هل الخبر دة حقيقى عن الضربة الجوية الاولى لحرب اكتوبر !!!! خبر غريب جدا

[wawamoha]

كل فتره نسمع حاجه عن ابطال الحرب الحقيقه زى ما حصل بعد استشهاد الرئيس الراحل محمد انور السادات و بعض القاده كتبوا مذكرات و حاول كل واحد منهم ينسب لنفسه الفضل فالأنتصار و طبعا تم أخفاء بعض الأخفاقات اللى حصلت و اللى كان ممكن تأثر على نتيجه الحرب
كلام كتير اتقال على الرئيس السابق محمد حسنى مبارك قائد القوات الجويه وقت الحرب انه مش صاحب الضربه الجويه و كلام تانى اتقال عيب و لا يجوز ذكره اصلا الهدف منه التقليل منه و تقليل و تهميش دوره فالحرب و فتجهيز القوات الجويه و تدريب الطياريين
بس عايز اقول لحضرتك انى سمعت بنفسى من طياريين عظماء شاركوا فالحرب و نسبوا الفضل كله لله اولا و اخيرا ثم لمحمد حسنى مبارك و الناس دى مش بتقول كده رياء او نفاق بس دى شهاده منهم و انا واثق فكلامهم جدا

انا زيك بالظبط بحب ادي لكل واحد حقه وممكن عل الرغم من كرهي لحسني مبارك كرئيس فاشل- الا اني ممكن اعددلك مميزاته من باب احقاق الحق من منظوري شخصيا ..
لكن كل ده مش مبرر اانا ناكل حق حد تاني بمعنى ان حسني مبارك:
١ نجح -بشده- ف تخريج دفعات دات كفاءة من الطيارين في زمن قياسي لما كان قائد الكليه الجويه
٢ نجح بشده ايضا- ف تدريب الطيارين عل اسلوب طيارين جديد يجمع مابين التدريب الروسي - التقليدي- والتدريب الغربي واصبح الطيار المصري مميز في طيرانه وصدرت منه مفاجءات مذهله في الحرب مع العدو

٣ هو اللي وضع خطه الضربه الجويه وتحديد الاهداف والمطارات........الخ


لكن يظل اللواء عبد المنعم هو قائد الضربه الجويه الولى وهو اللي نفذ الخطه
كمان حسني شال صوره الفريق الشاذلي وحط صورته جنب الكبار - وافق انه يطمس اسم زميل تاني
تحيه لكل شهدائنا في كل الاسلحه في هذا اليوم العظيم
واخص بالذكر الطيار عاطف السادات شقيق الرئيس اللي كان ممكن يفخد في البيت لو كان في زماننا دلوقتي
تحيه اكبر للنماذج العسكريه المشرفه
الفريق سعد الدين الشاذلي
المشير الجمسي
ايقونه العسكريه المصريه في نظري

[wawamoha]

عل فكره الخطه والتنفيذ وجهين لعمله واحده
وانا ممكن احط خطه المنفذ مايقدرش عليها
يبقى مالهاش لازمه

[cameeron]

هو بس السؤال ليه اللى تعب نفسه قوى كده السنة دى بالذات بعد مرور تلات سنين من الثورة و جاب جرايد و صور و برامج اذاعية علشان يثبت ده بصرف النظر عن كون مبارط صاحب الخطة او الضربة الالحقيقة ليه دلوقتى و السنة دى بالذات هل علشان مبارك هياخد براءة بعد شهرين و الدنيا تهيج تانى؟

[SeiffoZ]

هو خبر صحيح
هقولك الحوار باختصار لانى قريته زمان لما كنت عايز افهم ايه اللى حصل بالظبط فى الحرب دى
الصهاينه ليهم تكتيك معروف من 67 و هو الكمائن الجويه يطير قريب منك و يهرب تقوم انت طالع وراه تطارده يديك طعم طيارتين مثلا على ارتفاع منخفض تقوم انت تحاول تخش دوج فايت معاهم يكون فيه 4 طيارات على التيتيود مرتفع انت مش شايفهم
تيجى تخش على الاتنين ييجو الاربعه من وراك بيسموها سيكس اوكلوك او عقارب الساعه 6 فى اشاره لموضعهم بالنسبه لك و يدمروك , الرتبه اللى اسمه محمود شاكر عبد المنعم (لمؤخذه اصل الرتب العسكريه و اى حوار فيه سلطه بقى بيعيينى )
هو كان فاهم الحوار ده كويس و عرف الظباط اللى تحتيه يتعاملو معاه ازاى و كان واحد منهم حسنى مبارك و فى الدوج فايت اللى حصل فوق مطار شاوه هو كان له تعليمات صارمه ازاى نتعامل مع التفوق الواضح لطيران الصهاينه هما كان معاهم اف 4 فانتوم حاجه كده عامله زى طائر الرخ بالنسبه للميج 21 الروسى اللى كانت معانا

