أعمل لأختى اكونت عالفيس بوك ولا لأ ؟

[adel 000]

شكرا يا جماعه عالردود المحترمه دى
واضح ان فيه اتجاااااه كبير مع انى اعملها اكونت عالفيس
وأتجاه أخر انى مخليهاش تقتحم عالم الفيس بوك
وانا الصراحه بميل لهذا الأتجاه الأخر خصوصا ان البنت مطلبتش منى قبل كده انها يبقى ليها اكونت عالفيس فمش عايز تبقى جت منى انا واخاف اندم عالخطوه دى بعد كده
وعشان كده انا وصلت لحل مبدئى وهوه انى عندى جهاز تابلت بعلبته :) هديهولها تبقى تتسلى عليه وتلعب جيمز وتنزل اللعب والتطبيقات اللى تعجبها وممكن تنزل كتب عليه وتقراها " مع انها ملهاش فى القرايه " :(
بس فعلا الجهاز ده مسلى جدا الواحد كل ما النور يقطع بيضيع الوقت عليه :)

[eng/ahmed_go]

اعتقد يا باشا التابلت لوحده مش كفايا لازم تنزل وتحتك بالمجتمع بايجابياته وسلبياته وتتعلم تكون تكون قويه وتحافظ على مبادءها مهما كانت البيئه اللي حواليها
وغير كده هوا ليه حضرتك حكمت عليها انها مش اجتماعيه مفيش حد بيكون اجتماعي في يوم وليله لازم تنزل تاخد كورسات او تشارك في عمل خيري ودا هيخليها اجتماعيه لكن صدقني العزل عن المجتمع عمره ما كان الحل بالعكس بيجيب نتايج عكسيه وبيخلي شخصية البني ادم ضعيفه سهل التأثير عليه

[Mohamed_Hamid]

الموضوع بسيط ومفيهاش حاجة خالص متحسسهاش بالحصار ده لأنه بيخلق عدم الثقة ومشاكل تانية. اعملها الاكونت وخليها هى اللى تضيفك عندها متفرضش نفسك عليها انها تضيفك علشان متحسش باتك بتراقبها وعرفها خطورة انها تحط صور شخصية على الفيس ومتعرفهاش خبايا الفيس زى انها تعمل اخفاء لقائمة الأصدقاء علشان تبقى مطمن لصديقاتها اللى عندها انهم كويسين ( بس مش تروح تصاحبهم انت : ) بهزر معاك
الله يحفظنا جميعا

[ayman20100]

شكرا يا جماعه عالردود المحترمه دى
واضح ان فيه اتجاااااه كبير مع انى اعملها اكونت عالفيس
وأتجاه أخر انى مخليهاش تقتحم عالم الفيس بوك
وانا الصراحه بميل لهذا الأتجاه الأخر خصوصا ان البنت مطلبتش منى قبل كده انها يبقى ليها اكونت عالفيس فمش عايز تبقى جت منى انا واخاف اندم عالخطوه دى بعد كده
وعشان كده انا وصلت لحل مبدئى وهوه انى عندى جهاز تابلت بعلبته :) هديهولها تبقى تتسلى عليه وتلعب جيمز وتنزل اللعب والتطبيقات اللى تعجبها وممكن تنزل كتب عليه وتقراها " مع انها ملهاش فى القرايه " :(
بس فعلا الجهاز ده مسلى جدا الواحد كل ما النور يقطع بيضيع الوقت عليه :)

اعذرني لو تعليقي مش هيعجبك
بس واضح فعلاً ان فيه حاجة غلط في تعاملكم معاها
انت بتعاملوا طفلة !!! تاب ايه الى يبقى عليه جيمز وتلعب عليها
ديه بني ادم كبير وليه كيان وشخصية وواضح انكم لاغيين الفكرة ديه خالص وانكم بتتعاملوا بمبدأ المنع والمنح
انا كان ليا تعليق انك تعمل الفيس وده مش كفاية
لانها لازم يكون لها اصدقاء ونشاطات لازم تخرج وتشوف ناس
فيه مليون نشاط واهتمام والافضل انكم تساعدوها بدل ما تتحكموا فيها وبعدين تلاقوها بتضيع منكم
بالنسبة لتعليق ان الفيس مدخل من مداخل الشيطان ... بصراحة هو فيه ايه مش مدخل من مداخل الشيطان ...هو التليفزيون ايه والسينما والراديو والجرائد والمجلات والشارع ياسيدي الفاضل ديه لو وقفت في شباك هيبقى مدخل من مداخل الشيطان
لاحظ مرة تانية انها انسان وليه مطلق الحرية مش مسجون بينفذ عقوبة بالحبس والحرمان
الى هتقدر تمنعه انهارده مش هتقدر تمنعه بكره وساعتها هتبقى غصب عنك ومش هتقدر ولا تتابع ولا توجه .

