إعـــــــلان

**MoToRiZeR** · 26-10-2008, 06:15 PM

بصراحة انا بحس الفرح اللي يتكلف 100 ألف و 150 ألف لا يفيد في أي شئ غير المنظرة فقط .. أصل هي يعني الفرحة مش هتيجي غير في الإنتركونتينتال و حماقي بيغني ؟! يعني الفلوس دي هما أولي بيهم يسافروا بيهم و يعيشوا حياتهم و يتبسطوا أحسن ما يدفعوهم في حماقي و تامر حسني .

**Hassan Khalil** · 26-10-2008, 06:24 PM

المشاركة الأصلية كتبت بواسطة Miss_Pharma مشاهدة المشاركة

طبعا البنت روحت بيتها مضايقة جداا والدنيا سودة ..
..

لازم .ما هو اصل مفيش حاجة من اللي حضرتك قولتي عليهم ممكن تخلي الدنيا بيضاء او سماوي او حتي بيج ..
----
طبعا مع تقديري التام و ايماني الكامل بأن كل انسان يصرف علي فرحه زي ما هو عايز (_ما دام في قدر الاستطاعة و بعيدا عن مظاهر الترف و البذخ )
..لكن فعلا الارقام اللي حضرتك بتقولي عليها دي صعبة جدا .. جدا ..
و بعدين حماقي مين اللي عايز ياخد 35000 جنيه .. دا انا ابقي حماقي و ستين حماقي كمان لو خليته يهوب للفرح .. و اقعد اغني انا و العروسة لغاية ما نطفش المعازيم .. و كده يبقي وفرنا فلوس كمان .
**
و علي قدر التيسير و التبسيط في امر الزواج .. علي قدر التيسير و التسهيل في اتمامه ...

و ربنا ييسر الزواج للجميـــــــــــع :)

**hanystar** · 26-10-2008, 06:25 PM

المشاركة الأصلية كتبت بواسطة MoToRiZeR مشاهدة المشاركة

بصراحة انا بحس الفرح اللي يتكلف 100 ألف و 150 ألف لا يفيد في أي شئ غير المنظرة فقط .. أصل هي يعني الفرحة مش هتيجي غير في الإنتركونتينتال و حماقي بيغني ؟! يعني الفلوس دي هما أولي بيهم يسافروا بيهم و يعيشوا حياتهم و يتبسطوا أحسن ما يدفعوهم في حماقي و تامر حسني .

كلامك صح 100%
هم أولى بالفلوس دى يبدأوا بيها حياتهم
خصوصا بعد مصاريف الزواج المرهقة

**iunknown** · 26-10-2008, 07:21 PM

يعني ادفع 40 الف جنيه عشان ناس تيجي ترقص وتاكل وتعيب في الفرح والعروسة والعريس ويروحوا ..

ابن عمتي و مراته (كانت خطيبته وقتها) فكروا بطريقة عملية جدا

كتب كتاب في الجامع
زفة بسيطة وفستان فرح

وبتكاليف الفرح أو نقول جزء منها راح قضى شهر العسل في تركيا

**Dr.A.Nabil** · 26-10-2008, 07:39 PM

ماتفكرونيششش

انا مش طايق نفسي اصلا

تكاليف الجواز والتشطيب والشبكه والعفش

اتخرب بيتي

.......................

المشكله في المنظره

**elassar2010** · 26-10-2008, 07:42 PM

المشاركة الأصلية كتبت بواسطة iunknown مشاهدة المشاركة

وقتها) فكروا بطريقة عملية جدا

زفة بسيطة وفستان فرح وبتكاليف الفرح أو نقول جزء منها راح قضى شهر العسل في تركيا

او فى شرم الشيخ انا ابن عمى عمل كدة والتانى راح ماليزية لانة حرام ادفع خمسين الف وانا هستفيد اية ؟؟ولا حاجة
اعمل شهر عسل مع مراتى احسن من النظرة لانى مهما عملت ومهما جبت علشان الفرح برضة الناس هتتكلم وتقول اصل معرفش اية المفروض كان يبقى كدة ودى كانت تبقى كدة
راحة دماغى احسن لان الفرح هيتنسى هيتنسى من المعزيم يبقى اعمل لنفسى ومراتى بسسسسسسسسسسسس:k1:

**fahd_628** · 26-10-2008, 07:43 PM

المشاركة الأصلية كتبت بواسطة iunknown مشاهدة المشاركة

ابن عمتي و مراته (كانت خطيبته وقتها) فكروا بطريقة عملية جدا

كتب كتاب في الجامع
زفة بسيطة وفستان فرح

وبتكاليف الفرح أو نقول جزء منها راح قضى شهر العسل في تركيا

انا ان شاء الله لما اجى اتجوز ناوى اعمل كدة

لأن بصراحة حرااااااااااام انى ادفع مثلا 100 - 150 الف فى ليلة !

