عاوز اشترى ساعة يد

[M7amD_7amDy]

مبدئيا التلات ساعات ليهم نفس الوظيفة و فيهم نفس المكنة التلاتة إزاز عادي mineral. طيب إيه الفروق بقى.

تمام .. انا شوفت فى مواصفات الساعة التالتة مكتوبة تحت mineral glass / spherical glass ازاى بقه يبقى الاتنين هو مش مفروض حاجة منهم؟ سواء عادية او ضد الخدش !!
انا عرفت المعلومة دى منك من رد سابق :)
وكمان عمر البطارية 5 سنين والأولى 3 سنين

الساعة الثالثة أحسن جماليا من حيث التفاصيل اللي في المينا شوف الفيديو و الصور هتحس إن المينا بتاع الساعة الأولى و الثانية flat مسطح مقارنة بالثالثة.

الحجم الساعة التالتة قطرها ٤٥مم بينما الاتنين التانيين ٤٣.٥مم + الإطار bezel في التالتة ارفع من التانيين. العقارب أتخن . كل ده هيخلي شكل الساعة التالتة اكبر و المينا أوسع.

تمام دى ميزة فى صالحها وانا بحب الساعات الكبيرة شوية :)

ملحوظة تانية بالنسبة للحجم. الساعة السوداء بتديك إيحاء إنها أصغر من الساعة البيضاء حتى لو الاتنين نفس الموديل و المقاس.

يعنى أجيب البيضا ولا ايه؟ :) مع ان السودا شكلها أحلى

بالنسبة للأستيك:
الرابر ده كويس مافيش مشاكل منه. و لو زهقت هات واحد جلد او ستانلس ستيل، مش شرط نفس شكل الأصلي

- نقطة قاتلة بالنسبة لي في الساعة الأولى و ممكن سبب إني ماشتريهاش إن الأستيك "رخيص" وده يبان في نقطتين. أولا اللينكات بتاعته عبارة عن folded steel و ليست مصمتة solid يعني، ثانيا آخر لينك اللي بتركب ناحية الساعة end link هتلاقيها مفرغة. ده واضح في الصورة دي



أستيك الساعة التالتة هتلاقي اللينكات كلها مصمتة solid و اللينكات الأخيرة كمان solid end links هيبان في صور الريفيو اللي فات

هو انا مش فاهم أوى الفرق مابينهم أو ايه اللى يميز التانية على الأولى
بس خلاص مش هكسرلك كلام :) يبقى خلينا فى التالتة مادام هتبقى أحسن

فرق أخير مقاومة الماء حتى عمق ٥٠ ولا ١٠٠ متر مش هتفرق طالما الشاكوش crown بتاع الاتنين "شد" pull و ليس قلاووظ screw down.

هو طبعا مش مهم 50 ولا 100 انا مش هغوص بيها يعنى :)
ده هى اخرها تتبل مية من الحنفية وانا بغسل إيدى ولا حاجة
وهى بتبقى ضد المية فعلا ولا ايه ؟

مكان الشراء بقى خليك في سوق ٨٠٠ جنيه حلو. ولو شكيت فيها عندك حق ترجعها وتاخد فلوسك. و ممكن قبل ما تشتري تراسل البائع اللي عارضها على سوق و تسأله أو تطلب صور تانية يبعتهالك قبل ما تشتري..

انا كان ليا تجربة سيئة مع سوق للأسف :(
مش عارف لسه .. .... ....

موقع نفسك مضمون جدا من حيث إنه يبيع أصلي لكن حظك بقى مش موجودة عليه.
باقي المواقع ما جربتهاش

كان ليا معاهم تجربة ممتازة الحقيقة وهحاول كده اسألهم عليها لو هيجيبوا السودا

https://youtube.com/watch?v=l00rhvl8nia

هى فعلا كده من كلام حضرتك ان التالتة أفضل وربنا يسهل بقه واعرف اوصل للسودا

والف شكر ياباشا على المعلومات الجميلة دى :)

هو بس فى حاجة غريبة عندى .. الرد بتاع حضرتك مكنش ظاهر فى الموضوع عادى
ولكن ظهر لما عملت اقتباس !!!

ردى داخل الأقتباس بالأزرق

وتحية كبيرة بجد لحضرتك والف الف شكر :)

[M7amD_7amDy]

انصحكم متشتروش من جوميا

منتاجات رديئة جدا للاسف

وخدمة ما بعد البيع اسوء واسوء


من واقع تجربة سابقة ف الالكترونيات

__________________________

اللهم صلى وسلم وبارك على سيدنا محمد

عليه أفضل الصلاة والسلام

بشكر حضرتك على النصيحة :)

هي جيه معاها الكتالوج وده لكذا نوع ساعة من كاسيو منها ساعتي + بطاقة ضمان محلي(بلد الشراء) لمدة سنة واحدة من تاريخ الشراء المفروض املاه انا واخلي معايا فاتورة الشراء اللي بتثبت تاريخ الشراء (الموديل,تاريخ الشراء,اسم العميل,ختم التاجر المعتمد؟اجبيبه منين الختم ده),بالنسبة لجوميا انا طلبت الساعة قبل العيد ب4 ايام تقريبا وجت بعد العيد باسبوعين تقريبا...بس كانت محطوطة في كرتونة مقواه تعتبر محترمة...بالنسبة للساعات انا شايف الموديل ده شكله كويس ef-131d-1a1v

واللون الابيض فيها حلو برضه

الف شكر ياباشا على المعلومات :)

بس اسبوعين كتير جداا

وشكلها كده فعلا هترسى على الساعة دى ef-131d-1a1v :)))

والبيضا حلوة مافيش كلام بس السودا أحلى :)

شكرا ليك ياباشا

[abo_hosni]

الإزاز عادي mineral و قصدهم spherical يعني منحنى شوية زي القبة مش مسطح.
لكن كلمة sapphire هي اللي ضد الخدش. هناك فرق

بالحديث عن الإزاز المنحني أو domed or spherical ده فيه تكة كدة. لو هو من غير طبقة antireflection هيعمل لك انعكاسات على الإزاز لو بصيت للساعة من زاوية جامدة. معلش كلها تفاصيل بس الشيء بالشيء يذكر

بالنسبة لعمر الحجارة المختلف مع إن فيهم نفس المكنة فالسبب هو اختلاف وزن العقارب. الساعة التالتة عقاربها أكبر و أتقل و لو حاجة بسيطة. كأنك محمل العربية نفرين زيادة هتستهلك بنزين أكتر :-)


الرد مش باين كله بسبب مشكلة في المنتدى لما تحط فيديو في الرد. من زمان المشكلة دي

[solyahmed]

الإزاز عادي mineral و قصدهم spherical يعني منحنى شوية زي القبة مش مسطح.
لكن كلمة sapphire هي اللي ضد الخدش. هناك فرق

بالحديث عن الإزاز المنحني أو domed or spherical ده فيه تكة كدة. لو هو من غير طبقة antireflection هيعمل لك انعكاسات على الإزاز لو بصيت للساعة من زاوية جامدة. معلش كلها تفاصيل بس الشيء بالشيء يذكر

بالنسبة لعمر الحجارة المختلف مع إن فيهم نفس المكنة فالسبب هو اختلاف وزن العقارب. الساعة التالتة عقاربها أكبر و أتقل و لو حاجة بسيطة. كأنك محمل العربية نفرين زيادة هتستهلك بنزين أكتر :-)


الرد مش باين كله بسبب مشكلة في المنتدى لما تحط فيديو في الرد. من زمان المشكلة دي

احييك علي ردودك القيمة والمفيده ودخلت علي مدونة حضرتك وواضح منها خبرتك في الساعات وفكها وتغيرها ..
لي سؤال في الساعات ال هوميج ( معلش كيبورد عربي ) حضرتك بتقول انك تيجيب ساعة هوميج احسن من الكوبي واللي فهمته ان الساعه الهوميج دي يعني شبة ساعة براند بس مش مكتوب عليها اسم البراند ده مكتوب ماركه تانية يعني مثلا جي واي طيب نفرض اني عجباني ساعة رولكس ومش حجيب كوبي بتاعها روحت اشتريت ساعة شبها هوميج بس مكتوب عليها اسم تاني اي حد حيشوفها حيفتكرها رولكس بس لو بص علي ماركتها لقي مكتوب شنغهاي مثلا حيقول علي طول دي ساعة صيني ب 100 جنية .

تاني سؤال لو عجباني ساعة معينة هيبلوت او رولكس او يو بوت ازاي اجيب ساعة شبها هوميج ؟
وشكرااااا لاضافتك القيمة

[windofchange]

تسمحلي اقترح عليك موديل تاني من كاسيو ...
MTP-1329D-1A او MTP-1290D-7AVDF او Edifice-Watch-EFA-116D-1A7V او MTP-1292D-7AVDF او MTP-1318BD-7A او MTP-1340D-7A

[M7amD_7amDy]

الإزاز عادي mineral و قصدهم spherical يعني منحنى شوية زي القبة مش مسطح.
لكن كلمة sapphire هي اللي ضد الخدش. هناك فرق

تمام وضحت كده ياباشا :)

بالحديث عن الإزاز المنحني أو domed or spherical ده فيه تكة كدة. لو هو من غير طبقة antireflection هيعمل لك انعكاسات على الإزاز لو بصيت للساعة من زاوية جامدة. معلش كلها تفاصيل بس الشيء بالشيء يذكر

معلومات مفيدة ياباشا تسلم إيدك :)
طب هى الساعة التالتة مافيهاش أنتى ريفلكشن؟

بالنسبة لعمر الحجارة المختلف مع إن فيهم نفس المكنة فالسبب هو اختلاف وزن العقارب. الساعة التالتة عقاربها أكبر و أتقل و لو حاجة بسيطة. كأنك محمل العربية نفرين زيادة هتستهلك بنزين أكتر :-)

هههههههههههه عجبنى التشبيه ده :)))
بس المفروض العكس ؟؟
الساعة الاولى هى اللى بتقعد 3 سنين ومكتوب فى المواصفات
approx. Battery life: 3 years on sr626sw

اما الساعة التالتة عمر البطارية 5 سنين وعلى تشبيه حضرتك مفروض دى اللى تبقى أقل عشان حجم العقارب
ومكتوب فى المواصفات
approx. Battery life: 5 years on sr920sw

فهو كده الاختلاف فى موديل البطارية زى مهو مكتوب فى المواصفات :)

الرد مش باين كله بسبب مشكلة في المنتدى لما تحط فيديو في الرد. من زمان المشكلة دي

لما كتبت الرد السابق مع الاقتباس عمل نفس المشكلة برده ومكنش حاجة ظاهرة
وعملت تعديل وحذفت أول لينكين اللى كان بالصينى ده
وظهر تمام :)

وبشكر حضرتك تانى طبعا وياريت متحرمناش من معلوماتك القيمة :)

[abo_hosni]

احييك علي ردودك القيمة والمفيده ودخلت علي مدونة حضرتك وواضح منها خبرتك في الساعات وفكها وتغيرها ..
لي سؤال في الساعات ال هوميج ( معلش كيبورد عربي ) حضرتك بتقول انك تيجيب ساعة هوميج احسن من الكوبي واللي فهمته ان الساعه الهوميج دي يعني شبة ساعة براند بس مش مكتوب عليها اسم البراند ده مكتوب ماركه تانية يعني مثلا جي واي طيب نفرض اني عجباني ساعة رولكس ومش حجيب كوبي بتاعها روحت اشتريت ساعة شبها هوميج بس مكتوب عليها اسم تاني اي حد حيشوفها حيفتكرها رولكس بس لو بص علي ماركتها لقي مكتوب شنغهاي مثلا حيقول علي طول دي ساعة صيني ب 100 جنية .

