الغاء الدعم للبنزين

[Omar Mahmoud]

والكروت اللي دفعنا فيها فلوس ايه القصه؟

زيها زي حاجات كتير اتدفع فيها فلوس و في الاخر علي الفاضي

[El Prince]

متابع باهتمام

[mustafavet]

لتر البنزين غير المدعم هيكون ب 9 جنيه
مستعد تدفع السعر دا
يعني لو عربية 40 لتر شوف بقي تدفع كام في المرة الواحده

[mahmoud.69]

انا موافق اشتري بي السعر الحر بتعها بس بشرط
عندي قريبي في الكويت جايب فيرنا جديدة بي 700 دينار
يعني 14 الف جنية مصري وهنا في مصر وصلت سعرها 90 الف جنية يعني سرقة عيني عينك ورضين تيجي تلغي دعم البنزين ده كده يبقا كفر
تاني شيئ وفر لي موصلات في كل الاوقات بتروح جميع الاماكن مش مثﻵ انا قاعد في المناطق الجديدة وعلشان اروح مكان عملي اخد 5 موصلات مع ان مكان عملي قريب مني جدآ بس مافيش موصلات بتروح عليه مباشر لزم 5 موصلات وكمان تكون موصلات ادامية مش تركبني اتوبيس ناصر الي انتها من قرن ويقولك يا استاذ خش جوة الطرقة لسه فاضية لا تلغي موضوع الوقف في الطرق الموصلات بي وفرة مش انزل اقف عقبال مايجي بعد ساعه ولا ساعتين توحيد للأجرة تكون بي سعر موحد ومش كله بي مزاجة يعلي يرخص
واهم شيئ وضع الحد الادني والاقص للمرتبات يعني ماينفعش واحد بياخد جونيهات امام واحد بياخد ملاين وبتدور تقشفها علي ابو جنيهات لي انها لو كل حاجة غلت مش هتفرق مع الي بياخد ملاين لكن هتفرق مع الي بيقبض 1000 و2000 لما تغلي عليه بنزين ولما الحمه الكيلو يوصل 75 جنية ولما الفرخة توصل الكيلو فيها 20 جنية وكل ده ولسه البنزين مارفعش امال لما يرفع تتوقع الاسعار دي هتبقا عاملة ازاي لي الاسف احنا مطلوب مننا نشد الحزام علشان هما يعرفة يعيشة ومطلوب مننا نتقشف علشان هما ميقدروش

[حسام الغرباوي]

لتر البنزين غير المدعم هيكون ب 9 جنيه
مستعد تدفع السعر دا
يعني لو عربية 40 لتر شوف بقي تدفع كام في المرة الواحده

مش دا المنطق نهائي

مفيش اسلوب او طريقة تقول ياما اعمل دعمة 95 % او 100 % او معملش دعم


طريقة الدعم بتتحسب بطريقة تانية نهائي وهي انك بتشوف البترول المتاح والطاقة المتاحة عندك كام ..وتشوف الاحتياجات كام ومن خلال التقارير دي بتبدأ تعمل شرائح دعم مختلفة

يعني انا شايف في حالة مصر دي عشان الازمة تتحل بشكل كبير جدا


انك تعمل لتر البنزين الـ 80 مثلا ب 2 جنية ...ولتر بنزين الـ 90 بـ 3 جنية مثلا ....
وتلغي الدعم الكامل علي البنزين للشركات اللي بتستهلك وقود عالي ..زي شركات الاتصالات والابراج بتاعتها مثلا وزي شركات والمصانع او تعهلم دعم معتدل


الطريقة دي لو تم تطبيقها اصلا ..انتا ممكن تعمل افضل شبكة طرق وكباري ونقل عام في الشرق الاوسط من اللي المبالغ اللي انتا كنت بتصرفها علي استيراد الوقود


لك أن تتخيل ان متوسط استيراد مصر للبنزين فقط من الخارج يساوي 500 مليون دولار (( دا المتوسط ودا شهريا )) يعني شهريا انفاق الحكومة علي البنزين فقط حوالي 3 مليار و500 مليون (( شهرياً ))

انتا متخيل ضخامة الرقم !!!!!!!!!!!!!!!!!!!!!!!!!!!!!!


يعني لو الاستيراد فقط قل الي 300 مليون دولار شهريا ....انتا كدا كل شهر بتوفر حوالي مليار و500 مليون جنية شهريا !!!؟؟؟؟؟؟؟؟


يعني خلال سنة تعمل افجر شبكة طرق وكباري ونقل عام في الشرق الاوسط !!!!!!


ومنها تحل مشاكل الغلابة وتحل مشاكل الزحمة وتحل مشاكل الحوادث ..................الخ

[tarek eno]

انا كنت قريت فى جرنال الاهرام ملحق السيارات ان الجمارك هتتشال بحلول 2019 و مع خطة رفع الدعم الجزئية من الحكومة فاللى هتوفره فى تمن العربية هتدفعه بنزين

[ashouhdy]

انا مختلف معاكم في نقطة واحدة

ما اللي راكب مرسيدس ولا اوبل ولا فولكس 1400 وتمنها 400الف مثل

ما هو already دفع للبلد فرق سعر خرافي برضوا ومن حقة ياخد دعم .

