انطباعى عن مرسى مطروح

[YahiaAshraf]

بسم الله الرحمن الرحيم

هتكلم معاك شوية عن انطباعى عن مرسى مطروح وللعلم دى مش اول مره اروح فيها بس انا هتكلم بالذات عن المره دى

لو عايز تتفسح و تمشى براحتك فى الشوارع هناك يبقى عندك من الصبح لغاية قبل المغرب فقط بعد المغرب لو جدع تنزل تحط رجلك فى الشارع من تحت بيتك بس بجد حاجة قرف

منصحكش تشترى لب نهائى من هناك فيه محل اصحاب مسيحين هناك مش فاك اسمه بالظبط ده بقى حاجة مسخرة بجد مش عارف اوصف ازاى طوابير من المحل لغاية نص الشارع و الناس بتتعارك وكان معندهمش لب فى بلادهم علشان تاخد بس رقم حجز مش اقل من ساعه و الله

الناس اللى كان دورهم الساعه 10 الصبح لاقيتهم واقفين لغاية الساعه 3 و لسه معملوش حاجة


منصحكش تشترى اى حاجة من هناك نهائى لان الاسعار نااااااااااااااااار و بالذات سوق ليبيا اللى كل منتجاته مصرية عادى

يعنى الاسعار عندنا فى اسكندرية ارخص كتيييييير من مرسى مطروح

مرسى مطروح مدينة بدائية و متوسط البنايات هناك 7 ادوار ولما نقول فيه ناطحات سحاب بتبقى 10 ادوار فقط بخلاف اسكندرية اللى اقل عماره جديدة فيها 15 دور دلوقتى و بتوصل ل 25 دور

مفيش اماكن جمالية هناك حتى البحر هناك زبالة بمعنى الكلمة وكرهت حاجة اسمها بحر بسبب المصيفين هناك يعنى الناس بتنزل البحر كانه الحمام بتاع بيتهم اللى عايز ولامواخذه وانا اسف جدا فى اللى هقوله بيتبرز فى البحر يعنى البحر حاجة تقرف بجد

الحاجة الوحيدة اللى عجبتنى فى مطروح هى نظافة الشوارع نادرا ما تلاقى ورقة فى الارض بعكس اسكندريه

الناس هناك عصبية اوى و مفيش اى احترام الا من رحم ربى لو لاقيت ناس محترمه

فى كل مكان هتلاقى سايس واقف وكانه بيعمل شغل بقى و كذا مره اتعارك معاه و كرهت مرسى مطروح بسببه



اللى بيروح مطروح بيبقى رايح علشان يشترى الاتى :-

- لب و محمصات
- زيتون سيوه
- زيت زيتون

دول الاهم لاى واحد بيزور مطروح احب اقولك و الله هتلاقيهم فى بلدك ارخص كتيير ونفس الجوده

يعنى الزيتون السيوى لاقيته عندنا فى اسكندريه نفسه بالظبط و سعرها ارخص

واللب انا حكتلكم قصته


فى النهاية احب اقول ان فعلا اسكندرية عروس البحر الابيض المتوسط يعنى احنا نعتبر واخدين الطابع الاوروبى من اماكن سياحية او ترفيهيه او كشكل جمالى اسكندريه احسن كتير

اما مرسى مطروح فهى مدينة واخده الطابع البدوى

يعنى عمرك ما تلاقى مكان زى جرين بلازا اللى فى اسكندريه عندهم فى مطروح

او كارفور عمرك ما تلاقيه هناك


بالنسبة لاسعار السكن بقى فى مطروح فحدث ولا حرج

الشقة على البحر من 1500 ل 2000 فى اليوم الواحد

لو عايز بعيد عن البحر يبقى 700 جنيه فى اليوم الواحد

لو بعيد اوى بالعاركه هتبقى ب 350 جنيه فى اليوم الواحد

يعنى الخلاصة انت لو رتبت نفسك تروح تصيف فى الغردقة او شرم الشيخ هتبقى تكلفة الرحلة ارخص من مرسى مطروح وده اللى هبقى اعمله بعد كده باذن الله

تحياتى

[midoabdeen]

انا عمري ماروحت مطروح الصراحه

بس فعلا الكلام دا بسمعه من كل واحد يروح هناك بالاخص الاسعار و مياه الشرب

مع ان زماااان كنت اسمع شعر عن مطروح

المصريين لازم يحطوا التتش بتاعهم باردوا فى اى مكان

[midoabdeen]

