نادي الجزيره يقوم بتسميم القطط ووضربهم بالعصيان حتي الموت

[د.محمود صلاح]

كانو صادوهم وابعدوهم في الزراعات مثلا

[Medo007]

معندهمش دم , دي القطط دي روح يعني بتحس بكل حاجة , انا مرة كنت خارج رايح مشوار مهم ولقيت قطة لسة مولودة وسامع صوتها طول الطريق بتنونو , ابص مش لاقيها فالعربية خالص وسامع صوتها , رحت للميكانيكي وفك الكرتيرة لقاها جوه الكرتيرة وطلعناها وركبت ومشيت , ومرة قطة عدت من قدامي فرملت جامد والعربية اللى ورايا كانت هتخبطني ,بس كانت خلاص اتخبطت يعني عدت من العجلة الاولانية والتانية كانت اتدهست للاسف , نزلت لقتها بتحتضر وكنت حزين طول اليوم ومش ناسي لحد دلوقتي منظرها وهي بتفرفس ومش قادرة تقوم

[Abo Yasso]

معندهمش دم , دي القطط دي روح يعني بتحس بكل حاجة , انا مرة كنت خارج رايح مشوار مهم ولقيت قطة لسة مولودة وسامع صوتها طول الطريق بتنونو , ابص مش لاقيها فالعربية خالص وسامع صوتها , رحت للميكانيكي وفك الكرتيرة لقاها جوه الكرتيرة وطلعناها وركبت ومشيت , ومرة قطة عدت من قدامي فرملت جامد والعربية اللى ورايا كانت هتخبطني ,بس كانت خلاص اتخبطت يعني عدت من العجلة الاولانية والتانية كانت اتدهست للاسف , نزلت لقتها بتحتضر وكنت حزين طول اليوم ومش ناسي لحد دلوقتي منظرها وهي بتفرفس ومش قادرة تقوم

نفس اللى حصل معايا قبل كده وفضلت نفسيتى بايظه اسبوع مثلا
كان ممكن يصطادوهم ويرموهم فى اى حته ده لو كان عندهم قلب او حتى دم
حسبى الله ونعم الوكيل

[محمد يوسف]

كانو صادوهم وابعدوهم في الزراعات مثلا

زراعات ايه يادكتور... نادى الجزيرة ده فى الزمالك مش فى بنها

[عبدالحكيم]

نرجو من كل شريف محب لهذه الكائنات البريئة أن لا تأخذه في الله لوم لائم وأن يفضح نادي الجزيرة ويقاضيه جنائياً

[الاسد المهاجر]

ربنا ينتقم من كل واحد يقذي حيوان يعني مش كفايه من ٢٠١١ لحد الان قتل الناس هيسيبو الناس بعد ٣ سنين قتل وعيشه قرف ويقتلو كمان حيوان ضعيف ميقدرش يدافع عن نفسه

[Mecha]

جابولهم سمام الكلاب ؟؟؟
فيه حاجه غريبه دول سمموهم
مش جابوا حد يلمهم ويبيع لحمهم كباب

[Mecha]

بس عرفوا ازاي يضربوهم بالعصي
دا البس سريع او جابوا واحد كفرتي

[medo_31]

دا أنا من كام يوم ماشي بالعربية فاديت قطة بتعدي الشارع لكن اللي ورايا خبطها وفضلت تتقلب في الشارع معرفتش انام يومها من المنظر فما بالك باللي يسم العدد ده حرام دي مهما كان روح برضه

[محمد يوسف]

بس عرفوا ازاي يضربوهم بالعصي
دا البس سريع او جابوا واحد كفرتي

طب البس وفهمناها...ايه بقى كفرتى دى؟

[mmolazem]

شعب اسهل حاجة عنده بقي القتل وبيتخانق فالشارع وممكن يقتلو بعض علي اولوية المرور او الركنات او جنيه ناقص من اجرة التاكسي. غير الدم اللي بيسال بقاله سنة. لن ولن ولن يتحرك لقتل قطط.

صح . . مطلوب تفعيل دولة القانون ) :

ماشاء الله . . القانون بقى له دوله كمان ؟؟

[Mecha]

طب البس وفهمناها...ايه بقى كفرتى دى؟

كفرتي يعني واحد قلبه عديم الرحمه
بعصايه قتل البس
من قفر

[محمد يوسف]

كفرتي يعني واحد قلبه عديم الرحمه
بعصايه قتل البس
من قفر

تقصد كافر يعنى؟

[hilal]

تقصد كافر يعنى؟

اعتقد يا أستاذ محمد أن الكلمة ليس لها علاقة بالكفر
وانما هي كلمةعربية فصيحة
فالارض القفر هي الرض الجرداء التي لا زرع فيها ولا ماء
والانسان القفر هو الذي لا يوجد في قلبه أي لمسة من الرحمة
تحياتي

[محمد يوسف]

اعتقد يا أستاذ محمد أن الكلمة ليس لها علاقة بالكفر
وانما هي كلمةعربية فصيحة
فالارض القفر هي الرض الجرداء التي لا زرع فيها ولا ماء
والانسان القفر هو الذي لا يوجد في قلبه أي لمسة من الرحمة
تحياتي

شكرا د.هلال للتوضيح والافادة .. وشكرا للأستاذ mecha