محتاج نصيحه بخصوص مشكله

[Karim Alaa]

اولا السلام عليكم و رحمه الله و بركاته

انا واقع فى حيره شديده و محتاج نصيحه و مش لاقى حد اتكلم معاه فهاعتبر الاخوه فى المنتدى اخواتى و اسف انى ممكن اطول بس الموضوع كبير شويه و ياريت اى حد يرد يقرا و يحط نفسو فى مكانى الاول

انا حاليا عندى 28 سنه لسه متخرج من كليه تجاره السنه دى 2014 السبب ظروف كتير حصلت بعد وفاه والدى و مش مهم ذكرها الان

انا حاليا خاطب من سنه و بشتغل مصمم مواقع الكمبيوتر ده هوايتى من زمان و الحمد لله بشتغل فى شركه و كمان Freelancer من البيت بعد الشغل و الحياه معايا كده تمام التمام اوى الحمد لله ماديا و معنويا و مبسوط

انا طبعا كان لازم اخلص الكليه السنه دى عشان مطردش منها بسبب الجيش اقصى سن 28 و عشان نفسى كمان و يبقى معايا مؤهل عالى

نيجى للمشكله بقى الجيش دلوقتى انا فاضلى بالظبط سنه و المفروض ابقى جبت الشقه و جهزتها عشان اتجوز و طبعا بقالى سنه بعافر و الحمد لله حوشت مبلغ معقول شويه كده و اقدر اجيب الى نفسى فيه ثانيا انا شغلى مش هينفع فيه اسيبه سنه و بعدين اجى سواء الى فى الشركه او الفرى لانس ببساطه لو سبت الشغل ده سنه مع السلامه ليه و لكل الى بكسبه حاليا ممكن احاول ابدا من الصفر بس مهياش حاجه مضمونه نهائى بنسبه 80 فى الميه مش هترجع زى مكانت لانى بنيت شغللى ده فى اكتر من 3 سنين

دلوقتى انا مطلوب منى اسيب شغلى و حياتى دى سنه مش هشيل فيها قرش و بعدين اطلع الاقى كل الى عملته هوا و ابدا من الصفر غير انى عندى التزام ناحيه خطيبتى و اهلها و هبقى محتاج اضاعف الى بحوشه مش اقعد سنه مفيش و اطلع برضه مفيش

انا كل الى محتاجه من الجيش كان انى اشتغل حكومه جنب شغلى freelancing عشان الامان الوظيفى فقط لكن شغلى الحمد لله كفيل جدا بانه يعيشنى كويس بس برضه محدش ضامن الظروف المهم انا حسبتها الحكومه مش بتطلب تعين بعد ال 30 و انا لو دخلت جيش هدخل فى 1/2015و اطلع فى 3/2016 يبقى فاضلى 5 شهور و اتم ال 30 كأن هتحصل معجزه و الاقى شغل فى 5 شهور بس

انا مش قادر اتخيل انى اسيب كل الى بنيته ده و اضيعه فى الهوا زى مقولت سنه مش هشيل حاجه و اخرج اقصى امل ليا انى ارجع الاقى شغل ب 1500 جنيه يعنى عشان اكمل ال بدائته عايزلى 3 4 سنين

اعمل ايه فى الحيره دى عقلى بيقولى كده كده مش هتشتغل حكومه اصبر سنتين و اروح اسوى موقفى

و فى نفس الوقت انا عمرى ممشيت شمال و مبحبش ابقى خايف من حاجه و كان نفسى اوى انى اشتغل حكومه كأمان ليا مع شغلى الخاص ومكنش هاممتى هاخد كام من الحكومه


ياريت قبل مترد تقرا الموضوع كله و تحط نفسك فى مكانى انا دماغى هطق و ملحوظه ده مش موقف سياسى من الجيش و لا انا كان فارق معايا السنه دى خالص و والله لو فى فى شغلى اجازه بدون مرتب كنت روحت و الى يحصل يحصل حتى لو خدونى 3 سنين مش هزعل ولا هفكر فى اى شىء بس انا مش قادر اتخيل واحد عاقل يدمر حياته بايديه بعد مربنا كرمه و بناها