انا اروح اقضى بيهم اسبوعين و كمان مش اى اسبوعين يعنى :)

**Miss_Pharma** · 26-10-2008, 08:37 PM

طبعا الكل متفق على ان ده حرام ومينفعش ..
لكن اللي بيحصل ان الفرح بيتعمل وبالاسعار دي .. لا مفر ..
عشان زي ما دكتور احمد قال المشكلة في المنظرة ..
الحقيقة ان مينفعش اتجوز منغير فرح ..
شر لابد منه ...
الفكرة بقى في ان الواحد يحاول قد ميقدر يستغنى عن الحاجات اللي ملهاش لازمة عشان يقلل التكاليف قدر المستطاع ..

**human** · 26-10-2008, 09:47 PM

انا برده اتجوزت من غير فرح عشان الفيلوس كانت خلصت بخ و الشقه كانت جاهزه و والدى ماكانش عايز يساعد

و اهو الحمدلله اتجوزت و خلفت و موش باين عليا انى اتجوزت من غير فرح :)

كان فيه اتنين صحابى اتجوزو بفرح داخل فى السبعين و هو مرتبه 700 جنيه بس باباه كان عايز يفرح بيه و ابو العروسه
طبعا كان كل شهر عايش عاله على باباه و حماه
اللى مش قادر افهمه ليه ماتدهوش الفيلوس يعمل مشروع و لا حاجه اكيد هو محتاجها اكتر من الفرح

**michohat** · 26-10-2008, 09:57 PM

يعنى الواحد يدفع متوسط 35 الف جنيه علشان أبدأ حياتى الزوجيه بمعصيه طب ما اوفرهم و نقضى شهر عسل كويس وبعد كده ممكن انا وهيا نطلع عمرة

**aif** · 26-10-2008, 10:12 PM

يا دكتورة ..... بلا حماقي بلا مريديان بلا حرس الحدود
اكتبو الكتاب في قاعة مسجد .... النور .... رشدان .... الشرطة ...
عشان الناس تيجي تبارك وتهني ....
وبعدين 40 او 50 واحد من اقرب الاقرباء ..... عشاء في مركب من اللي في النيل .... بعدد النجوم اللي نختاروها 3 نجوم 10 نجوم ...علي قد امكانياتكم .... المهم بلاش المصاريف الرهيبة دي علي كلام فاضي ....
اهم حاجة انك وعريسك تكونو مبسوطين .... ممكن تسافرو بالفلوس دي اي مكان انتو عاوزينه .... ممكن تجيبو بيه عربية جديدة ..... ممكن تحجو بيه وتبقو اديتم الفريضة ..
وعلي فكرة ما حدش من المعازيم بيطلع يشكر في الفرح .... حتي لو جبتيلهم حماقي ....برده ح يبقو محموقين .....

**medo_2060** · 26-10-2008, 11:14 PM

حضرتك برده انت كاتب الاسعار دى فى انتركونتيننتال والميريديان وهتجيب مغنى والحاجات دى لازم الفرح يتكلف كدا طبعا والاسعار دى للناس اللى المبلغ دا ما يفرقش معاهم وانا اؤيد فرح عادى وبالفلوس تطلع شهر عسل او تعمل بيهم مشروع ومتقولش المنظره والناس تقول ايه لان الناس دى بعد الفرح ما يخلص مش هتشوف وشهم ولا هيساعدوك في مصاريف وغيره

**ecybrarian** · 26-10-2008, 11:22 PM

ا بقى كان معي فلوس اعمل فرح بس ماعملتش...ربنا يكمل زوجتي بعقلها..واتفسحنا بالفلوس..والله المستعان

Comment

إعـــــــلان

.

تكاليف الفرح .. نار نااااار

تكاليف الفرح .. نار نااااار

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment