إعـــــــلان

Collapse

.

,
See more
See less

هل الخبر دة حقيقى عن الضربة الجوية الاولى لحرب اكتوبر !!!! خبر غريب جدا

Collapse
X
 
  • Filter
  • الوقت
  • Show
Clear All
new posts

  • هل الخبر دة حقيقى عن الضربة الجوية الاولى لحرب اكتوبر !!!! خبر غريب جدا

    وانا بقرا عن اخبار حرب اكنوبر المجيدة وبتصفح مواقع على النت لاقيت خبر غريب جدا جدا ان صاحب الضربة الجوية الاولى مش حسنى مبارك انما واحد تانى خالص وحسنى مبارك فقط لما مسك لرئيس عمل لنفسة بروباجندا وزور التاريخ !!!!

    من فضلكم الى يعرف الموضوع دة حقيقى ام لا يقول وبالدليل لانة تاريخ مصر العسكرى ودة نص الخبر والصور للاسف حاولت انقلها لكم معرفتش !!!





    حينما يسيطر الحكام على التاريخ فاعلم أنه مزيف لامحالة فقد تربت أجيال على مغالطات تاريخية عن حرب أكتوبر كان أبرزها ان الرئيس الأسبق حسني مبارك هو صاحب الضربة الجوية الأولى وما أن رحل وأزهقت الثورة نظام مبارك حتى خرج البعض عن صمته و كشف بعض حقائق هذة المغالطات .

    لعل السواد الأعظم من الشعب لا يدرك من هو صاحب الضرية الجوية الحقيقي الفريق “محمود شاكر عبد المنعم” هو صاحب الضربة الجوية التى فتت صفوف العدو وسحقت قواته لتكون هدفا سهل المنال لقواتنا البرية.

    من هو محمود شاكر عبدالمنعم
    الفريق محمود “شاكر عبد المنعم” من مواليد قرية البيضة _السنبلاوين محافظة الدقهلية عام 1926 التحق بالكلية الحربية ثم الكلية الجوية وتخرج منها سنة1949 وهو العام نفسه الذى تخرج فيه الرئيس المخلوع حسنى مبارك.

    اشترك شاكر فى قيادة اول دفعة من الطائرات النفاثة عام1949 وكان قد شارك فى حرب 67 وحرب الكرامة 73 كان يشغل منصب القائد الثانى للقوات الجوية وكان قد تحدث الى برنامج “حديث الذكريات” فى حرب أكتوبر عن الضربة الجوية والخطة التى وضعها لها وعناصرها التى وضعت بإحكام وكيفية إدارته لها وكيفية توقع واستقبال نتائج الضربة والاستعداد لمواجهة أى ضربة جوية مضادة محتملة والتى لم تحدث ويتحدث عن الاستعداد الذى تم سابقا قبل الحرب.

    وتوثيقا لبطولته وتاكيد على انه قائد الضربة الجوية وثقتها بعض الصحف القومية ان ذاك.

    حيث تضمنت صفحات الجرائد صورا لنعي الفريق محمود شاكر في جرائد محلية وقومية، تصفه بقائد القوات الجوية، وبعضًا من الكتب الانجليزية متضمنا اسم الفريق محمود شاكر كقائد للقوات الجوية خلال حرب أكتوبر، وكذلك صورا ضوئية لبعض الكتب العربية والمنشورة بالقاهرة وفيها اسم الفريق ووظيفته القيادية.


    كذلك عرضت روابط لصور تذكارية تجمع الفريق محمود شاكر بالملك فاروق، يهديه فيها صورته بتوقيعه لأول دفعة الكلية الحربية فى فبراير 1949 مع ميدالية محمد على التذكارية.
    ويذكر ان الفريق محمد حسنى السيد مبارك كان القائد الاول للقوات الجوية حيث كان يتولى ان ذاك نائب رئيس الجمهورية ولذلك جعله الاعلام على راس من قاموا بالضربة الجوية فى حرب العاشر من رمضان عام 1973 الا ان الحقيقة غير ذلك فالفريق شاكر هو القائد الفعلى للضربة الجوية والمخطط له

    توفي الفريق شاكر عام 1980 قبل أن يري مبارك يتباهي بضربته الجوية رحل شاكر ولم ينصفه التاريخ الأ بعد 30عاما من رحيله .

