ايه افضل حل لانقطاع الكهربا وسعره اقتصادى

[inceptor]

ياجماعة انا الصراحة تعبت من قطع الكهربا اللى زاد عن ساعتين غير ساعتين تانين واكتر كمان حرام كدة

سمعت ان ف حلين للانقطاع يا ups يا موضوع بطارية و محول والشاحن

رايكم ايه احسنهم؟

ممكن نقول اشغل كمبيوتر ، راوتر، مروحة و تلاتة او اربع لمبات موفرة بس كدة

[reda elgohary]

هات ماكينة كهربا ،، من شارع الجمهورية ب 1500 جنيه تعمل باالبنزين وبها بطارية ،، وبصراحة شغالة كويس عند ناس أعرفهم .

[reda elgohary]

ربنا المستعان

[الاستاذ]

مولد

[inceptor]

اول حاجة متشكر ليكم بس انتم نسيتوا انى ف بيت

يعنى لو جبت مولد ده كدة الناس حتطلع تضربنى ده غير ريحة البنزين ولا الجاز اللى شغال بيه

[mahmoud869]

متابع

[Batman372]

ياجماعة انا الصراحة تعبت من قطع الكهربا اللى زاد عن ساعتين غير ساعتين تانين واكتر كمان حرام كدة
سمعت ان ف حلين للانقطاع يا ups يا موضوع بطارية و محول والشاحن
رايكم ايه احسنهم؟
ممكن نقول اشغل كمبيوتر ، راوتر، مروحة و تلاتة او اربع لمبات موفرة بس كدة

افضل حل للبيت و امان و يكفى الغرض هو الانفرتر ...
مشكله المولد فى البيت ازعاجه الشديد و ممكن خطورته لانه به بنزين/زيت ... و تشغيل ساعه محتاج ١.٣ لتر ... يعنى مصروف شهرى فى المتوسط ٢٥٠ جم ... هو ينفع للمحلات او السكن الخاص مثل فيلا .. مزرعه .... و مش اى حد حيعرف يشغله مثل الزوجه او الاولاد ...
صديق لى عنده جار مشاغب جايب مولد و حاطه فى البلاكونه ... و طبعا ازعاج ... السكان عملو له محضر فى القسم و جم صادرو منه المولد و عملو له قضيه ازعاج ...
تحياتى ...

[inceptor]

افضل حل للبيت و امان و يكفى الغرض هو الانفرتر ...
مشكله المولد فى البيت ازعاجه الشديد و ممكن خطورته لانه به بنزين/زيت ... و تشغيل ساعه محتاج ١.٣ لتر ... يعنى مصروف شهرى فى المتوسط ٢٥٠ جم ... هو ينفع للمحلات او السكن الخاص مثل فيلا .. مزرعه .... و مش اى حد حيعرف يشغله مثل الزوجه او الاولاد ...
صديق لى عنده جار مشاغب جايب مولد و حاطه فى البلاكونه ... و طبعا ازعاج ... السكان عملو له محضر فى القسم و جم صادرو منه المولد و عملو له قضيه ازعاج ...
تحياتى ...

شكرا لردك طيب ممكن حضرتك تقولى اجيب مواصفاته ايه الانفرتر والبطارية وماركاتهم وطريقة التشغيل :( ولو حضرتك تعرف الاسعار اكون متشكر ليك وربنا مايقطع عن حد كهربا :( ولكن اعتقد انها دعوة صعبة تتحقق ف اللى بيحصل الايام ديه :(

[Mohamed_abdo]

بالصور.. إقبال على شراء جهاز "أنفرتر" لمواجهة أزمة الكهرباء بالغربية اليوم السابع

[inceptor]

شكرا للينك محمد بس ده موال كبير انا حاعمله ع ادى كدة ، عشان انور
ممكن نقول اشغل كمبيوتر ، راوتر، مروحة و تلاتة او اربع لمبات موفرة بس كدة

بس كدة ف الفكرة نوع الانفرتر وتكلفته والبطارية اجيبها اد ايه ؟

[Batman372]

شوف الموضوع ده حتستفاد منه :

http://www.nilemotors.net/Nile/435676-a.html

[م أحمد]

الانفرتر جهاز يحول التيار المستمر (مثل تيار البطاريات) إلى تيار متردد

يعنى هل يكفى بطارية و انفرتر لتشغيل جهاز تيار متردد .....نعم و لكن ماذا بعد ان تفرغ البطارية شحنتها ؟؟؟

ستحتاج الى شاحن للبطارية يشحنها عند عودة الكهرباء

الحل : جهاز به الانفرتر و الشاحن و البطارية مع بعض و هو ال UPS اختصار (uninterruptible power supply)