انا عمري ماروحت مطروح الصراحه

بس فعلا الكلام دا بسمعه من كل واحد يروح هناك بالاخص الاسعار و مياه الشرب

مع ان زماااان كنت اسمع شعر عن مطروح

المصريين لازم يحطوا التتش بتاعهم باردوا فى اى مكان

[YahiaAshraf]

انا عمري ماروحت مطروح الصراحه

بس فعلا الكلام دا بسمعه من كل واحد يروح هناك بالاخص الاسعار و مياه الشرب

مع ان زماااان كنت اسمع شعر عن مطروح

المصريين لازم يحطوا التتش بتاعهم باردوا فى اى مكان

زمان كانت الاسعار رخيصه عندهم وكان سوق ليبيا فعلا بيبيع المنتجات الليبية بس هنعمل ايه بقى

[corsair]

الله يطمنك يا يحيي وانا اللي كنت ناوي اطلع مطروح ده انا محيت الفكرة خالص من دماغي

[YahiaAshraf]

الله يطمنك يا يحيي وانا اللي كنت ناوي اطلع مطروح ده انا محيت الفكرة خالص من دماغي

لا بجد و الله منصحكش نهائى على الاقل حاليا فى الفترة دى

وبعدين انا نسيت اقول كمان حاجة فى موضوعى فيه معارك فى ليبيا قرب الحدود مع مصر طول ما انت قاعد هتشوف عربيات اسعاف بالهبل بتمشى وبتكون ناقلة المصابين من هناك علشان يتعالجوا فى مرسى مطروح

[AlGazar2]

انا اخر مره روحت مطروح فى الصيف كانت غير كده تماما

اكيد ده الغزو اسف فى اللفظ الفلاحى على مطروح زى الغزو الى بيحصل لاسكندرية فى الصيف بالظبط

و مطروح كمحافظه اهدى بكتير من اسكندرية فعلا

المقلة الى عليها الزحمه الجامدة دى مقلة النصر و فى الايام العادية مش العيد ولا حاجة بيبقى الطابور حوالى ساعتين مثلا او تلاته بس فعلا اللب بتاعه احسن لب فى مطروح و مصر عشان كده عليه زحمه طوابير و سعره اغلى من الى فى القاهرة

احلى حاجة فى مطروح بقى المطبات بتاعتها كل مطب عليه اضاءه تحذيرية ده غير انه مطب عريض و واطى و متحكش فيه تماما

[بحار]

الا حكاية اللب دى كمان ؟؟!! هيا الناس دماغها فاضيه للدرجه دى ؟؟
يسيب الفسحه اللى دافع فيها فلوس قد كده ويروح يقف طابور ؟؟
والا يمكن احنا ادمننا الطوابير ... فلازم ياخد الجرعه هناك ..
ناس قزقزة صحيح !!

[kokowasfy]

مطروح زفت من كذا سنة و اسكندرية مبقاش فيها شواطى نضيفة خالص مبقاش فيها شواطى اصلان هية و اسكندرية و مطروح اتملت ليبين و مقولكش على قلة ادبهم و لو ماشى مع اختك او حتى امك تلاقى الناس تقعد تبص و حاجة قرف و تعرف شرم و الغردقة لمت بقالها سنتين ناس ما يعلم بيهم الا ربنا و رحت تطلع رشم ب 300 جنية ا ر 4 ايام و تلاقى المصرى اسف فى الفظ نازل المية بللباس الابيض واللة شوفتها و الستات نازلة الميا بكل الهدوم الى عندها و الى متعرفوش ان كل الناس شيفا جسمها الان الهدون القطن بتشف على الجسم و تلاقى بقا خير اللة مجعلة خير اول ما يجى وقت الغدا الاوبن بوفية تلاقى الهجوم و هب ارض جو تلاقى الولية عامل 60 ساندوتش يتاكل منو 40 و يرمو الباقى و بعد كل دا لازم يا خدو تذكار من المكان يلمو المناديل و السجاد و الستاير و البشاكير هههه واللة مسخرة تعرف عندى واحد صحبى شغال فى فندق فى شرم بيقولى السياح بيطفشو من الى بيشوفوة وواحد تانى يجيلو تكون جنسيتة روسى ولا حاجة يقولو هما المصرين هيمشو امتا واللة مسخرة دى شرم انا عشان كدا شديت الرحال على مرسى علم و انسى المصرين هناك مستحيل حد عاقل يشد الرحال على مرسى علم 900 كيلو تقريبا و الفنادق هناك مستوى اعلى من الرحلات عاوزاة

