لزمته ايه الترفيه

[abdelrahmaaan]

مرتباتهم ومعاشاتهم قبل 25 يناير كانت قليلة وفي خلال ال 3 سنين زادو كذا مرة زيادات ملحوظة هما و الشرطة.

وعن معرفة بعميد عالمعاش قبل الثورة كان معاشو ممكن يوصل 3 بالعافية دلوقتي بيوصل ل 6 يزيد او يقل حاجة بسيطة. مين بقي موظف فالبلد زاد الزيادات ده كلها ف 3 سنين وبياخد المبلغ ده ؟؟؟؟ لا وكمان لو توفي يوم الوفاة ورثته يقبضو 3 امثال المعاش دفعة واحدة. هل ده برده بيتم لكل معاشات الحكومة مادام بتقولو زيه زي اي موظف حكومي ؟؟؟؟؟؟

تاني وعاشر وللمرة المليون. الكلام مش عالكلام البسيط التليفزيون ولا البوتاجاز ولا الميكروويف ولا الموبيل اللي بياخدوه مرة فالسنة تحت مسمي ترفيه او اي مسمي تاني. الكلام علي الزيادة ده فالتوقيت ده بعد النداء بالتقشف ورفع الدعم والاسعار نار .

كلنا نفسنا المرتبات والمعاشات تبقي مجزية عشان الناس كلها تبقي مرتاحة انما متبقاش بتطالب بتقشف ورافع دعم ونافخ اغلبية الشعب وتيجي تزود ناس معاشاتهم كفاية اوي فالوقت ده.

ده الحوار كله عشان محدش ييجي يفهم الكلام بطريقة علي مزاجه.

والله حضرتك متعرفش الاماكن التانية ايه مميزاتها بس احب اقوللك كل مكان وليه مميزات اللى اكتر من كدة وكلنا زدنا بعد الثورة اضعاف اضعاف ما كنا قبل الثورة انا كنت بشتغل فى شركة قطاع عام زادوا 3 اضعاف ومشيت سبتها روحت مكان حكومى زدنا برضو اكتر من 3 اضعاف ومش الاماكن دى بس من كلامى مع كل اصحابى كلهم زادوا الزيادات الكبيرة دى ..والله على ما اقول شهيد لو كنت بكذب...وكمان حضرتك متعرفش ايه اللى بيتخصم منهم عشان ياخدوا معاش كبير لان بيبقى فى صناديق وحاجات تانية بيتخصم من الناس اكتر عشان تزود فى المعاش بعد كدة ..ياريت الناس تراجع احوال البلد قبل ما تتكلم وترمى الناس بالباطل

[ramymechanics]

ضد الانقلاب قلبا وقالبا لكن شايف دة شئ عادى بصراحة ... انا ليا قرايب فالقوات المسلحة مستوى معيشتهم متوسط او اقل او اعلى من المتوسط بشوية محدش فيهم عايش عيشة فارهة بصراحة

[abdelrahmaaan]

الله يفتح عليك يا استاذ رامى كلامك محترم وكلام واحد بيتكلم عن معرفة مش بيرمى الناس بالباطل بدون علم برغم اختلاف الانتماءات الا انك بتقول شهادة لله

[mr_vampire]

ضد الانقلاب قلبا وقالبا لكن شايف دة شئ عادى بصراحة ... انا ليا قرايب فالقوات المسلحة مستوى معيشتهم متوسط او اقل او اعلى من المتوسط بشوية محدش فيهم عايش عيشة فارهة بصراحة

انا بتكلم عن القرارات اللي طالعلهم مؤخرا تزامنا بقرارات رفع الدعم وغلاء الاسعار.

وهل كل موظفين الحكومة بياخدو 3 اضعاف المعاش يوم الوفاة عشان ولاده ميتلطموش من بعده زي معاشات الجيش ( زي الهري اللي اتقال فوق ) ؟؟؟؟

الله يفتح عليك يا استاذ رامى كلامك محترم وكلام واحد بيتكلم عن معرفة مش بيرمى الناس بالباطل بدون علم برغم اختلاف الانتماءات الا انك بتقول شهادة لله

وانا لما قولت لحضرتك الكلام اللي فوق عن عميد معرفة كان نقلا عن مجلة ميكي هههههههههههههه ولا عشان الكلام مش عالمزاج يااستاذ عبد الرحمن.