هجنن من التفكير

[SeiffoZ]

الاحسن انك تسافر وتكون هجرة يعنى تسافر هناك وتنزل اجازات بس


الحياة هناك ارخص كتير من هنا مقارنة بالدخل طبعا و فى بعض الحاجات هناك برضه ارخص من هنا فى السعر بدون مقارنة الدخل .

هناك فى أمان اكتر من هنا مليون مرة .

هناك فى قوانين بتمشى على الكل سواء غنى او فقير وزير او غفير .

البلد انضف كتير فى الاخلاق اولا و فى البنية التحتيه والمواصلات و الأكل والشرب ده حتى الهوا انضف

التأمين الصحى هناك مجانا و يعتبر افضل تأمين صحى فى العالم .

التعليم هناك افضل 100 مليون مرة .

هناك فى حاجه اسمها freedom of speech ( حرية التعبير ) ودى هنا مش موجودة

توكل على الله وسافر

هناك لو انت فعلا دكتور ناجح واجتهدت ممكن تبقى احسن دكتور فى العالم وحتلاقى الدولة بتساعدك

هنا لو انت اجتهدت ابن العميد او رئيس القسم حياخد الدكتوراة قبلك .

مع احترامى ليك يا باشا ...

بس انجلترا بالذات مش ارخص خالص .... هنا ارخص كتير.





الى صاحب الموضوع، سيبك من الكلام اللى بتسمعه عن الفرق بين المعيشتين والكلام اللى لا يودى ولا يجيب ..

فى ناس ملقتش سعادتها غير فى العيشة فى افقر الاماكن "الصومال وتنزانيا مثلا" ، الفرق انت عايز تعمل ايه في حياتك. ؟؟؟

والسؤال الاهم، هل عندك استعداد انك تضحي بطموحك عشان طموح مراتك؟؟؟

ده السؤال

[Ahmed abdkarim]

مع احترامى ليك يا باشا ...

بس انجلترا بالذات مش ارخص خالص .... هنا ارخص كتير.





الى صاحب الموضوع، سيبك من الكلام اللى بتسمعه عن الفرق بين المعيشتين والكلام اللى لا يودى ولا يجيب ..

فى ناس ملقتش سعادتها غير فى العيشة فى افقر الاماكن "الصومال وتنزانيا مثلا" ، الفرق انت عايز تعمل ايه في حياتك. ؟؟؟

والسؤال الاهم، هل عندك استعداد انك تضحي بطموحك عشان طموح مراتك؟؟؟

ده السؤال

مع احترامى لحضرتك حتى انجلترا ارخص من هنا وكان فى نقاش سابق بينى وبين العضو توت
ممكن تقرأة هنا

http://www.nilemotors.net/Nile/429528-a.html

انا مع حضرتك ان السعادة ملهاش علاقة بالدخل وبالمكان بس اكيد السعادة مش فى المكان اللى الهواء والميه فيه ملوثين . المكان اللى الواحد بيشقى طول النهار علشان يدوبك يجيب الاكل اللى لما ياكله حيجيله سرطان ولما يروح يتعالج حينتظر سنة علشان يتعالج على نفقة الدولة و يترمى فى مستشفى مليانه صراصير و قطط وكلاب و لما يدخل يعمل العملية الدكتور ينسى المقص فى بطنه ولما يرفع قضيه على الدكتور يفضل خمس سنين فى المحاكم و فى الاخر ياخد تعويض 100 جنيه و الدكتور يكون خاله لواء كبير و يعمله مشاكل و يبهدله فى الاقسام و يظهر فيديو له و هو بيتعذب فى القسم .


ياااااه هى ده السعادة

[عبدالحكيم]

أسأل الله أن ينوّر بصيرتك يا دكتور وأن يشرح صدرك لما فيه الخير في دينك ودنياك..

[SeiffoZ]

مع احترامى لحضرتك حتى انجلترا ارخص من هنا وكان فى نقاش سابق بينى وبين العضو توت
ممكن تقرأة هنا

http://www.nilemotors.net/nile/429528-a.html

انا مع حضرتك ان السعادة ملهاش علاقة بالدخل وبالمكان بس اكيد السعادة مش فى المكان اللى الهواء والميه فيه ملوثين . المكان اللى الواحد بيشقى طول النهار علشان يدوبك يجيب الاكل اللى لما ياكله حيجيله سرطان ولما يروح يتعالج حينتظر سنة علشان يتعالج على نفقة الدولة و يترمى فى مستشفى مليانه صراصير و قطط وكلاب و لما يدخل يعمل العملية الدكتور ينسى المقص فى بطنه ولما يرفع قضيه على الدكتور يفضل خمس سنين فى المحاكم و فى الاخر ياخد تعويض 100 جنيه و الدكتور يكون خاله لواء كبير و يعمله مشاكل و يبهدله فى الاقسام و يظهر فيديو له و هو بيتعذب فى القسم .


