ممكن اعرف ايه اللى فى شمعه الفلتر الاولى ده ؟!

[mk3]

ده حال شمعه الفلتر الاولى بعد شهر مممكن اعرف ايه ده وعباره عن ايه ؟!

صوره

[reda elgohary]

ربنا يشفى الجميع

[mk3]

فعلا ربنا يشفى

[reda elgohary]

ربنا يصلح حال البلد . ونشوف المياه معدنية .

[mk3]

انا بسأل عن نوع المادة منا عارف ان الميه مطينه بطين

[wahba87]

أظن ده صدأ , والله أعلم

[أحمد كمال]

شوائب (تراب على رمل على حصى على صدأ)

[rotanamasoud]

بتطلع كده عندى
اعتقادى الاكبر صدء لان المواسير عندى حديد والشقه اتقفلت فتره

[mk3]

شكرا على الرد يا جماعه ولو امكن الافاده فى التالى حيث انى لم اجد رد حتى مع السباكين

سبب البلاوى عندى كلها (الصدا والرمل والاوساخ والمجارى احيانا) السبب موتور المياه قوى جدا جدا لانه 1 حصان سحب وضخ وبالونه كبيرة (على اول بلكونه وشقه واحده بس) لدرجه ان الموتور بيفتح كل حنفيات الشقه وبيبوظ القلوب بسرعه

السؤال اللى محتار فيه منذ شراء الموتور من 4-5 سنيين اهدى الموتور ازاى ؟ مش عارف هل له ضبط من الاتوماتيك مثلا ؟ ولا الحل اللى لسه مفكر فيه من شويه افك البالونه واخليه من غير بالونه ؟

[Trondo]

مكنتش ركبت موتور احسن :)))

[zkralla]

شكرا على الرد يا جماعه ولو امكن الافاده فى التالى حيث انى لم اجد رد حتى مع السباكين

سبب البلاوى عندى كلها (الصدا والرمل والاوساخ والمجارى احيانا) السبب موتور المياه قوى جدا جدا لانه 1 حصان سحب وضخ وبالونه كبيرة (على اول بلكونه وشقه واحده بس) لدرجه ان الموتور بيفتح كل حنفيات الشقه وبيبوظ القلوب بسرعه

السؤال اللى محتار فيه منذ شراء الموتور من 4-5 سنيين اهدى الموتور ازاى ؟ مش عارف هل له ضبط من الاتوماتيك مثلا ؟ ولا الحل اللى لسه مفكر فيه من شويه افك البالونه واخليه من غير بالونه ؟

ده فهمى للقصة ديه من زمان حسب شرح جيرانى واصدقائى القدامى من ش نجيب الريحانى والمهدى سوق طلمبات المياه فى القاهرة

الخلاصة : ممكن تظبط الاتوماتيك بحيث تقلل الحد الاعلى بتاع كمية المياه المخزنة فى البالونة maxmize فبالتالى يقل ضغط المياه فى حنفيات الشقة


لو عاوز تفاصيل :
الماتور بيشتغل فقط عشان يملى البالونة ويفصل بعد كده
لما تفتح الحنفية تبدأ البالونة تضغط المياه فى الحنفية لغاية ما توصل الميه فى البالونة لحد معين الى هو الحد الادنى minimize فيبدأ الاتوماتيك يشغل الماتور عشان يملأ البالونة تانى ويعوض النقص الى حصل ويملأ البالونة بالمياه لغاية ال الحد الاقصى ليها maxmize
ظبط الاوتوماتيك هو الى بيحدد الحد الادنى والاعلى بتاع البالونة
يعنى ببساطة اكتر البالونة عاملة زى حزان مياه بس بدل ما هو فوق السطح بيبقى جمب الماتور والماتور وظيفته أنه يملىء البالونة فقط وملوش علاقة مباشرة مع حنفيات الشقة
الاتوماتيك هو الى بيحدد امتى الماتور يشتغل وامتى يفصل
فحكاية إن الماتور 1 حصان الى حضرتك بتتكلم عليها ديه ملهاش علاقة بالمشكلة
كمان حجم البالونة ملوش علاقة هى عادتا بتكون 25 لتر وضغط المياه فيها اد ايه هو المهم مش حجمها

[salodas]

الأخ zkralla اوجز وأنجز .
أحب اضيف ان لو الضغط أصلا كويس فى الخط الرئيسى ... ممكن حضرتك تفصل كهربة الموتر وخلاص ....يعنى الموتور ميشتغلش والدنيا هتكون تمام

[ahmedfouad]

ايه لازمته لما المياه شديدة كده :)
اتحكم فى كمية المياه اللى داخلة على الحنفيات
من محبس الشقة

[mk3]

مكنتش ركبت موتور احسن :)))

لا يوجد ميه بدون ماتور وانا فى اول بلكونه تخيل.......
الغلطه انه جه قوى جدا عشان كان فى سكان داخلين معانا ومدخلوش

[mk3]

ايه لازمته لما المياه شديدة كده :)
اتحكم فى كمية المياه اللى داخلة على الحنفيات
من محبس الشقة

بيفتح المحبس !!!!!!