تحذير هام جدا من المستشفى دى والدى مات عندهم بسببهم

[Maged_ali]

ياجماعة الخير..هى دى المستشفى بتاعة الدكتور غنيم؟

لا حضرتك دكتور محمد غنيم كان ماسك مركز الكلى والمسالك البوليه ودا سمعته ممتازه لان الدكتور غنيم رجل لا غبار عليه اداريا وطبيا
لكن محمد عبد الوهاب فى الجهاز الهضمى ممشيها كانها سلخانه وادخل اقرأ الى بيحصل وانت تعرف كويس
زى ما بيقولوا اذا كان رب البيت بالدف ضاربا.

[waleed0]

وهي المستشفيات الخاصة كويسة !!! , المستشفيات الخاصة ميهمهاش غير الفلوس وعالم برضوا معندهمش ضمير المهم الفلوس وبس , الفرق بينها وبين الحكومي انها شكلها نضيف بس

[فادى محمد]

اللهم ارحم موتانا..
انا كده اتلخبطت !!
انا روحت بوالدتي مركز الكلي بتاع د غنيم..
المستشفي نظيفه جدااا ونظام كل واحد بيتنده
اسمه بالدور يدخل ويتعامل والتذكره بربع جنيه
والدواء مجاني .
الدكتور محمد غنيم كان ماشي في المستشفي بشراب ابيض
من غير حذاء ! ولما سالت عن السبب ؟ قالوا لو الشراب
اتوسخ بيخصم لمسؤلي النظافه في المستشفي ,,

[manfromegy]

مين قال مبرر ... دى جريمه
و ياريت نبطل قصه ان احنا نقول ازاى مينفعش عيب حرام و نحن ندين ما حدث ده كلام لابيودى ولا بيجيب
لازم تشوف اللى بيحصل ز تدور على الاسباب عشان تعالجها
اخلاق مهنه .... خدعوك فقالو
فين المهنه و فين الاخلاق
الطبيب بنى ادم زى اى حد جاب مجموع عالى و بعد دراسه 7 سنين و تدريب 5 سنين و 3 سنين جيش و بعديها حياته بتبتدى بياخد 500 جنيه و طول عمره مقضيها نبطشيات و مزاكره لحد مايموت و مفيش حد يعلمه ولا المستشفى فيها امكانيات ولا ادويه لان حكومتك فاشله بتدفع لظباط الجيش و الشرطه و للقضاه و الاتصالات و مستشارين الوزاره ........ ايام الثوره مكنش فيه ولا شرطه ولا امن ولا فيه دلوقتى بالمناسبه و قطاع القضاء و وزاره العدل انا مش هتكلم عليه . ده خلى اى طبيب عاوز يعيش حياه كريمه يسافر فورا و بيتم تقديره طبعا اضعاف اضعاف فى مصر .... بس للاسف محدش حاسس بيهم و تخيل مثلا انك فى نبطشيه بيوم العيد مثلا و الناس كلها فى اجازة و فى الاخر مثلا ال 500 جنيه دول ... تخيل شعورك عامل ازاى ... ده غير المزاكره طول العمر و اضرار نفسيه عن المهنه و ناس بتموت عايش فى stress طول عمره و بعيد عن بيته و الامراض المعديه الخطيره اللى بيتعرض لها
فى امريكا اقل طبيب فى مستشفى عام بياخد 300 الف دولار فى السنه و مسمهاش مرتب ... اسمها تعويض ... لان مفيش مرتب ممكن تاخده على انقاذ حياه الناس
مفيش طب فى مصر عاوز علاج يبقى مستشفى استثمارى او علاج على نفقه الدوله بره مصر زى الممثلين والراقصات و الوزراء

و ردي علي حضرتك دا مش مبرر للأهمال هوا داخل الكليه و عارف إن دا حتل مصر و عارف إنه ممكن يموت من عدوي و محدش ضربه علي إيده
دي رساله ما أعتقدش إن فيه واحد أمله يدخل طب علشان بعد كدا يقول بعد ما يتخرج ياتدفعولي يا مش شغال في المستشفي العام
(النباطشيه اللي حضرتك بتتكلم عليها دي وزاره الصحة بتديله عليها 100 جنيه أيوة ميت جنيه في النبطشيه الواحده)
هاشتغل في عيادتي بس ولا حضرتك شايف غير كدا

[Maged_ali]

وهي المستشفيات الخاصة كويسة !!! , المستشفيات الخاصة ميهمهاش غير الفلوس وعالم برضوا معندهمش ضمير المهم الفلوس وبس , الفرق بينها وبين الحكومي انها شكلها نضيف بس

