محتاج نصيحه بخصوص مشكله

[mk3]

بص يا جميل
تأكد كامل التاكد ..ان الارزاق بيد الله واللى عملته فى 3 سنيين ممكن ربنا يجبهولك فى لحظه
لو انت شايف بعقلك البشرى ان الجيش هيأخرك فمتدخلش واستنى سن 30 وادفع الغرامة ...انا اعرف واحد كان واخد تأجيل مش متأكد ودفع الغرامة بعد اما عدى 30 وده بسبب ان اخوه الصغير خد اعفاء طبى من الجيش ...انا مش متأكد اوى من الملابسات. فيعنى عايز اقولك الموضوع بتاع ربنا وسيبها على الله ...اعمل كل ورقك الحكومى عشان تبقى فى الامان...وحاول تبعد عن اماكن المشاكل

[أحمد كمال]

لو وصل سنك 30 سنه و مكنتش روحت تجنيد بتروح تقدم طلب تسويه موقفك التجنيدى و بتدفع غرامه حدها الاقصى 5000 جنيه وف السنتين الى فاتو محدش دفع اكتر من 2500 و بتاخد صوره الحكم و بتروح اداره التجنيد تاخد اعفاء نهائى تسافر بيه من غير اذن سفر او تشتغل بيه بتتقدر حسب مالقاضى بيشوف سبب التخلف و موقفك المادى يعنى خاضعه لتقدير القاضى نفسه بس حدها الاقصى 5000 حجنيه

و مبتقضيش ولا ربع ساعه حبس ولا اى حاجه كلها من برا مجرد اجرائات

لو اتمسك قبل ما يتم ال 30 بيوم هيتنفخ

[Karim Alaa]

راي صعب تسيب كل ده بسهولة كده

عندك حق كل شىء يبقى صفر و كل الى الواحد حلم بيه و صبر عشانه يبقى هوا

الموضوع مقفول وانت لديك خيارين فقط
ياتدخل الجيش وترضي بنصيبك وربنا يعوضك خير ومتفكرش وقتها في اللي سيبته
ياتهرب حتي سن الثلاثين وتدفع الغرامة بس ادرس دي كويس من كل الجوانب وهل في اى وصمة فيها تضرك او تضر اولادك مستقبلاً
اخر فرض : ان الارجا تخرجك وتخرج نفسك من الحيرة دي كلها ودي انا حاسس انها هتحصل لانك مواليد 86 و اللي بيدخل هما السن الصغير و هتاخد تأجيل ان شاء الله

هرد على الفرض الثانى لا مفيهاش اى وصمه اخر حاجه وصلتلها انى مينفعش اترشح فى مجلس شعب ولا رئيس و انا مش ناوى ابقى رئيس دلوقتى :)

ثالث نقطه الارجاء نفسه ملغى من 30/6 و لسه هيستدعو ناس من الى خلصت فى 15/8 يعنى يوم الارجاء بقى مجرد يوم تسمع فيه معاد سلاحك و بس و دى المشكله انى متاكد و من ظباط جوا الجيش و زمايل ان معدش فيه استبعاد مواليد نهائى اى لائق بيدخل

أخي الكريم


أنا متفهم لظروفك، ولأنك طلبت النصيحة فلا أنصحك مطلقاً بالتخلف أو الهروب من الخدمة العسكرية. هذا خطأ فادح ولو فعلته ستندم لاحقاً.. والأسباب كثيرة

اولا احب اشكر حضرتك جدا على الرد المسهب و هو ده الى محتاجه الى ينصحنى يقولى اسباب عشان اقتنع و افهم و اتناقش مع نفسى فيها و هرد على حضرتك نقطه نقطه

أولاً: الأرزاق بيد الله، ومن رزقك بوظيفة وشغل حر إضافي قادر على أن يرزقك بأكثر من ذلك ويعوضك عوض الصابرين

بالتاكيد شكلا و موضوعا هى على الله و فى الحالتين مش بس فى حاله متوكلت على الله و ورحت بس ربنا قال اعقلها و توكل و الا كنت مشتغلتش ال 3 سنين دول و قولت منا مكتوبلى مبلغ كذا اكيد هيجيلى صح ولا ايه ؟؟ ده ببساطه الى بقوله انا مقدرش اتناقش فى القدره الالهيه انا بس بتناقش فى القدره البشريه و الى بتقول لو سبت شغلى سنه مش هيرجع تانى اخرى 1500 او حتى 2500 و للاسف معدش بيبنى مستقبل ولا بيعيش مستور او على الاقل احلامى الى بينتها و صبرت عشانها على اساس دخلى السابق هتنتهى للابد و طبعا كل الى ربنا عايزه هيكون

ثانياً: بموجب القانون، لو أنت تعمل في القطاع الخاص بعقد فيجب على الشركة التي تعمل فيها أن تدفع لك مرتبك طول مدة خدمتك العسكرية.. هذه المعلومة قالها لي صاحب الشركة التي كنت أعمل فيها.. اسأل محامي وتأكد من حقوقك..

