مشكلة مع خطيبتي المحترمة جدا ...

[FAR!D]

بلاها أستاذ او دكتور
ياعم انت صاحب الموضوع حرام عليك البنت اللي كل واحد رد عليك تخيل الاول جسمها و امكانيتها الانثويه و بعدين رد عليك كيفما يفضلها
احنا مش دكاترة يادكتور
فعلا العلم مالوش علاقه بالعقل
لو سمحت عمل تقرير مشاركه واطلب حذف الموضوع رحمة بك انت اولا لاني لو شفتك تاني في اي موضوع حفتكر انك اللي خطيبتك رفيعه و مفهاش امكانيات
و رحمة بالبنت نفسها

[mk3]

اميل لوجهه نظر انسانة
اكيد الرفع مبالغ فيه والخاطب مش واخد فى باله...كان معانا فى الكليه واحده حلوه جدا شعر اصفر وعين خضراء وكانت رفيعه جدا واتخطبت وكانت حماتها المستقبليه شبه بتأكلها

[احمد المصرى]

هو انت ال هتتجوز ولا مامتك يعنى رفيعه او مليانه انت ال هتتجوز وانت شايفها كويسه ولا مش دخله دماغك يا باشا حدد انت عايز ايه وخليك قد كلمتك بنات الناس مش لعبه

[mesaharaty]

غريبة جداً الحكاية دي
المفروض الست الوالدة تكون عارفة ومتأكدة من انها بعد الجواز هتطخن وبعد الخلفة هتطخن تاني وتالت وهلما جرااااااااا

ومش هتلاحق علي مصاريف الاكل والشرب

وهتتمني انها ترجع الي ما هي عليه الآن

عندي احساس ان الست الوالدة بتتحجج باي حجة "وفي سبب تاني لرفضها هي مش عايزة تصارحك بيه"والله اعلم

لو انت واثق في البنت ومرتاحلها ومرتحالك وحسنة الخلق واللسان وطيبة القلب

توكل علي الله وصلي صلاة استخارة وربنا يهديك لما فيه خيراً لك

كلام سليم
وأزيد أنا عليه بإن أهم حاجة هى الأخلاق والإحترام ودى حاجات حضرتك أكدت وجودها فى شخصية الخطيبة .
يبقى حضرتك تتوكل على الله وتتم الزواج .
(ما زلت أشعر إن والدة حضرتك عاملة موضوع الوزن والرفع ده حجة لعدم إتمام الزواج .... إتأكد حضرتك جيدا من النقطة دى)

[prof2013]

أنا بفترض حسن نية الشخص قبل ما أحكم عليه
واللي فهمته بالفعل زي ماوضحته في مشاركتي إن النحافة مرضية لدرجة إنها مش باينة إنها أنثى
لو نحف عادي هيكون جميل و شيء مقبول وصحي ومفيش حد طبيعي هيشوفه عيب
وبخصوص طلب منها إنهم يراجعوا مختص فطريقة الطلب بتفرق
أنا طلبت من زوجي يتابع مع متخصص لإن وزنه زايد ودا لصحته وفهمته إن زيادة الوزن هتؤدي لمشاكل هو أكتر إنسان هيعاني منها ومحدش هيحس بيه
فطريقة عرض الحل اللي طرحتها حضرتك مش طريقة واحد عايز يحل بدون مايجرح دي طريقة حد عايز يجرح بدون مايحل