تاني سؤال لو عجباني ساعة معينة هيبلوت او رولكس او يو بوت ازاي اجيب ساعة شبها هوميج ؟
وشكرااااا لاضافتك القيمة

شكراً. بالنسبة للهوميج فهي فكرتها كده صح، إن يكون الستايل عاجبك لكن مافيش إمكانية تشتري الأصلي، أو عايز تجرب قبل ما تدفع فلوس في الأصلي. مع فارق الكواليتي الكبير بين التقليد و الهوميج لصالح الهوميج طبعاً + فكرة إنك مش لابس حاجة مقلدة أو كوبي.
ممكن تشتري ساعة هوميج بدون ما يكون عليها أي كتابة، حتى المينا بيقولوا عليها في الحالة دي Sterile dial. بعدين لو لابس ساعة صيني ماركة خلاص المهم تكون انت مقتنع بجودتها و إنك لابس حاجة قيمة. و اللي يقول لك عليها صيني اشرح له لو هيفهم إن دي مش رخيصة و أحسن من التقليد و إن في ساعات صيني بمئات الآلاف من الجنيهات، و إن الكواليتي بتاع الماركات الصيني الأصلي يقارب السويسري بسعر أقل.
بعدين الروليكس بالذات الSubmariner و Datjust في ساعات كتير تشبهها حتى لو مش بقصد التقليد. و عندك مثلاً لو هتعتبرها ماركة يعني الInvicta بتنزل ساعات شبه ال Rolex submariner في جسم الساعة و الأستيك و المينا والعقارب و الإطار :)

سؤالك التاني منين تشتري هوميج:
Product List | Military Time
ده اشتريت منه قبل كده و موثوق

دور في ebay على Parnis Watch هتلاقي كتير و منها شبه الـ U-boat و الرولكس

لو عايز ساعات صيني أوريجينال شوف Beijing, SeaGull, Shanghai, Perpetual

وبشكر حضرتك تانى طبعا وياريت متحرمناش من معلوماتك القيمة :)

العفو و لو عندك أي سؤال اتفضل
بالنسبة للبطارية ما خدتش بالي بصراحة. و موضوع الantireflection ده لو موجود كانوا كتبوه :) بعدين لاحظ في الفيديو اللي فات و غيره الانعكاسات دي لما الكاميرا تكون جايبة الساعة بزاوية (لما وقف الساعة على جنب)

[M7amD_7amDy]

العفو و لو عندك أي سؤال اتفضل
بالنسبة للبطارية ما خدتش بالي بصراحة. و موضوع الantireflection ده لو موجود كانوا كتبوه :) بعدين لاحظ في الفيديو اللي فات و غيره الانعكاسات دي لما الكاميرا تكون جايبة الساعة بزاوية (لما وقف الساعة على جنب)

استفسار أخير ياباشا لو تسمح :)

انا روحت المحل اللى هنا تانى قولت ربما أشوف الساعة التالتة واشوف ايه الاخبار على الطبيعة

المهم لقيتها هناك وكانت البيضا برده زى مايكون البيضا دى قدرى

المهم هى معاها العلبة والكتالوج وسألت على الضمان .. اللى هناك مكنتش تعرف حاجة والمسئول عن الكلام ده مش موجود

وصورتها كام صورة كده وحابب أعرف رأيك وأجبها من هنا ولا لآ؟ وهقولك على السعر بعد ماترد عليا ان شاء الله ( مفاجأة )

رأيى الشخصى : مقارنة بالصور والفيديوهات اللى شوفتها وشوية تفاصيل صغيرة كده بقول انها أصلى جدااا ومش مضروبة ولكن طبعا مستنى رأى حضرتك الأهم :)

دى الصور

[abo_hosni]

واضح إن السعر حلو. طالما انت مرتاح إنها أصلي بعد البحث و التمحيص يبقى اتوكل على الله.

[M7amD_7amDy]

واضح إن السعر حلو. طالما انت مرتاح إنها أصلي بعد البحث و التمحيص يبقى اتوكل على الله.

يعنی من الصور والعلبة والكود والكاتلوج تبقی اصلی مش كده؟

[abo_hosni]

يعنی من الصور والعلبة والكود والكاتلوج تبقی اصلی مش كده؟

لأ مش أكيد كل ده نظرياً ممكن يتقلد، بس انت تحكم لأنك انت اللي شفتها و مسكتها. مش قصدي أحيرك بس أنا طبعي شكاك شوية لحد ما أتأكد. لكن حتى الآن من الصور و مقارنتها بصور على النت واضح أنها لا تثير الشكوك

[M7amD_7amDy]

لأ مش أكيد كل ده نظرياً ممكن يتقلد، بس انت تحكم لأنك انت اللي شفتها و مسكتها. مش قصدي أحيرك بس أنا طبعي شكاك شوية لحد ما أتأكد. لكن حتى الآن من الصور و مقارنتها بصور على النت واضح أنها لا تثير الشكوك

انا معاك طبعا فى كلامك

هو الراجل ده عنده ساعات كاسيو وألبا وأورينت كتيير ومن نظرتى على بقية موديلات كاسيو
كانت زى اللى شوفتها على الموقع بالظبط

المهم انا روحت جبتها خلاص :))))

وسألته ضمانها كايرو تريدنج ؟ قالى لآ دى كانت كذا قطعة كده حالة استثنائية ومتهربين من بره وعشان كده سعرها رخيص والمفروض يبقى تمنها اغلى من كده بكتيير

المهم هى سعرها 300 جنيه :))))) وكانت قبل الخصم 330 :)

طبعا السعر مغرى جدااااا خصوصا انها بتتباع على كذا موقع بـ 1200 جنيه وكان أقل سعر ليها فى موقع نفسك بـ 670 جنيه :)

فرق سعر رهيب بين موقع نفسك وبقية المواقع ويبرر الفرق الرهيب برده اللى اشتريت بيه :)

واللى مطمنى انها بحاجتها كلها وفعلا مفيش اى شيىء يثير الشكوك زى ما حضرتك قولت :)
والحاجة كلها زى الفيديوهات اللى على اليوتيوب بالمللى وحتى الكود زيه بالظبط وشكل العلبة وشكل المخدة والكتالوج والكتابة وكل حاجة
طبعا بخلاف الساعة انها هى بالمللى :)
وفعل الضمان وكتب التاريخ وختم ختم المحل وقالى ضمانها عندى

وأخيرا احب أشكر حضرتك جداا جدااا على إفادتك ومعلوماتك القيمة :)

تحياتى ليك ياباشا :)

[Amr_MO]

الاخ الفاضل ابو حسني

احب استعين بخبرة حضرتك في الساعات علشان اقرر اشتري واحدة معينة من الي هعرضهم على حضرتك

أولا بالنسبة لساعة سيتيزن
Amazon.com: Citizen Men's AU1060-51E Axiom Analog Display Japanese Quartz Silver Watch: Watches

ثانيا بالنسبة لساعة guess
Amazon.com: GUESS Men's U13009G1 Classic Black Diamond Accented Interchangeable Strap Watch: Guess: Clothing

الساعة دي واضع ان دراعها ستانلستيل ولكن في صورة جنبها انها rubber وده مش بحبه بصراحة لاني بدور على الاستانلس، فعاوز اعرف هي ايه بالظبط لأنهم مش موضحين

بالنسبة لساعات كاسيو ففي كذا واحدة منهم داخلة دماغي
الأولى: Casio MTP-1192A-7ADF for Men (Analog, Casual Watch) للبيع في مصر, الإسكندرية, القاهرة. افضل سعر، مراجعة و تقييم | سوق