الحاله الى حضرتك بتتكلم عليها دى هى حاله الاستدعاء للخدمه العسكريه بعد قضاء المده الالزاميه و هى اجازه مع الاحتفاظ بالوظيفه انما فى حاله انك رايح من الاول هو غير ملزم و اصلا مفيش عقد لانى كنت طالب انا شغال عادى من غير تامينات ولا عقد ولا موقف تجنيدى و مكنش فى بالى لانى كنت عايز اشتغل ساعتهاو خلاص لان سنى كبر و بما انى الى فى الشركه بقولك مكانى هياخدو 10 غيرى فى اقل من اسبوعين و مش هلاقيه تانى الا برضه لو حصلت معجزه و الى ربنا كاتبه هيكون

ثالثاً: هل فكرت في وضعك القانوني خلال عامين؛ أي حتى تكمل الثلاثين؟ وضعك القانوني سيكون "متخلف عن الخدمة العسكرية"، ولذلك ستكون دائم القلق، مترقب، ولو وقعت في يد الشرطة لأي سبب كان.. سيتم ترحيلك على الفور للجيش




صح و فكرت و لولا دى و دى بس على الرغم من ان فرصته حدوثها متعديش 5 فى الميه الا ان دى السبب الويد الى بيخليى افكر اروح او محتار مبين الاتتنين لو دى مش موجوده فى دماغةى مكنتش فكرت اروح اصلا و كان زمان الموضوع محسوم ربنا يهدينا للى فى الخير يارب
رابعاً: حسب علمي لو دخلت الخدمة العسكرية متأخراً ستحصل على سنة زيادة (بمفهوم الجيش هي 45 يوم إضافية على مدة خدمتك)، وحسب علمي أيضاً لن تحصل أبداً على شهادة "قدوة حسنة"، وبالتالي سيصعب عليك الحصول على وظيفة في الحكومة.. لأن هذه الشهادة مهمة جداً.. اسأل عن هذه المعلومة شخص يعمل في الجيش لتتأكد..

هرد عليك جزء جزء اولا لو دخلت متاخر بتاخدها عادى جدا مع زياده 45 يوم قابله للرفع يعنى لو قضيت مدتك حسن سير مش بتاخد 45 يوم زياده ثانيا حتى الى بياخد شهاده رديئه لونها اصفر بيجى بعد سنه و يغيرها للخضرا جيده من غير اى حاجه مجرد اجرائات و ايوه الرديئه بتاثر على الشغل الحكومى بس حضرتك الحكومه مبتاخدش تعين جديد بعد ال 30 اصلا و انا اذا قدر الله و دخلت هخرج قبل ال 30 ب 4 شهور و اظن انت عارف انه مستحيل الاقى شغل حكومه اقدم و امتحن و امضى فى 4 شهور

سادساً: تخيل أنك في الفرح وفي الكوشة وأحدهم بلّغ عنك. ووجدت الشرطة أمامك، والضابط بيقولك: على وحدتك يا حلو!



لو راح بلغ الظابط هيقلو ملناش دعوه الا فى حاله الهارب من الجيش دخل و بعدين خرج ياما يبلغ الشرطه العسكريه ياما القسم التابع ليه و القسم لو معندوش استدعاء هارب ورقه بتيجى مم المديريه و غالبا مش بتبقى موجوده اصلا مينفعش يقبض عليه اصلا بطلام اجرائات :) امنا مش معيا حشيش عشان يبقى تلبس و اى شىء انى لازم امر ضبط او اذن نيابه

حصل مع أخي الكبير شيء مشابه. كان في نزهة على النيل وبالصدفة كانت هناك دورية شرطة سنة 98 تقريباً وطلبوا أوراق الهوية من جميع الشباب الحاضرين. وبعد فحصها تبين لهم أن أخي تأخر عن تقديم أوراقه للخدمة العسكرية وتم ترحيله فوراً على الجيش. والتحق بسلاح حرس الحدود وظل في الخدمة على حدود اسرائيل عامين وبضعة أشهر لأن شهادته ثانوية فنية فمدة خدمته العسكرية عامين..