ياريت يا شباب تساعدونى برايكم بعد متحوطو نفسكم فى موقفى و ياريت الى يقول راى يقول سببه عشان اقدر انا كمان اقتنع بيه

ممنوع إستخدام اللون الأحمر حيث أنه مخصص للمداخلات الإدارية
م ب 3

[بحار]

الارزاق بايد ربنا ..
خليها على ربنا قادر زى ماعملك شغلك يعمل احسن منه ..
اهل خطيبتك عارفين يعنى ايه جيش وهيقدرو موقفك
ببلاش تتهرب من الجيش .. خليك صح احسن ..
ماتخفش ممكن يكون جيشك حته قريبه وتقدر تشتغل ولو يوم فى الاسبوع
موضوع شغل الحكومه ده طلعه من دماغك خالص .. حياتك فى الشغل الخاص لو ناجح زى ماقلت احسن الف مرة
انا كان قدامى فرصة اول ماتخرجت فى شركه محترمه ماتوفقتش ورجعت زعلان جداا ..
وبدأت عمل خاص وبعد السنين مامرت بأقول الحمد لله يارب انك ماستجبتش دعايا .. لأنى أحسن كتير الحمد لله

[Karim Alaa]

شكرا اخى البحار و فى انتظار باقى الاراء

[midoabdeen]

اولاً انت ممكن ماتدخلش الجيش اصلا ودا احتمال كبير على فكره

لما كنت بسمع الارجا بتاعتي كانت المواليد القديمه دي مش بيدخل منها حد خلي املك فى الله

ثانباً نصيحه لوجه الله انسي موضوع شغل الحكومه دا نهائي

انا شاب 24 سنه اهو اصغر منك قعدت سنه واحده فى الحكومه كرهت نفسي مرتبات تعبانه واللي بيشتغل زى اللى مش بيشتغل ونظام قمه فى الاهمال والاستهتار

صدقني والله الحكومه مش راحه خالص هي عايزه ناس كبيره واحد عمله قرشين كويسين ومحتاج يريح دماغه شويه انما فى بدايه الحياه اتمرمط فى القطاع الخاص هتستفيد خبره فى مجالك وفلوس فى نفس الوقت

طبعا الكلام دا بعيد عن قطاعات البترول والكهرباء والضرائب والاتصالات لان لو جاتلك فرصه فى الاماكن دي مافيش فيها تردد دول بياخدوا فلوس

ثالثاً انت شايل هم حاجه اصلا مش بايدك افرض لاقدر الله الشركة اللى انت فيها استغنت عنك وانت مش لاقي شغل فري برا هتعمل ايه

الارزاق بيد الله اوعي تقلق من النقطه دي ربنا زي ماهياخد منك حاجه هيديك الاحسن منها بدون نقاش

وربنا يوفقك للخير

[Mfaisal89]

بص يا باشا من الآخر . انت دلوقتى عندك 28 سنة يعنى لو حتى دخلت جيش هتدخل وانت عندك 28.5 بالمستريح وهتخرج قبل ال 30 بحاجة بسيطة

وبما انك شغال فريلانسر والدنيا مظبوطة معاك يبقى من الآخر عاوز رأيئ الشخصى ؟

فكك من موضوع الجيش ده وقضى السنة ونص وانت فى بيتك معزز مكرم لغاية ما تتم ال 30 وتدفع الغرامة وتاخد شهادتك وسيبك من اللى بيقول مش هتدخل انا ياما شفت فى جيشى ناس دخلت وهى قدك ومافيش أوسخ من البهدلة والأهانة على كبر

ده رأيى ولو أنا مكانك ثق تماما انى مش هعمل الا كده

[Mfaisal89]