حضرتك انا مقلتش البديل مستشفى خاصه ولا اعرف مستواها
انا هنا بوضح التجربه الى شفتها فى الجهاز الهضمى بالمنصوره فقط لاغير لو اتكلمت على حاجه تانيه يبقى هكذب
انا عايز احذر الناس لانهم مهملين وبيشغوا فى نسبه نجاح العمليه الدكتور محمد عبد الوهاب مأكل شويه جرايد وبيطلع فى كام برنامج يقول 85 % نسبه نجاح والمركز من افضل 10 مراكز طبيه على مستوى العالم !
وعشان كدا الى زيى راح عالسمعه دى والحقيقه غير كدا خالص
نسبه النجاح اقل من كدا بكتير
مستوى التمريض زى الزفت
اهمال كبير جدا فى الاماكن والاهتمام فى ما بعد العمليه وكل شىء انا موصحه فى الصفحه الى اعملاها احذر الناس بيها ولسه هكتب عندى كتير ضدهم اتمنى تنشروها معايا وتعرفوا كل الى تعرفوه ان الناس دى غشاشين

[Maged_ali]

اللهم ارحم موتانا..
انا كده اتلخبطت !!
انا روحت بوالدتي مركز الكلي بتاع د غنيم..
المستشفي نظيفه جدااا ونظام كل واحد بيتنده
اسمه بالدور يدخل ويتعامل والتذكره بربع جنيه
والدواء مجاني .
الدكتور محمد غنيم كان ماشي في المستشفي بشراب ابيض
من غير حذاء ! ولما سالت عن السبب ؟ قالوا لو الشراب
اتوسخ بيخصم لمسؤلي النظافه في المستشفي ,,

ولا لخبطه ولا حاجه حضرتك دى مستشفى ودى مستشفى تانيه خالص
تانى مركز الكلى بتاع غنيم ودا منظم وسمعته زى الدهب عشان غنيم ممشيه بنظام اوروبى
الجهاز الهضمى اهمال وغش عشان محمد عبد الوهاب ماسكه بنظام كبير السلخانه

[samyyousef]

مين قال مبرر ... دى جريمه
و ياريت نبطل قصه ان احنا نقول ازاى مينفعش عيب حرام و نحن ندين ما حدث ده كلام لابيودى ولا بيجيب
لازم تشوف اللى بيحصل ز تدور على الاسباب عشان تعالجها
اخلاق مهنه .... خدعوك فقالو
فين المهنه و فين الاخلاق
الطبيب بنى ادم زى اى حد جاب مجموع عالى و بعد دراسه 7 سنين و تدريب 5 سنين و 3 سنين جيش و بعديها حياته بتبتدى بياخد 500 جنيه و طول عمره مقضيها نبطشيات و مزاكره لحد مايموت و مفيش حد يعلمه ولا المستشفى فيها امكانيات ولا ادويه لان حكومتك فاشله بتدفع لظباط الجيش و الشرطه و للقضاه و الاتصالات و مستشارين الوزاره ........ ايام الثوره مكنش فيه ولا شرطه ولا امن ولا فيه دلوقتى بالمناسبه و قطاع القضاء و وزاره العدل انا مش هتكلم عليه . ده خلى اى طبيب عاوز يعيش حياه كريمه يسافر فورا و بيتم تقديره طبعا اضعاف اضعاف فى مصر .... بس للاسف محدش حاسس بيهم و تخيل مثلا انك فى نبطشيه بيوم العيد مثلا و الناس كلها فى اجازة و فى الاخر مثلا ال 500 جنيه دول ... تخيل شعورك عامل ازاى ... ده غير المزاكره طول العمر و اضرار نفسيه عن المهنه و ناس بتموت عايش فى stress طول عمره و بعيد عن بيته و الامراض المعديه الخطيره اللى بيتعرض لها
فى امريكا اقل طبيب فى مستشفى عام بياخد 300 الف دولار فى السنه و مسمهاش مرتب ... اسمها تعويض ... لان مفيش مرتب ممكن تاخده على انقاذ حياه الناس
مفيش طب فى مصر عاوز علاج يبقى مستشفى استثمارى او علاج على نفقه الدوله بره مصر زى الممثلين والراقصات و الوزراء

اعتقد أن ما ذكرته حضرتك ليس له علاقة بالدكاترة البشوات اللي - المفروض- بيعملوا عمليات زراعة كبد بآلاف الجنيهات
كما أن الاهمال الطبي يقع فيه صغار الاطباء اللي حضرتك بتتكلم عنهم بتوع ال500 جنية و يقع فيه ايضا كبار كبار الاطباء بتوع ال500.0000 جنيه
الاهمال موجود في مستشفيات بير السلم و موجود في مستشفيات الخمس نجوم

[JapRuleZ]

اعتقد أن ما ذكرته حضرتك ليس له علاقة بالدكاترة البشوات اللي - المفروض- بيعملوا عمليات زراعة كبد بآلاف الجنيهات
كما أن الاهمال الطبي يقع فيه صغار الاطباء اللي حضرتك بتتكلم عنهم بتوع ال500 جنية و يقع فيه ايضا كبار كبار الاطباء بتوع ال500.0000 جنيه
الاهمال موجود في مستشفيات بير السلم و موجود في مستشفيات الخمس نجوم

