نادي الجزيره يقوم بتسميم القطط ووضربهم بالعصيان حتي الموت

[zorg]

دعوة لمقاطعة نادى الجزيرة
تبدء حقوق الانسان عندما يحترم الانسان حقوق الغير

[Adnfalcon]

لو صح الخبر اذن هم فالنار

[محمد يوسف]

حاقاطع نادى الجزيرة طبعا

ده أنا حتى زهقت من التى بارتى ع البول مع أونكل الجنزورى

ياللا بقى... أغير شوية وأروح الصيد عشان أعيش شوية زى الناس البيئة

[Bassem Youssef]

ارفض هذا التصرف الوحشي و لكن

في قطط معندهاش دم فعلا -_-

بتبقي عايز تولع في امها بس مبتقدرش

[aif]

شيء بشع وضد كل القيم الإنسانية والاخلاق والدين
حسبي الله ونعم الوكيل
..
بس نقاطع نادي الجزيرة ازاي ؟ .... دول هما اصلا مقاطعين 99% من الشعب
مفروض يبقي فيه حملة لمحاكمتهم ومعاقبتهم داخليا وخارجيا
لو حد عمل كدة في اوروبا منظمات الرفق بالحيوان ممكن تسجنه

[M!SHO]

والمفروض انه من ارقي نوادي مصر

[zorg]

كانو جايبين تقرير على التليفزيون وسمعت ان هيبقى فيه وقفة احتجاجية ضد النادى ده
بس لسة متاكدتش واكيد لو اتاكدت فعلا هروح اقف ضد هذا السلوك الوحشى
على الاقل الواحد لازم يشارك ويحاول يغيير ويهذب سلوكيات ناس كتير فاكرين اللى بيعملوه رقى وشطارة وفهلوة لازم يفهمه ان اللى بيتعمل ده المجتمع هيرفضه ويحاربهم ولو على الاقل بوقفة

[J A G U A R]

عالم معندهاش رحمه

[Mostafa.Mahran]

ده الواحد بيفرمل خطر و ممكن يخبط العربية بس ميخبطش قطة

ربنا ينتقم منهم

[minicooper20]

ياااا
نوادى كتير بتعمل كده ده غير قتل الكلاب و حجات كتير
حسبى الله و نعم الوكيل
دول بس الحظهم وحش انهم اتقفشو
لاكن كل يوم فى من ده
و السلاخانه و المدبح هناك فى مجازر

[mr_vampire]

شعب اسهل حاجة عنده بقي القتل وبيتخانق فالشارع وممكن يقتلو بعض علي اولوية المرور او الركنات او جنيه ناقص من اجرة التاكسي. غير الدم اللي بيسال بقاله سنة. لن ولن ولن يتحرك لقتل قطط.

[exelence]

الانسان مش قادر يتعايش مع اى حيوان عايش حواليه كأنه عدوه
اذا كنا مش قادرين نتعايش مع بعض و احنا بشر هنتعايش مع الحيوانات

[4fun14]

هههههههههه
هو الانسان نفسه ليه قيمه لما تعمل قيمه لقظه؟

[الاسد المهاجر]

والله الزمن ده نتوقع فيه اي حاجه اذا كان الانسان رخيص لبقي القطط ايه
منهم لله والله الواحد ممكن يعمل حادثة جامده بس يفادي قطه

[moody_687]

تأكد من يرفق بحيوان ويعتني به يرفق الله به ف حياته
قتل القطط بالطريقة دي يؤدي الي خلل ف منظومة البيئة لو القتل عمم ع مستوى الجمهورية ده من الناحية العلمية
اما من الناحية الاخلاقية والرحمة اللي اوصانا بها الرسول (ص) فأحنا شعب والله يستاهل اللي هو فيه ولا عمرنا هنتقدم ولا هنكون ناس متحضرة وان كانت القلة منه متحضرين وعندهم رحمة بأي حيوان ع الارض
احلى حاجة اشوف الانسان المصري يقولك اخيه ايه ده انا بقرف من الحيوان مقدرش المسه ده يوسخني وهو تلاقيه من جوه معفن
بص ف اي كافيه مفتوح هتلاقي قطط ممكن تلاقي واحد يضرب القطة برجله وواحد تانى يديها حتة اكل من اكله
اى حيوان تشوفه يحب ان حضرتك تعطف عليه
واعطف عشان ربنا يعطف عليك ف حياتك ويمن عليك بنعمه
فمن يرحم يرحم ومن لايرحم فلا يرحم