بالنسبه بقى للتطبيل اللى حصل لسى مبارك فده شىء طبيعى ................................................... .............
فيه مقوله مشهوره لقائد سرب مصرى فى حرب 73 قال :
ايام السادات كان اللى سائد فى مصر كلمة حرب العبور العظيم , و علشان مسك بعديه ظابط جوى بقت حرب الضربه الجويه , و لو مسك بعديه ظابط شرطه عسكريه هتلاقيهم بيقولو الشرطه العسكريه هى صاحبة الفضل الاول بسبب انضباطها و هكذا


انذار ووقف اسبوع لمخالفة القاعدة 12
1:05am 7/10/2014
م.ع.4

حسني مبارك كان طيار قاذفة قنابل اسمها تو-16 مكانش طيار مقاتلة. فهو مش بيدخل دوج فايت من اساسه

[SeiffoZ]

سواء شئنا ام ابينا ...

مبارك سنة 1973 كان قائد للقوات الجوية.

كفاية فتى وهرى يرحمكم الله

[mramzy]

اللى اعرفه ودرسته هو ان كانوا 10 فى اول طلعه جويه
منهم
اللواء محمد سعد الدين الجوهرى
عاطف السادات
وغيرهم بس دول الاسامى اللى فاكرهم كويس لان ليها ذكريات معايا وخصوصا اللواء محمد سعد الدين الجوهرى رحمه الله حيا او ميتا

[الفجر]

اللى اعرفه ودرسته هو ان كانوا 10 فى اول طلعه جويه
منهم
اللواء محمد سعد الدين الجوهرى
عاطف السادات
وغيرهم بس دول الاسامى اللى فاكرهم كويس لان ليها ذكريات معايا وخصوصا اللواء محمد سعد الدين الجوهرى رحمه الله حيا او ميتا

ليهم ذكريات معاك؟؟

هو انت كنت بنقعد معاهم؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

[mramzy]

ليهم ذكريات معاك؟؟

هو انت كنت بنقعد معاهم؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

تشرفت بالجلوس والخدمه مع اللواء الجوهرى سنه 89 فى القوات الجويه وحكى لنا وعرفت منه وكان فى مكتبى صور القاده
والساده الطياريين

[qkash.com]

يا جدعان تاريخ مصر اللي درسناه كله مزور

قائد الضربة الجوية هو الزعيم البطل محمد مرسي العياط
وصاحب فكرة مضخات المياة وهو صاحب تمويل شراء المضخات هو البطل خيرت الشاطر
اما بقي اللي زار الكنيست وقابل جولدا مائير و موشيه ديان كان البطل الهمام امير الدهاء المرشد بديع اطال الله في عمره

هو ده التاريخ الحقيقي لحرب اكتوبر "سجل يا تاريخ سجل يا تاريخ سجل يا تاريخخخخخخخخخخخخخخخخخخخخ

المصريين بيشككوا في تاريخهم اتباعاً للمشككين الخونة في الداخل ومن ورائهم الصهاينة في الخارج

انهم يلعبون بعقول المغيبين وللأسف ما أكثر الخونة و المغيبين في هذا الوطن

[almohaor]

الحرامى والانتهازى يفضل طول عمره حرامى
عشان كده احاط نفسه بكل اللصوص والمطبليتية
والاعلام المصرى الكاذب بيتصرف على طريقة اللى يتجوز امى ااقوله ياعمى
طبل وزمر وصنع بطولة وهمية على حساب الشرفاء
من قادة الجيش المصرى لحساب الانتهازى مبارك
صاحب الضربة الجوية البطل الحقيقى مات
وعشان كده استغل الفرصة ونسب هذا الشرف له
مصر بلد العجائب والاكاذيب

[الفجر]

تشرفت بالجلوس والخدمه مع اللواء الجوهرى سنه 89 فى القوات الجويه وحكى لنا وعرفت منه وكان فى مكتبى صور القاده
والساده الطياريين

ما شاء اللة عليك

ياريت تحكى لينا على هؤلاء الابطال و اية الحكايات اللى حكوها ليك بتفاصيل ان امكن