معلش واضح ان الصوره مش واضحه ؟ هو انا بدافع عن الاهمال و جرائم القتل دى ؟
الاهمال موجود فى كل مكان ... الشارع مكسر و الهواء ملوث و محدش شايف شغله .. بردو مفهمتش وجهه النظر ؟
بالمناسبه
الجراح اللى بياخد الاف الجنيهات ده فى المستشفى بيبقى استاذ و استشارى و مش كلهم و يتعدو على الصوابع ...فين بقى الاخصائيين و النواب الى هم العامود "الفقرى " لأى مؤسسه طبيه

اما المستشفيات الخاصه بيتراوح النبطشيه ب 20 جنيه الساعه يعنى زى السباك

واضح ات فى ناس كتير ايديها فى المياه البارده و مش عارفه البلد ماشيه ازاى عل عموم الواحد لو كان قاعد على تل فلوس مكنش همو حد و يولعوا الدكاتره على المستشفيات و ننتخب الجيش عشان نكمل مسيره الديموقراطيه .

[Maged_ali]

اعتقد أن ما ذكرته حضرتك ليس له علاقة بالدكاترة البشوات اللي - المفروض- بيعملوا عمليات زراعة كبد بآلاف الجنيهات
كما أن الاهمال الطبي يقع فيه صغار الاطباء اللي حضرتك بتتكلم عنهم بتوع ال500 جنية و يقع فيه ايضا كبار كبار الاطباء بتوع ال500.0000 جنيه
الاهمال موجود في مستشفيات بير السلم و موجود في مستشفيات الخمس نجوم

اتفق مع حضرتك
بالاضافه ان النوع دا من العمليات صعب جدا يتقبل فيه اى هفوه ما بالك بالاهمال الكبير عشان كدا الناس دى سمعتهم بقت زفت واغلب المرضى بتموت فى الجهاز الهضمى
وبالنسبه للفلوس اقسم بالله حضرتك مع ان العمليه ثمنها 200 الف جنيه هناك بيعملوها مرتين فى الاسبوع وطاقتهم لا تسمح اصلا عندهم شغل وعمليات كتير جدا تانيه غير الزراعه بالاضافه ان مفيش مكان اصلا فى العنايه غير ال4 غرف بتاع العمليتين كل اسبوع ولما حد يجيله مضاعفات او يتعب يرموه فى اوضه عامله زى المخزن فيها 3 سراير جنب بعض حاجه استغفر الله
لكن هى تجاره او 200 ورا 200 وطز فى المرضى واهاليهم وبعد كل دا تعامل منتهى قله الادب وقله الذوق من الممرضات برعايه الدكاتره للمرضى واهاليهم وكله مكتوب عالصفحه
حتى التحاليل والاشعات يبعتوك عند اصحابهم كلهم بيقسموا فى الفلوس والمرضى الى بتموت
حسبى الله ونعم الوكيل فيهم

[Mohamed_Hamid]

رحمة الله عليه وعلى موتى المسلمين
بص انا عايز حضرتك تتواصل مع جابر القرموطى مقدم برنامج مانشيت على قناة on tv> الراجل ده من الآخر كدة بيزيط فى الحاجات اللى زى دى اوى ومش بيرتاح الا لما يوصل لوزير الصحة او حد من مكتبه ويشوف ايه الموضوع ويفضل فاكر الموضوع فى كل حلقة جديدة لغاية لما يوصل لحل ان شاء الله. اعتقد ده هيساعد جدا

[canner]

ربنا يرحمه ان شاء اللة ح ادخل على الصفحة لما اروح

[Maged_ali]

رحمة الله عليه وعلى موتى المسلمين
بص انا عايز حضرتك تتواصل مع جابر القرموطى مقدم برنامج مانشيت على قناة on tv> الراجل ده من الآخر كدة بيزيط فى الحاجات اللى زى دى اوى ومش بيرتاح الا لما يوصل لوزير الصحة او حد من مكتبه ويشوف ايه الموضوع ويفضل فاكر الموضوع فى كل حلقة جديدة لغاية لما يوصل لحل ان شاء الله. اعتقد ده هيساعد جدا

اوصله ازاى حضرتك؟
جزاك الله خير

[Maged_ali]

ياريت يا جماعه الى عنده وقت يشارك معايا فى الصفحه

[Mohamed_Hamid]

اوصله ازاى حضرتك؟
جزاك الله خير

وجزاكم مثله اخى الكريم
اتفضل صفحته على الفيس

https://www.facebook.com/gaberalkarmoty

صفحة البرنامج

https://ar-ar.facebook.com/manshetontv

بالتوفيق ان شاء الله

[JapRuleZ]

طيب جرب تشتكى فى نقابه الاطباء