  • #2
    كل فتره نسمع حاجه عن ابطال الحرب الحقيقه زى ما حصل بعد استشهاد الرئيس الراحل محمد انور السادات و بعض القاده كتبوا مذكرات و حاول كل واحد منهم ينسب لنفسه الفضل فالأنتصار و طبعا تم أخفاء بعض الأخفاقات اللى حصلت و اللى كان ممكن تأثر على نتيجه الحرب
    كلام كتير اتقال على الرئيس السابق محمد حسنى مبارك قائد القوات الجويه وقت الحرب انه مش صاحب الضربه الجويه و كلام تانى اتقال عيب و لا يجوز ذكره اصلا الهدف منه التقليل منه و تقليل و تهميش دوره فالحرب و فتجهيز القوات الجويه و تدريب الطياريين
    بس عايز اقول لحضرتك انى سمعت بنفسى من طياريين عظماء شاركوا فالحرب و نسبوا الفضل كله لله اولا و اخيرا ثم لمحمد حسنى مبارك و الناس دى مش بتقول كده رياء او نفاق بس دى شهاده منهم و انا واثق فكلامهم جدا
    [SIZE=5][COLOR=Blue][sor2]http://s8.postimg.org/y3vj7185h/new5115.png[/sor2]
    سبحان الله و بحمده سبحان الله العظيم[/COLOR][/SIZE]

    Comment


    • #3
      موضوع مشبوه..حايقلب سياسة...ومحطوط هنا لاحتساب عدد المشاركات

      Comment


      • #4
        متابع
        مبارك الي هيدور وراه هيلاقي بلاوي

        Comment


        • #5
          ولا فارق معايا .
          عامل الناس بأخلاقك (حسن الخلق)، وليس بأخلاقهم .

          Comment


          • #6
            هو خبر صحيح
            هقولك الحوار باختصار لانى قريته زمان لما كنت عايز افهم ايه اللى حصل بالظبط فى الحرب دى
            الصهاينه ليهم تكتيك معروف من 67 و هو الكمائن الجويه يطير قريب منك و يهرب تقوم انت طالع وراه تطارده يديك طعم طيارتين مثلا على ارتفاع منخفض تقوم انت تحاول تخش دوج فايت معاهم يكون فيه 4 طيارات على التيتيود مرتفع انت مش شايفهم
            تيجى تخش على الاتنين ييجو الاربعه من وراك بيسموها سيكس اوكلوك او عقارب الساعه 6 فى اشاره لموضعهم بالنسبه لك و يدمروك , الرتبه اللى اسمه محمود شاكر عبد المنعم (لمؤخذه اصل الرتب العسكريه و اى حوار فيه سلطه بقى بيعيينى )
            هو كان فاهم الحوار ده كويس و عرف الظباط اللى تحتيه يتعاملو معاه ازاى و كان واحد منهم حسنى مبارك و فى الدوج فايت اللى حصل فوق مطار شاوه هو كان له تعليمات صارمه ازاى نتعامل مع التفوق الواضح لطيران الصهاينه هما كان معاهم اف 4 فانتوم حاجه كده عامله زى طائر الرخ بالنسبه للميج 21 الروسى اللى كانت معانا

            بالنسبه بقى للتطبيل اللى حصل لسى مبارك فده شىء طبيعى ................................................... .............
            فيه مقوله مشهوره لقائد سرب مصرى فى حرب 73 قال :
            ايام السادات كان اللى سائد فى مصر كلمة حرب العبور العظيم , و علشان مسك بعديه ظابط جوى بقت حرب الضربه الجويه , و لو مسك بعديه ظابط شرطه عسكريه هتلاقيهم بيقولو الشرطه العسكريه هى صاحبة الفضل الاول بسبب انضباطها و هكذا


            انذار ووقف اسبوع لمخالفة القاعدة 12
            1:05am 7/10/2014
            م.ع.4
            [B]فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ[/B]

            Comment


            • #7
              اللى اعرفه ان الصورة الشهيرة لحرب اكتوبر اللى فيها السادات فى غرفة العمليات وجنبه حسنى مبارك مفبركه والصورة الاصلية مفيش فيها حسنى مبارك ومكان حسنى مبارك موجود الشاذلى .

              Comment


              • #8
                اعتقد ان كل الاحتمالات مفتوحه
                مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

                Comment


                • #9
                  هي جات على دي
                  التاريخ اللي احنا درسناه كله غلط المفروض يلغوا الماده دي من الصفوف الدراسيه

