مواصفات زوجة 2009

[Miss_Pharma]

Miss-Pharma

ههههههههه معلش ما كنش قصدي.........جت فيكي غلط
اولا اهلا وسهلا بيكي
ثانيا آسف مره تانيه جت فيكي .........هههههههه
ثالثا أنا اختي اتجوزت وهي عندها 24 وشويه واحنا ساكنين في ارض الجولف
يعني الي انا رفضه تقريبا كان في اختي....

مش عارف وحهة نظرك ايه في الموضوع بصفه عامه ..بما انك في نفس الظروف؟؟

:k17:

شكلك مبسوط انها جت فيه .. يلا زي بعضه ..
والله انا رأيي ان لما النصيب بيجي محدش بيشوف قدامه ..
اللي عايزها سمره بياخدها بيضه واللي عايزها طويلة بياخدها قصيرة ..
دكتورة بقى ولا 24 ولا مصر الجديدة ..
الكلام ده كله ملوش اي معنى ..
اهم حاجة الدين والاخلاق والاصل ..

عندك عريس بقى :D

[Miss_Pharma]

والصفه الرابعه بيقولوا ان تاثيرك على الاسواق شديد السرعه

وفى ادعاء ضددك بيقوووووول انك سبب انهيار البورصه المصريه منذو رفعك شعار

**خذ فكره ومتجيش بكره **

طفشتى صغار المستثمرين يعنى :D:D:D

ههههههههههههههههههههه
ده انا غلبانة والله .. وبعدين ده انا بعملهم دعاية اجدع من بتاعت حلاوتك يا عم سيد :D

بس اهم حاجة الصفة الرابعة دي متأثرش على موضوع الجواز .. كفاية الحملة اللي عملها الدكتور عبد الرحمن علينا ..

[enashelmy]

يا جماعه انا بقالى ساعه بقرا فى 11 صفحه
اعصابى تعبت بالذات من عبد الرحمن
انا مش زعلانه منه
بس بقوله فكر فى بكره
الاعمار بيد الله
انا مثلا بابا توفى وانا فى اول حياتى وماما كملت معانا
محدش يفتكر نفسه هيفضل يكسب ومرتب كبير لاخر العمر
القدر له دور
ولما تبقى الزوجه بتشتغل هتنفع عيالها
غير كده فكر او فكروا فى الناس متوسطه الحال
مش المرفهه مرتب الزوج على الزوجه يدوبك يكفيهم على القد
ولو ينفع يشتغلوا بعد الظهر هيشتغلوا
شكرا

[احمد عز]

عندك حق وربنا يوفقق فى اختيارك

[OlaOsman]

يا جماعه انا بقالى ساعه بقرا فى 11 صفحه
اعصابى تعبت بالذات من عبد الرحمن
انا مش زعلانه منه
بس بقوله فكر فى بكره
الاعمار بيد الله
انا مثلا بابا توفى وانا فى اول حياتى وماما كملت معانا
محدش يفتكر نفسه هيفضل يكسب ومرتب كبير لاخر العمر
القدر له دور
ولما تبقى الزوجه بتشتغل هتنفع عيالها
غير كده فكر او فكروا فى الناس متوسطه الحال
مش المرفهه مرتب الزوج على الزوجه يدوبك يكفيهم على القد
ولو ينفع يشتغلوا بعد الظهر هيشتغلوا
شكرا

شهدت بنفسي حالة لزوجين الزوج قافل على زوجته و طبعا هي مش بتشتغل و مش بيخيلها تخرج حتى للسوق تجيب الطلبات و لا تحتك بأي حد.. الزوج مات فجأة و سابها محتاسة ب 5 أطفال و طبعا المعاش مش مكفي أي حاجة.. و عشان هي ماتعرفش حاجة في الدنيا برة أربع حيطان بيتها و طبعا مستحيل تشتغل، النتيجة هي انها بأت عبء هي و أولادها على الأقارب و الأغراب كمان.

[meza]

يا جماعه انا بقالى ساعه بقرا فى 11 صفحه
اعصابى تعبت بالذات من عبد الرحمن
انا مش زعلانه منه
بس بقوله فكر فى بكره
الاعمار بيد الله
انا مثلا بابا توفى وانا فى اول حياتى وماما كملت معانا
محدش يفتكر نفسه هيفضل يكسب ومرتب كبير لاخر العمر
القدر له دور
ولما تبقى الزوجه بتشتغل هتنفع عيالها
غير كده فكر او فكروا فى الناس متوسطه الحال
مش المرفهه مرتب الزوج على الزوجه يدوبك يكفيهم على القد
ولو ينفع يشتغلوا بعد الظهر هيشتغلوا
شكرا

