اللي عمل الليزك يدخل

[bekatcho]

و حسيت بتساوي العينين بعد اد اية؟

انا كل شى كان طبيعى معايا فى ظرف 10 ايام او اسبوعين بالكثير
بس حاليا ما اكدبش عليك علشان شغلى واغلب وقتى كمبيوتر وممكن اقعد 12 ساعة يوميا قدامه
عينى الشمال بدات تحرقنى تانى اهم حاجة زى ما قلتلك تمشى على القطرات وهما 3 انواع على ما افتكر
ومش ترهق عينيك اول اسبوع قدام كمبيوتر او تلفزيون او اضاءة جامدة اول اسبوع

[SHNORY]

و عينك الشمال اتحسنت بعد اد اية؟

والله انا محطيتهاش في دماغي والدكتور قالي برضه متحطهاش في دماغك
في كل الحالات المخ بيعاير النظر من العينين مع بعض ولو فيه واحده فيها خلل بيعوضه في الرؤيه
انما انك عمال تغمض عين وتفتح عين فده مش كويس علشان المخ يتبرمج
وبيني وبينك نسيت الموضوع ده فتره
بس من كان يوم غمضت اليمين وببص بالشمال حسيتها احسنت كتير عن الاول

[elrasy]

والله انا محطيتهاش في دماغي والدكتور قالي برضه متحطهاش في دماغك
في كل الحالات المخ بيعاير النظر من العينين مع بعض ولو فيه واحده فيها خلل بيعوضه في الرؤيه
انما انك عمال تغمض عين وتفتح عين فده مش كويس علشان المخ يتبرمج
وبيني وبينك نسيت الموضوع ده فتره
بس من كان يوم غمضت اليمين وببص بالشمال حسيتها احسنت كتير عن الاول

يارب الموضوع يتحسن مع الوقت...
لاني بصراحة موضوع يضايق لما تقارن بجودة النظر ايام النضارة و خصوصا بالليل.

[buisnessman]

يارب الموضوع يتحسن مع الوقت...
لاني بصراحة موضوع يضايق لما تقارن بجودة النظر ايام النضارة و خصوصا بالليل.

معلش ان شاء الله الموضوع يتحسن وانا مستني رأيك في العملية عشان عاوز اعملها
ويا ريت تقوللي عملتها فين؟
ممكن تبعت لي على الخاص نظرك كان كام قبل العملية

[elrasy]

معلش ان شاء الله الموضوع يتحسن وانا مستني رأيك في العملية عشان عاوز اعملها
ويا ريت تقوللي عملتها فين؟
ممكن تبعت لي على الخاص نظرك كان كام قبل العملية

نظري كان -٥ للعنين
عملتها في مركز الليزك للعيون بالمهندسين

رأي استني شوية لان الموضوع لو فضل كدة هتبقي النضارة احسن مليووووون مرة.

[elrasy]

النهاردة اول مرة اسوق باليل بعد العملية

مستوي و جودة النظر بالليل بعد العملية زي الزفت.....
يارب يكون في تحسن مع الوقت.

[bekatcho]

النهاردة اول مرة اسوق باليل بعد العملية

مستوي و جودة النظر بالليل بعد العملية زي الزفت.....
يارب يكون في تحسن مع الوقت.

نصيحة استنى شوية على السواقة بليل
علشان عينيك والاضاءة

[ashouhdy]

انا عاملها و الحمد لله و الفضل لة من 10 سنين

و قعدت مزغلل باليل برضوا 6 شهور و تقريبا اتعدلت تماما بعد سنة

بس خدوا بالكم بتفرق انت كنت سالب كام قبل العملية و الاستيجماتيزم كان كام

كل م الارقام كبيرة فترة الزغلغلة بتزيد.

انا كنت سالب 5 و نص في الاتنين.

Sent from my SM-C115 using Forum Runner

[mado83]

طب ياريت نعرف ايه افضل مكان ممكن الواحد يروح يعمل فيه العمليه

[أبو_يوسف]

ممكن استفسار يا جماعة
انا سمعت ان النظر بيرجع يضعف تاني بعد فترة وتحتاج تعمل العملية تاني
الكلام دا صح ولا غلط؟
وهل العملية فيها خطورة ؟

[SHNORY]

ممكن استفسار يا جماعة
انا سمعت ان النظر بيرجع يضعف تاني بعد فترة وتحتاج تعمل العملية تاني
الكلام دا صح ولا غلط؟
وهل العملية فيها خطورة ؟

بص يا باشا وركز معايا
فيه ناس نظره بيفضل يقل طول عمرهم
وفيه ناس نظرهم بيقل ويرجع يثبت عند سن 21 ميقلش اكتر من كده ودول انا منهم نظري قل مره وخلاص علي كده
نيجي للناس التانيين بقي الي نظرهم في ضعف مستمر
تحيل ان واحد فيهم نظره وصل في 30 سنه ل-12 او اكتر وعمال بيقل
طبعا حياته بقت ضباب من غير النضاره
في الحاله دي بيعمل العمليه وبيبقي نظره سليم وبيعيش مرتاح نفسيا
ولما بعد 20 ولا 30 سنه تانيين نظره يوصل -12 يبقي يحلها ربنا
ويعمل العمليه تاني

[buisnessman]

طيب هل علاج الزغللة بعد العملية يكون بلبس نظارة مثلا لفترة مؤقتة ولا لا والواحد يمشي كدة مزغلل ؟

[elrasy]

٦ شهور زغللة ..... كتير اووووي

ربنا يصبرنا

[SHNORY]

طيب هل علاج الزغلله بعد العملية يكون بلبس نظارة مثلا لفترة مؤقتة ولا لا والواحد يمشي كدة مزغلل ؟

٦ شهور زغلله ..... كتير اووووي

ربنا يصبرنا

الزغلله مؤقته كام يوم بس
وبتبدا تقل
فرق الرؤيه من عين للتانيه هو اللي بياخد شهور
ومتحاولش تعوضه بنضاره علشان العين متتعودش عليه وميروحش
والعادي ان العين يكون فيها ربع او نص زياده او ناقص بعد العمليه

[elrasy]

الزغلله مؤقته كام يوم بس
وبتبدا تقل
فرق الرؤيه من عين للتانيه هو اللي بياخد شهور
ومتحاولش تعوضه بنضاره علشان العين متتعودش عليه وميروحش
والعادي ان العين يكون فيها ربع او نص زياده او ناقص بعد العمليه

ربنا يطمنك

بكرة هحاول اكشف عند دكتور تاني و اشوف الفرق كام بالظبط