الثانية: http://egypt.souq.com/eg-ar/ساعة-كاس...رب-5335821/i

حضرتك ترشحلي اي واحدة فيهم بالنسبة للكاسيو، وسؤال برضه بخصوص العقارب الصغيرة الي في الساعة، واضح ان واحد فيهم بتاع الأيام طيب الاتنين التانيين بتوع ايه بالظبط؟

السؤال بقى بخصوص ساعة سيتزين وال guess هل في موقع مضمون مضمون يا ولدي من حيث انه بيبيع الاصلي فقط لا غير، يشحن الساعة دي مباشرة لمصر بدل مصاريف ارامكس وخلافه؟

وفي رأيك ايه هي سلبيات او عيوب كل ساعة منهم

[abo_hosni]

أولا بالنسبة لساعة سيتيزن
Amazon.com: Citizen Men's AU1060-51E Axiom Analog Display Japanese Quartz Silver Watch: Watches

ثانيا بالنسبة لساعة guess
Amazon.com: GUESS Men's U13009G1 Classic Black Diamond Accented Interchangeable Strap Watch: Guess: Clothing

الساعة دي واضع ان دراعها ستانلستيل ولكن في صورة جنبها انها rubber وده مش بحبه بصراحة لاني بدور على الاستانلس، فعاوز اعرف هي ايه بالظبط لأنهم مش موضحين

بالنسبة لساعات كاسيو ففي كذا واحدة منهم داخلة دماغي
الأولى: Casio MTP-1192A-7ADF for Men (Analog, Casual Watch) للبيع في مصر, الإسكندرية, القاهرة. افضل سعر، مراجعة و تقييم | سوق

الثانية: http://egypt.souq.com/eg-ar/ساعة-كاس...رب-5335821/i

حضرتك ترشحلي اي واحدة فيهم بالنسبة للكاسيو، وسؤال برضه بخصوص العقارب الصغيرة الي في الساعة، واضح ان واحد فيهم بتاع الأيام طيب الاتنين التانيين بتوع ايه بالظبط؟

السؤال بقى بخصوص ساعة سيتزين وال guess هل في موقع مضمون مضمون يا ولدي من حيث انه بيبيع الاصلي فقط لا غير، يشحن الساعة دي مباشرة لمصر بدل مصاريف ارامكس وخلافه؟

وفي رأيك ايه هي سلبيات او عيوب كل ساعة منهم

سيتيزن كويسة جداً، حجمها متوسط 40مم . مش هتحتاج تغير بطارية لأنها ecodrive بتتشحن بالضوء. شكلها شيك و تنفع للمناسبات.
عيبها في نظري إنك هتحتاج تحافظ على الإزاز بتاعها كويس من الخدوش لأنه mineral عادي مش ضد الخدش، و في حالة إنك تحتاج تغيره لكثرة الخدوش أو لكسر مثلاً هتدور شوية لحد ما تلاقي إزاز بتاعها لأن له إطار أسود مطبوع على الإزاز.
و الإزاز بتاعها مسطح flat. الأستيك بتاعها لميع من الجناب و مطفي من النص