التسعير ميبقاش من خلال سعر العربية

والا حتلاقي اللادا بقت ب 200الف !!..او تلاقي الشارع كلة عربيات قديمة


الحمد لله اني عملت كارت البنزين. والصح انة يديك كمية معينة مدعومة ولو خلصتها تشنري بالسعر الحر

[حسام الغرباوي]

انا مختلف معاكم في نقطة واحدة

ما اللي راكب مرسيدس ولا اوبل ولا فولكس 1400 وتمنها 400الف مثل

ما هو already دفع للبلد فرق سعر خرافي برضوا ومن حقة ياخد دعم .

التسعير ميبقاش من خلال سعر العربية

والا حتلاقي اللادا بقت ب 200الف !!..او تلاقي الشارع كلة عربيات قديمة


الحمد لله اني عملت كارت البنزين. والصح انة يديك كمية معينة مدعومة ولو خلصتها تشنري بالسعر الحر

ماهو احنا بنقول الحل ....انك لما تشتري عربية جديدة تدفع تمنها بالسعر العالمي مش بالسعر المصري

عربية زي لانسر بتتباع في مصر 150 الف وتمنها برة ما يعادل 70 او 80 الف


شيل الجمارك من السيارات وخد رسوم بسيطة ...وشيل الدعم من علي البنزين وخليه دعم معقول


كدا يبقي في عدالة

[ashouhdy]

ماهو احنا بنقول الحل ....انك لما تشتري عربية جديدة تدفع تمنها بالسعر العالمي مش بالسعر المصري

عربية زي لانسر بتتباع في مصر 150 الف وتمنها برة ما يعادل 70 او 80 الف


شيل الجمارك من السيارات وخد رسوم بسيطة ...وشيل الدعم من علي البنزين وخليه دعم معقول


كدا يبقي في عدالة

طب كدة احنا نبقي قضينا عالصناعة في مصر

كل مصانع تجميع السيارات

[mohamed hatem]

عارفين يا شباب ايه اللي عاجبني في كل اللي قريته لغاية دلوقت :
- انكم كلكم متفقين على نفس النقاط ونفس مبدأ الموازنه ما بين الضريبه و الدعم ، ومبدأ اوجدلي بفلوسي اللي هدفعها مواصلات وطرق صالحة وادميه
-و اللذيذ ان ده كلام ناس عاديه مش دارسه اقتصاد ومش محتاجين دكتوراه عشان يفهموا ويطلعوا حلول عمليه واللي هيا متجربه في بلدان افقر مننا بكتير ، يعني حاجه في قمة التخلف من الحكومه اللي كلها مستشارين وعلماء اقتصاد

اما بخصوص الموضوع من وجهة نظري ... احنا بنعاني مشكلة سوء ادارة للازمات و لغير الازمات عامتا .. وعدم شفافية لكل اللي بيتصرف و للموازنه العامه للدولة
البلد مش حالتها صعبه ولا هيا فقيرة ماديا وفكريا والله .. كل اللي البلد محتجاه هي رؤيه وادارة جيده للتنفيذ

[حسام الغرباوي]

طب كدة احنا نبقي قضينا عالصناعة في مصر

كل مصانع تجميع السيارات

مصانع تجميع السيارات اصلا مبتبعش بالسعر اللي هي بتصنع بيه ...دي بتخضع للسعر بتاع الشركة الام ...مجرد مصنع تجميع فقط لا غير ملوش دخل في الاسعار نهائي

[حسام الغرباوي]

عارفين يا شباب ايه اللي عاجبني في كل اللي قريته لغاية دلوقت :
- انكم كلكم متفقين على نفس النقاط ونفس مبدأ الموازنه ما بين الضريبه و الدعم ، ومبدأ اوجدلي بفلوسي اللي هدفعها مواصلات وطرق صالحة وادميه
-و اللذيذ ان ده كلام ناس عاديه مش دارسه اقتصاد ومش محتاجين دكتوراه عشان يفهموا ويطلعوا حلول عمليه واللي هيا متجربه في بلدان افقر مننا بكتير ، يعني حاجه في قمة التخلف من الحكومه اللي كلها مستشارين وعلماء اقتصاد

اما بخصوص الموضوع من وجهة نظري ... احنا بنعاني مشكلة سوء ادارة للازمات و لغير الازمات عامتا .. وعدم شفافية لكل اللي بيتصرف و للموازنه العامه للدولة
البلد مش حالتها صعبه ولا هيا فقيرة ماديا وفكريا والله .. كل اللي البلد محتجاه هي رؤيه وادارة جيده للتنفيذ

للأسف عندنا مشكلتين رئيسيتين


الفساد


والخوف




الفساد مسيطر تماما علي كل الدولة وكل اللي بيدخل جديد مع الفاسدين الحاليين مبيعرفش يطلع لازم يكون فاسد ...وكلوا بيدور علي النهش والسرقة


تاني حاجة عشان الفساد دا كلو ...محدش حتي قادر ياخد قرار عشان الناس متثرش عليه ويطلع برة منظومة الفساد




مصر لو مفيهاش فساد هتكون اغني من دول الخليج بمراااااااااااااااااااااااااااااااااااااااحل


الخليج قايم فقط علي البترول ليس اكثر


انتا عندك اكتر من مصدر

سياحة
قناة السويس
موارد بشرية
غاز
زراعة
النيل
..........الخ