بحصوص شراء شقة بالتجمع الخامس

[abd_el_7amid]

السلام عليكم

حاليا انا بدور على شقة فى التجمع و بفكر معاكوا شوية
المتاح معايا من 150 ل 180 كمقدم
المساحة المطلوبة 3 او 4 غرف يعنى 190 ل 220
التقسيط من 4 ل 6 سنين
المتاح امامى ستون بارك - سيفوريا . لكن معنديش خلفية كويسة عنهم .. فى حد عنده؟؟
فى اى اماكن تانية كويسة سواء كمبوند او اهالى ؟؟

محتاج خبراتكم و اراءكم.

[kar!m]

ستون بارك كان عامل عروض من فترة و سمعت ان الشركة عندهم مشاكل في السداد .. بخلاف ان موقعه جنب مقلب قمامة .. و محدش يعرف الوضع هيتغير ولا لأ.

شوف كمبوند حياتي ريزيدنس كده.

[abd_el_7amid]

ستون بارك كان عامل عروض من فترة و سمعت ان الشركة عندهم مشاكل في السداد .. بخلاف ان موقعه جنب مقلب قمامة .. و محدش يعرف الوضع هيتغير ولا لأ.

شوف كمبوند حياتي ريزيدنس كده.

عندك خلفية عن سعر المتر؟؟

[kar!m]

في رينج ال 5800 جنية
برضه بص على كمبوند الأصالة في نفس الرينج و لاميرادا و جاليريا مون فالي أعلى شوية.

[hero]

متابع

[abd_el_7amid]

جاليريا ب 7500 تقريبا هتب4ی غالية اوی
طب وبالنسبة للاهالی؟ ايه النظام

[kar!m]

لأ جاليريا ب 6500 لو هتقسط على 5 سنين.
الأهالي هتدفع كاش أو تسهيلات في السداد على سنة مثلا.
ممكن لو مش عاوز كمبوند تشوف شركات زي أزميل العقارية و البستاني و المنارة.

[egyptawy2010]

لأ جاليريا ب 6500 لو هتقسط على 5 سنين.
الأهالي هتدفع كاش أو تسهيلات في السداد على سنة مثلا.
ممكن لو مش عاوز كمبوند تشوف شركات زي أزميل العقارية و البستاني و المنارة.

هو جاليريا حلو ويستاهل ولا اى كلام

[محمد عز]

انا متابع

لأنى عايز اشترى شقة نفس طلبك بالظبط

[kar!m]

هو جاليريا حلو ويستاهل ولا اى كلام

تحفة طبعا .. يمكن هو اللي بعد هايد بارك و ماونتن فيو على طول .. مع ان جاليريا أفضل كموقع من وجهة نظري.

[kar!m]

انا متابع

لأنى عايز اشترى شقة نفس طلبك بالظبط

من الاخر .. عشان أنا بقالي 3 سنين بدور على الانترنت و موصلتش لحاجه .. مينفعش تشتري شقة من معلومات على الانترنت .. هو الانترنت هيكون عامل مساعد بس لازم تنزل بنفسك .. هتلاقي عمارات جديدة .. اسأل فيها و شوف ايه النظام .. هتفهم يعني ايه شقة أمامية و خلفية .. هتروح مكان تاني هتفهم حاجات أكتر و هكذا.

هو الموضوع متعب شوية .. بس لو معملتش كده هتلاقي نفسك شاري شقة و هتكتشف ان في أحسن منها بكتير و أرخص بكتير.

[abd_el_7amid]

تحفة طبعا .. يمكن هو اللي بعد هايد بارك و ماونتن فيو على طول .. مع ان جاليريا أفضل كموقع من وجهة نظري.

دی حقيقة فعلا

[محمد عز]

انا اتصلت بجاليريا

المتر بيتراوح من 6600 الى 7800 حسب الموقع

بتدفع 20% والباقى على 5 سنين

الاستلام بعد 3 سنين ونص

والشقة بتسلمها على الطوب الأحمر !!!

لو عايز تشطبها بيشطبهالك وبيحسبلك المتر من 800 لحد 2000 حسب نوع التشطيب

انا شايف انها غالية

لانى بدور على سعر متر بحد اقصى 6500 ويكون متشطب

حد عنده فكرة عن الكمبوندات التانية واسعارها؟؟

[hitman235]

انا بدور برضه على شقة محترمه يعنى اقل مساحه 150 متر فى كمبوند اقصى سعر 850..900 الف بالتقسيط على 5..6 سنين اقصى مقدم 250 الف
بفكر فى ماونتين فيو اكتوبر الجديد بس الفكره ان اكتوبر كمجتمع و مكان مش ارقى من التجمع حتى لو كان الكمبوند نفسه نضيف المستوى الاجتماعى للمدينه اقل من التجمع و ده مخلينى متردد غير ان مواصلاتها صعبه خصوصا المحور

[kar!m]

ممكن تشوف كمبوند الأصالة جنب الجامعة الأمريكية .. سعر المتر 5800 جنية.

و في برضة كمبوند حياتي ريزيدنس في نفس السعر تقريبا .. بس خلاص تقريبا باقي عدد محدود من الشقق.

و في كمبوند الحرية بتاع بنك الاسكان و التعمير .. المفروض انهم بدأو حجز المرحلة التانية .. برضه ب 5500 تقريبا من غير تشطيب.