ياااااه هى ده السعادة

خطيبتى بريطانية :) ... لتر البنزين ب2 استرليني ... التاكسي هناك اغلى من هنا .. الايجار هناك اغلى من هنا كتير .... الدكاترة، العصير هناك العلبة ب 3 استرليني .. علبة الكشرى فى محل فى لندن ب5 استرليني .. و طعمه زبالة كمان. و المفارقة كمان ان الفنادق فى لندن ارخص من برا لندن .. بريستول مثلا اغلى.... مصر ارخص كتير كتير وممكن 1000 جنيه لو انت شاب ومش بتصرف على حد تعيش كويس فى الشهر.


بلاش افوره جامدة قوى كده ... انت ممكن هناك يجيلك سرطان بردو ... لو سعادتك فى الفلوس وانك اضيع عمرك عشان تجيب فلوس لاولادك يبقى عليك وعلى الخليج او كردستان العراق.

[MohamedAbo]

أراكم كلها مفيدة وصح ... ربنا يكرمكو جميعا ... السفر فقط علشان تعليم الأولاد بصراحة ... بصراحة رغم كل إلي في بلدنا بس انا حابب اعيش هنا .... المشكلة إنف شفت ولادي برة مصر كانووة اية ودلوقتي بقوا إيه ... ما زلت بقول الغربة ليها تمن ... أقلوقوا حاجة النهاردة جتلي عرض وظيفة هناك ... السعادة في راحة البال ودي ممكن تكون في أي مكان .. عموما لسة شهر نفكر ونستخير... أنا شايف بوادر عمل في مصر .. واتمني أكمل هنا ..


الموضوع مش طموحي ولا طموح زوجتي ... المهم نجاح الاسرة كلها ..


تحياتي

[Ahmed abdkarim]

خطيبتى بريطانية :) ... لتر البنزين ب2 استرليني ... التاكسي هناك اغلى من هنا .. الايجار هناك اغلى من هنا كتير .... الدكاترة، العصير هناك العلبة ب 3 استرليني .. علبة الكشرى فى محل فى لندن ب5 استرليني .. و طعمه زبالة كمان. و المفارقة كمان ان الفنادق فى لندن ارخص من برا لندن .. بريستول مثلا اغلى.... مصر ارخص كتير كتير وممكن 1000 جنيه لو انت شاب ومش بتصرف على حد تعيش كويس فى الشهر.


بلاش افوره جامدة قوى كده ... انت ممكن هناك يجيلك سرطان بردو ... لو سعادتك فى الفلوس وانك اضيع عمرك عشان تجيب فلوس لاولادك يبقى عليك وعلى الخليج او كردستان العراق.

انا عمى عايش فى دبلن فى ايرلندا و مراته انجليزية و انا كنت حسافر هناك و درست موضوع الاسعار بشكل كويس

الاسعار هناك فى حاجات كتير ارخص من هنا الاكل برضه ارخص الفرخة ب 2-3 باوند
الكشرى غالى لانه اكل اجنبى زى مثلا السوشى فى مصر غالى لانه اكله اجنبية .

الفنادق هناك مش اغلى قارن مثلا شيراتون هنا وشيراتون هناك

وفى هناك حاجات اسمها motel دى رخيصة جدا ونضيفه

اكيد طبعا ممكن يجيلى سرطان هناك بس هناك مش حاكل اكل مسرطن و حتى لو جالى حلاقى مكان نضيف اتعالج فيه ببلاش و اتعامل فيه معاملة أدمية وانا بتعالج .

لو انت شاب لسه بادئ حياتك فى مصر وزى ما انت بتقول مش حتعرف حتى تدفع ايجار الشقة

انما هناك بال 1000 استرلينى حتدفع الايجار و تاكل وتشرب كويس وتتعالج كويس و تركب مواصلات نضيفه . ده لو مرتبك 1000 استرلينى وده لو انت شغال كاشير مثلا .

ده طبعا غير الديمقراطية والعدالة وانك مثلا لو حصلك مشكلة مع رئيس الوزراء حترفع عليه قضية ولو ليك الحق حتكسبها . مش بس رئيس الوزراء لو الملكة نفسها .

[MohamedAbo]

شكرا يا أحلي منتدي
أناعشت هناك 8 سنوات قبل كدة .. هيا المشكلة اني مش عايز أسافر لاني مستقر هنا ولازم هرجع في يوم من الأيام لمصر .. إما الموضوع في تعليم الولاد ..لاهي
فسح ولا عيشة حلوة ..... لان كل شي لية تمن ... غالبا مش هسافر .. لسه بفكر وهستخير