اللى لة تجارب في شحن حاويات من الصين (كونتينر) الرجاء الدخول

[mk3]

يا دكتور الحاوية ال20 قدم بتشيل لحد 27 طن (المهم حجمهم يناسب حجم الحاوية)

حضرتك لما بتحجز حاوية بتكون يا اما fcl full container load يا اما lcl less container load
معنى fcl ان الحاوية شايلة بضاعتك انت فقط حتى ولو شايلة طن واحد.
معنى lcl ان الحاوية شايلة بضاعتك وبضاعة ناس تانية (بيجمعوا بضائع من الشاحنين لحد ما يكمل وزن الحاوية وتتشحن) وكل واحد بيدفع على حسب وزن او حجم شحنته

فنصيحتى ليك انك تشوف مكتب شحن فى الصين وتشحن البضائع lcl ها يكون اوفرلك ما تدفع تمن الحاوية كلها وانت بضاعتك وزنها قليل.

الشحن البحرى بالمتر المكعب وليس بالوزن.

[Ahmed abdkarim]

متابع

[Karim_Monir]

جرب في lcl يااحمد الاول عشان متلبسش في الحيط ولو خسرتمش هاتخسر كتير وبعد كدة هات الكونتينر
متغامرش بكونتينر موظف سخيف يوقفهولك

[ashouhdy]

مصيبة

بكلم المورد الماليزي و قلت بلاش الصين عشان اضمن جودة عالية

اداني سعر عجيب اغلي من هنا بدون ما نضيف شحن و جمارك و موزعين الخ. ..

الشحنة كانت علي جوانتي طبي Latex و اللاتيكس دة مادة مطاط عازلة.

المهم

راسلتة تاني و قولتلة اية ياعم السعر دة ... دة هنا بيتباع كذا.

قاللي دة سعر ال copy latex و موجود لو عايزة.

حتي الجوانتيات الطبية كوبي ! و بعدين بنسأل هي البلد مش بتتقدم لية

انة الجشع والفساد يا سادة.

Sent from my SM-C115 using Forum Runner

[dedi]

حضرتك لو موش معاك سجل مستوردين يبقى ها تستورد عن طريق مكتب وهاياخذ عمولة تقريبا 5 % وهو هايعمل كل حاجة وهاتبقى الشحنة كدة باسمة
سعر شحن الكونتنر 20 قدم 1700 $ سعر الشهر الماضى
حضرتك شوف مكتب امين وهو يعمل كل حاجة وطبعا مستخلص جمركى
اهم حاجة اطلب عينات علشان تتاكد من جودة المنتج
ياترى دة مصنع ولا تاجر خذ بالك من كدة ممكن يكون نصاب
علشان تتاكد من المعلومة دى ممكن افيدك اكتر لو حبيت

[dedi]

حضرتك لو موش معاك سجل مستوردين يبقى ها تستورد عن طريق مكتب وهاياخذ عمولة تقريبا 5 % وهو هايعمل كل حاجة وهاتبقى الشحنة كدة باسمة
سعر شحن الكونتنر 20 قدم 1700 $ سعر الشهر الماضى
حضرتك شوف مكتب امين وهو يعمل كل حاجة وطبعا مستخلص جمركى
اهم حاجة اطلب عينات علشان تتاكد من جودة المنتج
ياترى دة مصنع ولا تاجر خذ بالك من كدة ممكن يكون نصاب
علشان تتاكد من المعلومة دى ممكن افيدك اكتر لو حبيت

[mk3]

حضرتك لو موش معاك سجل مستوردين يبقى ها تستورد عن طريق مكتب وهاياخذ عمولة تقريبا 5 % وهو هايعمل كل حاجة وهاتبقى الشحنة كدة باسمة
سعر شحن الكونتنر 20 قدم 1700 $ سعر الشهر الماضى
حضرتك شوف مكتب امين وهو يعمل كل حاجة وطبعا مستخلص جمركى
اهم حاجة اطلب عينات علشان تتاكد من جودة المنتج
ياترى دة مصنع ولا تاجر خذ بالك من كدة ممكن يكون نصاب
علشان تتاكد من المعلومة دى ممكن افيدك اكتر لو حبيت

حضرتك اتأكد ازاى اذا كان مصنع ولاتاجر

[ashouhdy]

و الله يا جماعة انا مش عارف اقول اية

الناس هنا كنوز


انا عامل اكتب وراكم

dede

حبعتلك عالخاص و قولنا برضوا بتعرف منين هنا يمكن نستفيد بخبرتك

[damasry]

الشحن البحرى بالمتر المكعب وليس بالوزن.

fcl انت كده كده دافع تمن الحاوية بس ليك ليمت للوزن ميعديش 27 طن وساعات بيوصل 28 طن.

لو lcl يبقى ممكن بالحجم (المتر المكعب)

[MuhamedNabil]

ازيك يا شهدى
انا كنت مشيت فى موضوع الاستيراد ده من فترة بس مكملتش بسبب الاحداث الكانت فى البلدو فحقلك على شوية حجات لازم تعرفها عن الصين عموما

- فى كتير نصابيين على فى alibaba و غيرهم اون لاين و النصب انه ممكن ياخد المقدم و ميوردش

- او يورد منج سىء جدا او مش مطابق للمواصفات لازم تعرف انت بتتعامل مع مين و مين زباينه لان الزباين بتديك فكرة عن الجوده.

- لازم تجيب عينات , ابعتله تمن الشحن من paypal و يبعتلك عينات ب EMS تشوفها بعينك
اياك تشترى عميانى لو طال ياخد المبلغ منك كله و ميبعتش حاجة يعملها

- انصحك فى الاول تشوف شركة محترمة هنا تخلصلك الورق لان CIQ فى منها مضروب و الجمارك هنا بتعلم على اليعمل كده, ليه بيضرب لان فى حجات بيكون تكلفته عالية و لازم المصانع نفسها تكون خاضعة لشروط معينة عشان ينفع يتعمل للمنتج بتاعه الشهادة

- اللاتيكس الطبيعى غالى مش رخيص لازم تقراء شوية فى الموضوع ده و يسلام لو عرفت تعتر على مصنع يكون ليه انتاج عالمى و معروف او يكون بيقفل منتج ليه اسم عالمى و بيكون اكتسب خبرة من الشركة دى.

- لو انت حابب موضوع الاستيراد ده يبقى جرب الاول حتى لو العائد المادى قليل او مفيش لان المكسب الحقيقى حيكون فى اكتساب الخبرة البعد كده تخليك تنزل البضاعة نضيفة و تعمل اسم.

الحجات الممكن تصدمك

- اغلب تجار الجملة مش بيشترى بضاعة كاش يعنى بتوردله و هو ينقطك انا معرفش الصيدليات و المستشفيات وضعهم ايه
- السوق المصرى اتعود على الرخيص و اول لما يشوف الحاجة النضيفة و سعرها اعلى يشك فيها ويقولك نصابيين.

[qkash.com]

موضوع مهم ومفيد جداً واعتقد هيكون مرجع لكل من يريد تجربة الاستيراد

جزاكم الله خيراً علي المعلومات والخبرات التي سيتسفيد منها الكثيرين

وبالتوفيق للجميع ان شاء الله