرتب ممكن تاخده على انقاذ حياه الناس
مفيش طب فى مصر عاوز علاج يبقى مستشفى استثمارى او علاج على نفقه الدوله بره مصر زى الممثلين والراقصات و الوزراء

[drcobra]

ربنا يرحمة
الطب فى مصر بعافية شوية
شفت حلقة عمرو الليثى عن معهد الاورام حاجة تضحك مش تبكى

[monamize4]

مين قال مبرر ... دى جريمه
و ياريت نبطل قصه ان احنا نقول ازاى مينفعش عيب حرام و نحن ندين ما حدث ده كلام لابيودى ولا بيجيب
لازم تشوف اللى بيحصل ز تدور على الاسباب عشان تعالجها
اخلاق مهنه .... خدعوك فقالو
فين المهنه و فين الاخلاق
الطبيب بنى ادم زى اى حد جاب مجموع عالى و بعد دراسه 7 سنين و تدريب 5 سنين و 3 سنين جيش و بعديها حياته بتبتدى بياخد 500 جنيه و طول عمره مقضيها نبطشيات و مزاكره لحد مايموت و مفيش حد يعلمه ولا المستشفى فيها امكانيات ولا ادويه لان حكومتك فاشله بتدفع لظباط الجيش و الشرطه و للقضاه و الاتصالات و مستشارين الوزاره ........ ايام الثوره مكنش فيه ولا شرطه ولا امن ولا فيه دلوقتى بالمناسبه و قطاع القضاء و وزاره العدل انا مش هتكلم عليه . ده خلى اى طبيب عاوز يعيش حياه كريمه يسافر فورا و بيتم تقديره طبعا اضعاف اضعاف فى مصر .... بس للاسف محدش حاسس بيهم و تخيل مثلا انك فى نبطشيه بيوم العيد مثلا و الناس كلها فى اجازة و فى الاخر مثلا ال 500 جنيه دول ... تخيل شعورك عامل ازاى ... ده غير المزاكره طول العمر و اضرار نفسيه عن المهنه و ناس بتموت عايش فى stress طول عمره و بعيد عن بيته و الامراض المعديه الخطيره اللى بيتعرض لها
فى امريكا اقل طبيب فى مستشفى عام بياخد 300 الف دولار فى السنه و مسمهاش مرتب ... اسمها تعويض ... لان مفيش مرتب ممكن تاخده على انقاذ حياه الناس
مفيش طب فى مصر عاوز علاج يبقى مستشفى استثمارى او علاج على نفقه الدوله بره مصر زى الممثلين والراقصات و الوزراء

[Maged_ali]

الله يرحم والد حضرتك و شكرا علي الإفادة .... حضرتك شخص محترم جدا و ربنا يعوضك

ربنا يخليك... انا عارف الاهمال فى كل حته بس حتى حياه الناس بقت لعبه للناس دى
والله هما خايفين من الصفحه واولهم محمد عبد الوهاب كبير المهملين
الصفحه دى هتفضل عين عليهم وعندى معلومات كتيره لسه هقولها واتمنى تقفوا جنب ىعلى اد ما تقدروا يا رجاله
بلغوا الكل ان الجهاز الهضمى فى المنصوره لا يصلح لزراعه الكبد ببساطه كدا
اعملوا لايك وشير للصفحه