بعيدا عن حسن النيه من عدمه
المفروض انا كشاب لما بتقدم لواحده ببقى حاطط شروط كذا وكذا طبعا عمري ما هلاقي واحده كامله لازما هلاقي المواصفات غير كامله وهنا الموضوع هيتوقف عليا انا
ايه الحاجات اللي اقدر اتنازل عنها وايه اللي مقدرش اتنازل عنه !! وبحدد الليستا بتاعتي
ولنفترض ان الشكل مهم جدا بالنسبالي ومقدرش اتنازل عنه هنا مهما كانت البنت خلوقه مش هوافق بيها من البدايه
وممكن واحد تاني الاخلاق عنده اهم فلو اتقدم لواحده مش حلوة بس خلوقه هيوافق بيها وهو مغمض لانه عنده استطاعه يتنازل عن الشكل ويعيش معاها على هذا الوضع
ولذالك احنا بننتقد طريقه تفكير صاحب الموضوع مهما تكون خطيبته ..موافقته بيها من البدايه دليل انها دخلت دماغه كشكل اما النسبه لموضوع ان النحافه حاله مرضيه فهو بردو وااافق بيها ومتقبل وضعها على هذا النحو فميجيش حد يمشيه على مزاجه
ومفيش حاجه اسمها مكانش واخد باله
ليه يعني
كان قاعد معاها في اوضه ضلمه ولا اييييه !!!

[minicooper20]

سبحان الله متدربو طلقه في دماغو احسن
الراجل جالو فكر و بيفكر معاكو بصوت عالي ايه الهجوم ده
مش يسمع الصح بدل ميجوزو وتبقا مش ماليه عنيه و بخنها و لا يطلقو و نبقا بنخرب بيت لسه متبناش اصلا

[M!SHO]

بص يا باشا انا اتعرضت لنفس الموقف ده

شوفت صورتها وكانت تمام ، قابلتها هي وماماتها في كافيه وفوجئت بصراحه :d

البنت محترمه ومن عيله ومثقفه وقموره جداً و و... ، بس لازم تكون ماليه عيني

انا مقدرتش اتأقلم مع نحافتها ورفعها الزايد عن اللزوم لدرجة اني لو خبط فيها ممكن تعورني :d

فيه رُفع مقبول لكن اعتقد انك نفس حالتي

بالمناسبه انا مبتكلمش عن المفاتن خالص ، انا نفسي اتجوز واحده رُفيعه ولدغه :)

[Evo]

فيه عالم في ردودها زي ماتكون عاوزه تلبس الراجل في حيطه '' تمم الجوازه تمم الجوازه''

ده جواز هو عربيه هيشتريها ويرميها بعد شهرين لو معجبتوش . لازم يكون مقتنع 100% بعروسته ..مش ممكن تكون فعلا رفيعة جدا وهو كان مشدود لحسن خلقها وأمه نبهته لنقطه الصفات الأنثويه جسديا !

و إيه دخْل دكتور أو مهندس في الموضوع ...الراجل سنه صغير ومعندوش خبره في الحياة ولا الامور دي هي دي كمان بتتدرس في الكليه .

أنا عمري ماشفت راجل مصري بيحب الست المسلوعة زياده عن اللزوم الصراحه ومش عاوزين ندخل في تفاصيل أكتر من كده ...اللي اتجوز مسلوعه بـيبقى تحت أي ظرف من الظروف الكويسه أو الوحشة ومعظمهم بيكونوا تحت غمامة ( مراية الحب عامياء ) !

وفي الاول وفي الاخر الجواز نصيب لكن عقلك في راسك تعرف خلاصك.

[أحمد كمال]

بص يا باشا انا اتعرضت لنفس الموقف ده

شوفت صورتها وكانت تمام ، قابلتها هي وماماتها في كافيه وفوجئت بصراحه :d

البنت محترمه ومن عيله ومثقفه وقموره جداً و و... ، بس لازم تكون ماليه عيني

انا مقدرتش اتأقلم مع نحافتها ورفعها الزايد عن اللزوم لدرجة اني لو خبط فيها ممكن تعورني :d

فيه رُفع مقبول لكن اعتقد انك نفس حالتي

بالمناسبه انا مبتكلمش عن المفاتن خالص ، انا نفسي اتجوز واحده رُفيعه ولدغه :)

انت شفتها عالطبيعة لقيتها غير الصورة ....... هو شافها عالطبيعة و عجبته بس في الاخر كلام والدته لعب في دماغه ..... فرق بين الموقفين تماما

[Dr.Abdo]

السلام عليكم ...