                  Comment


                  • #10
                    المشاركة الأصلية كتبت بواسطة prof2013 مشاهدة المشاركة
                    هي جات على دي
                    التاريخ اللي احنا درسناه كله غلط المفروض يلغوا الماده دي من الصفوف الدراسيه
                    بالفعل ... التاريخ الحقيقى للدوله المصريه لم يكتب بعد ... التاريخ المكتوب والمتعارف عليه سيطر على كتابته الخونه والفاسدين والمنافقين والمتسلقين والطامعين فى السلطه
                    سـل الرمـاح العوالـي عــن معاليـنـا وستشهد البيض هل خاب الرجا فينا
                    لـمـا سعـيـنـا فـمــا رقـــت عزائـمـنـا عـمـا نـــروم ولا خـابــت مساعـيـنـا
                    قـوم إذا أستخصمـوا كانـوا فراعنـة يـومـا وان حكـمـوا كـانـوا موازيـنـا
                    تدرعـوا العقـل جلبـابـا فــان حمـيـت نــار الـوغـي خلتـهـم فيـهـا مجانيـنـا
                    خــيـــل مـــــا ربـطـنـاهــا مـســومــة لله نـغـزوا بـهـا مــن بـــات يـغـزونـا

                    Comment


                    • #11
                      دجل
                      [SIZE=4][COLOR=DarkGreen][SIZE=5][SIZE=4][COLOR=Blue][B]ما بين ميلاد رسول الله موسى وهلاك فرعون عشرات السنين . . يُمهل ولا يُهمل !![/B][/COLOR][/SIZE]
                      [/SIZE] [/COLOR][/SIZE]

                      Comment


                      • #12
                        هو كل ضربه جويه في حرب هعد ادور مين صاحبها؟؟؟؟؟؟ :))))))))

                        يا راجل كبر مخك :))))))))

                        Comment


                        • #13
                          بس انا شفت خطاب للسادات فاكر انه فى كلامه اشاره ان مبارك هو صاحب الضربه

                          على فكره ..مش فارقه ..الاسماء دى كانت محركات للحرب

                          اصحاب الانتصار الحقيقى جنودنا اللى دمهم روى الارض ومنهم الشهيد باذن الله ومنهم من هو على قيد الحياه .. هم لهم الفضل الاول فى الانتصار
                          [SIGPIC][/SIGPIC]

                          Comment


                          • #14
                            استحالة يكون حسني مبارك (وده مش تقليل من شأنه) بس لسبب بسيط جداً....
                            قائد القوات الجوية حايركب طيارة ويحارب بنفسه؟؟؟؟ طبعاً مستحيل
                            وفي نفس الوقت جميع نجاحات القوات الجوية بما فيها الضربة الجوية الأولى لابد وأن تنسب الى قائد القوات الجوية
                            بالمناسبة الجوكر في حرب اكتوبر كان سلاح المهندسين الي قدر يصمم مدافع المياه الي حطمت خط بارليف/الساتر الترابي وصممت الكباري سابقة التجهيز الي الدبابات عدت من عليها علشان تعبر القناة

                            Comment


                            • #15
                              احنا شعب مخترق فى ذاته و الله العظيم ازمه هويه واضحه و ملهاش مثيل :) روح امريكا كده و قول مش جورج واشنطن هو الى اسس امريكا او انه باع الحرب للانجليز هياكلوك هناك اكل حتى لو جبت كلام من مذكراته شخصيا :)

                              السادات شكر القوات الجويه فى الخطاب الشهير بعد الحرب "خطاب الست ساعات" و ياريت تروح تشوفه كامل على اليوتويب

                              ثانيا انا بثق فى ابويا الله يرحمه و ابويا الله يرحمه قالى انه مبارك شارك تخطيطا و تنفيذا فى الحرب و خاطر بنفسه كقائد قوات جويه لو اتاسر هتبقى محاكمه علنيه و هيتبهدل

                              نيجى بقى للحقيقه مبارك كان عسكرى كويس رئيس كان عادى جدا اول 10 15 سنه و بعدين بقى زباله شكلا و موضوعا فى كل شىء تفكير صحه اداره سياسه

                              مبارك الرئس ابن ستين ........ مبارك العسكرى كان محترم و يستحق كل الاحترام لدوره فى الحرب

                              و ياريت تفهم يعنى ايه هويه هويه يعنى ثوابت فى فى وطنيتك و ثوابت وطنيتى متخلينش اصدق ان قائد القوات الجويه ايام مبارك وافق انه يتم اختزال ادوار محاربين غيره

                              و ياريت محدش يذكر الفريق الشاذلى لان حوار الفريق الشاذلى ده الى هيقراه من الناحيتين هيحتار يصدق مين غير ان عندنا غريزه عدم تصديق السلطه و بس و انا من اشد المعجبين بيه و قريت كتابه زمان فى التسيعينات لانه كان عند ابويا من زمان جدا و كنت دايما بناقشه فى ان الى بيقوله ده صح و كان بيحاول يفهمنى انه مش لازم يكون صح 100%

                              Comment

                              Working...
                              X