انطباعى عن مرسى مطروح

[mr_vampire]

قبل رمضان روحت الغردقة طيران. النزلا كلهم روس ولو لقيت مصريين بشباب بيقضو شهر عسل.

جالنا يوم فوج مصري تقريبا رحلة هيئة حكومية. تتفرج بقي عالمسخرة ههههههههه.يصحو من 6 الصبح عشان الفطار وبعدين ينزلو البسين. والصوت وعمالين يندهو لبعض زي مايكونو في ترعة. والروسيشوفوهم نزلو يطلعو من المية.

منظر استفذني. واحدة ترمي ابنها الصغير علي واحدة قاعدة بتتشمس وتقف جنبها عافية ( ولا تعرفها ولا فهماها اصلا ) وتخلي واحدة معاه فالفوج تصورها.

طبعا حدث ولا حرج علي نظرات الناس علي اللي لابسين بكيني بقي والترقة والتصوير.

بس يوم بليلة ومشيو. ف ق شاسع بعد مامشيو فعلا.

[YahiaAshraf]

يافندم اكيد في حاجة غلط يمكن اللي بتسأله شاف انك مش حتسكن فرفع السعر لتطفيشك ولكن السعر اللي سيادتك بتقوله 2000 جنيه في الليلة مش موجود حتي في بيروت ولا اسطنبول
احنا ممكن نبالغ بشكل معقول ولكن مش للدرجة دي
احترموا عقولنا

انا كان ليا قريبى عايز يروح و قالى اسال وانت هناك وكان الرد زى ما قولت

مش انا اللى سعرت الشقق انا بقول لحضرتك الكلام اللى اتقالى وبعدين انا سالت فى كذا مكان و اتقالى رينج 1500 - 2000 جنيه فى الليله

لاحظ انى كنت فى اخر رمضان و ايام العيد


وبعدين مش انت لوحدك اللى مستغرب من السعر

انا ذات نفسى مستغرب من السعر

[Egyzizo]

اولا اسف لصاحب الموضوع للخروج عن اصل الموضوع

ثانيا لصاحب الرد حضرتك لو تقصد شاطىء النحيل اللى جمب العجمى فى اسكندرية ، ايه رأيك فى شاطىء النخيل دلوقتى و ايه اخبار الزحمة و كل حاجة هناك .. انا بصراحة فاكره من حوالى 7 سنين كده كان حلو اوى بس اكيد الدنيا اتغيرت بس يا رب متبقاش باظت خالص

أيوه هو .. أنا كنت هناك فى أجازة العيد
يعنى فى عز الزحمة ، وكان الوضع هناك محتمل ..
سواء بالنسبة للتمشية أو ركنة العربية أو دخول البيسينات أو الشواطئ
المشكلة كانت فى الدخول والخروج من خلال بوابات المدينة.. كان بيبقى فيه اختناق وبياخد وقت كتير خصوصاً فى وقت خروج الناس للفسح.

أكيد من 7 سنين كانت الدنيا أحسن ، بس دلوقتى برضه ماشى الحال ..
وانت عارف ان العيد مش مقياس

بس هو على فكرة مازال فيه سلبيات موجودة زى ماكانت موجودة من 7 سنين ، وهى تراكم الزبالة فى بعض النواصى ، والمجارى ضاربة فى بعض الشوارع
الحاجات دى ، أنا باشوفها باستمرار من ساعة ما أخدنا الشقة من 10 سنين :)

[M.Hosni]

ياريتك كنت قلت رأيك ده بدري شوية قبل ماروح مطروح :))

للأسف مطروح مبقتش زي زمان

المستوى هناك بتاع كل حاجة بقي سيئ , و الأسعار نار نار نار

بالنسبة للناس المستغربين من إيجار الشقق , الأسعار اللي اتقالت دي حقيقية فعلا

يعني في منطقة الليدو على البحر الشقق بتبدأ من 1000 جنيه لغاية 2000 جنيه في اليوم الواحد