أنا مكنتش هارد على الموضوع لولا ان في بعض الناس المحترمة اللي ردت عليه وقالت آراءها باحترام

انما اللي دخل يتريق أو يعمل نفسه ابو العريف ما يهمنيش في حاجة ...

بالنسبة للموضوع ...

أنا خايف فعلا يكون السبب اللي بتقوله والدتي هي حجة للرفض مع اني سألتها ايه سبب عنادها ومش بتقول

وخايف طبعا بعذ الجواز يبقى في حوارات ومشاكل ما بينهم وادوخ انا ما بين ارضائي لأمي أو زوجتي.

في نفس الوقت مش هاقدر أرفض البنت لسببين أولهم انها فعلا كويسة وفيها معظم المواصفات اللي حاططها لشريكة حياتي , السبب التاني اني حتى لو عاوز ارفض هاخاف اكسر بخاطرها لأنه اكيد السبب مش هيكون مقنع ...

أنا حيران فعلا وخايف يحصل مشاكل ونا اصلا ورايا مشاكل كفاية ...

ياريت اللي عنده خبرة يرد عليا لأني اول مرة ارتبط بوادة اصلا ومعنديش خبرة بالمواشيع دي ...

شكرا على تفهمكم ...

[minicooper20]

السلام عليكم ...

أنا مكنتش هارد على الموضوع لولا ان في بعض الناس المحترمة اللي ردت عليه وقالت آراءها باحترام

انما اللي دخل يتريق أو يعمل نفسه ابو العريف ما يهمنيش في حاجة ...

بالنسبة للموضوع ...

أنا خايف فعلا يكون السبب اللي بتقوله والدتي هي حجة للرفض مع اني سألتها ايه سبب عنادها ومش بتقول

وخايف طبعا بعذ الجواز يبقى في حوارات ومشاكل ما بينهم وادوخ انا ما بين ارضائي لأمي أو زوجتي.

في نفس الوقت مش هاقدر أرفض البنت لسببين أولهم انها فعلا كويسة وفيها معظم المواصفات اللي حاططها لشريكة حياتي , السبب التاني اني حتى لو عاوز ارفض هاخاف اكسر بخاطرها لأنه اكيد السبب مش هيكون مقنع ...

أنا حيران فعلا وخايف يحصل مشاكل ونا اصلا ورايا مشاكل كفاية ...

ياريت اللي عنده خبرة يرد عليا لأني اول مرة ارتبط بوادة اصلا ومعنديش خبرة بالمواشيع دي ...

شكرا على تفهمكم ...

لو البنت اخلاقها عاليه و عايزه تحافظ علي بيتها هتحبب امك فيها
اهمحاجه انتا عجباك
علي فكره امك هيبقا بينهم مشاكل مهما كانو بيحبو بعض هما الستات كده
دماغ .......... اوي
تحياتي

[exelence]

فيه حد لاقى يا عم الحاج ده الرفيعين نعمه و الواحد ماكانش مصدق

[محمد يوسف]

السلام عليكم ...

أنا مكنتش هارد على الموضوع لولا ان في بعض الناس المحترمة اللي ردت عليه وقالت آراءها باحترام

انما اللي دخل يتريق أو يعمل نفسه ابو العريف ما يهمنيش في حاجة ...