Guess لا أفضلها بصراحة، مالهاش تاريخ و بتعتمد على إنها fashion brand، كاتبين على الكريستال اللي فيها عند الساعة 12 إنها ألماس حقيقي Genuine diamond، ممكن.
شكلها كويس لكن بالنسبة لجودة الطلاء الأسود مش مضمون قوي. ممكن يتخدش بسهولة أو مع الوقت و الاحتكاك خاصة لو بتلبس قميص بكم هتلاقي اللون بدأ يبهت و يظهر لو الستانلس ستيل أماكن الاحتكاك. الطلاء الأسود أو الذهبي حالياً بيتعمل بتقنية اختصارها PVD و دي بتفرق في الجودة حسب المصنع. في ماركات بيكون الطلاء ده أكثر مقاومة و صلابة من الستانلس ستيل نفسه :) و فيه أنواع بيكون زي ما قلت لك أي كلام
بالمناسبة بالكلام عن اللون الذهبي نصيحة ما حدش يقول لك "مطلي بمية الذهب" و تصدقه إلا لو لقيت على الساعة دمغة بالكلام ده "فيه صور على المدونة عندي". و يوم ما يكون مكتوب بيذكر العيار و سمك طبقة الطلاء بالميكرون. و الطلاء بيتم بالتحليل الكهربي :) اسمه Gold Electro-plating
في حاجات تانية بتبقى ذهب صب أو ذهب خالص Solid Gold filled دي ذهب و بيبقى عليها دمغة برضه.
المكنة بتاعة ساعة Guess أعتقد بتبقى ياباني عادية أو صيني مش واضح تفاصيل عنها.
حجمها متوسط مكتوب قطرها 38مم و ده مايعتبرش كبير يعني لكن معقول كرجالي
الإزاز منحنى شوية domed و مش ضد الخدش
الأستيك بتاعها فيه لميع و مطفي polished & brushed. و ممكن تخلعه بسهولة من الساعة مش محتاج آلة معينة لأنهم عاملين بروزات في السوستة springbar بتاعتها، هتلاقيها واضحة في الصورة اللي من ظهر الساعة. و جاي معاها في العلبة أستيك جلد أسود عشان تبدل بينهم

الكاسيو ماركة معروفة و المكنة ياباني بيتم تقفيل ساعاتها في الصين. العقرب الثالث اللي سألت عليه هو عقرب 24 ساعة، بيكمل لفة كاملة كل 24 ساعة. يعني الساعة 8 بالليل هتلاقيه واقف على 20.
هو يبقى مميز بقى لو كان ينفع تظبطه بصورة مستقلة عن العقارب الأصلية، كده كان هيبقى عندك توقيتين في ساعة واحدة Dual time zone، يعني تظبط العقارب الرئيسية على توقيت مصر و العقرب ال24 على توقيت جرينيتش :) مثلا يعني لو انت مختاجه في شغلك أو بتسافر بلدان كتير.
لكن ده مش متوفر في الساعة دي، العقرب بيديك نفس توقيت العقارب الرئيسية.
الساعتين فيهم نفس المكنة و بيتم ضبط كل وظايفها من خلال الشاكوش crown بس. الحجم 40مم معقول مش صغير و الإزاز برضه منحنى domed و عادي مش ضد الخدش
المينا بتاع الساعة السيلفر في حركة اسمها sunburst بيظهر زي شعاع الشمس لما تحركه قدام عينك (مش عارف أشرحها ازاي)

بالنسبة لناس بتبيع السيتيزن و الGuess و بتشحن لمصر مباشرة:
Citizen Watch Eco Drive Axiom Black Dial Date Steel Bracelet AU1060 51E New | eBay

Men's Black Guess Diamond Watch U13009G1 | eBay

[Amr_MO]

سيتيزن كويسة جداً، حجمها متوسط 40مم . مش هتحتاج تغير بطارية لأنها ecodrive بتتشحن بالضوء. شكلها شيك و تنفع للمناسبات.
عيبها في نظري إنك هتحتاج تحافظ على الإزاز بتاعها كويس من الخدوش لأنه mineral عادي مش ضد الخدش، و في حالة إنك تحتاج تغيره لكثرة الخدوش أو لكسر مثلاً هتدور شوية لحد ما تلاقي إزاز بتاعها لأن له إطار أسود مطبوع على الإزاز.
و الإزاز بتاعها مسطح flat. الأستيك بتاعها لميع من الجناب و مطفي من النص