عاده كان بيحصل ده بس يسالك فين الجيش مع المؤهلات المتوسطه او العاده بدون مؤهل فقط و عمرها و قليل اوى لما تحصل مع مؤهل عالى و ده كان ايام مكان قانون الطوارىء موجود فكان بيعمل محضر تحرى و يسالك و انت تتلخبط يقوم بعتك على الجيش اما حاليا مفيش قانون طوارىء عشان يقولى تعالى معيا اسال عنك و كمان ببساطه هيقولى ايه موقفك هقوله اعفا و الشهاده فى الشغل :) و الكمبيوتر مفيهوش مين راح جيش و مين مرحش خالص بس الهربان و ده كمان مش دايما بيبقى موجود كلامى اكيد جدا لان دفعتى فى المدرسه فيهم ظباط كتير اوى و ياما اتكلمنت معاهم و ظباط تانين و رغم ذلك بقولك احتمال قائم و ده الى مخوفنى

هو يقول أن مدته في الجيش أحلى أيام عمره؛ فقد غيّرت حياته للأحسن، وعلمته معنى المسؤولية، وثقفته سياسياً وأمنياً، وخدمته بعلاقات كبيرة مع أشخاص كثيرين، بالإضافة إلى فوائد أخرى جمّة

يارب و ربنا يتشرها معانا يارب

بص يا جميل
تأكد كامل التاكد ..ان الارزاق بيد الله واللى عملته فى 3 سنيين ممكن ربنا يجبهولك فى لحظه
لو انت شايف بعقلك البشرى ان الجيش هيأخرك فمتدخلش واستنى سن 30 وادفع الغرامة ...انا اعرف واحد كان واخد تأجيل مش متأكد ودفع الغرامة بعد اما عدى 30 وده بسبب ان اخوه الصغير خد اعفاء طبى من الجيش ...انا مش متأكد اوى من الملابسات. فيعنى عايز اقولك الموضوع بتاع ربنا وسيبها على الله ...اعمل كل ورقك الحكومى عشان تبقى فى الامان...وحاول تبعد عن اماكن المشاكل

متاكد و مؤمن بده جدا و ربنا الى عالم بيلى جوا الواحد لكن للاسف التفكير العادى مش عايز يطلع استفاده واحده من الحوار و عمال يطلعلى خسائر كتير اى حد يا باشا مرحش و راح بعد ال 30 بيخلص بغرامه فقط هو ده القانون سواء كان واخد تاجيل او مخدش اصلا ربنا يستر و الله انا بعدين عن اماكن المشاكل طزل عمرى و عمرى كله محدش قالى جيش و مجيش و مرتين بس فى حايتى حد قالى بطاقتك :) ربنا يستر

لو اتمسك قبل ما يتم ال 30 بيوم هيتنفخ

نظريا صح :) بس لو فقبيلها بيوم هدفع لامين الشرطه و اخليه يستنى يوم لاى سبب و اروح و انا تامم 30 و ساعتها الجيش هيخصللى ورقى و يروحنى انا فى خىلالسنه و صن الى فاضلين فصعب جدا لان مفيش كمبيوتر دتخليه عليه مين جيه و مين راح من الجيش و مفيش اى اجراء يخليه ياخدنى تحرى لازم تلبس بشىء ما :)

فى واحد هربان من 2007 دخل الجيش و هرب و بعد 6 سنين اتخانق و دخل القسم و فضل شهر فى القسم على ذمه القضيه و خرج و واستعلمو عنه و هو خارج طلع ابيض :) و خرج بس عشان تبقى معايا و فاهم ان مفيش حاجه بتظهر عند الداخليه اصلا و حته جيشك فين دى مش بتتقال الا للى هو شايفه شمال او ثانويه و دبلوم صنايع و كل الكلام ده و اصلا بعد قانون الطوارىء متلغى حتى الاجراء ده باطل :)

احب اشكر كل الى خد من وقته عشان ينصحنى بجد و اوضح ان كل الى قلته عن للقانون و انا صعب اوى يحصل ده مش معناه انى مش خايف بالعكس انا قلقان جدا و ده سبب حيرتى و طلبى للنصيحه و ياريت الى عايز ينصحنى يوضح فكرته فى الكلام عشان انا كمان ااقدر استفاد و شكرا تانى بجد و فى انتظار باقى الاراء