[YahiaAshraf]

والله يا باشا كله بقى زبالة يعنى انا من اسكندرية اصلا وعندنا بحر وكل حاجة بس عمرى ما اصيف عندنا ابدا بسب المهازل اللى بشوفها عندنا ويوم ما اروح مرسى مطروح الاقى نفس المهازل

[mastr_n]

للاسف راحت كل حاجة حلوة فى البلد دية
انت بصراحة صدمتنى بالكلام دة لانى كنت راسم لمطروح صورة حلوة فى خيالى لانى مازروتهاش بس كان صحابى يحكولى عنها وعن هدوؤها وجمالها بس خلاص لغيت الفكرة من دماغى للاسف

وعلى فكرة شرم الشيخ بردة اتغيرت للاسواء خليج نعمة بقى عامل زى راس البر وجمصة اشكال ضالة بائعة جائلين
كل حاجة فى البلد دية اتغيرت خلاص
الحمد للة ان احنا عيشنا يومين قبل الثورة واكيد مواليد اواخر السبعينات واوائل التمانينات فاهمين كلامى

[YahiaAshraf]

للاسف راحت كل حاجة حلوة فى البلد دية
انت بصراحة صدمتنى بالكلام دة لانى كنت راسم لمطروح صورة حلوة فى خيالى لانى مازروتهاش بس كان صحابى يحكولى عنها وعن هدوؤها وجمالها بس خلاص لغيت الفكرة من دماغى للاسف

وعلى فكرة شرم الشيخ بردة اتغيرت للاسواء خليج نعمة بقى عامل زى راس البر وجمصة اشكال ضالة بائعة جائلين
كل حاجة فى البلد دية اتغيرت خلاص
الحمد لله ان احنا عيشنا يومين قبل الثورة واكيد مواليد اواخر السبعينات واوائل التمانينات فاهمين كلامى

انا كل يوم فى البلد دى بتزداد حالة الاكتئاب الشديد بسبب اللى بيحصل ده حتى ابسط حاجة و انت بتصيف لازم تلاقى اللى ينكد عليك

[borio1704]

اختيار التوقيت شيء مهم جدا لما تيجي تصيف في أي مكان

بالنسبالي.. أنسب وقت لو عايز تصيف يبقى في أوائل يونيو أو أواخر سبتمبر

غير كده... انسى أي متعة



...

[J A G U A R]

محمصه نصر دى اخر مره كنت هناك كنت هتعارك مع العالم اللى واقفه فى الطوابير .. تلاقى وانت واقف واحد ابن ابلسه مش على بعضه يقوم خابط اللى قدامه والخبطه تيجى فيك وتقوم خابط اللى قدامك وكله يمسك فى كله .. بس الصراحه اللب بتاعهم ملهوش حل ولحمه الجمال هناك والخرفان ولا اروع .. وبالنسبه لمطروح مفيهاش غير شارع اسكندريه هو اللى كويس شويه فيها غير كده هجص .. والكورنيش بتاعها ميجيش تلت كورنيش اسكندريه .. ومفيش مقارنه اصلا بين اسكندريه ومطروح طبعا لصالح اسكندريه .... مطروح تحس انها بلد هاديه ومعزوله عن جميع المحافظات وفى ناس تحب الجو ده بعكس ناس تانيه زيي كده .

[abo_hosni]

انا رحت مطروح في ٢٠٠٨ مرة. و المرة التانية ٢٠١٤ قبل رمضان بعشرة أيام و كانت فاضية جدا مقارنة بكلامك دلوقتي و استمتعت في المرتين جدا
و مقلة النصر جبت منها يوم الجمعة الصبح و ماكانش فيها إلا أنا و زبون تاني
و كنت واخد ٤ أيام في بورتو مطروح السعر نصف سعر اليومين دول وكنت حاجز من Booking بسعر أقل من الكول سنتر بتاع عامر جروب
و رحت غير شط الفندق شاطئ زمردة الأبيض كان نظيف و يعتبر فاضي
و أسعار الشقق ما كانتش للدرجة اللي حضرتك بتقولها برضه

رأيي الموضوع محتاج اختيار توقيت و تخطيط كويس.. انت طالع تروق دماغك مش مسافر عشان تزاحم و تتعصب

انا باروح إسكندرية بس في شهر ٤ مرة و في شهر ١٠ مرة
مطروح شهر ٦ مناسب قبل الزحمة
البحر الأحمر ، أسوان و الأقصر في الشتاء بعيدا عن أيام العطلات خاصة أجازات نصف السنة