ده حتى الأبيض اللي بعيدة عن المدينة حوالي ثلث ساعة بالعربية الشقق على البحر بـ 1000 و 1200 جنيه لليوم

و فيه فنادق كمان أسعارها خزعبلية أغلى من شرم و الغردقة , فيه فندق اسمه كونكورد في كليوباترا الغرفة الثلاثية فيه الليلة بـ 2850 جنيه

و إيجار الشماسي غالي برضه , في شاطئ كليوباترا عاملين على البحر شيئ أشبه بالكبائن كده معمولة من جريد النخل متقفلة من جنبين و معموله سقف بدلا من الشماسي , و مساحتها يدوب فيها أربع كراسي و ترابيزة صغيرة , في اليوم الواحد إيجارها 80 جنيه

[A_H_M_A_D]

انا لسه راجع من مطروح يوم السبت اللي فات ، كنت واخد شاليه علي البحر في عجيبه
٣ غرف بسعر ٦٥٠ جنيه في اليوم
البحر هناك والشط اجمل بحر ممكن تشوفه في حياتك مفيش احلى من كده ،
بليل كنا بننزل البلد نفسها فعلا الكورنيش كان زحمه بهبل تحس ان مصر كلها في مطروح
وعشان تلاقي مكان في مطعم تاكل فيه تبقى امك داعيالك

الكلام ده عشان احنا نزلنا في العيد غير كده مطروح احسن مكان في مصر ممكن تصيف فيه

[yuong313]

انا كان ليا قريبى عايز يروح و قالى اسال وانت هناك وكان الرد زى ما قولت

مش انا اللى سعرت الشقق انا بقول لحضرتك الكلام اللى اتقالى وبعدين انا سالت فى كذا مكان و اتقالى رينج 1500 - 2000 جنيه فى الليله

لاحظ انى كنت فى اخر رمضان و ايام العيد


وبعدين مش انت لوحدك اللى مستغرب من السعر

انا ذات نفسى مستغرب من السعر

انا كنت متردد اني اروح السنة دي مطروح علشان كدة روحت شرم الشيخ
اخدت غرفة عائلية اول انكلوسيف ب 850 جنيه في ارقي منتجع في شرم الشيخ
( Aqua Blu Sharm El Sheikh)
حاجة وهمية

[A_H_M_A_D]

معقوله الجمال الوهمي ده في مصر ، وبالسعر ده كمان ، مش ممكن داحنا اتضحك علينا بقى :-) :-)

[yuong313]

معقوله الجمال الوهمي ده في مصر ، وبالسعر ده كمان ، مش ممكن داحنا اتضحك علينا بقى :-) :-)

علي فكرة المنتجع افضل من الصور بكتيررررررررررررررررر جدا وبدون مبالغة
عائلي من الطراز الاول
واللي يميز المكان انه نظيف بشكل فائق في جميع خدماته بدأ من الغرف لحمامات السباحة والحدائق والمطاعم حاجة تفتخر بيها انها في مصر بجد
علي فكرة المنتجع فيه 17 حمام سباحة لك ان تتخيل الجمال مع الحدائق وجودة الطعام والمعاملة الممتازة والسعر المناسب للخدمة
ازاي بعد كل ده اروح مرسي مطروح بالاسعار الجنونية المذكورة دي

[A_H_M_A_D]

لأ طبعا عندك حق ، دانا في ٤ ايام صرفت حوالي ٣ تلاف جنيه مابين ايجار واكل وبنزين و ميه
ده غير ان مستوى الشاليه نفسه كان متوسط واقل من المتوسط

الميزه الوحيده هناك البحر مالوش حل والرمله البيضا الناعمه النضيفه

[yuong313]

