اللى لة تجارب في شحن حاويات من الصين (كونتينر) الرجاء الدخول

[ashouhdy]

السلام عليكم ورحمة الله

الرجاء من لة تجارب شحن حاويات من الصين يقول انا عارف ان كتير هنا لهم شغل مصانع و تجارة واكيد عارفين في الحاجات دى

الفكرة ان عايز اجيب حاوية من الصين جوانتي مطاط وواخد الايزو والشهادات الجودة

الكونينر حيكون 20 قدم

غير كدة معرفش حيتكلف كام شحن

لانى سمعت ان وزن الحاوية بيتحسب و نوع البضاعة بيتحسب

وهل نطلب السعر fob ولا اية

ولا الكلام دة بيكون مع مكاتب تجارة ؟

والتخليص الجمركي اية نظامة

الرجاء الافادة وبارك الله لكم

[mk3]

انا مشحنتش
بس اقدر اقولك لغايه الناس ما تدخل
-سعر الشحن متغير تماما وغير ثابت وتبعا لاسعار البترول والمواسم زى رمضان الاسعار بتزيد
-اه ممكن وزن البضاعه يكون له عامل لكن لو البضاعه تقيله جدا وفى حالتك اعتقد متعملش وزن
-اهم شهاده معترف بها لدى الحكومه المصرية ciq ودى سهله جدا هناك وهما عارفينها
-لو الصفقه مجازية معاك حاول تسافر ومن خلال مكتب تزور المصانع وتحاول توصل لاقل سعر لان اغلبيه المصانع هناك شركات عاملين مصانع وفى منهم اللى متعاقد مع مصنع صوريا عشان اما تيجى تلاقيه مصنع زى بلدل يا بيه بسعر المصنع بتاعه وسط البلد....ولو تقدر توصل لمصانع بنفسك وتاخهد مترجم يبقى احسن وتوفر المكتب لانه بياخد من 3-5 فى المئه
-لو فيها مكتب يبقى هو يمسكلك كل ورقك كشهاده الجوده ciq وبلد المنشأ والشحن ...الخ
-لو السعر فوب يبقى مش هتحتاج المكتب اوى بس كمبتدأ دور على مكتب احسن

[ashouhdy]

انا مشحنتش
بس اقدر اقولك لغايه الناس ما تدخل

ربنا يباركلك :)
-سعر الشحن متغير تماما وغير ثابت وتبعا لاسعار البترول والمواسم زى رمضان الاسعار بتزيد

خلينا بأسعار الايام دى تقريبا
-اه ممكن وزن البضاعه يكون له عامل لكن لو البضاعه تقيله جدا وفى حالتك اعتقد متعملش وزن

فعلا الوزن ولا حاجة
-اهم شهاده معترف بها لدى الحكومه المصرية ciq ودى سهله جدا هناك وهما عارفينها

هما بيبعتوها مع الشحنة وهى خارجة من هناك ولا انا اللي بطلبها ؟
-لو الصفقه مجازية معاك حاول تسافر ومن خلال مكتب تزور المصانع وتحاول توصل لاقل سعر لان اغلبيه المصانع هناك شركات عاملين مصانع وفى منهم اللى متعاقد مع مصنع صوريا عشان اما تيجى تلاقيه مصنع زى بلدل يا بيه بسعر المصنع بتاعه وسط البلد....ولو تقدر توصل لمصانع بنفسك وتاخهد مترجم يبقى احسن وتوفر المكتب لانه بياخد من 3-5 فى المئه


hkh ]انا دورت على مواقع ذى alibaba.com واخدت سعر البضاعة منهم .. فحضرتك تقصد اننا ننزل الصين ونزور المصانع نفسها مش شركات او منافذ البيع صح

-لو فيها مكتب يبقى هو يمسكلك كل ورقك كشهاده الجوده ciq وبلد المنشأ والشحن ...الخ


المكتب دة حيمسك البضاعة من هناك ولا هنا ... بمعنى لو طلبتها fob هما ملتزمين لحد ما يحملوها على الكونتينر هناك بس ... المكتب دورة حيبدأ من هناك ولا من اول ما الحاوية توصل ميناء الاسكندرية

-لو السعر فوب يبقى مش هتحتاج المكتب اوى بس كمبتدأ دور على مكتب احسن

من ناحية مبتدئ فمبتدأ جدا عشان كدة قلت اسألأ اصحاب الخبرة واللى لة تعامل مع مكتب يرشحللى مكتب رجاء


هو تقريبا بيبقي في حدود كام الشحن ال 20قدم

[mk3]

السعر متغير بمعنى الكلمة
سعر 15-8-2014 من شنزن الى السخنه 1450 دولار للكونتينر ال 20

[ashouhdy]

دة كدة نص المكسب حيروح شحن و جمارك !!

[mk3]

دة كدة نص المكسب حيروح شحن و جمارك !!

