يا جمااااعة .. حد هنا ساكن فى الشروق ؟؟؟؟؟؟؟؟

[Noha.M]

مين اللي صحانيمن النوم ده بس وقلقني :D
[صي يا سيتي الشروق ميزتها انها بتطل علي طريقين طريق السويس وهي تعتبر قدام الرحاب و طبعا بعد الشورق مدنتي وبعديهم علي نفس صف الشروق مدينة بدر ونيجي بقا للشروق من ناحية طريق الاسماعيلية مفيش 10 دقايق بعد العبور وتلاقي نفسك في الشورق
الشرق المباني هناك تلات انواع
اراضي فيلات
اراضي اسكان عائلي
عماير شباب و تعاونيات
سعر الارض هناك المتر بيتراوح من 1500 و انتي طالعة لحد 3000 سواء في الاراضي العائلي او الفيلات
ونصيحة مني لو هتشتري استني شوية عشان السعر في النازل

طيب ايه نظام التجمع الخامس بما انك فى التجمع و ممكن تفيدنا :D

احنا كنا كلمنا كذا مكتب على ارض عمارات قالولنا ان فى فى منظقة اسمها منطقة المستشمرين و دى فيها اراضي 300 متر بتبدأ ب 600 الف .. دي شكلها ايه لو تعرفها و مستقبلها حلو ولا ايه؟؟

[Noha.M]

ايوه بس حوار الميه اللي بيتكلموا عليه ده سببه العمارات اللي طلعت و مش عامله عوازل خرسانيه و بتاع لكن اللي بيبني جديد عامل و بعدين الموضوع مش زي ماهما بيقولوا كده بحيره و الكلام ده منسوب المياه الجوفيه في المناطق دي حوالي 1.5-2 من سطح الارض يعني و بعدين موضوع الميه دا لو ظهر ليه حل يعني دا شغلي يعني (تجفيف المياه الجوفيه) و الله المستعان
بس العبور حلو علي فكر جربي تروحي هناك و تتفرجي عليها افضل من السمع و طالما 6 اكتوبر بعيده يبقي العبور معقوله يعني

بس دة بيقولك الغقير مات و اتكهرب لما غرفته عامت من المياة و كابل كهربا لمس في المياة :( و جثته تفحمت في الحال :( حاجة تحزن يعني
و الاساساات تشبعت بالمياة و هم فعلا موكلين مهمة تجفيف المياة دى للمقاولين العرب بس برده المشكلة مسمعة جامد و مقلقانى جدا

[WalidAdel]

ايوه ماشي بس مش في المنطقه اللي حضرتك ممكن تشتري فيها دا في الحي السادس و السابع و بعدين حتي لو اشتيريتي فيها و حفرتي و لقيتي ميه ابقي قوليلي و انا اجي اشلهالك يعني
انا روحت لناس صحابي كتير كانوا بيبنوا و لقوا ميه و بتاع ورحت و عملتهالهلم لحد ما رموا الاساسات و حطينا مواد عازله و كده و خلصنا الجراج كمان فعادي يعني
و في بورسعيد الموضوع ده بردوا و بيطلعو بعمارات 10 ادوار و كده فموضوع الميه دا مش مقلق خالص علي فكره

[أبومعاذ]

الارض في العبور كلها طفلية ....احنا لما جينا نبني حفرنا 3م عمق ولقينا المية و عملنا حاجة اسمها احلال ولبشة و بعدها عملنا عزل للسملات و كملنا بناء و الحمد لله مفيش اي مشاكل و اي حد بيبني لازم بيعمل الكلام ده وفي ناس بانيين في العبور من 10 سنين على الاقل انا اعرفهم ومفيش اي مشكلة
الكلام دا كله على الحي الاول اللي انا ساكن فيه وهو في رايي احسن حي عشان توافر جميع الاحتياجات و المرافق و الخدمات

[Noha.M]

طيب يعني انتو متنصحوش بالشروق دى خالص؟؟ اصل انا مستظرفاها اكتر من العبور بصراحة و بحسها اقرب للمعادى و مشوارها كان اخف كدة

و بالنسبة لمنطقة المستثمرين في التجمع الخامس برده هل حد شافها؟؟

[أبومعاذ]

من وجهة نظري ان العبور مستقبلها احسن
شوفي مثلا كارفور ساب كل الدنيا و راح فتح في العبور و اكيد كان في دراسات كتير قبل ما يختارو المكان اللي يتعمل فيه الفرع الجديد و جنب كافور فتح chilis و موباكو و كام محل و كافيه تانيين من الاسماء الجامدة بس مش فاكرهم دلوقتي اكيد برضو دول عاملين دراسات قبل ما ياخدوا في مكان زي ده
ممكن تسالي في الجولف سيتي هتبقى اقرب حاجة في العبور بس اللي اعرفه ان الشقق بتبدأ هناك من 600 الف و طالع

