لزمته ايه الترفيه

[rompo10]

السيسي بيقول مفيش ورفع الدعم وخرب بيوت كتير وفي بيوت هاتخرب لسه ابن خالتي ظابط جيش لقيته جايب تلفزيون جديد lcd 40 بوصه علي ما اعتقد بقوله ماشيه معاك قالي لا دا ترفيه من الجيش قلتله يعني ايه قالي كل سنه بيتصرف لكل الظباط وظباط الصف حاجه اسمها ترفيه تلفزيون ميكروويف موبيل تلاجه وانت بتختار لما السيسي مش لاقي مايلغي الكلام الفاضي دا وياكل الناس نرفيه ايه اللي بيكلف ملايين كل سنه بجد انا مش عارف اقول ايه انا كنت اول مره اعرف الحكايه دي ياتري حد تاني عارفها ولا هو بيضحك عليا ولا ايه

[shiko85]

الترفيه موجود فعلا بس مش كل الرتب بتاخد نفس الحاجه
بتبدا من مروحه و سجاده و تزيد على حسب الرتبه
على فكره الحاجات دى مش لزوم المنظره او الفشخره (غير انها بتبوظ بسرعه )
الحاجات دى بتساعد مصانع كتير انها تبيع البضاعه المتخزنه عندها و تسد العجز اللى عليها او بتكون من انتاج مصانع القوات المسلحه
يعنى زمان مصنع غز المحله كان فيه بضاعه كتير مخزنه و مش عارفيين يصرفوها فالجيش اشترى البضاعه دى و وزعها على الضباط و الصف و الجنود و هكذا
و مش بس الجيش اللى بيعمل كده جهات حكوميه و بنوك حكوميه بتعمل كده بس الفرق ان الأماكن التانيه بتقدم حاجات افضل و اغلى
و فكره الترفيه هى نفس فكره ان شركه تيجى اخر السنه و تدى الموظفين مرتب شهر او مبلغ من الأرباح

[Elawany13]

فعلاً فى رمضان بيتصرف للجيش ترفيه
على ايامى كانوا بيدوا العساكر طقم كبايات مش فاكر كان اسمها اللؤلؤه ولا ايه
بس انا حاجتى حد طمع فيها ومطولتش حاجه ههههههههههههه
واضح ان الدنيا تطورت جدا والموضوع ووصل لشاشات الـ lcd الـ 40 بوصة
ونعم التقشف

[abdelrahmaaan]

واضح ان فى ناس كتير اوى الجيش عاملها هسهس فى نفوخها

[Anaslbda]

عربيات البيجو ال 301 دي ترفيه برضه؟

[mcomics]

الحاجات دي بتبقي جودتها مش اد كدة، انا مش شايف في كدة اي نوع من الترفيه، بالعكس دي سعات بتكون حاجات قديمة كمان

[abou-yahia]

مرتبان تلضباط في القاع

والخاجات ديه بتحسن مستوي حياتهم

ياريت نبطل نفسنه وتراهات ملهاش لزمه

Sent from my SM-N900 using Forum Runner

[mustafavet]

في خبر عن زيادة المعاشات العسكرية 20 في المية ف 2014
بعد اسبوع واحد من غلاء البنزين
الحمد لله انهم سايبنا عايشين فيها

[shiko85]

في خبر عن زيادة المعاشات العسكرية 20 في المية ف 2014
بعد اسبوع واحد من غلاء البنزين
الحمد لله انهم سايبنا عايشين فيها

الزياده دى بتاعت الدوله لكل المعاشات مش الجيش بس و هى 10% بس
يا ريت نفتكر ان ضباط و افراد القوات المسلحه هم موظفين فالدوله

[M R. Z E C O]

متقلش الجيش بيشحت من بعض الناس عشان يعمل مكافائات ابسولوتلي ده الجيش البيدي فلوس للبلد ودي حقيقة

[shiko85]

سؤال صغير معروف اجابته
ايه الهدف من المشاركات دى ؟!
عموما لو حد يعرف وظيفه تانيه اللى بيشتغل فيها معروف انه ممكن يموت فأى وقت و بيطلع عمليات و هو متأكد انه ممكن مش هيرجع تانى و بيغيب عن بيته و اهله بالشهور و واقف ليل نهار فعز البرد او فالحر الشديد يقولنا عليها
هنسمع الرد المعتاد بتاع ان دى وظيفته و بياخد مرتب عليها هقول لما هى دى وظيفته يبقى خلاص زى ما بيموت يبقى ياخد المميزات الكامله للوظيفه ولا هى الوظيفه انه يموت و يخلاص ؟؟!!!

[shiko85]

متقلش الجيش بيشحت من بعض الناس عشان يعمل مكافائات ابسولوتلي ده الجيش البيدي فلوس للبلد ودي حقيقة

معلش يا باشا اصل انها لا تعمى الابصار ولكن تعمى القلوب التى فالصدور

[Mohab.Nabil]

متقلش الجيش بيشحت من بعض الناس عشان يعمل مكافائات ابسولوتلي ده الجيش البيدي فلوس للبلد ودي حقيقة

loooooooool

الجيش بيدى فلوس للبلد ؟ ليه هو الجيش ده مش تبع البلد و البلد اللى بتصرف عليه ولا ايه ؟

و الله انا اللى اعرفه فى كل دول العالم ان الطبيعى ان الجيش ده مؤسسة من مؤسسات الدولة و ليه جزء من ميزانية الدولة

انما ان جيش يصرف على الدولة ديه حاجة جديدة اختراع يا كوتش يعنى بس نقول ايه بقى مصر بلد العجايب

[M R. Z E C O]

loooooooool

الجيش بيدى فلوس للبلد ؟ ليه هو الجيش ده مش تبع البلد و البلد اللى بتصرف عليه ولا ايه ؟

و الله انا اللى اعرفه فى كل دول العالم ان الطبيعى ان الجيش ده مؤسسة من مؤسسات الدولة و ليه جزء من ميزانية الدولة

انما ان جيش يصرف على الدولة ديه حاجة جديدة اختراع يا كوتش يعنى بس نقول ايه بقى مصر بلد العجايب :copy of new:

هي بلد العجايب بس مش للسبب ده( اظاهر ان معلوماتك شديدة اوي )

[Mohab.Nabil]

هي بلد العجايب بس مش للسبب ده( اظاهر ان معلوماتك شديدة اوي )

اه الحمد لله معلوماتى شديدة اووووووى

بس معلش حضرتك تزيدنى بقى فى المعلومات و تقولى هو الجيش بيجيب فلوس منين عشان يديها للبلد ؟ يعنى انا اعرف ان البلد بتجيب فلوسها من انتاج صناعة زراعة سياحة ... الخ ، الجيش بقى بيعمل فلوس ازاى؟