رأى يُحترم ... أنا موافق تماماً

[bimmeraddict]

**************
تحذير للعضو لتكرار كتابة تعليقات توحى بمعانى غير سوية

لأ يا ادارة بقى أنتوا اللي نيتكم مش صافية

[enashelmy]

كل واحد يا جماعه له ظروفه يا ريت الحياه كانت وردية
اهم حاجه ربنا يسترها معانا
وكل واحد هنا سواء ولد او بنت يلاقى شريكه اللى يسعده
سواء بقه دكتوره
ولا مسافر سنتين فى السنه
بيشتغلوا او لا
:k24:

[Abdelrahman]

يا جماعه علشان خاطري ما حدش يزعل مني او يفهمني غلط
enashelmy
حط نفسك مكاني...
والله أنا ما كنتش رافض الشغل ..أنا خطبت وأنا عارف انها بتشتغل ...الي خلاني افركش ...كتر انشغالاتها ..والله على طول مشغوله....بالشغل والدراسات العليا والاعمال الخيريه

كلها حاجات جميله ومفيده ويارب يتقبل منها ومنا جميعا صالح الاعمال ...بس أنا فين من ده كله؟؟

حط نفسك مكاني ...مهندس بترول ...بيشتغل شهر في الموقع وشهر أجازه ...مرتب كبير والحمد لله ...بيغيب شهر عن بيته ...عرضت عليها كل الضمانات الي ممكن تحسسها بالامان..سواء بالفعل او بالكلام...نفسي ارجع الاقي الزوجه الطيبه الحنون في انتظاري ..مش انانيه والله ....اشتغلي مش مشكله بس تكون حاجه معقوله ...يعني مثلا في الحكومه ..أو بلاش ...خلينا في الشغل بس او الدراسه ...يعني نمسك العصايه من النص ...
والمشكله ان أنا عندي استعداد تام ان شهر الاجازه اقضيه معاها على طول بدون اي انشغالات باذن الله...

وكل الضمانات الي بأمر الله الي تحسسك بالأمان أنا مستعد ليها...

طيب أعمل ايه أكتر من كده...

كان الرد:زي ما أنا بستحمل بعدك شهر..أنت كمان تستحمل بعدي عنك في شهر اجازتك شويه...فيها ايه لما ارجع البيت الساعه 6 او 7 ...ونقضي بقية اليوم مع بعض!!!!أنا بحب الدراسه قوي وبحب الشغل قوي ..والعمر هانتحاسب عليه ...

يا جماعه أنا مش راهب..ما اقدرش على كده

بالله عليكم هو في بقية في اليوم بعد الساعه 7...وهي لو بطلة العالم في التحمل...هاتستحمل تقعد معايا بعد يوم مرهق زي كده؟؟!!!

بجد مع كامل احترامي للدكاتره والصيادله والمهندسين البنات....عقدتني في عيشتي

[Abdelrahman]

يا جماعه ..معلش هو الست لو حتى بتشتغل ولا قدر الله مات جوزها او خلع او طلع ندل او او او

يعني بالله عليكم ...شغلها ده هو الي حايحميها من غدر الايام ..ويستر عليها وعلى اولادها...

ممكن بس بنسبة كام في الميه

يا جماعه معظم الشغل في مصر للراجل او البنت ..مرتبات تعبانه والكل عارف كده

يبقى ازاي اعتمد على كده...

طيب بمنتهى البساطه انا لو بنت وجالي عريس كويس وقالي الي تؤمري بيه...خلاص هاتفق معاه على مصروف شهري ما لوش علاقه بمصروف البيت..خاص ليا..واقعد معززه مكرمه في البيت..كمان
كل فتره اطلب منه هديه دهب او سوليتير او اي حاجه على حسب مقدرته ..برضه اشيلها للزمن..وهكذا

[Abdelrahman]

Miss_Pharma

انت تقريبا كنت شهاده معادله من الكويت...غالبا

الجو الاسري في الكويت زي الجو الاسري في مصر؟

بمعنى

طبيعة العلاقات بين افراد بيتك في الكويت كأسره مصريه ...زي طبيعة العالاقات بين الاسره المصريه الواحده في مصر؟


العرسان موجودين بس انتي قولي طلباتك ايه علشان انقيلك واحد من على وش القفص

[enashelmy]

يا جماعه ..معلش هو الست لو حتى بتشتغل ولا قدر الله مات جوزها او خلع او طلع ندل او او او

يعني بالله عليكم ...شغلها ده هو الي حايحميها من غدر الايام ..ويستر عليها وعلى اولادها...