[S O P H O S]

الفيس مش مسلي
الفيس لو الشخص غير خبير ممكن يغير افكاره
وده شئ مش بسيط

[Ahmed_selmy]

هو الافضل انك تحاول تخليها تكسر موضوع العزله ......على الاقل تنزل تشترك فى اى نشاط رياضى ....وفيه حتقابل ناس وتكون اصدقاء.
المشكله فى الفيس انه ممكن يزيد من عزلتها لانه حيكون المتنفس الوحيد وكتير من الناس اللى كان ليهم اصدقاء فعلا وبخرجوا معاهم بقوا اسرى للشات والفيس والنت .....فما بالك اللى معزول من الاول.
حاول تحسسها باهميتها فى الاسره وتخدوا رايها فى اى حاجه حتى لو حاجه صغيره .....ولو حتى تعملوا حاجات علشان تخلوها تشارك معاكم .
ويا ريت تحاول تمنع موضوع القاعده فى الاوضه لوحدها ......حاولوا تحتوها معاكوا .

[lena jo]

شكرا يا جماعه عالردود المحترمه دى
واضح ان فيه اتجاااااه كبير مع انى اعملها اكونت عالفيس
وأتجاه أخر انى مخليهاش تقتحم عالم الفيس بوك
وانا الصراحه بميل لهذا الأتجاه الأخر خصوصا ان البنت مطلبتش منى قبل كده انها يبقى ليها اكونت عالفيس فمش عايز تبقى جت منى انا واخاف اندم عالخطوه دى بعد كده
وعشان كده انا وصلت لحل مبدئى وهوه انى عندى جهاز تابلت بعلبته :) هديهولها تبقى تتسلى عليه وتلعب جيمز وتنزل اللعب والتطبيقات اللى تعجبها وممكن تنزل كتب عليه وتقراها " مع انها ملهاش فى القرايه " :(
بس فعلا الجهاز ده مسلى جدا الواحد كل ما النور يقطع بيضيع الوقت عليه :)

كل الاقتراحات دي و في الاخر جيمز بس !!!!!!! كده هتزود عزلتها. بلاش النت خالص لانها ممكن تعيش في عالم افتراضي و تنفصل تماما عن الواقع مادامت اصلا عايشه في عزلة لازم تخرج و تعمل نشاط و تتفاعل مع الناس. لو نشاط في المسجد يبقي معها بنات مثلها . و لو كورس مثل ما اقترح البعض حسب ما هي تحب. اقرا الاقتراحات كلها و اختر ما يناسب ظروفك و وقتك لانك ممكن توصلها. خلي بالك الاعراض اللي حضرتك ذكرتها مع محاولة الانتحار دي اعراض مرض نفسي لكن ان شاء الله لو خرجت من العزلة اللي هي فيها ترجع طبيعية و نشيطة . و لازم كل الاسرة تتواصل معها باستمرار. لا تتركوها في حجرتها وحدها.

[prof2013]

مفيش شخص يقدر يمنع حد من فعل الخطأ وبالذات الحريم
اديها حريتها بالكامل ومش هتندم

[monamize4]

.اهم حاجة تعرف انك الاخ الصديق مش المراقب الشكاك

like جاااااااااااااااامد

[aif]

ماتعملهاش
ولا تعمل لأخوك كمان
مش عشان عدم ثقة ولا لأنها بنت ولا اي كلام من ده .... لأن ببساطة هي ممكن تعمل الحساب من غير انت ما تعرف
لكن عشان ما تساهمش في اضاعة وقتهم
ياريتني ما عملت حساب لنفسي اصلا
انا باقعد ع النت اوقات انا اولادي وشغلي وعبادتي اولى بيها

[miceg]

عن تجربة واقعية قدامي لوحده قريبتنا بلاش
فالاول بيبقا في متابعه
وللأسف لما توصل سن معين
انت مش هتفتكر تتابع لمشاغل الحياه
وهيلاقي اللي يلعب بيها للأسف
الفيس بوك لعنة وخصوصا للصغار