عايز حل ل موضوع رفعي ده

[mohaakotb]

من الاخر يا جماعه قررت اتغير ومسلمش بالامر الواقع
الموضوع اني رفيع جدا وزني 65 كيلو و طولي 184 ف اللي هو عصاية ماشية وعندي 24 سنة
كنت مسلم للأمر وقلت اهو ربنا خالقني كده بس لما شوفت ناس وزنها زاد واتغيرت تمام قولت طب وليه لأ !!

الموضوع ببساطة انا عايز حل لو حد مجرب او في نفس حالتي اهو ندردش
دلوقتي انا مش مواظب علي نظام اكل و جربت كده فشلت بكل المقاييس نظام اكل 3 او مرات ده مش نافع معايا هي مره اكل في اليوم وممكن بليل قبل ما انام اكل حاجه بسيطة و في الاغلب لأ
جربت اروح الجيم ميت مره كنت بكمل شهرين او شهرين ونص بقعد لأني مبحسش بأي حاجه !!

من الاخر انا مش عايز اعمل جسم وفورمة الساحل وعضلات و الجو ده انا بس عايز املي شوية لما البس اي لبس مايبانش ان انا رفيع اوي كده

نصحوني بالمكملات الغذائية مع الاكل واقتنعت لما قريت عنها واشهر انوعها سيرس ماس فقلت اخد رأيكو
هل ينفع اخدها من غير جيم ؟؟ عشان بصراحه حاسس اني لو اخدتها هتتحرق في الجيم ويبقي معملتش حاجه !!
هل في نوع افضل يمدني ببروتينات اكتر ؟؟ وهل الموضوع كله بروتينات للي عايز يملي شوية زي حالاتي مش عضلات بقي وجسم وبتاع ؟؟

[amrelsaqqa]

سبحان الله مع ان اي حد مليان هيتهيأله ان مفيش اسهل من الاكل والتخن :d

أنا طولى 184 بردو بس وزنى 109 :(

لو خدنا وزنى على وزنك وقسمناهم بالنص هيبقى كل واحد 87 :d

[abokoko]

اول حاجتين جم على بالى - عفوى -

تزوج

بطل تدخين لو مدخن

[Sameh samy]

هاقولك علي وصفة قالي عليها واحد كبير زمان انا كنت كدة ودلوقتي موش عارف اخس واكتشفت ان الرجيم اصعب
نص كوباية لبن عليها معلقة سمنة بلدي وبيضتين نيين ومعلقتين عسل
قلبهم كويس واستحمل واشربهم

[SeiffoZ]

نوعية اكلك ايه؟ بتاكل ايه؟؟ قولنا غذائك كده يمكن نقدر نساعدك

[Mido Casper]

الرفع ده بسبب الشغل الزياده لللغده والتخن المفرط بيكون بسبب خمول عمل الغده
في ناس بتاخد ادويه بتدي خمول للغده بس لازم يكون باشراف الطبيب دا للرفيعين
والتخان بياخدوا ادويه تزود من عمل الغده و دا حل اخر للتخين

[mohaakotb]

سبحان الله مع ان اي حد مليان هيتهيأله ان مفيش اسهل من الاكل والتخن :d

أنا طولى 184 بردو بس وزنى 109 :(

لو خدنا وزنى على وزنك وقسمناهم بالنص هيبقى كل واحد 87 :d

طب ياريت يالا بينا :)

اول حاجتين جم على بالى - عفوى -

تزوج

بطل تدخين لو مدخن

لا مش مدخن وموضوع الجواز يعني لسه مبفكرش فيه دلوقتي

هاقولك علي وصفة قالي عليها واحد كبير زمان انا كنت كدة ودلوقتي موش عارف اخس واكتشفت ان الرجيم اصعب
نص كوباية لبن عليها معلقة سمنة بلدي وبيضتين نيين ومعلقتين عسل
قلبهم كويس واستحمل واشربهم

ده فعلا الكلام ده؟؟ علمي يعني ولا كلام بتوع جدودنا اللي بيبقي حلو في اوله وبعدين تكتشف انه فيه مصايب الدنيا :)
هو ممكن موضوع اللبن والسمنة و العسل بس بيض ني دي مستحيل

نوعية اكلك ايه؟ بتاكل ايه؟؟ قولنا غذائك كده يمكن نقدر نساعدك

اكل عادي باكل مثلا مره واحدة نص فرخة و رز و الحاجات دي بس ماليش في اللحمة اول ولا المحاشي
وعادي بردو فزل و طعمية والحاجات دي

[J A G U A R]

سبحان الله

حضرتك بتوصفنى .. وبالمناسبه انا لغايه دلوقتى على فطارى ومش جعان خالص :)

[mohaakotb]

طيب تابع بقي ممكن حد يفيدنا :)

[aboomar22]

قبل اى حاجة روح لدكتور الاول هيطلب منك تحاليل مثل هرمون غدة درقية T3 T4 TSh وتحليل براز وسكر فى الدم وممكن يضيف عليهم اللى هو شايفة بعدها هتروح كتور تغذيه هتمشى على نظام غذائى وادوية مساعده تحت اشراف طبى

[Terrible_DaRsH]

24 سنة

185 سم

64 ك ج

اخوك نفس النظام

وزني مازدش الا لما استمريت في الجيم سنة ووصلت للوزن المثالي بس لما سبت الجيم رجع تاني زي الفل مع اني بمشي على نظام اكل كويس.

وراثة الجواز هو الحل فعلا

[mohaakotb]

قبل اى حاجة روح لدكتور الاول هيطلب منك تحاليل مثل هرمون غدة درقية t3 t4 tsh وتحليل براز وسكر فى الدم وممكن يضيف عليهم اللى هو شايفة بعدها هتروح كتور تغذيه هتمشى على نظام غذائى وادوية مساعده تحت اشراف طبى

كل ده :)
انا قولت الاول اجرب الحاجات العادية واشوف موال الدكاترة و الادوية والسحله دي بعدين

[DODGE2013]

لا الرفيع عاجبه ولا التخين عاجبه

لو انت سليم ومعندكش ديدان ولا انميا او تكسر في الدم الخ الخ


لو عايز تتخن بسرعه عليك بالشوكولاته بالحليب .. واكلك حط عليه زبده على سمنه واللحمه كلها بالسمينه بتعتها


ولو فيه حتتين ليه (ديسكتوب الخروف ) شغال بردواd:

وعلى الفطار اضرب كام بيضه محترمه نص سوا وشوية قشطه بتاعت المراعي وشوية موز



شهر شهرين وابقى تعالى اكتب موضوع عايز حل لتخني ده

حبقى اديك طريقة التخسيس والعمليه العكسيه ههههههههههههههههههههه

[mohaakotb]

24 سنة

185 سم

64 ك ج

اخوك نفس النظام

وزني مازدش الا لما استمريت في الجيم سنة ووصلت للوزن المثالي بس لما سبت الجيم رجع تاني زي الفل مع اني بمشي على نظام اكل كويس.

وراثة الجواز هو الحل فعلا

يعني وزنك بقي كام دلوقتي ؟؟ وهل جيم سنة ده متواصل ولا بتقطع ؟؟ وفي مكملات ولا

[J A G U A R]

قبل اى حاجة روح لدكتور الاول هيطلب منك تحاليل مثل هرمون غدة درقية t3 t4 tsh وتحليل براز وسكر فى الدم وممكن يضيف عليهم اللى هو شايفة بعدها هتروح كتور تغذيه هتمشى على نظام غذائى وادوية مساعده تحت اشراف طبى

انا عملت كده وولا حصل اى حاجه :)