[Karim_Monir]

من وجهة نظري ان العبور مستقبلها احسن
شوفي مثلا كارفور ساب كل الدنيا و راح فتح في العبور و اكيد كان في دراسات كتير قبل ما يختارو المكان اللي يتعمل فيه الفرع الجديد و جنب كافور فتح chilis و موباكو و كام محل و كافيه تانيين من الاسماء الجامدة بس مش فاكرهم دلوقتي اكيد برضو دول عاملين دراسات قبل ما ياخدوا في مكان زي ده
ممكن تسالي في الجولف سيتي هتبقى اقرب حاجة في العبور بس اللي اعرفه ان الشقق بتبدأ هناك من 600 الف و طالع

فعلا كارفور وجونى كارينوس وتشيليز وسلينترو هايفتح وهاتلاقي كوستا وراه وكده

[hamdy]

طيب ايه نظام التجمع الخامس بما انك فى التجمع و ممكن تفيدنا :D

احنا كنا كلمنا كذا مكتب على ارض عمارات قالولنا ان فى فى منظقة اسمها منطقة المستشمرين و دى فيها اراضي 300 متر بتبدأ ب 600 الف .. دي شكلها ايه لو تعرفها و مستقبلها حلو ولا ايه؟؟

بصي ياسيتي بدون تحيز للتجمع عشان انا من سكانه بصفتي من الحرافيش هناك ققدر ققلك اولا التجمع ليه ميزات كتيرة و انتي بنفسك هتتاكدي انه هيبقا ارقي منطقة في مصر قولو يارب:D (متفرقش معايا عشان انا مش من علية القوم انا من الحرفيش بقلكوا:D)

1 - تبعد عن مدينة نصر 4.8 كيلو فقط من طريق ال NA
2 - بها ارقي الجامعات مثلا الجامعة الالمانية بين التجمع التالت و الخامس و الجماعة الكندية و الجامعة البرياطنية والجامعة الامريكية في التجمع
الاول
3 - بها نادي وادي دجلة و الصيد قريب منك في القطامية ان مكنش يقرب للتجمع اكتر من القطامية
4 - كارفور المعادي يبعد 12 كيلو تقريبا من مدخل التجمع علي الدائري


بيجي بقا للاراضي :
اغلي واحسن الاراضي دا ان وجدت لسة محدش بنا فيها موجودة في التجمع الخامس و ده سعر المتر بيعدي رنج من 2000 الر 3000 وبعض الناش اللي مسقعاها و مخلصة فولسها و تبقا الارض موقعها حلو بيطلب 4000
و طبعا الاراض هناك اما تقسيم فيلات او تقسيم عائلي

اما بقا التجمع الاول
: فده بعتبره اهدا شوية من الخامس لانة لسة معمرشي لان كل الاراضي هناك لسي بيقولو يا هداي
ودا علي حد لفي كبعا مش كل الحتت رحتها :
فيه اراضي الياسمين : ودي لسة معمرتش و فيها متر المباني لو عايزة مثلا تخدي دور في فيلا او شقة دوبلكس ممكن تدفعي النص و النص علي سنتين والمتر هناك عمال 2000 جنيه مباني فلل مش اسكاني عائلي
اما بقا منطقة المثتثمرين الشمالية فدي ققرب للتجمع الخامس و بيفصل بينها وبين اراضي ابو الهول اللي هي دي تعتبر ارخض اراضي تقدري تشتريها دلوقتي يا نها وبنصك تشوفي حد لسة مستلمش الارض وتخديها منا واحب ققلك ان ال 300 متر بيعملوا حوالي 400000 بندق قصدي جنيه :D
ودا ققل سعر تقدري توقعيه و ممكن ققل وفيه ناس كمان بتطلب حد يشاركها في البنا

وربنا معاكي
ونا تحت امر اي حد عايز يعرف معلومات او شركات بتيبيع شقق وتقسط
اسئلو علي حمدي في التجمع اي عيل صغير هيجيبكوا علطول :D

[hh]

بصي ياسيتي بدون تحيز للتجمع عشان انا من سكانه بصفتي من الحرافيش هناك ققدر ققلك اولا التجمع ليه ميزات كتيرة و انتي بنفسك هتتاكدي انه هيبقا ارقي منطقة في مصر قولو يارب:D (متفرقش معايا عشان انا مش من علية القوم انا من الحرفيش بقلكوا:D)