بقى بالذمة ده كلام ياد.عبده ؟ بقى يبقى موضوعك وانت اللى فاتحه وتقول ماكنتش حارد ع الموضوع ؟ أمال فاتحه ليه ياراجل ؟
وبعدين عايز أقول لك ان كل الناس هنا محترمة .... بس انت لو قاعد فى وسط اخواتك بتكلمهم فى حاجة مش حاتلاقيهم كلهم زى بعض...حاتلاقى فيهم اللى بيهرج واللى بيهز واللى بيتخانق واللى بيتكلم جد ...بس كلهم بيحبوك ... واحنا كلنا هنا زى اخواتك بالظبط
وبالنسبة لموضوعك أنا رأيى الشخصى تستخير ربنا 3 أيام أولا وان شاء الله ربنا يلهمك الصواب
أما لو أنا مكانك وزى مابتقول لسه سنك صغير وأول مرة ترتبط بواحدة ...لو أنا مكانك حاخلع بصراحة لأن ياما لسه حاقابل وحاشوف وحاحب وأتحب...وأهو أبقى عملتها مجاملة لوالدتى انى سمعت كلامها فى دى عشان ترحمنى فى اللى جاى (ده طبعا من غير ماتجرح البنت بتاعة دلوقتى)
...اخلع من دى بأدب واحترام وعيش حياتك ياباشا وربنا يرزقك بواحدة تملا عينك وعين الوالدة ان شاء الله.

انت قلت لى دكتور فى ايه بقى؟

[kshussein]

اوعى تسمع كلام امك دة مش بر والدين مدام البنت متدينة ومحترمة وامك بتتلكك يبقى اتكل على اللة
واعمل صلاة استخارة وامش فى طريق الجواز منها عادى جدا ولا تنتظر انك علشان تعمل صلاة استخارة
ان يظهر ليك حاجة فى المنام امشى فى موضوعك عادى
ومن ناحية لو انك خايف ان امك بعد الجواز تعمل معاها مشاكل كدة كدة اى واحدة انت حتتجوزها امك حتعمل
معاها مشاكل دية غيرة الستات فى ان ابنها حيسبها
ادعى ربنا ان لو خطيبتك كويسة ان ربنا يوفقك واذا كانت غير كدة يبعدها عنك

[abdulkhaleq]

السلام عليكم ...

أنا مكنتش هارد على الموضوع لولا ان في بعض الناس المحترمة اللي ردت عليه وقالت آراءها باحترام

حضرتك طرحت استفسار, تقبل الردود

أنا خايف فعلا يكون السبب اللي بتقوله والدتي هي حجة للرفض مع اني سألتها ايه سبب عنادها ومش بتقول

[color="rgb(153, 50, 204)"]حضرتك والدتك بعد الخطوبه بتقول حاجه زي دي وسببها ان البنت رفيعه وحضرتك عايز تسمع الكلام, ومستغرب من ردود الاعضاء؟؟[/color]

وخايف طبعا بعذ الجواز يبقى في حوارات ومشاكل ما بينهم وادوخ انا ما بين ارضائي لأمي أو زوجتي.

[color="rgb(153, 50, 204)"]ارضاء الأم مالوش دعوه بشكل الزوجه نهائي[/color]

في نفس الوقت مش هاقدر أرفض البنت لسببين أولهم انها فعلا كويسة وفيها معظم المواصفات اللي حاططها لشريكة حياتي , السبب التاني اني حتى لو عاوز ارفض هاخاف اكسر بخاطرها لأنه اكيد السبب مش هيكون مقنع ...

[color="rgb(153, 50, 204)"]حضرتك مش سيد قرارك, فانت كده كده هتكسر بخاطر مراتك ايا كانت هي مين[/color]

أنا حيران فعلا وخايف يحصل مشاكل ونا اصلا ورايا مشاكل كفاية ...

ياريت اللي عنده خبرة يرد عليا لأني اول مرة ارتبط بوادة اصلا ومعنديش خبرة بالمواشيع دي ...

شكرا على تفهمكم ...

الردود جوه الاقتباس
عقلك في راسك
اذا كنت راجل كفايه انك تدخل بيت الناس يبقى تبقى راجل كفايه انك تاخد قرار في موضوع زي ده, ايا كان اللي هيديك رأي مش هو اللي هيعيش بدالك
ولو ان رأيي انك تصرف نظر عن فكرة الجواز شويه لحد اما تاخد من خبرة الحياه حبه حلوين
وربنا يوفقك ويرزقك ببنت الحلال