Guess لا أفضلها بصراحة، مالهاش تاريخ و بتعتمد على إنها fashion brand، كاتبين على الكريستال اللي فيها عند الساعة 12 إنها ألماس حقيقي Genuine diamond، ممكن.
شكلها كويس لكن بالنسبة لجودة الطلاء الأسود مش مضمون قوي. ممكن يتخدش بسهولة أو مع الوقت و الاحتكاك خاصة لو بتلبس قميص بكم هتلاقي اللون بدأ يبهت و يظهر لو الستانلس ستيل أماكن الاحتكاك. الطلاء الأسود أو الذهبي حالياً بيتعمل بتقنية اختصارها PVD و دي بتفرق في الجودة حسب المصنع. في ماركات بيكون الطلاء ده أكثر مقاومة و صلابة من الستانلس ستيل نفسه :) و فيه أنواع بيكون زي ما قلت لك أي كلام
بالمناسبة بالكلام عن اللون الذهبي نصيحة ما حدش يقول لك "مطلي بمية الذهب" و تصدقه إلا لو لقيت على الساعة دمغة بالكلام ده "فيه صور على المدونة عندي". و يوم ما يكون مكتوب بيذكر العيار و سمك طبقة الطلاء بالميكرون. و الطلاء بيتم بالتحليل الكهربي :) اسمه Gold Electro-plating
في حاجات تانية بتبقى ذهب صب أو ذهب خالص Solid Gold filled دي ذهب و بيبقى عليها دمغة برضه.
المكنة بتاعة ساعة Guess أعتقد بتبقى ياباني عادية أو صيني مش واضح تفاصيل عنها.
حجمها متوسط مكتوب قطرها 38مم و ده مايعتبرش كبير يعني لكن معقول كرجالي
الإزاز منحنى شوية domed و مش ضد الخدش
الأستيك بتاعها فيه لميع و مطفي polished & brushed. و ممكن تخلعه بسهولة من الساعة مش محتاج آلة معينة لأنهم عاملين بروزات في السوستة springbar بتاعتها، هتلاقيها واضحة في الصورة اللي من ظهر الساعة. و جاي معاها في العلبة أستيك جلد أسود عشان تبدل بينهم

الكاسيو ماركة معروفة و المكنة ياباني بيتم تقفيل ساعاتها في الصين. العقرب الثالث اللي سألت عليه هو عقرب 24 ساعة، بيكمل لفة كاملة كل 24 ساعة. يعني الساعة 8 بالليل هتلاقيه واقف على 20.
هو يبقى مميز بقى لو كان ينفع تظبطه بصورة مستقلة عن العقارب الأصلية، كده كان هيبقى عندك توقيتين في ساعة واحدة Dual time zone، يعني تظبط العقارب الرئيسية على توقيت مصر و العقرب ال24 على توقيت جرينيتش :) مثلا يعني لو انت مختاجه في شغلك أو بتسافر بلدان كتير.
لكن ده مش متوفر في الساعة دي، العقرب بيديك نفس توقيت العقارب الرئيسية.
الساعتين فيهم نفس المكنة و بيتم ضبط كل وظايفها من خلال الشاكوش crown بس. الحجم 40مم معقول مش صغير و الإزاز برضه منحنى domed و عادي مش ضد الخدش
المينا بتاع الساعة السيلفر في حركة اسمها sunburst بيظهر زي شعاع الشمس لما تحركه قدام عينك (مش عارف أشرحها ازاي)

بالنسبة لناس بتبيع السيتيزن و الGuess و بتشحن لمصر مباشرة:
Citizen Watch Eco Drive Axiom Black Dial Date Steel Bracelet AU1060 51E New | eBay

Men's Black Guess Diamond Watch U13009G1 | eBay

كفيت ووفيت بصراحة مش عارف اشكرك ازاي على المعلومات القيمة دي كلها جزاك الله كل خير

يعني كدة نستبعد ساعة guess طيب بالنسبة لموقع ebay هل البائع الي حضرتك رشحتهولي ده موثوق منه من حيث اني هيبيعلي ساعة اصلية مضمونة متبرشمة بمعنى اصح ومش مستعملة مثلا ولا فيها عيوب ولا غيره وكأني شاريها من التوكيل لأني عارف ان الغش في الموقع كتير والمخاطرة فيه مرتفعة علشان كدة مش بفضل التعامل فيه فايه راي حضرتك؟