لأ طبعا عندك حق ، دانا في ٤ ايام صرفت حوالي ٣ تلاف جنيه مابين ايجار واكل وبنزين و ميه
ده غير ان مستوى الشاليه نفسه كان متوسط واقل من المتوسط

الميزه الوحيده هناك البحر مالوش حل والرمله البيضا الناعمه النضيفه

كل مكان له عيوبه ومميزاته
لو بتتكلم علي البحر فقط يبقي فعلا مرسي مطروح
لكن بعد المغرب شكرا
انما بقي في الغردقة وشرم الليل واخره
ده غير انك مابتشيلش هم الاكل ولا الشرب كله بمواعيد تقعد براحتك وتدخل المطعم زي الباشا ومابتشيلش طبق وعارف انك مش حتدفع مليم زيادة عن المتفق عليه
انما الخوازيق بقي في المصايف الاخري

[hhhhhm]

معلهش يا أستاذ

yuong313

ممكن أعرف السعر ده كان من يوم كام ليوم كام

والغرفه العائليه دى ممكن يقيم فيها كام فرد

ولو تليفون القريه يبقى شكرا جزيلا

وشكرا جزيلا

[hhhhhm]

بالنسبه للناس اللى بتشكك فى السعر

أحب أقولهم أن فى أسبوع العيد فى المصايف الشعبيه المتواضعه جدا اليوم وصل ل1000 جنيه للشقه ال3 غرف

وماكانشى فى حد لاقى مكان يسكن فيه

[JAM]

انا فى مطروح دلوقتى... فعلاً البلد زحمة جداً جداً جداً.... والبلاچات كلها اللى فى المدينة ماهى إلا عبارة عن ولامؤخذة كنيف كبيييييير.. حتى لما حبيت انى اروح شاطىء الغرام وسالت على الاسعار لقيت انى المركب بتاخد ٢.٥ جنيه على الفرد.. قولت تمام.. إنما الشمسية الواحدة والكرسيين ب ٥٠ جنيه...ليييييه..!!!
ودلوقتى علشان تتفق مع عربية تودينى عجيبة وترجع تاخدنى آخر النهار .. بيقولى ١٠٠ جنيه متنزلش مليم.. بقوله دا كان من سنتين بديله الخمسين جنيه والسواق بيكون حاسس إنى زبون وضحك عليا.. يقولى كان زمان يابيه.. قولتله والنبى دا انتا اللى بيه ومش معتبها تانى وتوبة

[mramzy]

" hhhhhm

معلهش يا أستاذ

yuong313

ممكن أعرف السعر ده كان من يوم كام ليوم كام

والغرفه العائليه دى ممكن يقيم فيها كام فرد

ولو تليفون القريه يبقى شكرا جزيلا

وشكرا جزيلا"
وانا كمان عايز اعرف

[yuong313]

معلهش يا أستاذ

yuong313

ممكن أعرف السعر ده كان من يوم كام ليوم كام

والغرفه العائليه دى ممكن يقيم فيها كام فرد

ولو تليفون القريه يبقى شكرا جزيلا

وشكرا جزيلا

" hhhhhm

وانا كمان عايز اعرف

الغرفة عبارة عن سرير كبير ينام فيه 2 كبار وطفل
والغرفة الاخري عبارة عن سرير بدورين ينام فيه شخص كبير فوق وشخص اخر تحت او اطفال بحسب راحتكم

انا حجزت قبلها بفترة شهرين علشان اخد خصم كويس علي موقع بوكينج
انا حجزي كان من يوم الجمعة 6-6 الي 13-6 اللي فات
لو فكرة اروح شرم الشيخ تاني حيكون اختياري الاول خاصة اني معايا عائلة
وللعلم انا بسافر شرم والغردقة كل صيف وعارف كويس اوي الفروقات في الاقامة والاسعار والامتيازات يعني مش اول تجربة وببالغ فيها

وميزة المنتجع ده انه قريب من السوق القديم وكمان بينه وبين خليج نعمة 5 كيلو