1 - تبعد عن مدينة نصر 4.8 كيلو فقط من طريق ال NA
2 - بها ارقي الجامعات مثلا الجامعة الالمانية بين التجمع التالت و الخامس و الجماعة الكندية و الجامعة البرياطنية والجامعة الامريكية في التجمع
الاول
3 - بها نادي وادي دجلة و الصيد قريب منك في القطامية ان مكنش يقرب للتجمع اكتر من القطامية
4 - كارفور المعادي يبعد 12 كيلو تقريبا من مدخل التجمع علي الدائري


بيجي بقا للاراضي :
اغلي واحسن الاراضي دا ان وجدت لسة محدش بنا فيها موجودة في التجمع الخامس و ده سعر المتر بيعدي رنج من 2000 الر 3000 وبعض الناش اللي مسقعاها و مخلصة فولسها و تبقا الارض موقعها حلو بيطلب 4000
و طبعا الاراض هناك اما تقسيم فيلات او تقسيم عائلي

اما بقا التجمع الاول
: فده بعتبره اهدا شوية من الخامس لانة لسة معمرشي لان كل الاراضي هناك لسي بيقولو يا هداي
ودا علي حد لفي كبعا مش كل الحتت رحتها :
فيه اراضي الياسمين : ودي لسة معمرتش و فيها متر المباني لو عايزة مثلا تخدي دور في فيلا او شقة دوبلكس ممكن تدفعي النص و النص علي سنتين والمتر هناك عمال 2000 جنيه مباني فلل مش اسكاني عائلي
اما بقا منطقة المثتثمرين الشمالية فدي ققرب للتجمع الخامس و بيفصل بينها وبين اراضي ابو الهول اللي هي دي تعتبر ارخض اراضي تقدري تشتريها دلوقتي يا نها وبنصك تشوفي حد لسة مستلمش الارض وتخديها منا واحب ققلك ان ال 300 متر بيعملوا حوالي 400000 بندق قصدي جنيه :D
ودا ققل سعر تقدري توقعيه و ممكن ققل وفيه ناس كمان بتطلب حد يشاركها في البنا

وربنا معاكي
ونا تحت امر اي حد عايز يعرف معلومات او شركات بتيبيع شقق وتقسط
اسئلو علي حمدي في التجمع اي عيل صغير هيجيبكوا علطول :D

استاذ حمدي افهم من كلامك ان منطقة المستثمرين الشمالية اللي قرب الجامعة الامريكية دي في التجمع الاول مش في التجمع الخامس؟ طيب هي المنطقة دي حلوة و مستقبلها شكله كويس و لا ايه الاخبار؟ انا كنت عملت توبيك باسأل فيه عن المنطقة دي عشان بافكر اشتري فيها فياريت لو حد يقدر يفيدني. طيب حضرتك بتقول المنطقة دي من ارخص الاراضي, طبعا ده اللي بيغريني اشتري هناك بس في نفس الوقت ده يقلق. يعني هي المنطقة هناك رخيصة ليه؟ هل هي شعبية مثلا او في مشاكل؟ اصل انا لما سمعت انها عند الجامعة الامريكية قلت كويس اكيد منطقة حلوة, بس في ناس قالت لي انها صحرا تماما و بعيدة اوي.

[GoldenManEye]

أستاذ حمدى ممكن تقولى سعر المتر أرض فى الرحاب بكام و ممكن تبنى اللى إنت عايزه فى الأرض اللى تشتريها و الشراء من ناس و الا من جهاز المدينة؟

شكراً

[hamdy]

بالعكس يا باشا المنطقه دي كويسة جدا
منطقه المستثمرين الشمالية
# مميزات الموقع
تقع منطقه المستثمرين الشمالية بقلب مركز مدينه القاهرة الجديدة و بالنظرة المتفحصة نستطيع أن ندرك أن تلك المنطقة تعتبر الشريان و القلب النابض بالحيوية لتلك المدينة مما بها من مميزات جغرافية خاصة جداً .

