بحصوص شراء شقة بالتجمع الخامس

[محمد عز]

ان اتصلت بمدينتى

الشقة 200 متر جاردن فيو متشطبة تشطيب عاادى بعضوية النادى ب 1,493,360 جنيه تقسيط 4 سنين ، استلام بعد 4 سنين

يعنى المتر تقريبا ب 7500 جنيه

[محمد عز]

ممكن تشوف كمبوند الأصالة جنب الجامعة الأمريكية .. سعر المتر 5800 جنية.

و في برضة كمبوند حياتي ريزيدنس في نفس السعر تقريبا .. بس خلاص تقريبا باقي عدد محدود من الشقق.

و في كمبوند الحرية بتاع بنك الاسكان و التعمير .. المفروض انهم بدأو حجز المرحلة التانية .. برضه ب 5500 تقريبا من غير تشطيب.

كمبوندات صغيرة وتحسها عمارات حواليها سور مش اكتر ، فحاسس ان سعرها مبالغ فيه

[hitman235]

ان اتصلت بمدينتى

الشقة 200 متر جاردن فيو متشطبة تشطيب عاادى بعضوية النادى ب 1,493,360 جنيه تقسيط 4 سنين ، استلام بعد 4 سنين

يعنى المتر تقريبا ب 7500 جنيه

غاليه جدا
طيب فكرت فى ماونتين فيو اكتوبر ولا انت مركز على التجمع الخامس فقط؟
انا عايز اشترى فى التجمع برضه بس الاسعار عدت فوق امكانياتى الحقيقه

[egyptawy2010]

دی حقيقة فعلا

انا دورت على النت ولقيت الشركة ده عاملة مشروعين فيلات قبل كده اعتقد مون 1 و2
والناس بتشتكى ان مافيش مرافق لحد الان

ياريت تتاكدوا كويس
ربنا يوفقكم

[محمد عز]

غاليه جدا
طيب فكرت فى ماونتين فيو اكتوبر ولا انت مركز على التجمع الخامس فقط؟
انا عايز اشترى فى التجمع برضه بس الاسعار عدت فوق امكانياتى الحقيقه

الحقيقة انا بدور في القاهرة الجديدة ككل مش التجمع الخامس فقط، لكن أكتوبر مستبعدة تماما

[egyptawy2010]

الحقيقة انا بدور في القاهرة الجديدة ككل مش التجمع الخامس فقط، لكن أكتوبر مستبعدة تماما

ليه مستبعدة

عندك الشيخ زايد حلوة برضه

[midnightman_74]

انا اتصلت بجاليريا

المتر بيتراوح من 6600 الى 7800 حسب الموقع

بتدفع 20% والباقى على 5 سنين

الاستلام بعد 3 سنين ونص

والشقة بتسلمها على الطوب الأحمر !!!

لو عايز تشطبها بيشطبهالك وبيحسبلك المتر من 800 لحد 2000 حسب نوع التشطيب

انا شايف انها غالية

لانى بدور على سعر متر بحد اقصى 6500 ويكون متشطب

حد عنده فكرة عن الكمبوندات التانية واسعارها؟؟

بالاسعار دى تجيب احسن شقة فى احسن موقع فى مدينة نصر
ياريت تقولنا اية اللى خلينى ادفع الأسعار دى فى القاهرة الجديدة ومدفعهاش فى مدينة نصر ؟

[kar!m]

بالاسعار دى تجيب احسن شقة فى احسن موقع فى مدينة نصر
ياريت تقولنا اية اللى خلينى ادفع الأسعار دى فى القاهرة الجديدة ومدفعهاش فى مدينة نصر ؟

و ليه مدينة نصر أفضل؟ طيب ما أروح منطقة جديدة .. هادية .. واسعة .. راقية .. فيها كل الخدمات .. لما أدخلها مش محتاج أروح حته تانية بره.

كفاية زحمة مدينة نصر.

[midnightman_74]

و ليه مدينة نصر أفضل؟ طيب ما أروح منطقة جديدة .. هادية .. واسعة .. راقية .. فيها كل الخدمات .. لما أدخلها مش محتاج أروح حته تانية بره.

كفاية زحمة مدينة نصر.

انت بتتكلم على ٨٠٠٠ الف جنية سعر المتر ؟؟
اية الميزات والخدمات اللى تخلينى ادفع رقم زى دة ؟
لو هنتكلم على الزحمة ... شوف مدخل الشارع التسعينى واقف ازاى ساعة العصر .. مع العلم نسبة الناس اللى ساكنة فى القاهرة الجديدة يمكن ١٠ ٪ لان معظم الشقق لسة متسكنتش

[محمد عز]

بالاسعار دى تجيب احسن شقة فى احسن موقع فى مدينة نصر
ياريت تقولنا اية اللى خلينى ادفع الأسعار دى فى القاهرة الجديدة ومدفعهاش فى مدينة نصر ؟

مدينة نصر .... ممكن تشترى شقة كبيرة وحلوة

بس فى الاخر انت مرتبط بالشارع اللى مش هتلاقى فيه ركنة والزبالة مرمية ومافيش مكان عدل تتمشى فيه ولا تشوف منظر عدل وزحمة

لكن فى كمباوند فى القاهرة الجديدة ، الوسع والرقى واللاندسكيب والنادى ومتنفس لو عايز تتمشى ، تمارس رياضة من الاخر حياة بنى ادميين

[محمد عز]

ليه مستبعدة

عندك الشيخ زايد حلوة برضه

انا مرتبط اكتر بالسويس لانى اهلى كلهم هناك

بالتالى لو مكتوبلى ارجع مصر ، القاهرة الجديدة انسبلى من اكتوبر لقربها من السويس

[kar!m]

انا مرتبط اكتر بالسويس لانى اهلى كلهم هناك

بالتالى لو مكتوبلى ارجع مصر ، القاهرة الجديدة انسبلى من اكتوبر لقربها من السويس

و هو ده السائد في كل المدن الجديدة .. أكتوبر و الشيخ زايد لسكان الجيزة و الدقي و المهندسين و من المحافظات اسكندرية و الغربية و المحلة .. و القاهرة الجديدة لسكان مدينة نصر و مصر الجديدة و من المحافظات الشرقية و السويس والاسماعيلية .. و حدائق الأهرام لسكان الهرم و من المحافظات الفيوم.