أهم حاجة لو انت قدمت ورقك يبقى لازم تكمل يا معلم والا هتتعامل معاملة الهارب وهيفضل قاعدلك فى البخت طول عمرك انما لو لسة مقدمتش ورقك يبقى قدامك فرصة

[Karim Alaa]

اولاً انت ممكن ماتدخلش الجيش اصلا ودا احتمال كبير على فكره

لما كنت بسمع الارجا بتاعتي كانت المواليد القديمه دي مش بيدخل منها حد خلي املك فى الله

ما هو انا يا كبير نفسى فى كده اوى نفسى فى التاجيل و يبقى كده الدنيا بقت فل الفل بس للاسف ك الناس بتقول ان ده كان قبل السنتين الاخرين و دلوقتى كله بيلبس خصوصا الى مش هيجى تانى زى

ثانباً نصيحه لوجه الله انسي موضوع شغل الحكومه دا نهائي

انا شاب 24 سنه اهو اصغر منك قعدت سنه واحده فى الحكومه كرهت نفسي مرتبات تعبانه واللي بيشتغل زى اللى مش بيشتغل ونظام قمه فى الاهمال والاستهتار

صدقني والله الحكومه مش راحه خالص هي عايزه ناس كبيره واحد عمله قرشين كويسين ومحتاج يريح دماغه شويه انما فى بدايه الحياه اتمرمط فى القطاع الخاص هتستفيد خبره فى مجالك وفلوس فى نفس الوقت

طبعا الكلام دا بعيد عن قطاعات البترول والكهرباء والضرائب والاتصالات لان لو جاتلك فرصه فى الاماكن دي مافيش فيها تردد دول بياخدوا فلوس

عز الطلب يا باشا يجيبو اى فلوس مش فارقه زى مقولت الى فارق معايا بس انى اروح الساعه 2 3 اشوف شغلى الحقيقى و معايا فى ايدى وظيفه امان لا عايز اشتغل و لا عايز فلوس كويسه :) اهى شغلانه مضمونه و تامينات و بتاع و زى منتا قولت مفيش شغل اصلا و الفلوس مش هتبقى القضيه :)

ثالثاً انت شايل هم حاجه اصلا مش بايدك افرض لاقدر الله الشركة اللى انت فيها استغنت عنك وانت مش لاقي شغل فري برا هتعمل ايه

الارزاق بيد الله اوعي تقلق من النقطه دي ربنا زي ماهياخد منك حاجه هيديك الاحسن منها بدون نقاش

وربنا يوفقك للخير

صدقنى عارف و متاكد ان الله سبحانه و تعالى بيرزق بس برضه اعقلها و توكل مش شايف اى ميزه نهائى فى الحوار غير بس انى مبقاش ماشى غلط ولا يحصلى حاجه فى السنتين دول و ارجع اندم لا قدر الله

بص يا باشا من الآخر . انت دلوقتى عندك 28 سنة يعنى لو حتى دخلت جيش هتدخل وانت عندك 28.5 بالمستريح وهتخرج قبل ال 30 بحاجة بسيطة

وبما انك شغال فريلانسر والدنيا مظبوطة معاك يبقى من الآخر عاوز رأيئ الشخصى ؟

فكك من موضوع الجيش ده وقضى السنة ونص وانت فى بيتك معزز مكرم لغاية ما تتم ال 30 وتدفع الغرامة وتاخد شهادتك وسيبك من اللى بيقول مش هتدخل انا ياما شفت فى جيشى ناس دخلت وهى قدك ومافيش أوسخ من البهدلة والأهانة على كبر

ده رأيى ولو أنا مكانك ثق تماما انى مش هعمل الا كده أهم حاجة لو انت قدمت ورقك يبقى لازم تكمل يا معلم والا هتتعامل معاملة الهارب وهيفضل قاعدلك فى البخت طول عمرك انما لو لسة مقدمتش ورقك يبقى قدامك فرصة

