هجنن من التفكير

[MohamedAbo]

السلام عليكم يا شباب


مش قادر آخد قرار لحد ألان .... عرض شغل من إنجلترا لزوجتي 3 سنوات ... ما العلم أننا كنا عايشين هناك 6 سنوات قبل كدا .. اللمشكلة انا حاليا ودانا مستقر في مصر وبصراحة السفر مش هيفيدنا بحاجة .. ماديا هنا أفضل وانا هطر أدور علي شغل هناك ودة مش صعب ومش سهل ... المشكلة اني عندي عيادة وعضو هيه تدريس في كلية الطب والعيادة كويسة جداً ...
انتم كلكم عارفين حال البلد بس تطور الشغل هنا أفضل ... الميزة بره هيا تعليم الولاد والعيشة الحلوة ... بس اللواحد مش هياش برة طول عمرة ولازم هيرجع في وقت ما... أصحابي المقربين بيكلولي متسافرشي لانك اسمك هنا كويس .... حيرة جامد وانا مش عارف أعمل آية ...


إيه رايكم ... بصراحة أنا حاسس اني بكلم ما اخواتي ... وهجنن من التفكير ..أهد كيان جاهز ولا أروح للمجهول برة .. أنا أعرف إن كل شي بايد ربنا بس في حاجات مكن الواحد يعملها تبوظ عليه حياته .. رايكم ودعواتكم...

[أحمد كمال]

سافر و خطط انك ترشق و ما ترجعش تاني ....... لو ما عملتش كده ..... بكرة هتندم

[islam_lee]

أول حاجه .. ما تجننش ^^ ..
ما دام ربنا كارمك هنا . يقى هنا أحسن ..
و تربيه الأولاد من وجهة نظري هتا أفضل بكثير ..
و في الأخير .. الذي لا ينطق عن الهوى .. قال "ما خاب" من إستخار ,,
صلاه إستخاره .. هتاخدك من إيدك للي فيه الخير ,,

[amr011111]

الأفضل خليك فى مصر
السبب الأول أنك تربى ولادك هنا
متفاجئش ان بنتك عارفه بوى فريند والكلام ده وانت عارف الوضع بره

السبب التانى
طالما ليك شغلك الخاص فتقدر تعيش هنا فى مستوى كويس

[Adnfalcon]

خلي الهجره للشباب اللي مش لاقيين سكه هنا ف مصر ولا شغل ولا مشغله
حياتك هنا حلوه ما شاء الله اتمسك بيها

[minicooper20]

سافر و خطط انك ترشق و ما ترجعش تاني ....... لو ما عملتش كده ..... بكرة هتندم

و ليه هيندم لو معملش كده
مش شايف ان فى عنصريه كليره شويه فى انجلترا بالنسبه للعرب
و عنصريه مقرفه شويه

[hugan]

طالما وضعك في مصر يسمح لك بحياه كريمه ومريحه ومستقره
يبقي ماتسافرش
غير للفسحه

[#MAAM#]

أنا رأيي مكانك في مصر أفضل

[الاسد المهاجر]

ادام وضعك الاجتماعي كويس وماشاء الله عيادتك كويسة لبقي خليك في بلدك

[أحمد كمال]

الوضع في مصر فيه مشاكل حتى وضعك المادي ما يقدرش يحلها


المشاكل الامنية من سرقة سيارات و تثبيت و بتاع (و محدش يقول لي ما بتحصلش !!!!)


قطع الكهرباء


قطع المياه (اسال اي واحد صاحبك او قريبك ساكن في القاهرة الجديدة)


التعليم


الفساد الاداري (روح اي مصلحة خلص ورق و وريني هتخلصه في قد ايه بدون او برشوة) .......

الخ الخ الخ


انفد بجلدك


و الله يكرمك ....... ما تسمعش نصايح من الناس اللي ما شافتش العيشة برة غير في التليفزيون و بالذات في المسلسلات العربي !!!

[minicooper20]

ههههههههههههه
فى ناس هنا معتبره ان هى الوحيده السافرت بره و فاهمه فى الغربه كويس و فهما طبيعه الشعب الانجليزى او الاوربى بشكل عام
و شايفه كل سبل النجاح متوفره
و شايفين ان باقى الناس ماسفرتش بره و لا اتعاملت و لا شافت و لا اتعرض عليها اوفرات برضو عادى
و كل المنتدى مشاء الله شاف السفر فى المسلسلات العربيه و التلفزيون
و تلاقى فى باسبورات متدقش فيها فيزا بنها بس كولو بالحب بيمشى ما علينا
عمتن احب برضو اقلك امتا راجل كنت عايش هناك ٦ سنين و تقدر تقرر كويس جدا مصيرك و مصير ولادك و مصير مراتك و البزنس النتا فاتحو هنا
بس انا نصيحتى هتسافر قد ما هتسافر و مسيرك هترجع
لو التفكير مادى فقد و هنا انتا مرتاح فا خليك
اما لو التفكير فى عيشه انضف و نظام و كل الحجات الحلوه دى فا فى عيوب كتتتتتتتير اوى قدام ده
و خصوصا ليك كا عربى
تحياتى