ممكن بس بنسبة كام في الميه

يا جماعه معظم الشغل في مصر للراجل او البنت ..مرتبات تعبانه والكل عارف كده

يبقى ازاي اعتمد على كده...

طيب بمنتهى البساطه انا لو بنت وجالي عريس كويس وقالي الي تؤمري بيه...خلاص هاتفق معاه على مصروف شهري ما لوش علاقه بمصروف البيت..خاص ليا..واقعد معززه مكرمه في البيت..كمان
كل فتره اطلب منه هديه دهب او سوليتير او اي حاجه على حسب مقدرته ..برضه اشيلها للزمن..وهكذا

دهب او سوليتير
هههههههههههههه
ضحكتنى يا عبد الرحمن
انت مصرى زينا مش كده
يعنى عارف ظروفنا:D
ربنا يسعدك بجد
اتمنى تلاقى طلبك وانت حياتك تمشى بالمسطره زى ما انت راسمها:D
متفتكرش انا انا بتريق
لكن انا بكلمك من مرحله عمريه اكبر شويه يعنى شفت مصايب فى الحياه الورديه كتير
مالهاش ادنى علاقه بالسوليتير اللى هيجى كل فتره:k49:

[Miss_Pharma]

Miss_Pharma

انت تقريبا كنت شهاده معادله من الكويت...غالبا

الجو الاسري في الكويت زي الجو الاسري في مصر؟

بمعنى

طبيعة العلاقات بين افراد بيتك في الكويت كأسره مصريه ...زي طبيعة العالاقات بين الاسره المصريه الواحده في مصر؟


العرسان موجودين بس انتي قولي طلباتك ايه علشان انقيلك واحد من على وش القفص

ايه ده انت عرفت منين ؟؟؟
انا فعلا كنت شهادة معادلة كويت ..
بالنسبة بقى للحياة الاسرية هناك وهنا ..
عايزة اقولك اني كنت مبسوطة جدااااااااا هناك ..
تحس كده ان فيه ترابط قوي ..يمكن عشان مفيش قرايب ولا جيران ولا الجو ده فتحس ان اسرتك هي كل حياتك ..كمان عشان اكيد ايام المدرسة غير ايام الكلية .. يعني فيه روتين .. فيه مواعيد مظبوطة يوميا ..
غير هنا خاااااااالص ..
فركش على الاخر .. كل واحد فينا بينزل في وقت ويرجع في وقت مختلف عن التاني ..
يعني قلما بنتجمع كلنا مثلا وقت الغدا ..
قلما بنخرج كلنا كاسرة في مكان واحد سوى ..
بحكم بقى مواعيد الكليات والدروس والشغل المختلفة ..
يعني بصراحة لما كنت هناك كان الوضع افضل كتيييير ..

نرجع مرجوعنا بقى .. موضوع العريس :D
انا هقولك حاجة .. انت هات القفص وانا انقي ..

[Miss_Pharma]

عايزة بس اقول حاجة على موضوع الشغل ده ..
يعني الصبح الراجل بيكون في شغله والاولاد في المدرسة ..
الست بقى تقعد في البيت تعمل ايه ؟؟
مفيش مانع ابدا لو تشتغل بدل مهي قاعدة لوحدها .. ومش لازم شغل 24 ساعة يعني ..
يعني لو موظفة ولا شغالة في شركة ولا مستشفى ولا صيدلية تنزل الصبح بدري وترجع الساعة 2 ولا 3 مع جوزها وولادها ..
هيحصل ايه يعني ؟؟

وعلى فكرة بقى .. انا كنت قاعدة في مصر مع اخواتي الولاد لوحدنا وكنت طالبة في الكلية وكليتي عملية وفيها نزول ودروس وكنت مهتمة بالبورصة وبتاخد مني وقت كتير وفوق كل ده شغل البيت والطبيخ والغسيل والمواعين والكلام ده كله .. والحمد لله شايفة اني وفقت بين كل ده وكنت بطلع يتقدير كمان وعمري ماشيلت مادة الحمد لله ..

يعني قصدي اقول مادام الست هتقدر توفق وهتكون مبسوطة وهي بتعمل كل ده ومش هتقصر في حاجة يبقى القرار ليها في انها تشتغل او لا .. واكيد اكيد لو حست انها مقصرة عمرها مهتبدي الشغل على حساب البيت واكيد هتختار بيتها وولادها ..

[sh21s]

مش عارف أقول إيه، الموضوع كبير جدا و شكلكم كده مش هتخلونى أشتغل النهارده ... أنا قاعد أتابع الموضوع من الصبح.
أحلى حاجة هى حالة الحوار الراقى فعلا بين كل المشاركين.