ناس كتير و منهم ظباط قالولى الوضع اتغير دلوقتى و التاجيل بقى مستحيل بياخدو كل الناس و خصوصا الى زى كده انا متوقع لان اى تاجيل ليا هيبقى نهائى اصلا

انا مش فارق معايا البهدله و الله يا كبير انا بس بس صعبان عليا شغلى و مستقبلى بعد معملت و عملت و عملت الاقى نفسى هوا مفيش اى حاجه و اتبهدل زى مكل الشباب مهو متبهدل بعد اما صدقت بنيت لنفسى بنفسى شغل كويس جدا و مستقبل


اما موضوع الهروب ففى كذا محامى عسكرى و ظابط قالولى مبيتحسبش هروب غير بعد انا تسمع سلاحك و تعمل كارنيه كل الى قبل كده عادى بعد ال 30 بيخلص بغرامه و الكلام ده اكيد جدا و بتلعب فى دماغى اكمل لحد الارجا يمكن تيجى من عندهم و خلاص و لو خدونى امشى بس برضه مش عارف

لسه مستنى بقيت الاخوه يفيدونى بارائهم يارب وفقنى للى فيه الخير يارب

[hilal]

في رأيي الخاص
انت لا يوجد امامك سوى حل وحيد للحفاظ على مستقبلك وخطوبتك
دخولك الجيش هيدمر كل حاجة
انسى موضوع الجيش ، وادفع الغرامة ، وكل شيء سيكون على ما يرام
وعموما ممكن تصلي صلاة الاستخارة ، وتترك الامر بيد الله
لانه يوجد دعاء بعد صلاة الاستخارة ، يطلب الانسان من الله تعالى أن يختار له الاصلح لأنه غير قادر
وربنا يوفقك

[mr_vampire]

هو في غرامة بتدفع لو حد تخلف او تهرب من التجنيد ؟؟؟؟ بتتقدر ازاي وبتوصل لكام ده بقي ؟؟؟؟؟

[Karim Alaa]

هو في غرامة بتدفع لو حد تخلف او تهرب من التجنيد ؟؟؟؟ بتتقدر ازاي وبتوصل لكام ده بقي ؟؟؟؟؟

لو وصل سنك 30 سنه و مكنتش روحت تجنيد بتروح تقدم طلب تسويه موقفك التجنيدى و بتدفع غرامه حدها الاقصى 5000 جنيه وف السنتين الى فاتو محدش دفع اكتر من 2500 و بتاخد صوره الحكم و بتروح اداره التجنيد تاخد اعفاء نهائى تسافر بيه من غير اذن سفر او تشتغل بيه بتتقدر حسب مالقاضى بيشوف سبب التخلف و موقفك المادى يعنى خاضعه لتقدير القاضى نفسه بس حدها الاقصى 5000 حجنيه

و مبتقضيش ولا ربع ساعه حبس ولا اى حاجه كلها من برا مجرد اجرائات

[M.Alaa92]

طب ما تشوف اي معهد تقدم فية (ورق بس) و تاخد تاجيل عشان بتدرس ؟ و كدة ريحت دماغك

[Karim Alaa]

طب ما تشوف اي معهد تقدم فية (ورق بس) و تاخد تاجيل عشان بتدرس ؟ و كدة ريحت دماغك

للاسف مفيش تاجيل للدراسه بعد سن 28 سنه الا فى حاله انى كنت لسه فى 4 و فاضل كام شهر على الامتحان ساعتها الكليه بتطول التاجيل شويه غير كده مفيش كليه ولا معهد تقبل حد سنه اكتر من 28 سنه الا بعد ميجيب موقفه من التجنيد و فى ناس بتتفصل من كلياتها عشان عدت السن و لسه مجبتش موقف من التجنيد

فى انتظار باقى الاراء

[S O P H O S]

راي صعب تسيب كل ده بسهولة كده

[KemozTanta]

