اللي عمل الليزك يدخل

[elrasy]

اللي عمل الليزك يدخل

عملت ليزك من ٣ ايام و عيني اليمين الزغللة راحت و الرؤية تمام لكن الشمال لسة في حبة زغللة و الرؤية اقل من اليمين ،،، هل دة طبيعي؟؟

[buisnessman]

عملتها فين ومعلش بكام لأني بدولا على مكان أعملها فيه
هل فيه ألم أثناء أو بعد العملية؟

[Ahmed A Rahman]

مراتي عملتها من 3 ايام برضه وحالتها زي حضرتك بالضبط بتاخد وقت عشان يحصل complete healing

العملية اتكلفت 2600 جنيه

مفيش اي الم هو بس تهيج في العين وحرقان بعد اول يوم وخلاص
الحل في مرطبات العين بتتحط كل ساعة او حسب اللزوم

اعتقد في خلال اسبوع الموضوع حيكون افضل

[elrasy]

عملتها فين ومعلش بكام لأني بدولا على مكان أعملها فيه
هل فيه ألم أثناء أو بعد العملية؟

في مركز الليزك للعيون في المهندسين، ب ٢٩٠٠ ج ومفيش الم لكن بيكون في زغللة شديدة اول يوم

رأي استني شوية لما الموضوع يتحسن و اعرفك

[elrasy]

مراتي عملتها من 3 ايام برضه وحالتها زي حضرتك بالضبط بتاخد وقت عشان يحصل complete healing

العملية اتكلفت 2600 جنيه

مفيش اي الم هو بس تهيج في العين وحرقان بعد اول يوم وخلاص
الحل في مرطبات العين بتتحط كل ساعة او حسب اللزوم

اعتقد في خلال اسبوع الموضوع حيكون افضل

اتمني يكون الموضوع التئام و ميكنش في درجة او نص درجة زيادة او ناقص.

[bekatcho]

ما تقلقش كل دة طبيعى ودا نفس الى حصلى
انا عملتها من سنة ونص
ومن بعد العملية ب 4 ايام عشت حياتى طبيعية عادى جدا
امشى انت بس على القطرات ومش تقلق

[ahmedteam]

طبيعى يا باشا متقلقش

التحسن تدريجى هتلاقى يوم عن يوم بيفرق

[SHNORY]

عادي يا باشا الموضوع
وبتاخد فتره علشان تتحسن وتقدر تحكم عليها بعد 6 شهور
انا لما عملتها في اول ابريل كانت العين الشمال ضعيفه شويه
بس قريت انه عادي وسالت الدكتور قالي عادي
وبكل امانه قالي احيانا بتتحسن واحيانا بتفضل زي ماهي
ولما تعمقت قالولي ان فيه حاجه اسمها ليزر تاتش عباره عن عمليه بتتعمل علي السريع كده تظبط العين دي
بس بعد 6 شهور

[buisnessman]

معلش الاسعار دي غريبة شوية 2600 و 2900
ممكن عنوان المراكز دي وتليفوناتها
أنا كل ما أسأل يقولو لي 6000 و5500 وكدة

[Ahmed A Rahman]

Royal Eye شارع السباق مصر الجديدة
بتروح في اي وقت من 10-2 يوم الاثنين والخميس

الكشف والفحوصات في نفس اليوم
لو مينفعش بتدفع 300 جنيه فحوصات وتمشي
لو ينفع بتدفع 2600 شاملة الفحوصات والعملية وبتدخل في 10 دقايق تعملها

[BLOODY_STONE]

موضوع الليزك بسيط جداا ..

و الرؤية بترجع في نفس يوم العملية باليل

كل الفكرة ان الليزك بيعمل حساسية في العين و في عيون بتكون حساسة زيادة شوية

فتدي شعور زغللة خفيفة او حرقان

لكن ده موضوع مؤقت و بيزول بسرعة مع العلاجات ..

خلى معاك قطرة poly fresh دي مناسبة جدا لحالات الجفاف بعد الليزك ..

و اي استفسار انا تحت امركم

دكتور محمد هاني

[elrasy]

طبيعى يا باشا متقلقش

التحسن تدريجى هتلاقى يوم عن يوم بيفرق

عادي يا باشا الموضوع
وبتاخد فتره علشان تتحسن وتقدر تحكم عليها بعد 6 شهور
انا لما عملتها في اول ابريل كانت العين الشمال ضعيفه شويه
بس قريت انه عادي وسالت الدكتور قالي عادي
وبكل امانه قالي احيانا بتتحسن واحيانا بتفضل زي ماهي
ولما تعمقت قالولي ان فيه حاجه اسمها ليزر تاتش عباره عن عمليه بتتعمل علي السريع كده تظبط العين دي
بس بعد 6 شهور

و عينك الشمال اتحسنت بعد اد اية؟

[elrasy]

موضوع الليزك بسيط جداا ..

و الرؤية بترجع في نفس يوم العملية باليل

كل الفكرة ان الليزك بيعمل حساسية في العين و في عيون بتكون حساسة زيادة شوية

فتدي شعور زغللة خفيفة او حرقان

لكن ده موضوع مؤقت و بيزول بسرعة مع العلاجات ..

خلى معاك قطرة poly fresh دي مناسبة جدا لحالات الجفاف بعد الليزك ..

و اي استفسار انا تحت امركم

دكتور محمد هاني

بعد اد اية اعرف اذا كان موضوع عيني الشمال دة ضعف او لا؟

[elrasy]

ما تقلقش كل دة طبيعى ودا نفس الى حصلى
انا عملتها من سنة ونص
ومن بعد العملية ب 4 ايام عشت حياتى طبيعية عادى جدا
امشى انت بس على القطرات ومش تقلق

و حسيت بتساوي العينين بعد اد اية؟

[Secret-Man]

عملتها من سنتين عند دكتور اسلام فى مركز العاصمه للعيون ادام النادى الاهلى مدينه نصر

دكتور محترف وعضو البورد الامريكى وما شاء الله عليه عرف حالتى لان الليزك انواع كتير للعيون مش نوع واحد
كانت عينى محتاجه حاجه اسمها obligation service من عمليات الليزك وخلصهالى فى عشر دقايق العنين وكل عين كانت درجه تركيز من الجهاز مختلفه عين اخدت 35 ثانينه وعين 70 ثانيه كامله