[msobhy]

اهروب يا ولد ...... أهروب
مع احترامى لحضرتك الشديد انت ولا ليك احترام ولا قيمه ولا حتى كرامه
من اللى فهمته ان حضرتك دكتور ........ يعنى شخص متعلم ......... وشخص محترم ............ انا اسف يعنى لازم تاخد على قفاك (انا باعتذر بشده لحضرتك على اللفظ)

هنا انت بتتعامل مواطن درجه تالته بدون اى حقوق - بره هاتتعامل معاملة مواطن درجه تانيه بس ليك حقوق
الدنيا بره مصر مش وردى زى ما اغلب الناس متخيله - لكن بعد 3-5 سنين من الاقامه خارج مصر اتحداك لو قدرت تعيش فى مصر 3 شهور بشكل متواصل

حضرتك يا دكتور ...... يا محترم يا متربى وأهل صرفوا وزنك فلوس ...... ممكن تحصل لحضرتك مشكله مع امين شرطه ويخطف منك الموبايل ويمنعك من انك تستنجد بحد وساعتها اتفرج انت ممكن يتعمل فيك ايه

حضرتك يا دكتور ممكن تتثبت انت مراتك وأولادك الساعه 11 الظهر على طريق مصر اسكندريه وتتاخد عربيتك ومحدش يتحرك ولا يعمل حاجه (تجربة احد الاعضاء للأسف)

بما انك دكتور طبعا عارف ايه اللى بيحصل فى المستشفيات ونظام العلاج فى مصر

أما بخصوص الطرق والمواصلات فأكيد انت عارف النظام الشديد اللى 99% من المصريين بيتبعوه وممكن تلاقى واحد ماشى عكس داخل فى عربيتك وبيسب لك ميت مله وبيقولك مش تفتح يا ابن .........................

منظومة التعليم الرائعه

منظومة الغذاء والزراعه

منظومة الطاقه والكهرباء والمحروقات

كل الكلام ده لازم يخليك تفكر الف مره قبل ما تسيب مصر

خلاصة الكلام تقدر تعيش بره مصر حياه كريمه انت وأولادك يبقى بجد انت خساره فى البلد ديه
بخصوص ان فيه ناس بتنصحك انك تسيب الفرصه لغيرك - ده كلام مش صحيح - غيرك غير مؤهل للفرصه ديه بالاضافه انه مؤهل انه يفضل فى مصر علشان يت........................

عايز تقعد فى مصر يبقى لازم يكون متوسط دخلك الشهرى فوق ال 100.000 جنيه
على فكره الرقم 100 الف مش 10 الاف
وتعمل حسابك انك تصرف من 100.000 على الاقل 60.000 علشان محدش يعرفك مقامك وأنك مجرد دكتور

[dr_click]

المدام و الولاد يسافروا و حضرتك تقعد بينا هنا و هناك سنة، في خلال السنة تشوف الدنيا هنا و هناك ماشية ازاي و تقرر

[drcobra]

نفس حالتك تقريبا
كنت خلاص هاسافر ايرلندا فى 2008 بس بسبب الازمة المالية العالمية لغيت السفر واتجوزت بفلوس السفر

الحمد لله ربنا كرمنى والشغل تمام وعندى عيادتين مش واحدة
بس عندى اكتئاب من حالة البلد
كل فترة يجيلى هاجس هجرة استراليا او كندا

كل اللى ناقصنى كورس انجليزى واقدر اهاجر بس الحيرة هتجننى

ربنا كرمنى هنا بس الناس مبتسبش حد فى حالة احوال البلد من سيئ لاسوأ

[medo_31]

شوف يا باشا انت الوحيد اللي تقدر تقرر تسافر أو لأ ,وده يتوقف على الهدف أو الأهداف من السفر سواء مادية أو معنوية
يعني لو رايح علشان فلوس حضرتك بتقول إنك مستقر مادياً يبقى نلعلم على الفلوس ونلغيها من حساباتنا وهكذا
ومن الواضح وانت بتكتب إنك مش ميال للسفر والدليل موضوعك ده فاستخير ربنا وإن شاء الله يوفقك للقرار الصحيح