مميزات الموقع ( المرام لاندمارك)

* سهوله الحركة من و إلى الموقع و ذلك لقربها من شــارع 90 ( أحد الشوارع الرئيسية بالقاهرة الجديدة) و المتصل بجميع الطرق الرئيسية بالمدينة

* قرب الموقع من كبرى الجامعات ( الجامعة الأمريكية - جامعه المستقبل- الجامعة الألمانية ) بالإضافة إلى إنها اكبر تجمع بالقاهرة على العموم من حيث المدارس الخاصة و اللغات و المدارس الدولية

* توافر اغلب المناطق الترفيهية المخصصة لإنشاء النوادي و الحدائق المحيطة بالموقع منها (نادى بتروسبورت - نادى الجزيرة- نادى القاهرة الجديدة – نادى الزهور– نادى بنك القاهرة- نادى البنك المركزي- نادى مؤسسة الأهرام )

* مدى قرب و سهوله الوصول الى المدن العمرانية المحيطة( مدينه الرحاب-مكسيم كنترى كلوب- حي الاشرفيه- حي عربية – براديز – ليك فيو - المصراوية- مون فالى – مدينه زيزينيا – حدائق الديوان- ريتاج - دره القاهرة )

* تقع منطقه المستثمرين الشمالية على الحزام المركزي للخدمات و المراكز التجارية للمدينة الذي يحوى جميع المكاتب الإداري و الشركات العملاقة و البنوك
بس هي لسة مش عمرانة اوي زي الخامس مت حسش بجمالها زي الخامس اللي فيه فلل مبنية بجناين وكده
وادي الخريطة لكل اخواتي اللي بحبهم

[hamdy]

أستاذ حمدى ممكن تقولى سعر المتر أرض فى الرحاب بكام و ممكن تبنى اللى إنت عايزه فى الأرض اللى تشتريها و الشراء من ناس و الا من جهاز المدينة؟

شكراً

السعر 2500 للمتر و انصحك بلاش تشتري دلوقتي لان الاسعار في النازل استني اما نشوف الدنيا فيها ايه

[ahmedfd]

الحقيقة أنا عندي شقة في الشروق بشطبها حالياً في كومباوند أمام نادي هليوبوليس و أنا إخترتها لإني عضو في النادي أصلاً.
بس بأمانة مش ناوي أسكن فيها بصورة نهائية فوراً علشان مستقر حالياً بالنسبة لمشوار شغلي و عمل زوجتي و مدارس الولاد.
أنا شايف إن الشروق إختيار جميل جداً خصوصاً للناس اللي أصلاً من مصر الجديدة أو مدينة نصر زي حلاتي و ده لإنها قريبة و مدينة هادية و منظمة و مفيهاش أي تجمعات صناعية يعني كلها سكنية بس.كمان ميزة كبيرة إنها تقع على طريقين هما الإسماعيلية ينزلك في مصر الجديدة و السويس ينزلك في مدينة نصر و مصر الجديدة من شارع الثورة يعني مفيش طريق واحد لما يقف يوقف الدنيا معاه. الكلام ده طبعاً عكس الناس اللي من المهندسين أو سط البلد بيفضلوا دايماً 6 أكتوبر و الشيخ زايد.
كمان الشروق مرتفعة كتير عن القاهرة فالجو هناك كويس إلى حد ما مقارنة بالقاهرة.
على فكرة ممكن أسعار الشقق و الفيلات تزيد كتير عن 3 و 4 الاف في أماكن زي الشروق 2000 و ماي فير و غيرها.
المدينة فيه خدمات معقولة بس متباعدة إلى حد ما و فيها جامعات زي الجامعة البريطانية و الفرنسية و بيتعمل مول كبير من ناحية طريق الإسماعييلية و عليه إعلانات لمحلات و مطاعم كتير.
بس مهما كان أظن إن بالتأكيد مدينتي لما تخلص هتكون الـ Favorite Hangout لسكان الشروق و الرحاب و التجمع كمان.
موضوع المياه الجوفية ده الحقيقة مركزتش فيه قبل كدة بس بشوف ونا ماشي ناس كتير حافرة أساسات فيلل أو عمارات من غير أي مياه خالص.
بالنسبة للأمن طبعاً الدنيا فاضية إلى حد كبير يعني نسبة الإشغال حوالي 10% في المتوسط و حسب المكان بس لو مكان مقفول أو كومباوند بيكون حواليه سور و فيه أمن.
أرجو إني أكون أفدت.

[hh]

السعر 2500 للمتر و انصحك بلاش تشتري دلوقتي لان الاسعار في النازل استني اما نشوف الدنيا فيها ايه

الاسعار في النازل في كل المناطق ولا الرحاب بالذات؟

[hamdy]

في كله طبعا عشان كذا سبب :
اولا : الناس اللي جايا من الخليج سفروا خلاص و مشيو
ثانيا : المعروض كتير زيادة عن حجم الطلب نهائي
ثالثا : الازمة العالمية اثرت علي تحويلات المصريين من الخارج فاثر بدوره علي سوق اكثر ركودا