الموضوع مقفول وانت لديك خيارين فقط
ياتدخل الجيش وترضي بنصيبك وربنا يعوضك خير ومتفكرش وقتها في اللي سيبته
ياتهرب حتي سن الثلاثين وتدفع الغرامة بس ادرس دي كويس من كل الجوانب وهل في اى وصمة فيها تضرك او تضر اولادك مستقبلاً
اخر فرض : ان الارجا تخرجك وتخرج نفسك من الحيرة دي كلها ودي انا حاسس انها هتحصل لانك مواليد 86 و اللي بيدخل هما السن الصغير و هتاخد تأجيل ان شاء الله

[عبدالحكيم]

أخي الكريم


أنا متفهم لظروفك، ولأنك طلبت النصيحة فلا أنصحك مطلقاً بالتخلف أو الهروب من الخدمة العسكرية. هذا خطأ فادح ولو فعلته ستندم لاحقاً.. والأسباب كثيرة


أولاً: الأرزاق بيد الله، ومن رزقك بوظيفة وشغل حر إضافي قادر على أن يرزقك بأكثر من ذلك ويعوضك عوض الصابرين


ثانياً: بموجب القانون، لو أنت تعمل في القطاع الخاص بعقد فيجب على الشركة التي تعمل فيها أن تدفع لك مرتبك طول مدة خدمتك العسكرية.. هذه المعلومة قالها لي صاحب الشركة التي كنت أعمل فيها.. اسأل محامي وتأكد من حقوقك..


ثالثاً: هل فكرت في وضعك القانوني خلال عامين؛ أي حتى تكمل الثلاثين؟ وضعك القانوني سيكون "متخلف عن الخدمة العسكرية"، ولذلك ستكون دائم القلق، مترقب، ولو وقعت في يد الشرطة لأي سبب كان.. سيتم ترحيلك على الفور للجيش



رابعاً: حسب علمي لو دخلت الخدمة العسكرية متأخراً ستحصل على سنة زيادة (بمفهوم الجيش هي 45 يوم إضافية على مدة خدمتك)، وحسب علمي أيضاً لن تحصل أبداً على شهادة "قدوة حسنة"، وبالتالي سيصعب عليك الحصول على وظيفة في الحكومة.. لأن هذه الشهادة مهمة جداً.. اسأل عن هذه المعلومة شخص يعمل في الجيش لتتأكد..


خامساً: أهل خطيبتك يعلمون بظروفك، وخطيبتك تعرف أنك طالب. نصيحتي لك اشغل خطيبتك بما يفيدك ويفيدها خلال هذه السنة. أوكل لها مهمة الأعمال التي لم تنتهي في الشقة، مثل اختيار الأثاث، والديكور، أو أعمال التشطيب، الخ. أي شيء لم يكتمل أوكله إليها وهي ستسعد بذلك. أو شجعها على أخذ دورة في الكمبيوتر (خصوصاً دورة آي سي دي إل) أو الإنجليزية..


سادساً: تخيل أنك في الفرح وفي الكوشة وأحدهم بلّغ عنك. ووجدت الشرطة أمامك، والضابط بيقولك: على وحدتك يا حلو!


حصل مع أخي الكبير شيء مشابه. كان في نزهة على النيل وبالصدفة كانت هناك دورية شرطة سنة 98 تقريباً وطلبوا أوراق الهوية من جميع الشباب الحاضرين. وبعد فحصها تبين لهم أن أخي تأخر عن تقديم أوراقه للخدمة العسكرية وتم ترحيله فوراً على الجيش. والتحق بسلاح حرس الحدود وظل في الخدمة على حدود اسرائيل عامين وبضعة أشهر لأن شهادته ثانوية فنية فمدة خدمته العسكرية عامين..


هو يقول أن مدته في الجيش أحلى أيام عمره؛ فقد غيّرت حياته للأحسن، وعلمته معنى المسؤولية، وثقفته سياسياً وأمنياً، وخدمته بعلاقات كبيرة مع أشخاص كثيرين، بالإضافة إلى فوائد أخرى جمّة