يبقى تأجلها شويه لغايه ما تقدر تجيب حاويه 40 او تجيب رساله عده حاويات
ومش شرط دلوقتى ممكن ادام
المبلغ اللى معاك يجبلك سعر دهب من المستورد الكبير فى مصر وبدون استيراد ولا حرقه اعصاب ولا تحويل فلوس ولا السعر اتغير ولا قرف الاستيراد ولا طلعوا نصابين .....الخ الخ
العبره امسك سعر مش ابقى مستورد واخسر يا فرحتى

[ashouhdy]

المستورد الكبير مربط مع الموزعين بتوعة وحاطين مكسب 400% عالكرتونة :(

نصابين.

[mk3]

المستورد الكبير مربط مع الموزعين بتوعة وحاطين مكسب 400% عالكرتونة :(

نصابين.

اوردلك وحجمه اللى تعملك موزع
ومفيش حاجه اسمها نصابين بعد اذنك كله لازم يلتزم

[ashouhdy]

اية اللي يلزم اي مستورد انة يلتزم بسعر معين

هل في ضوابط او شروط

انت عارف ان تجار الادوات الطبية دول اباطرة و مليونيرات مثلهم مثل تجار الحديد.

الحاجة اللي بشتريها منهم ب 150 جنية تمنها علي باب المصنع مش fob 1.75 دولار


تفتكر شحن و جمارك يخليها تبقي لل مستخدم الاخير ب 150 جنية

Sent from my SM-C115 using Forum Runner

[mk3]

اية اللي يلزم اي مستورد انة يلتزم بسعر معين

هل في ضوابط او شروط

انت عارف ان تجار الادوات الطبية دول اباطرة و مليونيرات مثلهم مثل تجار الحديد.

الحاجة اللي بشتريها منهم ب 150 جنية تمنها علي باب المصنع مش fob 1.75 دولار


تفتكر شحن و جمارك يخليها تبقي لل مستخدم الاخير ب 150 جنية

Sent from my SM-C115 using Forum Runner

لا انت فهمتنى غلط
كله لازم يلتزم بالسعر العالى

[minicooper20]

خلي اول كونتنر ده تجربه و افرش السوق
لونجت هيبقا ليك حلين
يا هيخدوك تحت جنحهم وتشتغلو سوا يا هيحربوك
انا راي لوعندك التاجر اليشيل هات الكونتنر و اكسب قليل وهتجر بعضها
سعر الشحن قريبا كان 1650 دولار للعشرين

[ashouhdy]

الله ينور عليكم

انا حنزل شركات شحن و تخليص جمارك في اسكندرية وافهم منهم محتاجين شهادات اية

غير كدة هل محتاجين سجل تجاري

و ياريت حد يفهمني معني الكلام دة اية

Terms and Conditions:

1) Payment: Irrevocable L/C at sight; or 30% Advance Payment, 70% upon presenting B/L copies

**Must receive L/C or Advance Payment as confirmation of order.

Sent from my SM-C115 using Forum Runner

[Secret-Man]

1 شركه استيراد ورقها سليم لدخول الشغل
2- شركه شحن وتخليص محترمه زى اكيو لاين فى الشغل الكبير ده

http://www.eculine.net

3- CIQ + Original Invoice + Packing List

ونصيحه اخيره هات عينات من 3 الى 4 قطع وروح هيئه العرض فى الجمرك وشوف الحاجات ديه هتاخد عرض صحى ولالا قبل ماتجيب الشغل ويقف منك فى المينا وتفضل تدفع ارضيه وهتلاقى نفسك مش كسبان حاجه خالص بل ممكن تخسر جامد

وربنا يوفقك ان شاء الله فى شغلك

[damasry]

الله ينور عليكم

انا حنزل شركات شحن و تخليص جمارك في اسكندرية وافهم منهم محتاجين شهادات اية

غير كدة هل محتاجين سجل تجاري

و ياريت حد يفهمني معني الكلام دة اية

terms and conditions:

1) payment: Irrevocable l/c at sight; or 30% advance payment, 70% upon presenting b/l copies

**must receive l/c or advance payment as confirmation of order.

Sent from my sm-c115 using forum runner

الدفع: عن طريق اعتماد مستندى غير قابل للإلغاء (يتم الدفع بمجرد تقديم مستندات الشحن)
او 30% دفعة مقدمة والباقى عند تقديم صور بوليصة الشحن.

يجب استلام اخطار الاعتماد المستندى او التحويل المقدم لتأكيد الاوردر

[damasry]

يا دكتور الحاوية ال20 قدم بتشيل لحد 27 طن (المهم حجمهم يناسب حجم الحاوية)

حضرتك لما بتحجز حاوية بتكون يا اما FCL full container load يا اما LCL less container load
معنى FCL ان الحاوية شايلة بضاعتك انت فقط حتى ولو شايلة طن واحد.
معنى LCL ان الحاوية شايلة بضاعتك وبضاعة ناس تانية (بيجمعوا بضائع من الشاحنين لحد ما يكمل وزن الحاوية وتتشحن) وكل واحد بيدفع على حسب وزن او حجم شحنته

فنصيحتى ليك انك تشوف مكتب شحن فى الصين وتشحن البضائع LCL ها يكون اوفرلك ما تدفع تمن الحاوية كلها وانت بضاعتك وزنها قليل.