مشكلة هذه النوعية من الاجهزة لو الدوائر الكهربية بتاعته مش محترمة... مش هيشغل حاجة فيها مواتير زى الثلاجة (ممكن مروحة عادية)

لو الاحمال اللى انت بتقول عليها انصحك بجهاز UPS 1kva و تراعى التالى

1-عدم تحميل الاجهزة مرة واحدة
2-استبدال البطارية الموجودة فى الUPS بأخرى أكبر منها علشان تزود زمن التشغيل عند انقطاع التيار مع مراعاة الا تزيد سعة الطارية الجديدة عن حد معين حتى لا يحترق الشاحن بعد عودة التيار و قيامه بشحن البطارية من جديد

[inceptor]

شوف الموضوع ده حتستفاد منه :

http://www.nilemotors.net/nile/435676-a.html

شكرا لرد حضرتك لو انت طب اشتريت حاجة قولى نوعها ايه لانى مش عارف الصراحة اشترى انه نوع ويكون سعره ف المعقول برضه

الانفرتر جهاز يحول التيار المستمر (مثل تيار البطاريات) إلى تيار متردد

يعنى هل يكفى بطارية و انفرتر لتشغيل جهاز تيار متردد .....نعم و لكن ماذا بعد ان تفرغ البطارية شحنتها ؟؟؟

ستحتاج الى شاحن للبطارية يشحنها عند عودة الكهرباء

الحل : جهاز به الانفرتر و الشاحن و البطارية مع بعض و هو ال ups اختصار (uninterruptible power supply)

مشكلة هذه النوعية من الاجهزة لو الدوائر الكهربية بتاعته مش محترمة... مش هيشغل حاجة فيها مواتير زى الثلاجة (ممكن مروحة عادية)

لو الاحمال اللى انت بتقول عليها انصحك بجهاز ups 1kva و تراعى التالى

1-عدم تحميل الاجهزة مرة واحدة
2-استبدال البطارية الموجودة فى الups بأخرى أكبر منها علشان تزود زمن التشغيل عند انقطاع التيار مع مراعاة الا تزيد سعة الطارية الجديدة عن حد معين حتى لا يحترق الشاحن بعد عودة التيار و قيامه بشحن البطارية من جديد

شكرا لرد حضرتك بس الجهاز لوحده ب 1900 بعد ما كان 1350 انا عاوز حاجة ف حدود الف او اقل كمان

اعتقد اللى حشتريه انفرتر مش عارف نوع ايه بس قوته ف حدود 1000
بطارية جافة بس مش عارف اجبها كام امبر

واعتقد الشاحن اللى مش عارفله حاجة لحد دلوقت


انا كدة افهم من كلام حضرتك ان لو جبت الجهاز ده حيغنى عن الشاحن و الانفرتر حضطر اجيب بطارية جديدة عشان تعد فترة اطول
طب بالنسبة للماركة لان قريت انه ب 1900

فياريت اى حد عنده معلومات او جابها وتكون موجودة ف السوق لان احيانا السوق لما يلاقى ضغط ع حاجة كله يبيع الحاجات المضروبة للاسف

[Batman372]

شكرا لرد حضرتك لو انت طب اشتريت حاجة قولى نوعها ايه لانى مش عارف الصراحة اشترى انه نوع ويكون سعره ف المعقول برضه

الشكر لك ...
انا لسه ببحث على حاجه تكون معمره مثل النوع الهندى و يكون الموجه بيور ...
لو عايز اقل تكلفه يبقى كنفرتر صينى لوحده ١٠٠٠ وات ب ٣٥٠ + شاحن للبطاريه مستقل ب ١٥٠ + البطاريه ١٠٠ امبير ب ٧٠٠ = اجمالى ١٢٠٠ ... هو حيؤدى الغرض لاحمالك الصغيره (٤٠٠ وات) و تشغله ساعه/ساعه و نصف عند انقطاع النور ثم تقفله و تشحن البطاريه بالكامل عند رجوع النور ... بكده ممكن تحافظ عليه و على عمر البطاريه اطول وقت ممكن ...
ابقى قولنا عملت ايه :)
تحياتى ...

[inceptor]

طب بالنسبة للانفرتر مفيش الا الصينى؟؟ انا الصراحة عارف ارقامهم كلها مضروبة خايف بعد ما اجيبه معرفش اشغل حاجة

انا واقف ع ماركة معينة للانفرتر والشاحن وحتوكل ع الله واشتريه
وياريت يبقى ف اسرع وقت احسن الصراحة المدة عمالة تزيد وصلت ل ست ساعات :(
وكمان كنت عاوز اعرف هو كدة لو مشغل الكمبيوتر من خلال الانفرتر والبطارية ولو النور راح حيفصل ولا حيفضل شغال؟